سؤال للمصورين البروفشنال + خبراء برامج ماك

[بـن عدوان]

السلام عليكم ورحمة الله وبركاته ..

أسعد الله اوقاتكم بكل خير ...

الله يسلمكم انا عندي كاميرا Nikon D90

والعدسة الأساسية مالت الشركة ...

بغيت اسأل الخبراء ايش الاشياء والعدسات اللي لازم اقتنيها ..

اعرف اسمائهم بس ما اعرفهم ارقامهم او احسن الانواع

انا تصويري بيكون للمناظر ،، والاشخاص ،، السيارات .. الخ

ابي اعرف اذا بشتري الفلاش الاضافي ايش فايدته ؟

ساعات احس الفلاش يخرب الصورة !!


بالنسبة لسؤالي بخصوص الماك

تشوفون برامج التعديل على الصور على الماك احسن واكثر ؟

وهل هي مجانية ولا ؟

برامج الويندوز كثيرة ومنها مكركة وتكون ببلاش

ارجو الافادة وشكرا لكم

[بصمة قطرية]

كاميرا قوية جداً ..:victory:
ان شاء الله اصحاب الخبرة يفيدونك
و يجاوبون على تساؤلاتك ..

[كان فيه وخلص]

اخوي الفاضل الكاميرا اللي عندك ماشاء الله عليها
انا لست محترف لكن ممكن انصحك بعدة اشياء
اولا الحامل اشتري حامل قوي وفيه خاصية انك تجعل الكاميرا بشكل عمودي
ثانيا للتصوير الدعائي او الحياة الصامته اشتري او اصنع شي اسمه السوفت بوكس
ثالثا اشتري او اصنع اضائه الخاصة بتصوير البوتريه او تصوير الاشخاص وصناعتها سهله وطريقتها اليوتيوب
فيها طرق كثيره تعليمية
رابعا اليوتيوب يعج بالاشياء الخاصو بالتصوير والدورات الرائعة سواء من العرب او الاجانب
منها انت سوف تحدد احتياجتك من خلال الاشياء التي ارتحت لها
خامسا اصنع انت فرص التصوير ولا تنتظرها تأتي اليك
سادسا لا تشتري فلاشات زيادة حتى تتأكد انك فعلا بحاجة إليها وكما اخبرتك ان تصنع الاضاءة بنفسك سوف تجد انك قد لا تحتاج الى فلاشات ،واحيانا بثمن فلاش تصنع استوديو
اسف على الاطاله واتمنى من الاخوة الخبراء افادتك اكثر في هذا المجال
اخوك كان فيه وخلص

[للصبر اخر]

ادخل موقع قطر 4 كام
في بن كود لشخص
بيفيدك واااااااااايد
وعن تجربه
جد هالشخص ماقصر معاي
واذا تبي اي استفسار يرد عليك
حتى بكيفية التصوير

[@north_star@]

لتصوير الاشخاص عندك عدسة 50mm/1.4 تصويرها روعة خاصة بقوة العزل ..أو 85mm/1.4

وللسيارات عندك عدسة وايد انجل 24-12

وتقدر تستخدم 2.8 /200-70 وطبعا هالعدسة روعة بمعني الكلمة فهي تشمل تصوير الاشخاص والمناظر وتنفع حتى بالاضائة المنخفضة ..

ونقطة اخيرة بالنسبه للفلاش فالغالب عند الناس انه استخدام الفلاش بالليل وهذا غلط فبالغالب استخدام الفلاش بالليل ما راح يعطيك نتيجة التركيز على الهدف مثل ما تصور بدون فلاش رح يكون التركيز على الهدف بشكل واضح والاستخدام يكون بالنهار جرب وراح تشوف الفرق وطبعا يعتمد على اعدادات الكاميرا

[مالك أمل]

اخوي بما أنك من مصوري ( الناس = البورترية + الطبيعة = اللاند سكيب + الحركة

و الرياضة = Motion & Sport ) ، فأنصحك بالآتي :

1- عدسة زووم ( 70-300 ) مدمج فيه ماكرو

مثل عدسة ( TAMRON 75-300 MACRO )

لتصوير الطيوروالمباريات و الماكر لتصوير الحشرات والأجسام الصغيرة .

2- حامل ثلاثي ( Tripod ترايبود ) لتثبيت الكاميرا وتطلع الصورة بدون إهتزاز للصور السريعة .

3- أصنع لك إضاءة للتصوير داخل البيت كـ تصوير ( الأطفال و الزجاجيات و الأطعمة والدعاية )
أتبع هذا الرابط :

http://www.qatarshares.com/vb/showthread.php?t=481162&highlight=%C3%D5%E4%DA+%C5%D6%C7%C1%C9+%C8%E4%DD%D 3%DF

4 - لاتستخدم الفلاش ليلاً كي تتفادى الظل وإنما الأفضل يستخدم في النهار أو

مع وجود إضاءة كافيه .

5- كمبتدأ صور بالوضع المنول ( Manual ) أي جعل الكاميرا هي اللتي تتحكم

بالإعدادات ، ومن ثم قم بحفظ إعدادات التصوير لكل صورة حتى تتمكن من التصوير

بدون هذا الوضع وتأكد بأن معظم المصورين يستخدمون هذا الوضع

6- إستخدم الإنترنت ومواقع التصوير والفيديوهات لتزداد علماً .

أي إستفسار أنا حاضر

[بـن عدوان]

يعطيكم الف عافية

ماقصرتوا كلكم والله


وفي انتظار الباقي ^_^

[بـن عدوان]

للـــرفع

[بـن عدوان]

معلومات مفيدة

اشكركم ياللي رديتوا عليي

شتنصحوني ببرامج تصميم وتعديل حق الماك