هذا الويك اند غيييير

[الاجتماعي]

بداية ارحب فيكم اخواني واخواتي رواد المنتدى .. اكتب لكم بعد انقطاع
موضوعي المطروح للمشاركة هو كيفية الاستمتاع باجازة نهاية الاسبوع !
لاحظت ملاحظة ويمكن اكون مخطئ ، ان الاجانب (الانجلييز) احسهم ايحاولون قدر الامكان تونيس نفسهم في هاي اليومين بكافة الوسائل (اقصد الوسائل الحلال) حتى اتلاقونهم يوصلون اماكن احنا هل البلد مانوصلها اما بسبب كسلنا او يمكن حتى ماسمعنا عنها احيانا . وفي المقابل احنا معظمنا برنامجنا في الويك اند عادي جدا واحيانا كثيرة ممل مما يبسبب لنا التعب النفسي مع بداية الاسبوع القادم .
فرايكم ماهي الافكار لجعل الويك اند احلى وممتع ونقطة نطلاق جديدة لاسبوع قادم اكثر حيوية ونشاط ؟؟ بانتظار ارائكم :)

[ام علي1981]

لدينا العديد من الشواطئ مثل الخور ودخان وفويرط والوكرة وامسعيد

[بنت امي]

تمارس هوياتك في هاليومين

والبعض عيزان يفكر

[حواي الفريج]

شاغلين نفسنا في الاجتماعيات وصلة الرحم
ومنها قانون غدا الجمعه بيت الوالد حق لايسقط بالتقادم


وثانيها الكسل لكثرة متطلباتنا للطلعه اكل واغراض تكفي بلد
كلها طلعه وتمشية حال اي شي يكفي لكن ترف ودلع عشان كذا احنا من يحرم نفسه الوناسه
ولو كل منا اخذها استندر واي شي ايمشي الحال كان احنا مبسوطييييييين




وللحديث تابع مع باقي الاعضاء

[Dana’1]

الاجانب يحبون الاماكن الي فيها ترفية وبذل طاقة جسدية بالحركة بنفس الوقت سواء بالاماكن الترفيهية العامة كالبحر في سيلين او بسباير الكورنيش او بالاماكن الخاصة او الي عليها اشتراك مثل الاندية المتنوعة والمنتشرة بالبلد او التابعة للفنادق!هذا طبعا في النهار ...وفي الليل بامسية رومنس اي عندة مجال او عشاء لاصدقاء في احد الفنادق او السمر والسهر في سيلسن مع وضع لمسات لطيف وتخلي ديكور الجلسة روعة
وطبعا شواء وغيرة
واحيان يكون عندهم مناسبات خاصة ويحتفلون بها وياكهرها وهم يعشقون الاحتفالات
حتى لو كانت حفل ميلاد كلب لهم وانتو بكرامة ،،،او حفل لجمعية تبني الحيوانات بالدوحة@! على سبيل المثال لا الحصر:)
فهم ناس تفننو في دنياهم ويلهثون خلفها! بس هذا كلة ما يعني انهم ما يشعرون بالملل ايضا!
وغالبا نشاطاتهم ما تناسبنا احنا النساء ان نسويها برا فتقتصر على الشباب بالذات الالعاب والنشاطات البحرية

وبالنسبة لطلعاتنا هي متنوعة زيارات من لهم حق علينا مثلا غالبا كل جمعة نروح نزور جدتي
واحيان الخميس! او نجتمع مع خواتي وعيالنا يلعبون مع بعض او نطلعهم نلعبهم سوا
واحيان مع اهل زوجي واخوانة جمعات وطلعات ان كا لاستراحة شالية
بس مو دايم هذي الاستراحات والشاليهات
والاماكن متنوعة بحر ...اماكن عامة ،،،مجمعات،،،عشاء في اما كن راقية سواء داخل قطر او خارجها
فمرات ننزل فيها للسعودية ومرات لدبي

والافكار كثير وعلى حسب الطلعة لمن للزوجين او للعيال وايش يستهوون
او للعائلات الكبيرة مجموعات يعني



على طاري الاجانب
اذكر زمـــــــان على ايـــــام علاء الدين ههههه
طلعنا انا وزوجي تمشينا شوي عقب حجزنا فيلم وكان في وقت طويل عالفيلم فملينا من المولات
وما كان في اماكن كثير هذاك الوقت،،اخذنا لفة عالكورنيش بسوالف ومواقف وضحك عقب طرأ علينا نروح علاء الدين:shy:
ووما كان فيها ناس كثير ،،كلهم ينعدون على اصابع اليد الواحدة! من بينهم 2 اجاب واحد واحدة
لعبنا اول لعبة اظن الطيارة الي تطير نتذكر ايام الطفولة هههه المهم هم كانو معنا بعدها رحنا
للعبة الي تدور ما اعرف اسمها مع اني اخاف من العلو الا اني ركبتها عشان زوجي:)
الا نشوف الاجانب معنا بعد ابتسمنا بوجية بعض حسيناهم ربعا بكل مكان نشوفهم
المهم قرب وقت الفيلم فطلعنا للستي واو ما طلعنا عالسلم المتحرك،،،الا نشوف الاجانب لا شعوري سلمنا على بعض هههههه والمرأة عيونها تقول اوووو هاااااااي
وحضرنا الفيلم بس ما اظن كانو معنا هههه لان ما عاد شفناهم او ما نتبها لهم

احسهم يقولون يحليلهم يحبون يونسون عمرهم مثلنا رغم فارق اللبس ههههه

[abdo222]

1- كوفي شوبات جديده (فندق جراند هيرتاج, فندق الشعله, كوفي شوب حديقه المتحف الاسلامي, فندق روتانا)

2- الرمايه في اللوسيل للرمايه (اتصل احجز, اليوم ب 250 ريال تقريبا متضمن الرصاص)

3- بحر دخان باربكيو

4- يمعه شباب في مجلس بعد طول غياب

5- جوله في التكسي المائي (اللؤلؤه)

6- فطور يوم السبت,

[شيزكيك]

البرنامج معد سابقا الخميس الليل اما زياره عاءلية او قعده في البيت الجمعه الغدا بيت اهل زوجي وعقب اروح بيت هلي وممكن نروح سوق واقف او اللاند او نقعد في البيت ناجر نطاطيه لليهال. ومره سوينا مشاوي ومره طبق شعبي وقبل كنا نروح البحر والسبت. غدا في مطعم وبس هذا برنامجنا المكرر

[الاجتماعي]

شاغلين نفسنا في الاجتماعيات وصلة الرحم
ومنها قانون غدا الجمعه بيت الوالد حق لايسقط بالتقادم


وثانيها الكسل لكثرة متطلباتنا للطلعه اكل واغراض تكفي بلد
كلها طلعه وتمشية حال اي شي يكفي لكن ترف ودلع عشان كذا احنا من يحرم نفسه الوناسه
ولو كل منا اخذها استندر واي شي ايمشي الحال كان احنا مبسوطييييييين




وللحديث تابع مع باقي الاعضاء

اتفق معاك في موضوع التكلف والدلع

[Um Yousif]

كل ويكند نفس الشي الخميس بيت اهلي
الجمعة الغداء بيت اهله وفي الليل اروح بيت اهلي
يوم السبت كننا نطلع نتغداء برا واودي اليهال العبهم بس مع هالحر صرت ما اطلع اللا بعد المغرب

[الاجتماعي]

كل ويكند نفس الشي الخميس بيت اهلي
الجمعة الغداء بيت اهله وفي الليل اروح بيت اهلي
يوم السبت كننا نطلع نتغداء برا واودي اليهال العبهم بس مع هالحر صرت ما اطلع اللا بعد المغرب

هل تعتقدون انه الواجبات الاجتماعية (غده الجمعة او السبت) ايشكل عائق للاستمتاع بالويك اند ؟؟؟

[Um Yousif]

هل تعتقدون انه الواجبات الاجتماعية (غده الجمعة او السبت) ايشكل عائق للاستمتاع بالويك اند ؟؟؟

المفروض انها ماتعيقنا من الطلعة والوناسه

لكن اذا اقترحت طلعه كل واحد يقول لك شي وناس مايعجبهم ومايتفقون على راي:telephone:
وسالفه تحضير الاكل حق الطلعه والاغراض خاصة البحر:omen2:

كنا نروح العزبة لما كان الجو يساعد الحين والله ما اعرف وين نروح اللا هالمجمعات اللي حفظناها:secret:

اذا عندك اقتراحات قول لي يا اخوي:nice:

[شمس2]

مرات الويك اند يصير حلو وخيال لما تتصالح مع حد تحبه :shy:
تصير الثلاث ايام كلها وناسه حتى لو ماتروح مكان :nice:
يلا اللي يبي يستانس يجرب هالطريقه :victory:

[الاجتماعي]

مرات الويك اند يصير حلو وخيال لما تتصالح مع حد تحبه :shy:
تصير الثلاث ايام كلها وناسه حتى لو ماتروح مكان :nice:
يلا اللي يبي يستانس يجرب هالطريقه :victory:

واللي متصالح مع الكل .. شيسوي :rolleyes2:

[الاجتماعي]

المفروض انها ماتعيقنا من الطلعة والوناسه

لكن اذا اقترحت طلعه كل واحد يقول لك شي وناس مايعجبهم ومايتفقون على راي:telephone:
وسالفه تحضير الاكل حق الطلعه والاغراض خاصة البحر:omen2:

كنا نروح العزبة لما كان الجو يساعد الحين والله ما اعرف وين نروح اللا هالمجمعات اللي حفظناها:secret:

اذا عندك اقتراحات قول لي يا اخوي:nice:

السينما :victory:
او كتارا ، الجو حلو :shy:

[Um Yousif]

السينما :victory:
او كتارا ، الجو حلو :shy:

سينما مع يهال اقل من 3 سنوات :secret:

هاي من المستحيلات

انا طلعتي دوم مع العيال وابو العيال وهو مب راعي سينما :shy:

وكتارا ما احب اروح ما احس فيها شي :tease:

[الاجتماعي]

سينما مع يهال اقل من 3 سنوات :secret:

هاي من المستحيلات

انا طلعتي دوم مع العيال وابو العيال وهو مب راعي سينما :shy:

وكتارا ما احب اروح ما احس فيها شي :tease:

بالعكس كفاية كرك وجباتي :victory:
انا مب من رواد كتارا .. بس ذاك اليوم اعجبتني جلسة رومانتك على البحر شفت واحد وزوجته قاعدين سالت المطعم قالوا لي الجلسة هناك ب 150 ريال :eek5:
عقبه عرفت ليش محد قاعد لانهم كانوا ابروحهم والجو للحين فيه نسمة هووه :rolleyes2:

[Um Yousif]

بالعكس كفاية كرك وجباتي :victory:
انا مب من رواد كتارا .. بس ذاك اليوم اعجبتني جلسة رومانتك على البحر شفت واحد وزوجته قاعدين سالت المطعم قالوا لي الجلسة هناك ب 150 ريال :eek5:
عقبه عرفت ليش محد قاعد لانهم كانوا ابروحهم والجو للحين فيه نسمة هووه :rolleyes2:

مافي احلى ما جباتي وكرك الزرقاء وتمشية عالكورنيش ونركب اللنج

وناسه

انا ترى هالطلعة تعجبني بس بو الشباب يحسسني اني بنت فقر ههههههههههههههههههه مستغرب اشلون احب هالنوعيه من الطلعات:tease:

[الاجتماعي]

مافي احلى ما جباتي وكرك الزرقاء وتمشية عالكورنيش ونركب اللنج

وناسه

انا ترى هالطلعة تعجبني بس بو الشباب يحسسني اني بنت فقر ههههههههههههههههههه مستغرب اشلون احب هالنوعيه من الطلعات:tease:

لنج :eek5:
ههههه.. وقولي بعد جزيرة النخيل

[Um Yousif]

لنج :eek5:
ههههه.. وقولي بعد جزيرة النخيل

اذا يصير ماعندي مانع ابي اكتشف ليش مخلين هالشجرة الفقيره بروحها في الجزيرة:victory:

[Mbarkaji]

برنامجي للويك اند
ارجع من الدوام 3.5 ابتديها بغفوة لي 7 البس والبحر درب السلامة صيد كل مره مكان سيلين فويرط الخور الوكرة بوفنطاس لين الفجر الجمعة طلعة مع زوجتي حسب المزاج مطعم كوفي شوب كرنيش سينما السبت يوم عاالي نص بيت اهلي ونص الثاني اهل زوجتي واستعد للاسبوع الجديد والحياة ماشية

[تحدوهآ آلبشر]

اما إحنا الخميس جمعه في بيت خالتي
والجمعه طبعن الأسره الكريمه تتجمع في بيت ابووي
وطول اليوم فله ووناسه
السبت نروح مجمع بس مانطول لحكم الدوام اليوم الثاني
والحين حررر محد يقدر يطلع الا بليل

[الإكسير]

الخميس قعده في سوق واقف من 9: 30 لين 12 مع ربع شيشه وعشا
الجمعه طلعه مع الاهل اي مكان مناسب يبون يروجون له

[(حوريه)]

احب قضاء الويكـ,,انــ د ( في غرفتي بين كتبي واوراقي ولابتوب احيان اندمج في مشاهدة برنامج او مسلسل واحيانا ابحر في فضاء المنتديات والمواقع الاجتماعية او اتابع قراءة كتاب تركتة منذ ويكـ اند سابق )
هذه اللحظات اعتبرها زادي في اوقات العمل المتعبة وازعاج المحيطين بي دائما اصبر نفسي على متاعب الحياه بوعد صادق بقضاء يومين في هدوء تام وابحار بلا انقطاع بين الحروف والكلمات المنطوقه والمكتوبه والمصورة

مللت من روتين الزيارات والمجاملات وازعاج المجمعات والمشي وسط مساحات خضراء في جو رطب وحار نوهم الروح بانة جو جميل واحسن من لاشي .

[سان سيمون]

البيت ثم البيت ثم البيت ( معاي توحد ) من ضغط العمل احس الويكند يوم راحة لي ممكن امر على الأهل خالاتي جدتي وقت جمعتهم اسلم اقعد ساعة بالكثير وارجع بيتي
واذا فيه شوبنغ حق البيت ممكن اقضيه او عيالي يبون يطلعون ممكن بس حسب مزاجي

[m.m.76]

نقضيها نخلص شغل المدرسة ....ونتحلللللللطم على حالنا في المدرسه ههههههههههههههههههههههههههههه

[m.m.76]

:victory::victory:
احب قضاء الويكـ,,انــ د ( في غرفتي بين كتبي واوراقي ولابتوب احيان اندمج في مشاهدة برنامج او مسلسل واحيانا ابحر في فضاء المنتديات والمواقع الاجتماعية او اتابع قراءة كتاب تركتة منذ ويكـ اند سابق )
هذه اللحظات اعتبرها زادي في اوقات العمل المتعبة وازعاج المحيطين بي دائما اصبر نفسي على متاعب الحياه بوعد صادق بقضاء يومين في هدوء تام وابحار بلا انقطاع بين الحروف والكلمات المنطوقه والمكتوبه والمصورة

مللت من روتين الزيارات والمجاملات وازعاج المجمعات والمشي وسط مساحات خضراء في جو رطب وحار نوهم الروح بانة جو جميل واحسن من لاشي .

[شمس]

شوبينق وجحته ومشي ولعب الاطفال
وسوق واقف او الكرننيش الصبح حلم لن يتحقق
لان الاجازة ليست لقومة الصبح

[بريق الماسه]

0



يوم الخميس اجباري بيت جدتي ...... وياالله على الأزعااج ماحب هالجمعات بس غصب


الجمعه والسبت والاحد والاثنين والثلاثاء والاربعاء في البيت

حلوه حياة الهدؤ ......:)

[السد]

ما فيه اجازة نهائيا
الشغل وما يخلص !!