مسجد سوق واقف والسرق

[بنك المراجل]

اخواني في الله السلام عليكم ورحمة الله وبركاته حصلي موقف اليوم في سوق واقف يوم رحت اصلي المغرب نزلت حذياني وانتو بكرامه ودخلت اصلي وبعد ماخلصت الصلاه وطلعت مالقيتها سرقها واحد مايخاف ربه وبعد ماشافوني المصلين ادورها قال لي واحد في كل يوم يتكرر الشي هذا ورحت اخبر ادارة السوق ولقيت واحد لسانه حلو ولا في يده شي يقولي ابشر بالعوض واللي تبيه بيصير . قلت له ابي سلامتك بس ركبو كامير مراقبه لأن الشي بيتكرر كل يوم ولازم تشوفون حل . على العموم الحذر ياخواني واخذو حذركم ترى المسجد مكانه عند الالعاب اللي داخل السوق وسلامتكم . *

[wadha-qa]

حسبي الله عليهم ابي اعرف وش يستفيد اللي يسرق نعال !!
ان شاء الله يركبون كاميرات مراقبه ويصيدون هالاشكال اللي المفروض انها انقرضت

[رمح الشمال]

والله كثرو حراميه النعل شيك عليها في الحراج يوم الجمعة

[qatarshark]

والله ذكرتوني مرة رجهت البيت حافي حسبي الله عليه كان بايقها وان كانه ناسي الله يسامحه

[بوحمد1]

٣ من ربعي انسرقوا في نفس المسجد

[Rashid554]

لما طلعت من المسيد شسويت طلعت حافي ؟!

[@الأدعم@]

انا ياما سرقوني بمسجد الحرام قدام بيت الله

شي عادي اخوي لاتنقهر حسبي الله عليهم

[فلتة زمانها]

ويه ويه ويه فشيله
الواحد لازم يحط شوز سبير فالسياره

[alfahad1]

بالله عليكم في سوق واقف ويمشي حافي اكيد بيشتري من المحلات القريبه

على العموم اشكرك على التنبيه

[سفير الدوحة]

أنا اعتبرها ظاهره عادية ،، خاصة اذا دخلت مسجد اول مره تصلي فيه او بفريج من الفرجان
ع طول ودع ،، بس ترى مافيها شي لو حطيت نعالك جنبك او قريب منك وانت تصلي ،،

[بوخالد911]

بل


فكررت اختفت وانقرضت هالسالفة

اعوذ بالله من حرامية النعل

[النهار]

أنا اعتبرها ظاهره عادية ،، خاصة اذا دخلت مسجد اول مره تصلي فيه او بفريج من الفرجان
ع طول ودع ،، بس ترى مافيها شي لو حطيت نعالك جنبك او قريب منك وانت تصلي ،،


بارك الله فيك لاتفتي بشي انت غير واثق منه
توجد شروط لدخول اعزكم الله النعال في المسجد

[OREO]

من عادتي في سوق واقف ما اصلي الا و نعالتي و انتوا بكرامه احذاي ،،

لان الحراميه اكثروا في البلد ،،

[بنك المراجل]

ردا على راشد طلعت بنعال المسجد ورحت اقرب محل وشريت نعال ماشي حالها وتسوقت ونفسي منسده حسبي على السروق لازم انسوي كمين للحراميه في المسجد

[R 7 A L]

حسبي الله عليهم الحرامية
مايخلون الواحد يصلي بخشوع


عندك واحد من أثنين
1- تشتري نعال الله يعزك من بو رخيص 100 او 200 تخليها للمسجد فقط
2- تحدف كل نعله في صوب على شان يصعب على الحرامي يدور للثانية ههههههه

[BoFahed]

حسبي الله عليهم الحرامية
مايخلون الواحد يصلي بخشوع


عندك واحد من أثنين
1- تشتري نعال الله يعزك من بو رخيص 100 او 200 تخليها للمسجد فقط
2- تحدف كل نعله في صوب على شان يصعب على الحرامي يدور للثانية ههههههه

حلوه منك ههههههههههههههههههههههه ذكرتنتي بالعيد اللي طاف مواعد الربع بسوق واقف وصفيت الموتر في موقف جامع الشيوخ طلعت من صلاة المغرب والنعالة طايرة وطلعت بزنوبه والله ستر انه محل نعل شغال في سوق واقف والربع طاحوا فينا طنازة

[بوحمد111]

يا سبحان الله فيه ناس ما تخاف الله وللأسف بعضهم من المصلين والمحافظين على صلواتهم ولكن همهم الوحيد التصيد للنعل الجديده اعزكم الله والظاهره هذه منتشره في اغلب المساجد

حسبنا الله وهو نعم الوكيل

[عاهد بن علي]

الحل جدآ سهل
حط طبجه يمين وطبجه يسار على بعد مترين او ثلاث تفتك من السرقات الى الابد انا سارلي سنين على هذه الحاله

[قطري !]

http://t0.gstatic.com/images?q=tbn:ANd9GcSyjTFAT1GEpj5xy_RO4B32-hljbDQy2eTVUV2v6EAIinLY_-50


والله الواحد المفروض يصلي وقفله بجيبه في هالمسجد ,,, تكررت ولافيه رقيب ولا حسيب

[ريتويت]

لاحول ولاقوه الا بالله العلي العظيم

[برزان]

اما اللسان الحلوا عند ادارة السوق مايحتاي من اول ما استوى لين اليوم ..ههههههه

[fhd4]

الله يعوضك خير ... وحاس فيك لأنه صارت معاي أكثر من مرة ...

لكن وأنا أخوك لا تحرق أعصابك على نعل -وانت بكرامة - ..

تصير هالسوالف ... لكن الصراحة اللي يصير أكثر هو الخربطة ...
وخاصة من بعض الشياب الله يعطيهم الصحة والعافية ... وايد منهم يخربطون في النعل ...

[faisalqatar]

ياريال ع الاقل في السوق !!

انا ذاك اليوم في مسجد مقبرة بوهامور باقوا نعالتي وانتوا بكرامه !!

الواحد بروحه عنده حالة وفاة و وراه دفان ومب فاضي حق شي و يبوقون نعالته

الله يسامحهم

[أسير الاسهم]

انا مره صلاة الجمعه مسجد الفريج عندنا .. وظهر وحررررررررر قايله .. ادور نعالي ادورها .. مني مناااااك .. الناس فالمسجد صلاة الجمعه كلهم طلعوا ووصلوا بيوتهم وانا للحين احفص من الرمضااا ادور نعالي .. واخر شي دقيتهاااا مشي في هالرمضا وانا اتحسب على اللي خذاهاااا .. حسبي الله عليـه

[لاجئ عاطفي]

انا صارت معاي في مسجد مستشفى الولاده ويوم مالقيت نعالي الله يعزكم لبست زنوبه ورحت البيت وخذت نعال ثانيه بس وقتها ماعصبت لان يومها الله رازقني بتوم :)

[UAE-SOUL]

الصراحة شي يقهر والله انا اخبر هالحركات تصير من سنين مب الحين ومرات في ناس الله يهديهم يخربطون بالنعل ويلبسون نعل غيرهم وانت الي تتوهق الله يعوض عليك