معاناة طالبات مدرسة اعدادية في منطقة بوهامور .. نبي الحل

[شموع قطريه]

السلام عليكم ورحمة الله ..
ودي اطرح لكم مشكله يعانون منها بناتنا من بداية العام الدراسي واللي الكثير من الامهات اللي بناتهم يدرسون في نفس المدرسه يشاركوني نفس هذا الهم .. الا وهو أسلوب المدرسات مع الطالبات وخصوصا الاجنبيات ..

المشكله الله يسلمكم هي ان بنتي تدرس في مدرسة اعدادية في منطقة بوهامور . ماراح اذكر اسمها . هالمدرسه سببت قراحه في قلوب الطالبات .. كل يوم بناتنا يشتكون من اسلوب المدرسات ووقاحتهم في التعامل مع الطالبات .. طبعا شي طبيعي البنت في المرحله الاعداديه تكون شوي مشاغبه كونها جايه من مرحلة ابتدائية ومازالت فيها روح الطفولة والفوضويه لكن المفروض ان المدرسات والاداريات يعرفون شلون يتعاملون مع هالفئة العمرية لازم تكون لها شخصيه محترمه تفرض على الطالبات انهم يحترمونها ويوقرونها مب تتبع اسلوب الصراخ والسب والهواش مع الطالبات ويسبونهم ويسبون أهلهم والاجنبيات يقولون لهم انتوا يالقطريات مب متربيات ..
من اول السنه واحنا نعاني من معاملتهم مع بناتنا ورحنا لهم اكثر من مره لكن لاحياة لمن تنادي يستعدلون يوم وباقي الايام يرجعون لنفس المعامله وأخس بعد ..
اخرها اليوم بنتي جاتني تشتكي من مدرسة العلوم وتقول انها سبتنا وسبت اهلنا وتصرخ عليهم وتحذف الاوراق في وجوهم لانهم يسولفون في الحصه .. زين فيه اساليب تقدر تعاقب فيها الطالبه وهي الاساليب اللي كنا نتبعها ايام المدارس الحكومية منها تفريق الطالبات المشاغبات عن بعض وايقاف الطالبه المشاغبه في اخر الصف ..
ومدرسة الكمبيوتر صحيح انها قطرية لكنها سيئه جدا في التعامل مع الطالبات وتتلفظ عليهم بألفاظ سيئه جدا .. وحده من الطالبات قالت لها مب فاهمه هالنقطه قالت لها طز فيج ان شاءالله عمرج مافهمتي .. خلوا بناتنا عصبيات وكله يصارخون نفس اسلوب مدرساتهم ..

تعبنا تعبنا واحنا نشتكي لكن شكل الاداره ماعندها وقت تجتمع مع المدرسات وتنبههم على هالاخطاء ..
وانا عارفه ان المجلس الاعلى لو نشتكي من هنا الى بكره محد بيسمعنا ..

قولوا لي ايش الحل معاهم .. للعلم بعض الامهات اللي بناتهم في نفس المدرسه يقولون بعد مافقدنا الامل في انهم يستعدلون قمنا نعلم بناتنا انهم ياخذون حقهم بيدهم .. يعني تصرخ عليها المدرسه ترد الطالبه تصارخ عليها تسبها المدرسه تسبها الطالبه تمد يدها عليها تدافع عن نفسها وتضرب نفس ماتنضرب يعني يعاملونهم بنفس اسلوبهم .. بس احنا مانبي نوصل الى هالمرحله علشان مايحطون العيب كله في بناتنا وهم يطلعون منها سالمين ..

انتظر ارائكم :)

[النهار]

لاحول ولاقوة الا بالله
المدارس الحكوميه في السابق شعارها في الاول
التربيه وبعدها التعليم
اما الان المجلس الاعلى للتعليم حذفوا كلمة التربيه
نسألله الهدايه لمثل هذه المعلمات ونسأل الهدايه للطلبه

[Bo jassim 33]

السلام عليكم ورحمة الله ..
ودي اطرح لكم مشكله يعانون منها بناتنا من بداية العام الدراسي واللي الكثير من الامهات اللي بناتهم يدرسون في نفس المدرسه يشاركوني نفس هذا الهم .. الا وهو أسلوب المدرسات مع الطالبات وخصوصا الاجنبيات ..

المشكله الله يسلمكم هي ان بنتي تدرس في مدرسة اعدادية في منطقة بوهامور . ماراح اذكر اسمها . هالمدرسه سببت قراحه في قلوب الطالبات .. كل يوم بناتنا يشتكون من اسلوب المدرسات ووقاحتهم في التعامل مع الطالبات .. طبعا شي طبيعي البنت في المرحله الاعداديه تكون شوي مشاغبه كونها جايه من مرحلة ابتدائية ومازالت فيها روح الطفولة والفوضويه لكن المفروض ان المدرسات والاداريات يعرفون شلون يتعاملون مع هالفئة العمرية لازم تكون لها شخصيه محترمه تفرض على الطالبات انهم يحترمونها ويوقرونها مب تتبع اسلوب الصراخ والسب والهواش مع الطالبات ويسبونهم ويسبون أهلهم والاجنبيات يقولون لهم انتوا يالقطريات مب متربيات .. من اول السنه واحنا نعاني من معاملتهم مع بناتنا ورحنا لهم اكثر من مره لكن لاحياة لمن تنادي يستعدلون يوم وباقي الايام يرجعون لنفس المعامله وأخس بعد ..
اخرها اليوم بنتي جاتني تشتكي من مدرسة العلوم وتقول انها سبتنا وسبت اهلنا وتصرخ عليهم وتحذف الاوراق في وجوهم لانهم يسولفون في الحصه .. زين فيه اساليب تقدر تعاقب فيها الطالبه وهي الاساليب اللي كنا نتبعها ايام المدارس الحكومية منها تفريق الطالبات المشاغبات عن بعض وايقاف الطالبه المشاغبه في اخر الصف ..
ومدرسة الكمبيوتر صحيح انها قطرية لكنها سيئه جدا في التعامل مع الطالبات وتتلفظ عليهم بألفاظ سيئه جدا .. وحده من الطالبات قالت لها مب فاهمه هالنقطه قالت لها طز فيج ان شاءالله عمرج مافهمتي .. خلوا بناتنا عصبيات وكله يصارخون نفس اسلوب مدرساتهم ..

تعبنا تعبنا واحنا نشتكي لكن شكل الاداره ماعندها وقت تجتمع مع المدرسات وتنبههم على هالاخطاء ..
وانا عارفه ان المجلس الاعلى لو نشتكي من هنا الى بكره محد بيسمعنا ..

قولوا لي ايش الحل معاهم .. للعلم بعض الامهات اللي بناتهم في نفس المدرسه يقولون بعد مافقدنا الامل في انهم يستعدلون قمنا نعلم بناتنا انهم ياخذون حقهم بيدهم .. يعني تصرخ عليها المدرسه ترد الطالبه تصارخ عليها تسبها المدرسه تسبها الطالبه تمد يدها عليها تدافع عن نفسها وتضرب نفس ماتنضرب يعني يعاملونهم بنفس اسلوبهم .. بس احنا مانبي نوصل الى هالمرحله علشان مايحطون العيب كله في بناتنا وهم يطلعون منها سالمين ..

انتظر ارائكم :)


كلامج يدل انه الاسلوب شامل : قطريات وغير قطريات

انا من رأيي تشتكي بكتاب رسمي موجهه للمديره

واذا ما سوت شئ :

ارفعي كتاب للمجلس الاعلى وللوزير شخصيا

[Bo jassim 33]

لاحول ولاقوة الا بالله
المدارس الحكوميه في السابق شعارها في الاول
التربيه وبعدها التعليم
اما الان المجلس الاعلى للتعليم حذفوا كلمة التربيه
نسألله الهدايه لمثل هذه المعلمات ونسأل الهدايه للطلبه

ليش خليت السبب من المجلس ؟؟

ليش ما يتحمل الغلط :

مديره المدرسه وسلوك هالمدرسات القطريات وغير القطريات كما ذكرت الكاتبه ؟؟

شدخل المجلس ؟؟

[لمعة الالماس]

في موقع المجلس الاعلى في خانة للتواصل مع الوزير

تواصلي معاه وذكري كل التفاصيل

[شموع قطريه]

ليش خليت السبب من المجلس ؟؟

ليش ما يتحمل الغلط :

مديره المدرسه وسلوك هالمدرسات القطريات وغير القطريات كما ذكرت الكاتبه ؟؟

شدخل المجلس ؟؟

الادارة ماتسوي شي بالعكس الا تشجعهم على التعامل السيء مع الطالبات والدليل اذا راحوا بناتنا يشتكون على المدرسه طردوهم من الاداره واذا صرخوا ودافعوا عن نفسهم قالوا لهم انتوا قليلات ادب ومب متربيات .. ترى الضغط يولد الانفجار وبناتنا انفجروا من الوضع ماعاد يتحملون هالاسلوب .. صارت معاناة يوميه لهم كل يوم بنتي تروح المدرسه وقبل لاتنزل تقول لي ادعي لي يمه ان المدرسات مايصرخون علينا اليوم ويمر اليوم بدون مشاكل معاهم ..
هذي حاله تعبنا والله تعبنا والكثير من الامهات وانا منهم رحنا وكلمنا المدرسات واشتكينا لكن مافيه فايدة

[شموع قطريه]

في موقع المجلس الاعلى في خانة للتواصل مع الوزير

تواصلي معاه وذكري كل التفاصيل

جزاج الله خير هذا اخر باب بنطقه وان شاءالله نحصل نتيجة

[العقل المدمر]

اسمحي لي اقول لج
وطبعا هالكلام ماقصد فيه الكل
لكن الغالبيه العظمى
امي وخالاتي وعماتي كلهم يدرسون من سنين
وكلهم يشتكون من الطالبات ان ماعاد في احترام وان صارت مشكله جات وليه الامر صفت مع الطالب
من قال ان طبيعي البنت تكون مشاغبه هي لو متعلمه تحترم مدرستها كانت اجلت الشغب حق وقت الفسحه
والا ليش ايام اول هالفئه المشاغبه كانت شاذه والحين نادر تلقين وحده عاقله
بس لان الحين كلهم ضامنين اهلهم بيدلعونهم ولحد يهاوش عيالنا ولا احنا بنأدب ومن أمن العقوبة أساء الأدب
وصدقيني اذا الشكاوي على كل هالمدرسات فهاي لان المدرسات هم اللي انفجروا وزهقوا من الطالبات اللي لا يقدرون يعاقبونهم ولا اللي اهلهم يأدبونهم

وترى هلي ما يشتكون الا من القطريات لان تلقين البنت العربيه شويه مكسوره اما القطريه لسانها طويل وكلامها اكبر من سنها

طبعا هاي الكلام مب تعميم لكنه الطاغي

فاتمنى انج ما تلتمسين العذر حق الطلبات بس لان بنتج وحده منهم وتنسين إن لكل فعل رده فعل

ولا تزعلين فالنهايه هاذي وجهه نظر

[بنت الطائي]

العقل المدمر : ترى بالمناسبة الطبيعي هو مشاغبة الطالب واللي مش طبيعي هو سكوته
وبالعكس تلتمس العذر لان المعلمات يقدرون يجذبون الطالبات لهم وما صاروا جذيه الا لانه ردة فعل.

اختي روحي لهيئة التعليم وقدمي شكوى وشوفي عقب شبيسون المجلس

[تحدوهآ آلبشر]

وانا بعد خوواتي يقولون ان هالجييل غير طبيعي
ماعرفنا الحين من الطالبات ولا المدرسات ..
انا عن نفسي
الابلات بعد يستقوون لدرجه قالت لنا كلمه والله ماعرف اشلون اقولها لكم ..
ولافكرت فينا يوم قلنا لها مافهمنا هالنقطه ><"
الي متى ؟

[العقل المدمر]

العقل المدمر : ترى بالمناسبة الطبيعي هو مشاغبة الطالب واللي مش طبيعي هو سكوته
وبالعكس تلتمس العذر لان المعلمات يقدرون يجذبون الطالبات لهم وما صاروا جذيه الا لانه ردة فعل.

اختي روحي لهيئة التعليم وقدمي شكوى وشوفي عقب شبيسون المجلس


ليش ايام اول عددهم قليل ؟
لان الاحترام طاغي
اخبر على ايامي بنات ينعدون عالاصابع اللي يشاغبون
اغلبنا محترمين مدرساتنا ومقدرينهم
هم بس لو يشغلون مخهم ويركزون عالدروس
كانوا استهلكوا هالطاقه اللي فيهم
والمدرسات شلون يقدرون يجذبون الطلاب
اكثر من الالوان والرسوم اللي فالبوربوينت
واوراق العمل والنقاش الجماعي
والالعاب البسيطه اللي من ضمن الدرس
بعد شيسوون وياهم ماباقي الا يفتحون لهم ديزني لاند فالمدرسه
المفروض الطفل من قبل لا يدخل المدرسه يغرسون فيه ان هاي مكان رايح يدرس فيه مب يلعب
وانه لازم يقدر هالمدرسين اللي يتعبون عشانه
ويعلمونه فايده الشهاده واجر العلم
مب مكان تروحه غصبن عنك وغصبن عنك تدرس
واخرتها يطفشون ويطلعون حرتهم فمدرسينهم كنهم هم اللي ساحبينهم غصب من بيوتهم

[بوحمد111]

يا خوفي تكون نفس المدرسه الي تدرس فيها بنتي في المرحلة الاعداديه وفي بوهامور واذا كانت نفس المدرسه فالله يعين الطالبات والمعامله السيئه من المدرسات بشكل عام والمديره بشكل خاص وليش انا قلت المديره ارجو السماح لي بقول قصة بنتي مع المدرسه

المدرسه اعطو الطالبات ورقه تقول فيها يوم الثلاثاء عندكم رحله وكل طالبه تجيب معاها خمسين ريال لمصاريف الرحله وعلى العموم بنتي الله يحفظها كانت متحمسة لآخر درجه وتنتظر يوم الثلاثاء على احر من الجمر وسبحان الله بنتي مرضت يومين الاحد والاثنين مع انها عمرها ما تغيبت عن المدرسه الا في الشديد القوي وكان عندها اجازه مرضيه من المركز الطبي ولكن المفاجئة ان بنتي في يوم الثلاثاء ذهبت للمدرسه على اساس انها بتروح الرحله ولكن وقفت لها المديره الله يسامحها وقالت لها ما نودي بنات يغيبون عن المدرسه مع انها عندها عذر طبي واصرت المديره ان لا تاخذ بنتي مع الطالبات للرحله وخلتها طول اليوم ودمعتها على خدها ويوم اشتكينا للمجلس الاعلى ( اذن من طين واذن من عيين ) يعني طنشو لنا وحسبنا الله ونعم الوكيل

مع ان بنتي عمرها ما نزلت درجاتها عن ال 90% ولله الحمد وبنتي بدون مدح قمة في السلوك والاحترام ولكن ما نقول الا لا حول ولا قوة الا بالله

آسف على الاطاله وان شاء الله ما تكون نفس المدرسه الي فيها بنتي

تحياتي

[بنت الطائي]

ليش ايام اول عددهم قليل ؟
لان الاحترام طاغي
اخبر على ايامي بنات ينعدون عالاصابع اللي يشاغبون
اغلبنا محترمين مدرساتنا ومقدرينهم
هم بس لو يشغلون مخهم ويركزون عالدروس
كانوا استهلكوا هالطاقه اللي فيهم
والمدرسات شلون يقدرون يجذبون الطلاب
اكثر من الالوان والرسوم اللي فالبوربوينت
واوراق العمل والنقاش الجماعي
والالعاب البسيطه اللي من ضمن الدرس
بعد شيسوون وياهم ماباقي الا يفتحون لهم ديزني لاند فالمدرسه
المفروض الطفل من قبل لا يدخل المدرسه يغرسون فيه ان هاي مكان رايح يدرس فيه مب يلعب
وانه لازم يقدر هالمدرسين اللي يتعبون عشانه
ويعلمونه فايده الشهاده واجر العلم
مب مكان تروحه غصبن عنك وغصبن عنك تدرس
واخرتها يطفشون ويطلعون حرتهم فمدرسينهم كنهم هم اللي ساحبينهم غصب من بيوتهم


انا باقولج شي

حبيبتي

اول كان الناس ما تكلم ساكته ولا ترى كانت في مشاكل وايد بين الطلاب ..........

بس باقولج عن اليوم

اليوم الطالب تغير صار يفهم ويحس ويرد بعد .............. في ذمتج لو المعلمة او الادارية زينة وحبوبة وحليوة بتوقعين الطالب بيبادرها بقلة الادب صدقيني لا!!!!!!!!!!!!

وما قولج في مشاكل او مشاغبات بس كل هذي لها حلول مش بالاهانه والسب والضرب

وبالمناسبة اهل قطر كلهم وبدون استثناء ربوا عيالهم على الاحترام إلا ان هناك فروقات فردية لازم نتعامل كل طالب على حدى ونحتويه ونسال عنه ونشوف شنو مشكلته

انا باقولج شي .............. ولد اختي مشاغب جدا جدا جدا في مدرسته الكل يشتكي منه ......... لدرجة ان جات معلمة من المعلمات قالت له نعالتي قدرك تخيلي ............. وفي مرة من المرات قالت له عساك ما تكون في المدرسة طول السنة رد عليها وقالها: ان شاءالله انتي اللي ما تكونين موجودة محد يبي يشوفج

لا تنسين ان هذول طلاب في بعضهم يسكت وبعضهم ما يقدر يسكت

[راشد محمد]

الله يعينكم...

[بنت الطائي]

يا خوفي تكون نفس المدرسه الي تدرس فيها بنتي في المرحلة الاعداديه وفي بوهامور واذا كانت نفس المدرسه فالله يعين الطالبات والمعامله السيئه من المدرسات بشكل عام والمديره بشكل خاص وليش انا قلت المديره ارجو السماح لي بقول قصة بنتي مع المدرسه

المدرسه اعطو الطالبات ورقه تقول فيها يوم الثلاثاء عندكم رحله وكل طالبه تجيب معاها خمسين ريال لمصاريف الرحله وعلى العموم بنتي الله يحفظها كانت متحمسة لآخر درجه وتنتظر يوم الثلاثاء على احر من الجمر وسبحان الله بنتي مرضت يومين الاحد والاثنين مع انها عمرها ما تغيبت عن المدرسه الا في الشديد القوي وكان عندها اجازه مرضيه من المركز الطبي ولكن المفاجئة ان بنتي في يوم الثلاثاء ذهبت للمدرسه على اساس انها بتروح الرحله ولكن وقفت لها المديره الله يسامحها وقالت لها ما نودي بنات يغيبون عن المدرسه مع انها عندها عذر طبي واصرت المديره ان لا تاخذ بنتي مع الطالبات للرحله وخلتها طول اليوم ودمعتها على خدها ويوم اشتكينا للمجلس الاعلى ( اذن من طين واذن من عيين ) يعني طنشو لنا وحسبنا الله ونعم الوكيل

مع ان بنتي عمرها ما نزلت درجاتها عن ال 90% ولله الحمد وبنتي بدون مدح قمة في السلوك والاحترام ولكن ما نقول الا لا حول ولا قوة الا بالله

آسف على الاطاله وان شاء الله ما تكون نفس المدرسه الي فيها بنتي

تحياتي

ممكن اعرف اسم المدرسة وهل هي تابعة لمجمع

[رجل الجزيرة]

وأنا أقول إن الغلط من أولياء الأمور وخذوا مني هذي القصة:
العام كانت بنتي مشاغبة جدا وراسبة في 3 مواد وجيت أنا وأمها وأعمامها وجدها وهدينا فيها وراقبنها في المدرسة والحين والحمد لله في هذه السنة إعقلت وجابث في 80 % وهي في الإعدادية.

أهم شيء أولياء الأمور

النصح والمراقبة والمواصلة مع المدرسة، فرجاء لا تضع اللوم على المدرسة فالقصور منا.

[رذاذ]

معلومة من كم يوم رحت للوزارة والله حسيت بفرحه لين لقيت مكتوب ع المدخل الرئيسي
(( مكتب الوزير مفتوح بدون موعد كل يوم ثلاثاء من 9 الى 12 ))

[شموع قطريه]

اسمحي لي اقول لج
وطبعا هالكلام ماقصد فيه الكل
لكن الغالبيه العظمى
امي وخالاتي وعماتي كلهم يدرسون من سنين
وكلهم يشتكون من الطالبات ان ماعاد في احترام وان صارت مشكله جات وليه الامر صفت مع الطالب
من قال ان طبيعي البنت تكون مشاغبه هي لو متعلمه تحترم مدرستها كانت اجلت الشغب حق وقت الفسحه
والا ليش ايام اول هالفئه المشاغبه كانت شاذه والحين نادر تلقين وحده عاقله
بس لان الحين كلهم ضامنين اهلهم بيدلعونهم ولحد يهاوش عيالنا ولا احنا بنأدب ومن أمن العقوبة أساء الأدب
وصدقيني اذا الشكاوي على كل هالمدرسات فهاي لان المدرسات هم اللي انفجروا وزهقوا من الطالبات اللي لا يقدرون يعاقبونهم ولا اللي اهلهم يأدبونهم

وترى هلي ما يشتكون الا من القطريات لان تلقين البنت العربيه شويه مكسوره اما القطريه لسانها طويل وكلامها اكبر من سنها

طبعا هاي الكلام مب تعميم لكنه الطاغي

فاتمنى انج ما تلتمسين العذر حق الطلبات بس لان بنتج وحده منهم وتنسين إن لكل فعل رده فعل

ولا تزعلين فالنهايه هاذي وجهه نظر

اخوي او اختي العقل المدمر ..
والله وهذا انا حلفت ان بناتنا من اول السنه يشتكون من معاملة المدرسات والاداريات واحنا نقول لهم ماعليه استحملوا لاتشاغبون ومحد بيقول لكم شي .. لكن بعد ان بلغ السيل الزبى رحنا وكلمناهم باسلوب مهذب ونبهناهم ان بناتنا جدا متأثرين من معاملة المدرسات لكن للاسف طلعت الاداره نفسها هي اللي مشجعه المدرسات على هالاسلوب ..لانها ماتحاسبهم اذا اشتكى ولي امر بالعكس يعطونج كلام حلو وثاني يوم تقول لي بنتي ان المدرسه مازالت على نفس الاسلوب .. واذا اشتكوا الطالبات يطردونهم ماياخذون اللي في خاطرهم وكأنهم حشرات داخلين عليهم الاداره يصرخون عليهم برا يابنت وهالشي صار قدامي ..
اخوي انا كنت تربويه سابقه وعمرنا ماتعاملنا مع الطالبات بهالاسلوب بالعكس كنا نعاملهم مثل بناتنا وهالشي اللي مخلي الجيل السابق يحترم المدرسات والاداريات ..
اما الحين يعاملونهم بقسوة يسبونهم يستخدمون الفاظ مستفزه مثل ( انطمي - انجلعي - ذلفي مكانج ) .. اذا قالوا لهم مافهمنا وحده تقول لهم طز فيكم والثانيه الاجنبيه تقول لهم اخر همي انكم تفهمون انا عندي كثير اشياء اهم منكم بذمتك هذي طريقة تعامل ؟؟

[شموع قطريه]

معلومة من كم يوم رحت للوزارة والله حسيت بفرحه لين لقيت مكتوب ع المدخل الرئيسي
(( مكتب الوزير مفتوح بدون موعد كل يوم ثلاثاء من 9 الى 12 ))

ماشاءالله زين الله يبشرك بالخير .. خلاص ننطر لين الثلاثاء الجاي ونعرض عليه مشكلة بناتنا

[شموع قطريه]

ممكن اعرف اسم المدرسة وهل هي تابعة لمجمع

نعم هي تابعه لمجمع

[الوان]

انتي صادقة يا اختي
مب عارفة ليش العالم ساكتين عن هالمدرسة
للأسف صيتها احسن منها
لا تدريس و لا معاملة
اظن سبب المشكلة أن المدرسة ما فيها مديرة

[شموع قطريه]

انتي صادقة يا اختي
مب عارفة ليش العالم ساكتين عن هالمدرسة
للأسف صيتها احسن منها
لا تدريس و لا معاملة
اظن سبب المشكلة أن المدرسة ما فيها مديرة

عاد التدريس خليه على جنب دمار في دمار واذا قالوا لهم مب فاهمين قالوا لهم طز فيكم والثانيه تقول اخر همي انتوا فهمتوا ولا مافهمتوا ضراب يضربكم :secret:

[مخاوي الشيبة]

شيء طبيعي تحصل مشاغبات في المرحلة الاعدادية

ومانلوم المدرسين والمدرسات لان بعض الطلاب يرفعون الظغط لي درجة الكلمه

اللي تطلع من المدرس ذاته ماينلام عليها من اللي شافه

وابسط شي من المدرسين والمدرسات الاتصال بولي الامر والتفاهم معه

على الابن والابنة وحل هذه المشكله وديه بدل التكلم مع الطالبة او الطالب

ونعتهم بعدم التربية انا كا مدرس لا اتكلم مع طالب او طالبة في الاعدادي

لما يوجد في نقص العقل وعدم كماله ولكن اتكلم مع ولي الامر ويتوجب على ولي

الامر نفسه التحدث الى الابن وحثه على تفهم الوضع وعدم المشاغبه واحترام

المدرس

[الوان]

عاد التدريس خليه على جنب دمار في دمار واذا قالوا لهم مب فاهمين قالوا لهم طز فيكم والثانيه تقول اخر همي انتوا فهمتوا ولا مافهمتوا ضراب يضربكم :secret:

الله يعينكم و بناتكم .... لين الحين صامدين
الوحدة ممكن تكتب كتاب عن القصص العجيبة في هالمدرسة
للأسف الناس تعنوا و سجلوا بناتهم فيها على اساس انها مدرسة متميزة و تدعم تطور البنت و مدرسة عالمية و ... و ....و في الأخير طلع كله دعاية و انها من افشل المدارس

[شموع قطريه]

الله يعينكم و بناتكم .... لين الحين صامدين
الوحدة ممكن تكتب كتاب عن القصص العجيبة في هالمدرسة
للأسف الناس تعنوا و سجلوا بناتهم فيها على اساس انها مدرسة متميزة و تدعم تطور البنت و مدرسة عالمية و ... و ....و في الأخير طلع كله دعاية و انها من افشل المدارس

الله يهداج أي دعم وأي تطور وأي عالمية .. ماشوف بناتنا استفادوا شي منها زين منهم ينجحون بس ..

[قطريه ماركه]

اذا تقصدين مدرسة الأقصى الاعدادية بنتي تشتكي من هالمدرسة !!!!

توها أول اعدادي حررام صغار يايين من الإبتدائية و يسمعون هالكلام حسبي الله و نعم الوكيل ..

و الله درسنا سنين و لا عمرنا قلنا هالألفاظ حق الطالبات الحمدلله ..

لانه تربيتنا ما تسمح ...

و اليوم يسمعونهم كلام يسم البدن !!

تقول أبلة الحاسب أجنبية و تقول لهم ياحيوانات اشهالكلمات و الألفاظ !!!!

اذا حد في هالمدرسة و يقرا هالرد و صلوا كلامنا للمديرة رجاءاً

عشان تدري اللي يصير في مدرستها !!!!

[شموع قطريه]

اذا تقصدين مدرسة الأقصى الاعدادية بنتي تشتكي من هالمدرسة !!!!

توها أول اعدادي حررام صغار يايين من الإبتدائية و يسمعون هالكلام حسبي الله و نعم الوكيل ..

و الله درسنا سنين و لا عمرنا قلنا هالألفاظ حق الطالبات الحمدلله ..

لانه تربيتنا ما تسمح ...

و اليوم يسمعونهم كلام يسم البدن !!

تقول أبلة الحاسب أجنبية و تقول لهم ياحيوانات اشهالكلمات و الألفاظ !!!!

اذا حد في هالمدرسة و يقرا هالرد و صلوا كلامنا للمديرة رجاءاً

عشان تدري اللي يصير في مدرستها !!!!

لا اختي مب مدرسة الاقصى مدرسة ثانية
الظاهر اختكي مثلكي هالمدرستين كلهم يتبعون نفس الاسلوب.. احس ان المدرسات يحتاجون دورات في كيفية التعامل مع الطلبه بجميع فئاتهم .. والله انا مستغربة ليش صاروا المدرسات يقطون الفاظ بذيئه وكلمات مايفترض انها تطلع من انسانه تربويه ..هل الغاء كلمة تربيه من المجلس الاعلى له دور في هالشي ..
ولا الضغط عليهم خلاهم يحطون حرتهم في بناتنا بس هذا مايشفع لهم ولا يبرر تصرفاتهم .

[قطريه ماركه]

ولا الضغط عليهم خلاهم يحطون حرتهم في بناتنا بس هذا مايشفع لهم ولا يبرر تصرفاتهم .



الظاهر مضغوطين بس نفس ما وضحتي هالشي ما يشفع لهم ....

لازم يشوفون حل حق هالأمر !!!

[شموع قطريه]

الظاهر مضغوطين بس نفس ما وضحتي هالشي ما يشفع لهم ....

لازم يشوفون حل حق هالأمر !!!

اي والله لازم يشوفون حل بناتنا كرهوا مدرساتهم وكرهوا المدرسه بكبرها حسبي الله عليهم

[Bo jassim 33]

كل هالشكاوي من المدرسات القطريات ؟؟؟؟

[Bo jassim 33]

اللي اعرفه ان في حال اذا اي مديره لم تستمع لشكوى الام وعندها مشاكل :


فلتلجأوا الى مستشارة المدرسه اولا

وثانيا :

هيئة التعليم

وثالثا :

ما يردكم الا مكتب صباح الهيدوس

[شموع قطريه]

من خلال الردود اللي وردت على الموضوع اكتشفت ان المدرسات هم اللي يبيلهم تربيه قبل الطالبات .. مادري في وين الخلل لكن في اعتقادي ان الادارات سامحين لهم بأنهم يتلفظون بألفاظ نابيه ويتعاملون معاهم بأسلوب وقح ويمكن تكون الاداره هي القدوه لهم في هالشي ..
على أيام وزارة التربيه والتعليم كانوا المدرسات يحاسبون في كلامهم مع الطالبات ويحاولون بقدر الامكان ان ماتطلع منهم كلمه جارحه او سيئه وفي حال وجود مشكله مع اي طالبه فكانت تاخذها للاخصائيه او الوكيلات وهم يحلونها وينهون المشكله بكل هدوء وسريه ..
الحين الاخصائيات يبيلهم من يعلمهم شغلهم مادري على ايش حاطين ثلاث واربع اخصائيات اذا الطالبات اذا عندهم شكوى من مدرسه يطردونهم وماياخذون شكوتها ولا يعتبرون لها اي اعتبار واذا جاتهم الام تشتكي قالوا بنكلم المدرسه ولا نشوف شي يتغير ..

انا وحده خلاص ماراح اسكت اكثر من جذيه لو جاتني بنتي بشكوى ثانيه على اي مدرسه او اداريه مايردني الا مكتب الوزير خل يشوف له حل مع هالادارات الفاشله اللي ماعندها غير الصراخ والتهزيء ...

[شموع قطريه]

اتمنى من المجلس الاعلى اعطاء دورات لادارات المدارس والمدرسات في كيفية التعامل مع الطالبات ووضع عقوبات صارمه على من يخالفها .. عل وعسى يتعدل اسلوبهم ويعرفون ان وراهم عقوبه تنتظرهم في حال مخالفتهم ..

[ROSE]

السلام عليكم ورحمة الله وبركاته ،،

اتمنى اخواني واخواتي عدم ذكر اسم المدرسة او المُدرسات حتى لا يتم اغلاق الموضوع وتقوم الجهة

الاخرى برفع قضايا على صاحب الموضوع او الكاتب ،، فلنتجنب هذه الامور

[Super Cool]

إذا الطلابة مشاغبة و تسولف فالحصة....تستاهل ما يجيها

اليهال تربيتهم فالبيت مب فالمدرسة....ما يجون اولياء الأمور و عيالهم مب متربين عدل و فوقها يشتكون وين نصرفها هذا....ربوا عيالكم محد بيهاوشهم

ايي ولا عادي تكون مشاغبة....قاعدين في زريبة احنا!!!

[شموع قطريه]

إذا الطلابة مشاغبة و تسولف فالحصة....تستاهل ما يجيها

اليهال تربيتهم فالبيت مب فالمدرسة....ما يجون اولياء الأمور و عيالهم مب متربين عدل و فوقها يشتكون وين نصرفها هذا....ربوا عيالكم محد بيهاوشهم

ايي ولا عادي تكون مشاغبة....قاعدين في زريبة احنا!!!

هذي المشكله هالالفاظ هي اللي تودي الانسان في داهيه وهو مايدري شنو زريبه يختي احنا وين قاعدين ..

بخصوص الطالبات ماقلنا ان اولياء امورهم راضيين بالعكس اذا شاغبوا يستاهلون يتعاقبون بس مو بهالطريقه .. المدرّسه قدوه لهم شلون تسمح لنفسها تتلفظ بهالالفاظ .. عيل لاتلوم الطالبات اذا راددوها بنفس الاسلوب .. ليش ايام ماكنا في وزارة التربيه والتعليم مانشوف مثل هالشكاوي ؟؟ لان فيه لوائح تعاقب المدرسه اذا تلفظت بالفاظ سيئه على الطالبه ولوائح تعاقب الطالبه في حال مخالفتها لقوانين المدرسه وكانت فيه عدة خطوات علاجيه للطالبه المشاغبه او اللي تسولف في الصف غير السب والتجريح والصراخ الهستيري امام الطالبات واذا المدرسه عجزت عن علاج المشكله فالاخصائيه الاجتماعيه تقوم بعلاج مشكلتها ..

[شموع قطريه]

السلام عليكم ورحمة الله وبركاته ،،

اتمنى اخواني واخواتي عدم ذكر اسم المدرسة او المُدرسات حتى لا يتم اغلاق الموضوع وتقوم الجهة

الاخرى برفع قضايا على صاحب الموضوع او الكاتب ،، فلنتجنب هذه الامور

عليكم السلام ورحمة الله ..
هلا اختي روز .. انا احاول بقدر الامكان اني ما اذكر اسم المدرسه لاني طرحت هالموضوع علشان نتناقش في ايجاد حل لمشكلة بناتنا في هالمدرسه وغيرها من المدارس اللي على شاكلتها واتمنى من اللي بيردون يلتزمون بهالشي .. مع الشكر الجزيل

[نتفـه]

على حسب علمي ان ممنوع ومتشددين في ان غير مسموح لأي معلمة انها تصرخ على الطالبات او تعاقبهم بأي طريقه كانت !!!!!! شلون هاي المدرسات مستقويين لهالدرجه ومب مفتكرين بشكاوي الطالبات واهاليهم؟!؟!؟!؟!؟!
عموما انا بالنسبة لي بما ان البنت تعترف انها تتكلم في الحصه وان لهم مشاغبات لازم تعرف ان الصف له قوانينه والمدرسه لها قوانينها .. يعني ما اعتقد في مدرسة بتصرخ من هني للدرب !!! او تحط حرتها في بنات ما سووا شي وهاي المنطق :)
وفعلا ترا المدرسات بشر مهما كان فكري ان عندها 30 طالبه من كل الانواع ومختلف البيئات فيهم الهاديين وفيهم الهايبر اكتف ((الحركيين)) وفيهم العاديين .. لكن صدقيني احيان العدد 30 لكن اللي يطلعون قرون المدرسة من الثلاثين ثنتين او ثلاث او حتى اربع لدرجة انهم قادرين يخربون سير الدرس بشكل مذهل !!!! لازم بعد الاهل يعقلون بناتهم شوي ويقولون لهم لازم تسمعون الكلام وتنتبهون .. بالنهايه الفرصه من حقهم يسوون اللي يبونه والحصه لها وقتها ولازم يحترمونه ويحترمون اللي واقفه على ريولها تشرح لهم ..
معقوله مدرسه موظفاتها كلهم من نفس العينات !!!! ترا حتى المدرسات اطباع .. فيه العصبيه وفيه الطيبه ... الخ
فلازم تشوفون وين الخلل وتتفاهمون مع المدرسه بدون ما هي تقط التهم عليكم او تقطون التهم عليها بدون ما تتأكدون من الموضوع ..
وبس .. :)

[الكنترول]

في موقع المجلس الاعلى في خانة للتواصل مع الوزير

تواصلي معاه وذكري كل التفاصيل



لمعة الالماس....

وين هذه الخانة لتواصل مع الوزير لوتكرمتي....

[Bo jassim 33]

السلام عليكم ورحمة الله وبركاته ،،

اتمنى اخواني واخواتي عدم ذكر اسم المدرسة او المُدرسات حتى لا يتم اغلاق الموضوع وتقوم الجهة

الاخرى برفع قضايا على صاحب الموضوع او الكاتب ،، فلنتجنب هذه الامور


اختي روز

اولا :

اللي بيطرح مثل هذه النقاط فلابد يذكر اسماء فعليه مب اسماء وهميه
فاذا كانت : صحيحه : لا بد من محاسبه المدرسه
اما اذا كانت مدسوسه : ليحاسب العضو او العضوة

ثانيا :

اذا كان المنتدى ديمقراطي مثل بقيه المنتديات المشاركين بها :
فمستحيل التوصل للعضو المشارك

اما اذا كان المنتدى : مدعوم وموجه ومكشوف لجهه معينه :
فهذا ما عاده منتدى حر

خاصه انه هذا الطرف يكشف على اميلاتنا ويعرفنا ويكشف على اجهزتنا بكل سهوله

وهذه الخاصيه لا كون في المنتديات العامه للناس العامه