خبراء جزيرة بالي ارجو الدخول

[صمتي حزن]

السلام عليكم ورحمه اللله وبركاتة

اود زيارت جزيرة بالي الاندونيسية

الي عنده معلومات وقد زارها لايبخل على جميع المعلومات افضل الاماكن احلى الفانداق 5 ستار منتجع احلى مكان على البحر المطاعم الي تستحق الزيارة اماكن الترفية اماكن المحلات على الخاص او العام واذا حد يعرف سايق زين بعد يعطيني رقمه
وهل اروح دوحه سانغفورة بالي ورجعه بالي سانغفورة الدوحه
او دوحه سانغفورة واخذ طياران داخلي ورجع الدوحه من سانغفورة للعلم ابي اجلس 3 ايام في سانغفورة اما وانا رايح او انا راجع وبجلس 9 ايام في بالي بس بكون بعد عيد الفطر أن شالله الله

ولكم الشكر

[برزان]

السلام عليكم
بالنسبه حق طيران بالي القطرية تروح بالي عن طريق سنغافورا يعني اتوقف فيها شي بسيط وتكمل وفي الرجعه نفس الشي ..

بالنسبة لاماكن الترفيهه في بالي تراها بسيطه ومش مثل مالناس ماخذه عنها فكره... وجوها رطب وحار ...مستوى البلاد ضعيف ماتقارن نهائيا بسانغفورا وماليزيا نهائيا ..
بالنسبة للفنادق والمنتجعات هذا افضل شي عندهم ... توجد عندهم فنادق ومنتجعات 5 نجوم .
مثل فندق أيانا و جراند حياة و فنادق كثيره , لكن من وجهة نظري يعني ماتستاهل العنوّه لكن اذا انت رايح سانغفورا وتبي تمرها يومين لاباس .

في مايتعلق بالسواقين افضل شي سيارة المنتجع الي انت فيه تقدر تاجرها يعني 8 ساعات تطلع معاه وياخذ عليك تقريبا 150 دولار او اكثر شوي فهذا افضل و حتى انظف .

[XXX]

هالجزيره اتمنى اروح لها

اخوي في شرح مستوفي لها في منتدى العرب المسافرون

الله يوفقك

[صمتي حزن]

انا ناوي اروح بعد العيد ابي معلومات اكثر عن الي زار هذي الجزيرة هل تقارن بجزيرة فوكيت او ل لان انا كل سنه اروح فوكيت وزرت جزيرة ساموراي بعد حلوه لكن ابي أغير انا ابي ويلمس وبحر مالي كشخة ابي 8 او 9 ايام اقعد في منتجع وبحر ولعاب وغيرة يعني جو وماسة بعيد عن أجوا لندن وفرنسا لا احد يخرجني عن جزيرة بالي والي عندة جزيرة غير وأحلا ومنتجعات حلوة 5ستار ويطل علي البحر خاص بالمنتجات لأبيها علي جزيرة بالي او ماليزيا او فوكيت او او او او

[UAE-SOUL]

جزر المالديف حلوه وما عليها كلام لو تدور الراحة والاسترخاء لا غير وتصلح حق كل شي عوائل حق الشباب وحق شهر العسل بس اهم شي الفندق اختيار الفندق

[برزان]

من خلا تجربة يالربع الجزيره احلى مافيها منتجعاتها ولازم تحدده بختيار مناسب ....
عندهم اوقات الغروب والشروق ساحره ....ولا تسوى عنوة السفر ...الي في تيالند وماليزيا بتحلصه افضل من مستوى بالي .... ولا لها داعي للعنوه ابد ... انا عن نفسي زرتها مره ولا عاد ابي ازورها مره ثانيه مع اني تنقلت بين الفنادق ولفيت البلاد من اولها لين آخره ....لكنها ماتستاهل العنوه ابد .

الي مرتب نفسه على جزيرة بالي الافضل ايغير احسن له و ايروح سيشل ولا المالديف ولا موريشيوس ...كلهم شي عجيب ...

[صمتي حزن]

يسلمووووو اخوي برزان لكن ممكن تعطيني معلومات عن جزيرة موريشيوس الجو كيف في شهر 8 وشو طابع الجزيرة وهل في اماكن سياحية او مول علشان اذا بغيت لتغير من جو البحر البحر وسيف ابي عن تجربة اذا انت زرتها ولك شكر

[صمتي حزن]

وأي الافضل سيشل او مريشوس او المالديف مع أني زرت بركت ٤مرات وسكنت في لي مريديان روعه وعلي البحر مباشرة خاص بالفندق وزرت جزيرة كو ساموي ررررروعه وغالية جداً وفنادقها روعه وخاصة بانين تري قمه في روعه

[UAE-SOUL]

وأي الافضل سيشل او مريشوس او المالديف مع أني زرت بركت ٤مرات وسكنت في لي مريديان روعه وعلي البحر مباشرة خاص بالفندق وزرت جزيرة كو ساموي ررررروعه وغالية جداً وفنادقها روعه وخاصة بانين تري قمه في روعه

انا من واقع تجربه اشوف ان المالديف زينه وااايد وتستاهل الزياره بس اهم شي يكون الفندق الي رايح له زين

[برزان]

يسلمووووو اخوي برزان لكن ممكن تعطيني معلومات عن جزيرة موريشيوس الجو كيف في شهر 8 وشو طابع الجزيرة وهل في اماكن سياحية او مول علشان اذا بغيت لتغير من جو البحر البحر وسيف ابي عن تجربة اذا انت زرتها ولك شكر


جزيرة موريشيوس حلوه ونظيفة البلد طبيعتها بكر وهاديه وبحر ها المحيط الهادي ...واسيافها حلوه ورائعه ...وفيها بعض المناطق الجبليه والبرامج السياحيه الجبيله ....ومنتجعاتها كثيره
جوها في شهر 8 ايكون بارد عسكنا الشتاء عندنا عندهم حر جو صيفي والحر عندنا عندهم شتاء وافضل وقت حق زيارتها تقريبا آخر شهر 10و خلاله .....ويفضل لمن ايزروها اذا كانت مدته مثلا 6 ايام يقضها في منتجعين مختلفين بتكون اونس وافضل .

سيشل مقاربه لها بس اصغر وفي نفس في جزر كثيره جمبها ممكن الواحد يزور بعضها وفي الوقت هدوئها اكثر و اغلى في التكلفه ...لكنها اسهل في السفر لان القطرية تروح دايكرت اما موريشيوس الاماراتيه تروح لها دايركت من دبي .

الملاديف معروفه اكثر منهم وحلوه والكثير زارها حلوه وهاديه مالت استجمام لكن ماعندك حركة في كوخ الفندق او حوله .

اموفق ان شاء الله وسامحنا على القصور

[صمتي حزن]

هل في اماكن تستحق الزيارة في موريشيوس

[Chanel]

صمتي الحزن ممكن تقولنا عن فوكت شرايك فيها وافضل الاماكن للزياره وشلون اوصل لها من تايلند واي خطوط تنصح
وشكرا