في. قطر معقوله

[علي1]

?السلام عليكم ورحمة الله وبركاته

موضوعي. بناء مسجد في منطقة المعيذر

كل ماجئت. وزارة الوقاف. قالو لي. نتظر لين يجئنا متبرع

والناس إلي يطلبون بناء مساجد في قطر يقلون مافيه
مسجد المنطقة خشب. وفي رمضان. تضايق فيه الناس
ولا يوجد مصلى حريم
معقولة. دولتنا. الحبيبه إلي مقطي. خيرها. النحاء العالم. مايقذرون يفرون لنا مسجد
ألموضوع محيرني. عذروني أنا أكتب من الجوال والخط صغير لو فيه أخطأء

[بصمة قطرية]

لا حول و لا قوة الا بالله ..
يعني ما يقدرون يبنون الا لما حد يتبرع ..!!؟؟
معقولة ..؟؟

[.Q a T a R.]

لا الله يسلمك

يقدرون يبنون مساجد

بس يبون اهل الخير يستفيدون من الاجر والثواب

[intesar]

ما صدق..

[sendarala]

لا حول ولا قوة الا بالله

[علي1]

والعجيب. يقلون قبل عشر سنوات بنحصل أن شاءالله

[عس عس]

لا حول و لا قوة الا بالله ..

[البدع]

الي اعرفه ان الدولة توقفت عن بناء المساجد من عام 1990

والسبب قالوا اعطاء فرصة للي يبي يبني مسجد على نفقته وكانوا كثر في ذلك الزمان

[الإكسير]

الي اعرفه ان الدولة توقفت عن بناء المساجد من عام 1990

والسبب قالوا اعطاء فرصة للي يبي يبني مسجد على نفقته وكانوا كثر في ذلك الزمان



قرار سليم يشكرون عليه

[qatara]

بس الي نعرفه فيه كذا مسجد بمعيذر

منهم الفرقان والهديفي وعدة مساجد اخرى

؟

[شاعر المليون]

وين المنطقة بالضبط وين في معيذر
اسم الشارع او اقرب مكان معروف

ممكن عن طريق المنتدى نقدر نجمع المبلغ؟؟؟؟

[عزووز قطر]

انا ملاحظ ان بلانا ولله الحمد من أكثر الدول اللي فيها مساجد
ماشاءالله في كل شارع مسجدين او ثلاث مساجد

ممكن الموقع بالضبط؟ !!!!

[سان سيمون]

اخوي ما هو كل ما نقوم بتبرع او وقف سواء في الأوقاف او الجهات الخيرية نقول لهم حق مساجد في قطر يقولون لا مكتفين البناء يكون في دول الخارج

اما الأوقاف تخليه لصيانه والتنظيف ما مره قالوا لنا انهم يبون يبنون
اذا ممكن انت ممكن تتفق مع احد المعنيين ويحدد التبرع لبناء المسجد بعينه وبتحصل اكثر الناس يبون يتبرعون ولو وفقت في هالخطوه ياليت تبلغ عن طريق المنتدىوان شاء الله يكون لنا نصيب فيه

[شمس]

واذا محد تبرع تقف الوزاره مكتوفت الايدي؟
ليش ماتفتح حساب لمن اراد ان يساهم في بناء المساجد التي ستبنيها الوزاره

[بوعلي2]

الله يوفقكم يارب

[(بوطلال)]

اول لما كانت الاراضي رخيصه كنا نحصل في كل منطقه عشرين مسجد لكن الحين يوم ارتفعت اسعار الاراضي ماقمنا نشوف المحسنين .

[Dana’1]

لا حول و لا قوة الا بالله ..
يعني ما يقدرون يبنون الا لما حد يتبرع ..!!؟؟
معقولة ..؟؟

مو بس على التبرع ..احنا بالحي عندنا نفس الحالة في مساجد بس ماهي قريبة حيييل
واقرب مسجد بينة وبن البين شارع ،، من خشب ! وضييييق واشوفهم مرات يصلون برا حاطين لهم زي الطبيلة وفارشينها ! ورحت مرة وحدة ابغى اصلي بة في رمضان ،،المايك ما يوصل الصوت ما ينسمع عدل!
سألت زوجي غريييبة كذا يصير عندكم،،،،قال سالفة طويلة هذي الارض ملك ورثة وما اذكر اذا كانت وقف او لا.... ووووالخ
قلت اجل شلون بنو المسجد في ارض ماهي للدولة او وقف خيري على الاقل
قال ،،،كل الي بالحي قال بيساهم في بنيان مسجد بس ...واقفة على الارض ومالهم سلطة علي اهل الارض مو من حقهم هم بكيفهم بس مكن يبغون مبالغ طايلة فلو الحكومة تشتريها بمبلغ وقدرة واهل الحي يبنونها ومن هالكلام ،،،الي لة سنين !
لان الي انا اعرفة ان هالمسجد من يوووم انا صغيرة ازور قطر واشوفة
يا عساة عامر بالمصلييين الخاشعين آمين يارب العالميييين

المفروض الدولة ما تشيل يدها من الامر...توفر الاراضي وتخلي اهل الخير او اهل الحي يتساعدون في بنيانة
ما يصير كذا التعاون مطلوب الكل يبغى الاجر حتى الحكومة تحتاجة
والله المستعـــان

[nicemoon]

بمناسبة الحديث عن المساجد ابسأل عن المسجد الي على دوار الفروسية
المسجد هذا صارلي من 5 سنوات وانا اشوفه تحت الانشاء وللحين ما خلص واحيانا اشك انه اعمال البناء موقفه فيه مع انه ما شاء الله مبين عليه مسجد كبير وجميل بس ما ادري شنو سالفته وليه للحين ما خلص ؟؟؟؟؟؟؟؟؟؟ّ!!!!!!

[وحيد-الشوق]

الله يعز الوكرة كل فريج وداعوس فيه مسجد ماشاء الله

[REEMajesty]

اخوي سووا حملة تبرعات

والناس مب مقصرين ان شا الله

بس لازم يكون في تنسيق مع الاوقاف وفكرة واضحة

[قطر70]

اخوي انا كلمتهم قبلك من سنتين تقريباّ

وقالوا لي جيب لنا متبرع

المهم سألت وسألت لين قالوا لي ان اشهر اثنين يتبرعون في بناء المساجد

الشيخ خالد بن حمد ال ثاني
وفيه واحد من المسند بس مايحظرني اسمه

[نورعبدالرحمن]

منطقتنا في كل شبر مسجد ..بس ما نسمع الاذان كلش
يوم كنا صغار المساجد بعيدة بس لبيوت تهتز من الاذان

[(بوطلال)]

منطقتنا في كل شبر مسجد ..بس ما نسمع الاذان كلش
يوم كنا صغار المساجد بعيدة بس لبيوت تهتز من الاذان

ليش ماتسمعون الاذان. المساجد مهجوره او مركبين دبل جلاس عالدرايش؟؟

[أحلام مشروعة]

غريبة ما شاء الله ما في أكثر من مساجد قطر
يمكن المسؤلين ما عندهم علم
روحوا جروب من الحي
وما اظنهم بيردونكم

[علي1]

بس الي نعرفه فيه كذا مسجد بمعيذر

منهم الفرقان والهديفي وعدة مساجد اخرى

؟

الفرقان والهديفي

أقول تصبح على خير

[علي1]

عسئ. ربي. يرزقنا. بمتبرع. عن طريق. منتديات. الأسهم

[الصغيره]

ليه لا المحسنين واجد والكل يبي يبني مسجد باي ارض بالعالم ومادام بقطر احسن له على الاقل تحت عينه ويعمل له صيانه

مدري كم تكلفة البناء عندك فكره ؟؟؟