المرور والدوريات .. ارجوكم حلوا مشكلتنا.

[رذاذ]

بداية سلام عليكم ورحمه الله وبركاته .

والله والله الواحد يروح الدوام ويطلع ساعة 2:30 تعب منهك من تركيز وعمل وجائع ينتظر الغذا ويروح سيارته يحصل الملصق الاصفر وتصير حالته النفسية كئيبة وتنسد نفسة عن الاكل وخاصة ان المنطقة الى احنا فيها منطقة ابراج ومزدحمة وعدد الموظفين والزوار الخارجين اكثر من عدد المواقف المخصصة . يضطر الى الوقوف فوق الرصيف دون اعاقة المشاة او الحاق ضرر بالرصيف .

حل المشكله ليس بالمخالفات حلها بالتخطيط ... التنسيق مع الجهات المختصة بأشغال ورفع كتب لهم عن احصائية المخالفات في منطقة الابراج (( وزارة التربية والتعليم - اشغال - اللجنة الألمبية - شركة الاتصالات القطرية قطر كول )) (( حل ببناء طوابق لمواقف سيارات ))
تفضل الصورة .

http://www.qatarshares.com/vb/attachment.php?attachmentid=80194&stc=1&d=1337672627

http://www.qatarshares.com/vb/attachment.php?attachmentid=80195&stc=1&d=1337672745

http://www.qatarshares.com/vb/attachment.php?attachmentid=80196&stc=1&d=1337672745

عن نفسي تخالفت 3 مرات .. وبعدها لا حول ولا قوة .
وقت المخالفات ساعة 10 صباحا .. وقت تكدس الزوار والموظفين والعاملين .

فرحت بالقانون وتصريح مدير ادارة المرور الخرجي باسبوع المرور ونشره بالجرائد(( لا مخالفات منطقة الابراج)) وللاسف لليوم انتخالف بتقولي صف عدل بقولك ما في مواااقف ومضطر .

رحت اشل المخالفة بالمرور رحت لشخص وقعدت اشرح له واشرح واشرح دق رقم السيارة تاير واحد فوق الرصيف قالي انت مخالفه اتخرب الانترلوك وين اصف وين اروح ..

[هدهد سليمان]

ومنا الى الخرجي شوفولنا حل اما مخالفات وانتم تعلمون انه لا يوجد مواقف فتلك طامه كبرى وين جاجاسم ما اشوفه .. شكله هو الي موصي يخالفونكم :)

[رذاذ]

ياليت يكون في حل للموضوع .. والحلول كثيره مواقف ذات طوابق مثل البريد مثل قطر بترول

[الخفي]

المنطق يقول وفر لي مواقف وعقب حاسبني

اما تبني لي برج بدون مواقف وتجمع وزارات في مكان واحد

وبدون مواقف وتجي تخالفني

عطني وحاسبني لاتحرمني وتخالفني

[faisalqatar]

ياخي لا اتصير اناني !!!

اذا سوو مواقف و حلوا ازمة المواقف من وين المرور بيدخلون فلوس؟
عقب يحليلهم شلون يشترون رادارات و يشترون دوريات :"(

جمعية الميرة مب المرور

الهدف واضح و صريح الهدف مادي 100%

وللاسف يطلع لك الخرجي و يقول لا احنا هدفنا مب مادي

لو مب مادي ما خشيتوا الرادارات و وسويتوا فلم

لو مب مادي ما رحتوا منطقة الابراج يوميا في عز الزحمة عشان اتخالفون

يالله شنسوي بعد

[دااانة قطر]

لاتذكروني بايااام الحوسه سااعه ادور موقف في منطفة الابرااج
وسااعه عند وزاارة الاسكاان
ولين اصف احاتي المخاالفه


مدري نلااقيها من كيوتل ولا المرور ولا حمااية المستهلك

[Um Yousif]

المنطق يقول وفر لي مواقف وعقب حاسبني

اما تبني لي برج بدون مواقف وتجمع وزارات في مكان واحد

وبدون مواقف وتجي تخالفني

عطني وحاسبني لاتحرمني وتخالفني

جد والله عالعوق متى بيرحمونا والمشكله المخالفه عليها 3 نقاط:secret:

شنسوي يعني وين نصف سياييرنا عشان ندخل الدوام:anger1:

ويقولون صفوا في الارض اللي عند البريد يعني انا بعبايتي وحالة مع الهواء والشمس اشقح الشوارع لين اوصل البرج:anger1::anger1::anger1:

[دااانة قطر]

ياخي لا اتصير اناني !!!

اذا سوو مواقف و حلوا ازمة المواقف من وين المرور بيدخلون فلوس؟
عقب يحليلهم شلون يشترون رادارات و يشترون دوريات :"(

جمعية الميرة مب المرور

الهدف واضح و صريح الهدف مادي 100%

وللاسف يطلع لك الخرجي و يقول لا احنا هدفنا مب مادي

لو مب مادي ما خشيتوا الرادارات و وسويتوا فلم

لو مب مادي ما رحتوا منطقة الابراج يوميا في عز الزحمة عشان اتخالفون

يالله شنسوي بعد



الله المستعاان

[دااانة قطر]

جد والله عالعوق متى بيرحمونا والمشكله المخالفه عليها 3 نقاط:secret:

شنسوي يعني وين نصف سياييرنا عشان ندخل الدوام:anger1:

ويقولون صفوا في الارض اللي عند البريد يعني انا بعبايتي وحالة مع الهواء والشمس اشقح الشوارع لين اوصل البرج:anger1::anger1::anger1:



من البريد للابرااج احلفي عااد:eek5::eek5::eek5:

[الخفي]

^^^^^^^^^^^^^^^^^^^^^^^^^^^^^^^^^^^^^^^^

اتوقع انها تقصد من البريد لبرج برزان والله اعلم

[LiL iNVe$ToR]

ياخي لا اتصير اناني !!!

اذا سوو مواقف و حلوا ازمة المواقف من وين المرور بيدخلون فلوس؟
عقب يحليلهم شلون يشترون رادارات و يشترون دوريات :"(

جمعية الميرة مب المرور

الهدف واضح و صريح الهدف مادي 100%

وللاسف يطلع لك الخرجي و يقول لا احنا هدفنا مب مادي

لو مب مادي ما خشيتوا الرادارات و وسويتوا فلم

لو مب مادي ما رحتوا منطقة الابراج يوميا في عز الزحمة عشان اتخالفون

يالله شنسوي بعد


شلون الهدف مادي ؟ وانت تتكلم عن اغنى دوله فالعالم ؟ دخلها من مخالفات المواطنين مثلاً ؟

وبخصوص الرادارات ..اذا انت ملتزم بالسرعه المحدده ..ليش بتخاف من الرادارات المخشوشه ؟ ان شاء الله يحطون 100 رادار بالشارع.

نرجع لمحور الموضوع .. الشرطي اللي يخالف السيارات اللي عالرصيف ..بشكل بسيط يسوي شغله ويطبق اللي عليه ..يهمه هالشخص ليش واقف فوق رصيف من الاساس ؟ لا مايهمه.

فا اذا تبي تفكر تحل المشكله بشكل مؤقت..خل جهة العمل يكتبون كتاب للديوان يبينون فيه ازمة المواقف عشان يعطونهم "تصريح" وقوف على الرصيف من المرور لمنطقه معينه فقط.

[تحداني]

انا ما اعرف المرور لما يخالفون بني ادم صاف سيارته على الرصيف في منطقه الدفنه - والابراج " شيحس فيه "
اعتقد يحس نفسه مع احترامي الشديد له " ان في عقله شي " او يعاني من شي
الحين ابذمتك الناس لقوا موقف وما صفوا فيه



منطقه مزدحمه جدا .. مافيها مواقف .. مكتضه ..
وفوق هاذي عليها مخالفه


الله يكون في عونكم


جملك الله برضاه

[دااانة قطر]

^^^^^^^^^^^^^^^^^^^^^^^^^^^^^^^^^^^^^^^^

اتوقع انها تقصد من البريد لبرج برزان والله اعلم




بعد مساافه
الله المستعاان

[رذاذ]

فا اذا تبي تفكر تحل المشكله بشكل مؤقت..خل جهة العمل يكتبون كتاب للديوان يبينون فيه ازمة المواقف عشان يعطونهم "تصريح" وقوف على الرصيف من المرور لمنطقه معينه فقط.



ليش ما يكون في المرور جهة فنية تختص بالاحصاءات والحلول .
لوبخاطب جهة العمل المدير ورساء الاقسام لهم موقف خاص ببطاقة تحت المبنى

والمخالف موظف عادي ما عنده حتى موقف باسمه او موقفه المخصص للموظفين فل فل .

[Um Yousif]

^^^^^^^^^^^^^^^^^^^^^^^^^^^^^^^^^^^^^^^^

اتوقع انها تقصد من البريد لبرج برزان والله اعلم

اقصد ابراج النصر اخوي وبعد تعتبر مسافة صحيح جهة عملي موفرة لنا باصات تنقلنا من المواقف <<<< اقصد البراحة اللي قدام البريد بس بعد اتاخر على شغلي وانا واقفة وتصلخني الشمس لين يجيني الباص:(

[faisalqatar]

شلون الهدف مادي ؟ وانت تتكلم عن اغنى دوله فالعالم ؟ دخلها من مخالفات المواطنين مثلاً ؟

وبخصوص الرادارات ..اذا انت ملتزم بالسرعه المحدده ..ليش بتخاف من الرادارات المخشوشه ؟ ان شاء الله يحطون 100 رادار بالشارع.

نرجع لمحور الموضوع .. الشرطي اللي يخالف السيارات اللي عالرصيف ..بشكل بسيط يسوي شغله ويطبق اللي عليه ..يهمه هالشخص ليش واقف فوق رصيف من الاساس ؟ لا مايهمه.

فا اذا تبي تفكر تحل المشكله بشكل مؤقت..خل جهة العمل يكتبون كتاب للديوان يبينون فيه ازمة المواقف عشان يعطونهم "تصريح" وقوف على الرصيف من المرور لمنطقه معينه فقط.


شاكر لك اخوي مشاركتك

بس ما لاحظت انك الوحيد اللي تفلسف و خالفنا الراي؟
بتحسسني انك تمشي 80؟

و ثاني شي انا ماقلت المخالفات اهي مصدر دخل الدولة فـ شوي بقق عينك و اقرا عدل

وثالثا ياحبيبي و يا بعد قلبي لما ايونك ناس من المرور يوقفون لك ثالث سيارات و ينزلون كوكش شباب كأنهم يسولفون او كأنها هوشة و يمثلون وحاطين رادار قدام السيارة و مسوين فلم دراما بس عشان يصيدون الناس هاي شيسمونه؟

اتمنى يا عزيزي انك ما اتدافع عنهم لان كل الناس مأيدين كلامي الا انت مادري شموضوعك الا اذا كنت واحد من الحلوين اللي يبون يترقون على حسابنا

وشاكر لك ردك في كل الحالات

[فلور]

والله امس المرور يتصيدون حق الناس عند مكتبت جرير بصدفه كنت رايحه وداخله من المكتبه والله ماشفت الوحه مكتوب عليها خروج شفت الناس تدخل وخلت وياريت مادخلت طلع بويهي قالي صفي جنب وعطيني اليسن -- الصراحه قهرني قلت له والله ماادري ممنوع شفت العام تدخل ودخلت قال كل إلي دخلو خالفتهم حاولت بس للاسف صج كان رزيل اخرتها قالي روحي مرور مدينة خليفه يلقونها لج
والله من الحرررر قتله ماراح انزل نفسي علشان مخالفه ----
خلهم يروحون يخالفون التجاوزات إلي لا تعد ----- مب قاعدين في قطعة ارض ماتعدا 200 متر

[LiL iNVe$ToR]

شاكر لك اخوي مشاركتك

بس ما لاحظت انك الوحيد اللي تفلسف و خالفنا الراي؟
بتحسسني انك تمشي 80؟

لو انا بس رديت وماوافقت معاك الراي مب معناتها خلاص محد مأيدني .. وبعدين امشي 80 و 120 ..وساعات 260 ..ايش علاقة كم امشي فالموضوع ؟

و ثاني شي انا ماقلت المخالفات اهي مصدر دخل الدولة فـ شوي بقق عينك و اقرا عدل

وثالثا ياحبيبي و يا بعد قلبي لما ايونك ناس من المرور يوقفون لك ثالث سيارات و ينزلون كوكش شباب كأنهم يسولفون او كأنها هوشة و يمثلون وحاطين رادار قدام السيارة و مسوين فلم دراما بس عشان يصيدون الناس هاي شيسمونه؟

يسمونه تطبيق قانون ومخالفة اي حد مخالف ..مب هذا هو المقصد اللي هو مخالفة المخالفين ؟ ولا تقصد عادي يخالفون ويعرضون حياة غيرهم للخطر من غير حد يحاسبهم ؟

اتمنى يا عزيزي انك ما اتدافع عنهم لان كل الناس مأيدين كلامي الا انت مادري شموضوعك الا اذا كنت واحد من الحلوين اللي يبون يترقون على حسابنا

مادافع عن حد ..انا مع القانون ..شكلك تبي الدنيا فوضى.

وشاكر لك ردك في كل الحالات

العفو :)

[faisalqatar]

زين بما انك خايف على سلامة الناس وماتبي اتعرضهم للخطر ليش تمشي 120 و 260؟

ثاني شي تطبيق القانون يكون بشكل واضح مب لف و دوران و تمثيلية و ينخشون لي ورى الليتات !!!

ثالث شي شفت الصور اللي حطهم راعي الموضوع؟ كلهم صافين فوق الرصيف بطريقة غير معرقله للسير ولا انها تعرض حد ييخطر الا اذا واحد بينسدح عند الرصيف وبيدوسونه واهم نازلين عاد هاي شي ثاني

اخوي المقصد كله ليش هاللف والدوران ؟ ليش التصيد بدال التوعية؟
ليش يقولون للعساكر خلصوا دفاتر المخالفات و بنعطيكم ايام في رصيدكم ؟

كل هاي والمقصد مب الربح؟

لين صرت مكان رعي الموضوع وخالفوك يوميا بتعرف انهم فعلا يستهبلون

وتراني للعلم ما اخالف ولا اصف على الرصيف ولا اسرع والحمدلله دايما ملتزم عشان ما اتقول عني مستهتر او اني من الشباب المقلوعين والصية

و شكرا على ردك

[عنزي قطر]

صوتك وصل

[عزووز قطر]

اخوي انا حاس بمعاناتك وتخالفت مرتين في منطقة الابراج
بس انحلت المشكلة بشكل كبير يوم افتحوا برج متعدد الطوابق ( تقريبا 8 طوابق ) ومكان البرج عند هيئة التخطيط....

وللأمانة انا مع المخالفات لان في ناس يوقفون بطريقة يعطلون فيها السير وغير تشويه المنظر الحضاري للمنطقة ...

[محاسب]

بعد ما تم تأجير الأبراج
صارت قصة ابراج الدوحه الي من غير مواقف....ومخالفات المرور......
ك قصة مسمار جحا.
والمرور هو بطل القصه داش وطالع علينا ,,,,
أخوي الخرجي ونعّم فيك ,,,ومن معك من المسئولين,,,,,,,,,,, قدمو لنا حل وأنتو مشكورين
مؤقت إلى أن تصل الجهه المسئوله إلى حل جذري ...
الأمر واضح وفيه ظلم ..

[مو مهم]

اول شي انتم يا اهل الابراج خلصوا معاملات الناس وبعدها تشكوو ع المرور
من وزاره التخطيط الى البلديه الى كهرماء اقل معامله تاخذ ٦ شهور

وقاعدين تتكلموون عن افضل وزاره في قطر

[mariamaziz]

يعني انا مب فاهمة وين يبون الناس توقف سياراتهم اذا ما في مواقف ...

فالحين يخالفون العالم ...

ترى الأسلوب و التعامل مب جي ... كفاايه استفزاز للعالم .. حلوا المشاكل الجذرية عقب بالأول مب تخالفون ناس مالها ذنب ...

و ترى ساعات في أبراج يكون فيها اجتماعات مثل برج المجلس الأعلى للتعليم و يجون ناس من كل مكان عشان يحضرون الاجتماع و لا يحصلون مكان يحركون فيه السيارة حتى و يفقون اخر الدنياا ..

الله يعين و الشكوى لله ..

بس من رايي الأفضل يحطون ملصق تحذير اة انذار للسائق عشان ما يعيد هالحركة مو يصكونه مخالفه على طول ..

الله وكيلكم كلن يبي يبلع فلوس منا ...

[ابوالكلام]

عندنا البلد ماشية بالبركة كلن لاهي في تجارته

[الحال مايساعد]

لاحول ولا قوة إلا بالله
بالدرجة الأولى ألوم الشركات إللي ماتوفر لموظفيها والمراجعين باركنات ، يعني بالله عليكم كم تكلفة إيجار ولا بناء برج من هالأبراج!! وكل برج يحتوي على عدد معين من الباركنات يعني كل مدير إدارة ولا مسؤول لو لم يتم تخصيص موقف خاص له راح يحس بالمعاناه وراح يحاول إيجاد حل جذري للمشكلة.
أما بالنسبة لرجال الأمن ولا المرور أشوفهم يطبقون التعليمات

الله المستعان

[راشد محمد]

جد والله عالعوق متى بيرحمونا والمشكله المخالفه عليها 3 نقاط:secret:

شنسوي يعني وين نصف سياييرنا عشان ندخل الدوام:anger1:

ويقولون صفوا في الارض اللي عند البريد يعني انا بعبايتي وحالة مع الهواء والشمس اشقح الشوارع لين اوصل البرج:anger1::anger1::anger1:

:mad::nono:

[abdo222]

قعدت احوس في المنطقه حوالي 45 دقيقه عشان احصل موقف,, مره ثانيه مستحيل ااخر عمري 45 دقيقه, الا اقرب رصيف والله كريم,,