مشكلة..ضيق النفس..الشخير..الزكام المستمر..(تجربتي)..

[ممنوع اللمس]

حبيت اطرح هالموضوع لاني كنت اعاني منه فتره طويله فوق سنتين ...

الموضوع بشكل مختصر.. انا كنت اعاني من انسداد فالانف يعني احيانا اتنفس من جهه والجهه الثانيه لا واحيانا العكس واحيانا الجهتين و ما يدخل الهوى نهائيا ومستحيل يصادف يوم اتنفس فيه عدل والعذاب وقت النوم ماقدر اتنفس ابدا
زكام بشكل مستمر وخاصه اول ما اصحى من النوم حكه فالخشم وزكام قوي وصعب اتنفس
شخيـر اثناء النـوم لان التنفس يكون من الفم .. واول ما اصحى من النوم مثل ما ذكرت حكه فالخشم واعطس بشكل مستمر ولو شميت عطر مثلا او الجو كان غبار تبدا المعاناه مره ثانيه
راجعت المستشفى هنا وقالو لي فحوصات وبعد 6 شهور راجعنا يعني دوخة راس وللعلم الموضوع تم معاي فوق سنتين بس وصلت لمرحله ماقدر استحمل

سافرت مصر للدراسه وقررت اعمل العمليه هناك وراجعت دكتور اسمه محمد انور جزاه الله خير
وسويت اشعه وفحوصات خذت معاي يوم بالضبط وطلعت النتايج
اتضح عندي ميلان في الحاجز الانفي..تضخم في الجيوب الانفيه..لحميـه

اجريت العمليه وطلعت بعد يوم من المستشفى والحمد لله الحين لا شخير والنفس 100% والحمد لله والامور كلها طيبه

كتبت الموضوع هذا لان نسبه كبيره تعاني من مشكلة ضيق النفس والشخير والزكام المستمر
العمليه مافيها تعب والتخدير كلي..
والله يشفي كل مرضى المسلمين
اسم الدكتور محمد انور وأي حد محتاج رقمه بطرشه عالخاص

والسمـوحه عالاطـاله

[khaldoon]

سلامات ان شاء الله و الحمد لله اللي منك عليك بالشفاء و ان شاء الله انه تعبك السابق يكون في ميزان حسناتك

و جزاك الله كل خير على محاولتك مساعدة من يعاني من نفس مشكلتك السابقه

الله يكثر من امثالك

[ممنوع اللمس]

الله يسلمك ويطول بعمرك وجزاك الله خير عالكلام الطيب
والله يشفي مرضى المسلمين

[حسن]

الحمد لله اللي الله شافاك وعافاك
ياخوي عندي بو الذيب واحد من الربع في الرحله يسويلنا فلم من الشخير
مادري انسد خشمه
باقوله هذا دكنور ممتاز يسكر الهدرز اللي عندك
:victory:

[مستجدة]

جزاك الله خير اخوي يمكن الكثير يعاني مايعرفه انه فيه علاج جذري حق هالمشكله
الحمدلله على سلامتك وماتشوف شر والله يشفي كل مسلم

[ممنوع اللمس]

حسن هههههههههه انا كنت هدرز بس كاتم
واحد من الربع سوى هالعمليه عند نفس الدكتور من قبل كان عكفه وهدرز وكامات بس الحين رجع وكاله
تسلم عالرد ونورت

[ممنوع اللمس]

مستجـده انا كنت احط بخاخات وانواع الادويه بس بدون فايده لان كان في ميلان في الحاجز الانفي ولحميه يعني لازم جراحه والحمد لله الحين رااحه وشفت ناس واجد تعاني من هالمشكله ولقيت قطرين وااجد مسوين هالعمليه عند نفس هالدكتور
جزاج الله خير عالرد

والله يشفي جميع مرضى المسلمين

[تاجر كشخة]

جزاك الله خير اخوي
عندي سؤال
هل هناك اعراض اقصد اثار العملية الجراحيه على الشكل الخارجي للانف وهل عملية الليزر تفي بالغرض

[wadha-qa]

وين هالدكتور وهل هو احسن من الجفيري لاني ناويه اسوي عنده

[doha2012]

,


الحمد لله على السلامه وخارج من الشر ان شاء الله ..


العمليه مو سهله اخبر اختي سوتها .. واصعب مرحله بعد العمليه الفتيله اللي داخل وكيف يطلعونها ,

اشوفها تعذبت بس اللحين الحمد لله .. تحسنت وتنام مرتاحه



جزاك الله خير .. الله يشفيك ويشفي مرضى المسلمين ,






,

[بعيد المرامع]

قريت معلومة ان 90 % من اللي يبلغ اعمارهم 18 سنة ، يكون عندهم ميلان بالحاجز الانفي نتيجة سقوط او ضربات حدثت اثناء الطفولة والصغر ، وكمجتمع خليجي كثيرا مانتعرض لحوادث

وعملية تعديل الحاجز الانفي ، من عمليات اليوم الواحد ، سهلة ولله الحمد ونسبة النجاح عالية بس متعبة بعد العملية

مزعجة جداً جداً ، لانهم بعد مايعدلون الحاجز الانفي ، لازم تجلس 3 ايام بالبيت بدون ماتشم عطور او غبار كثيف ، وانفك مسدود بالكامل ويكون في داخله قطعة قماس واسنفج ، وتتنفس مع فمك ، عاد تخيلو كيف الشخص بيتنفس مع فمه 3 ايام وممكن وهو نايم يصحى من نومه بسبب انه ( شرق ) او غص بريقه.

تكلفة العملية عندنا بالسعودية تقريبا لاتتجاوز 8000 ريال في احسن المستشفيات.

الشكل الخارجي بعد العملية ، ماراح يكون له تاثير الا في حالة انو قبل العملية الميلان كان واضح ، والتعديل بيكون داخلي ، والانف راح يتجاوب مع تعديل العظمة بسنبة 75 % وقد تحتاج بعض الحالات لعملية تجميل خارجية.

اي استفسار انا حاضر

[بو عبدالرحمن السهم]

الحمد لله على السلامه اخوي خارج من الشر ان شالله
بس كنت حاب أعرف العمليه بنج موضعي ولا عام .

[راية الفخر]

ممكن عنوان الدكتور ورقمه والحمدلله على السلامه ماتشوف شر اخوي

[سارى الليل]

ممكن عنوان الدكتور ورقمه والحمدلله على السلامه ماتشوف شر اخوي

نفس السوال

[شبح الصمت]

حمد لله على سلامتك اخوي

انا مره وحده جاتني ضيقه في التنفس والحمد لله كنت اخذ ادوية الربو لمدة سنتين والحين لي قريب الـ 8 شهور الله رحمني من هالبخاخات

بس المشكلة الثانية خشمي فيه حساسيه وما اشم اوقات وتوصل لمرحلة التذوق ما اقدر اتزوق إلا اخذ لي حبوب الكرتزون وقد ما اقدر احاول ابتعد عنها

اخر مره رحت للدكتور عطاني كورس لمدة 4 شهور بيني وبينك مالي خلق اخذ هالادويه بس الحاله كلش يعني خشمي يكون مصكر والم صوب الخشم من فوق والتذوق يروح والشم بعد يروح

الحمد لله على ما ابتلانا بس هل اجد علاج عند الدكتور للحساسيه

فيدني الله يجزاك خير

[حمود قطر]

أحسن دكتور في قطر يسويها د.عبدالعزيز الجفيري

وترى عنده زحمه من كثر الناس اللي تجي له

وانا سويتها عندها من 4 سنوات والحمدلله الامور طيبه

واللي عنده تأمين صحي بعد أحسن وأحسن

[وطن]

حمدالله على السلامة اخوي


العملية جدا بسيطة وصحيح تقعد يوم واحد في المستشفى
اختي سوتها هني عند الجفيري
وبنت خالتي بعد

والحمدلله امورهم طيبه

باقي أنا أسويها :shy:

[وطن]

قريت معلومة ان 90 % من اللي يبلغ اعمارهم 18 سنة ، يكون عندهم ميلان بالحاجز الانفي نتيجة سقوط او ضربات حدثت اثناء الطفولة والصغر ، وكمجتمع خليجي كثيرا مانتعرض لحوادث

وعملية تعديل الحاجز الانفي ، من عمليات اليوم الواحد ، سهلة ولله الحمد ونسبة النجاح عالية بس متعبة بعد العملية

مزعجة جداً جداً ، لانهم بعد مايعدلون الحاجز الانفي ، لازم تجلس 3 ايام بالبيت بدون ماتشم عطور او غبار كثيف ، وانفك مسدود بالكامل ويكون في داخله قطعة قماس واسنفج ، وتتنفس مع فمك ، عاد تخيلو كيف الشخص بيتنفس مع فمه 3 ايام وممكن وهو نايم يصحى من نومه بسبب انه ( شرق ) او غص بريقه.

تكلفة العملية عندنا بالسعودية تقريبا لاتتجاوز 8000 ريال في احسن المستشفيات.

الشكل الخارجي بعد العملية ، ماراح يكون له تاثير الا في حالة انو قبل العملية الميلان كان واضح ، والتعديل بيكون داخلي ، والانف راح يتجاوب مع تعديل العظمة بسنبة 75 % وقد تحتاج بعض الحالات لعملية تجميل خارجية.

اي استفسار انا حاضر


اختي شالوا لها الفتيله من اول يوم
وطلعت من المستشفى
وتتنفس من خشمها
هي بس كم ساعة اللي كانت تتنفس من حلجها
وهذا اللي مب مشجعني اسوي العملية


وبخصوص الشكل الخارجي ما تغير ابدا
:victory:

[ممنوع اللمس]

جزاك الله خير اخوي
عندي سؤال
هل هناك اعراض اقصد اثار العملية الجراحيه على الشكل الخارجي للانف وهل عملية الليزر تفي بالغرض

مرحبا اخوي لا مافي اي اثار ولا في جراحه خارجيه مثلا جرح خارجي يعني محد بيعرف انك مسوي عمليه او لا واي سؤال انا حاضر

[ممنوع اللمس]

وين هالدكتور وهل هو احسن من الجفيري لاني ناويه اسوي عنده

الدكتور هذا في مصر والجفيري انا ما عرف شي عنه صراحه
الدكتور هذا مسوين عنده ناس من قطر واااجد وحتى اهني سألت عنه في المستشفى واجد دكاتره يعرفونه
بصراحه راحه نفسيه وفرق كبير بعد العمليه

[ممنوع اللمس]

,


الحمد لله على السلامه وخارج من الشر ان شاء الله ..


العمليه مو سهله اخبر اختي سوتها .. واصعب مرحله بعد العمليه الفتيله اللي داخل وكيف يطلعونها ,

اشوفها تعذبت بس اللحين الحمد لله .. تحسنت وتنام مرتاحه



جزاك الله خير .. الله يشفيك ويشفي مرضى المسلمين ,






,


الله يجزاج بمثله ويشفي جميع مرضى المسلمين ان شاء الله
الفتيلتين اللي داخل يعتبرون اصعب مرحله يعني نغزه لمـدة 5 ثواني تقريبا وخلاص
ومن عقبها الواحد يرتاح ويفتك

[findi]

يزاك الله خير اخوي على ذكر تجربتك والحمدلله على سلامتك


اذا ممكن رقم الدكتور وعنوانه

[تحداني]

الحمد لله على السلامه وما اتشوف شر
الواحد اوقات يتحمل كل شي لو كان ورى هالصبر راحه


جملك الله برضاه

[jfal]

جزاك الله خير
اذا ممكن رقم الدكتور
وكم التكلفة بارك الله فيك

[تاجر كشخة]

مممم مشكور جدا عندي سؤال ثاني هل لاحضت تغير في الصوت الى الاحسن وهل تحسنت حاسة الشم لديك
وشكرا

[تحدوهآ آلبشر]

الحمدلله على السلامه ..~

يعطيك العآآفيه في ميزآن حسنتك..

[شبح الصمت]

يرفع لتعم الفائده من التجارب

[قطرية فله]

ايزاك الله خير ..

[qatari4]

أنا مانصح تعملون عمليات في مصر تكثر حالات الكبد الوبائي بعد العمليات وعدم كفاءة التعقيم واعرف أشخاص حصل لهم

[أم جاسم]

من شهر سويت العملية ولله الحمد عند الدكتور كنيشن بمسشفى الرميلة اهم شى اتباع تعليمات الطبيب بعد العملية من ست شهور وانا انتظر الموعد والحين أموري افضل بكثير عن قبل*

[بعيد المرامع]

بصراحة مادري شلون تسوون عمليات في مصر

طبعا مافي شك كفائات المصريين عالية جدا ، بس الامكانيات محدودة ، لا تعقيم ولا غرفة مجهزة ، ولا اجهزة مستواها عالي ، والدليل حتى الفنانات ماتو بسبب عمليات التجميل بمصر

[ممنوع اللمس]

الله يشفي كل مريض والله يجزاكم خير عالردود

بعد اذن الاداره راح احط رقم الدكتور عالعام لتعم الفائده للجميـع

0020237499439
دكتور محمد أنـور

[سوق جالس]

اخوي ممكن اسم الدكتور كامل مع عنوانه و كم كلفتك العمليه .. و الله يعطيك العافيه


اخوك

سوق جالس