تصويت - الشارع ملك للدوله مالك حق تتعدى على مرتاديه ؟

[راعي السهم الأول]

بسم الله الرحمن الرحيم

سؤال التصويت

:polling:

هل أنت / ي مع إصدار قانون من الدوله تختص فيه وزارة الداخليه يحد
من إنتشار هالظاهره السلبيه في مجتمعنا لحفظ الأمان ؟

:anger3:

وبعدين يعني لين متى ملينا ترى ما صارت
نبي رادع لهالفئه من الناس مب حاله يه
الواحد ماشي في أمان الله ما يوعى إلا بلشتيه مطلعين مراجلهم
أمحق مراجل إن كانها على هالشي
مادري شنو يحسون أنفسهم لو بنقول صعاليك يكرمون الصعاليك منهم

:nop:

( أنت ياللي تشجع على هالحركات )

الدوله لو تجي لها كامله مردك تجزءها لمدن راح تلقى المدينه تحتوي عدة مناطق كل منطقه مقسمه لحارات في الحاره كذا بيت غيرك
زين يا راعي البيت عندك سند الملكيه روح شوفه أكيد بتلقى مرفق خريطه لحدود البيت من جميع الجهات شمال جنوب شرق غرب

( شفت شيكت )

أدري بك مالقيت تحديد يشمل الشارع و الرصيف زين شعندك خير منو أنت عشان تمنع خلق الله يمرون من هالمكان و تعترض طريق اللي رايح و جاي و تقول له لا تمر من هني ولا تفتح له تحقيق
عندك تصريح يعطيك الحق إنك تتعدى على الماره و تمنعهم من المرور أكيد لا

escape

اللي مضيع وين يستثمر مراجله نصيحه يختبر نفسه لا يسوي فيها أنا القوي
آخرته مجمع له كم واحد فزعه إستريح لا هنت

المنطقه اللي مواجهتنا هي الوحيده اللي فيها بقالتين , أخوي تعرض له واحد قال له لا تمر من قدام بيتنا , لكنه مر أمس رايح للبقاله بروحه لما نزل يشتري أغراض تفاجأ بالشخص هذا معاه كم واحد قريب التسع أشخاص تناشبوا معاه و ضربوه رجع البيت متعور في وجهه و ثوبه كله دم الله ستر وأشتكى عليهم في الشرطه

:yes:

السالفه هذي أكيد حد منكم تعرض لها و بسناريو مختلف و بغير المنطقه اللي لو أذكر أسمها أتوقع راح أسبب إحراج لأهلها من باب الخير يخص و الشر يعم , الواحد مهما كان يحسن الظن و يصفي النيه , إذا ماعنده ثقه في أهله لا يشكك و يتبلا الغير بجملة لنا شوفات أعتقد كلنا مسلمين و من صغرنا تعلمنا أدب الطريق و كف الأذى عن الناس
:fight:

لا يقول أنا بدوي و تربيت كذا لا عزيزي هذي مب بداوه أنه يهايط على روحه و غيره بهالطناخه الفارغه حده باب بيتهم لي طلع منه يحترم نفسه و يصير خوش آدمي

:deal:

بخاطري كلام لكن ماله داعي
حسبي الله و نعم الوكيل
,

تحياتي

[خليفـة]

ماعليه شر ان شاء الله اخوك
والله يقومه بالسلامة
وقول له خليفة يقول لك : لا تتنازل عن حقك القانوني
والقانون بيأدب هالصعاليك ان شاء الله

اتذكر زمان كان هذا الأمر موجود
بس الحين .. ما اعتقد حد يسويها

الزحمة والكثافة السكنية فرضت نفسها على اهل المنطقة

الله يعطيك العافية اخوي .. ووسع خاطرك

خليفــة

[ذيب ازغوى]

السلام عليكم

انا ماقدر صارت لي هالسالفه لاكن وقفت اثنين

اول واحد

داخل الفريج الساعه 2 الفجر وموتره ولا عمري شفته مع العلم فريجنا لا فيه دكان مافيه الا بيووت والحبيب موتر صاكه تيربو وخذ له لفه في الفريج ويجيك ياخذ له لفه ثانيه وثالثه وقفته قلت له امر يبا شعندك في الفريج قاعد تتشمى وموترك صوته يوصل الشمال الفريج له حرمته شياب ومرضى راقدين انت تمر شعندك يقولي لا شفت راعي استاندر دخل الفريج موتره متكنسل وشكله شارد قلت له وانت شدخلك هههه قلت له تحريات قالي لا قلت عيل مالك شغل تدخل الفرجان تدور على بيوت خلق الله لها محارمها المهم تعذر وطلع

والمره الثانيه
موتر نمرة ابوظبي داخل الفريج الساعه يمكن 1 او 2 والاغااني حدهااا وترقص في السياره والله من ثاني لفه وقفته قلت له شعندك قالي قاعد اتمشى في الدوحه قلت له روح تمشى في الكورنيش ماتجي هنا تترقصى ومطول الاغاني المهم طلع حلوه قاعد يتمشى في الدوحه يدور في فرجان ازغوى والله بغيت اضربه لان شكله متسبب وخاصه الشباب اللي يجون من ابوظبي حسبالهم قطر البحرين او دبي ولازم يوقفونهم عند حدهم

[آلملآزم]

كل متجاوز للقانون بالتعدي على الناس
سيحصل على جزاء رادع له
فهم في دوله يحكمها قانون وليسوا في غابه
الف لاباس على اخوك
ولا يتنازل عن حقه مهما صار

[راعي السهم الأول]

ماعليه شر ان شاء الله اخوك
والله يقومه بالسلامة
وقول له خليفة يقول لك : لا تتنازل عن حقك القانوني
والقانون بيأدب هالصعاليك ان شاء الله

اتذكر زمان كان هذا الأمر موجود
بس الحين .. ما اعتقد حد يسويها

الزحمة والكثافة السكنية فرضت نفسها على اهل المنطقة

الله يعطيك العافية اخوي .. ووسع خاطرك

خليفــة

:yes:
الشر ما يجيك إن شاء الله ماراح يتنازل و الكثافه السكانيه مب مبرر أنه يتعامل بهالطريقه
مهما كان هذا مع ولد ديرته بهالنذاله شلون مع الغريب

زمان أول غير و ظلم إن تصير مقارنه بينهم

تحياتي

[qatara]

من امن العقوبه اساء الادب


لا تتنازلون خل مثل هل الصعاليك يتادبون ويتعلمون
لكي لا يتكرر ذالك مع الغير وتصبح الامور اكبر من تشابك
ولو جائك من يحبب خشمك للتنازل لا تتنازل
لو يعرف السنع ادب ولده

فلم لمن لم يودباه ابواه
فالقانون كفيل بتاديبه

[راعي السهم الأول]

السلام عليكم

انا ماقدر صارت لي هالسالفه لاكن وقفت اثنين

اول واحد

داخل الفريج الساعه 2 الفجر وموتره ولا عمري شفته مع العلم فريجنا لا فيه دكان مافيه الا بيووت والحبيب موتر صاكه تيربو وخذ له لفه في الفريج ويجيك ياخذ له لفه ثانيه وثالثه وقفته قلت له امر يبا شعندك في الفريج قاعد تتشمى وموترك صوته يوصل الشمال الفريج له حرمته شياب ومرضى راقدين انت تمر شعندك يقولي لا شفت راعي استاندر دخل الفريج موتره متكنسل وشكله شارد قلت له وانت شدخلك هههه قلت له تحريات قالي لا قلت عيل مالك شغل تدخل الفرجان تدور على بيوت خلق الله لها محارمها المهم تعذر وطلع

والمره الثانيه
موتر نمرة ابوظبي داخل الفريج الساعه يمكن 1 او 2 والاغااني حدهااا وترقص في السياره والله من ثاني لفه وقفته قلت له شعندك قالي قاعد اتمشى في الدوحه قلت له روح تمشى في الكورنيش ماتجي هنا تترقصى ومطول الاغاني المهم طلع حلوه قاعد يتمشى في الدوحه يدور في فرجان ازغوى والله بغيت اضربه لان شكله متسبب وخاصه الشباب اللي يجون من ابوظبي حسبالهم قطر البحرين او دبي ولازم يوقفونهم عند حدهم

:yes:
هذي مشكله تندرج تحت هالسالفه و نوع من التعدي لكن الحلو إنهم تقبلوا منك الأمر و طلعوا من المنطقه بهدوء أكيد أسلوبك و كلامك كان محترم و في الصميم سببت لهم إحراج و توكلوا على الله في بعضهم يطلع يروح يجيب له فزعه و يرجع يكفخ أو يحطك براسه و يتعمد يتواجد في مكان أنت فيه يدور الإحتكاك الغير مباشر عشان يطلع حرته فيك

يعطيك العافيه

تحياتي

[بوتين]

بسم الله الرحمن الرحيم

سؤال التصويت

:polling:

هل أنت / ي مع إصدار قانون من الدوله تختص فيه وزارة الداخليه يحد
من إنتشار هالظاهره السلبيه في مجتمعنا لحفظ الأمان ؟

:anger3:

وبعدين يعني لين متى ملينا ترى ما صارت
نبي رادع لهالفئه من الناس مب حاله يه
الواحد ماشي في أمان الله ما يوعى إلا بلشتيه مطلعين مراجلهم
أمحق مراجل إن كانها على هالشي
مادري شنو يحسون أنفسهم لو بنقول صعاليك يكرمون الصعاليك منهم

:nop:

( أنت ياللي تشجع على هالحركات )

الدوله لو تجي لها كامله مردك تجزءها لمدن راح تلقى المدينه تحتوي عدة مناطق كل منطقه مقسمه لحارات في الحاره كذا بيت غيرك
زين يا راعي البيت عندك سند الملكيه روح شوفه أكيد بتلقى مرفق خريطه لحدود البيت من جميع الجهات شمال جنوب شرق غرب

( شفت شيكت )

أدري بك مالقيت تحديد يشمل الشارع و الرصيف زين شعندك خير منو أنت عشان تمنع خلق الله يمرون من هالمكان و تعترض طريق اللي رايح و جاي و تقول له لا تمر من هني ولا تفتح له تحقيق
عندك تصريح يعطيك الحق إنك تتعدى على الماره و تمنعهم من المرور أكيد لا

escape

اللي مضيع وين يستثمر مراجله نصيحه يختبر نفسه لا يسوي فيها أنا القوي
آخرته مجمع له كم واحد فزعه إستريح لا هنت

المنطقه اللي مواجهتنا هي الوحيده اللي فيها بقالتين , أخوي تعرض له واحد قال له لا تمر من قدام بيتنا , لكنه مر أمس رايح للبقاله بروحه لما نزل يشتري أغراض تفاجأ بالشخص هذا معاه كم واحد قريب التسع أشخاص تناشبوا معاه و ضربوه رجع البيت متعور في وجهه و ثوبه كله دم الله ستر وأشتكى عليهم في الشرطه

:yes:

السالفه هذي أكيد حد منكم تعرض لها و بسناريو مختلف و بغير المنطقه اللي لو أذكر أسمها أتوقع راح أسبب إحراج لأهلها من باب الخير يخص و الشر يعم , الواحد مهما كان يحسن الظن و يصفي النيه , إذا ماعنده ثقه في أهله لا يشكك و يتبلا الغير بجملة لنا شوفات أعتقد كلنا مسلمين و من صغرنا تعلمنا أدب الطريق و كف الأذى عن الناس
:fight:

لا يقول أنا بدوي و تربيت كذا لا عزيزي هذي مب بداوه أنه يهايط على روحه و غيره بهالطناخه الفارغه حده باب بيتهم لي طلع منه يحترم نفسه و يصير خوش آدمي

:deal:

بخاطري كلام لكن ماله داعي
حسبي الله و نعم الوكيل
,

تحياتي



اخوي عندي سؤال لو انت عند بيتكم توك راجع من الشغل ولا من الربع الساعة 1 او 2 فليل وشفت موتر يفتر في فريقكم راكب فيه شخص او اكثر , ويفتر مرة مرتين ثلاث ابي اعرف ردة فعلك شنهي ؟؟ اذا وقفته بتصير صعلوك !!!! واذا ماوقفتة وش بتصير ؟؟؟

اعتقد شيبان هل قطر لول يعرفون جيرانهم وقصرتهم سواء كانوا قرابة ولا بعيد ويعرفون وقت الزيارات المناسبة لهم ولغيرهم .

واليوم هل قطر فيهم الخير والبركة على خطا ابوانهم وشيبانهم

والظاهرة اللي تقول عنها انت مش عاجبتك وفيه قانون , وين القانون من حماية خصوصيات الناس وقت نومهم وراحتهم , ومن دق الباب لقا الجواب


انا معك اذا الوقت مش متأخر ومش معك اذا الوقت متأخر

[الأغر]

القانون والنظام مسؤولية الجميع وليست مقتصرة على وزارة الداخليه .. والتعاون مطلوب والله يحفظ قطر واهلها من كل شر ..

[راعي السهم الأول]

اخوي عندي سؤال لو انت عند بيتكم توك راجع من الشغل ولا من الربع الساعة 1 او 2 فليل وشفت موتر يفتر في فريقكم راكب فيه شخص او اكثر , ويفتر مرة مرتين ثلاث ابي اعرف ردة فعلك شنهي ؟؟

شي طبيعي إني أرتاب من تكرار فرته و بضطر أوقفه و أسأله عن سبب وجوده لكن في أسلوب أكسب فيه ود هالشخص و إحترامه ما هاجمه ولا أحتقره ولا أعامله كن هالشارع ملك أهلي حسن المعامله يحرج الطرف الثاني و يجبره على الإنسحاب بكل هدوء


؟؟ اذا وقفته بتصير صعلوك !!!! واذا ماوقفتة وش بتصير ؟؟؟

عزيزي كلامي واضح وضوح الشمس
أنا أفترضت الشي بكلمة ( لو) و نفيته بكلمة ( يكرمون ) لاحظ مكتوب
مادري شنو يحسون أنفسهم لو بنقول صعاليك يكرمون الصعاليك منهم


اعتقد شيبان هل قطر لول يعرفون جيرانهم وقصرتهم سواء كانوا قرابة ولا بعيد ويعرفون وقت الزيارات المناسبة لهم ولغيرهم

أكيد هالشي و أكرر ردي زمان أول غير و ظلم أنه تصير مقارنه و الناس حاليا مب متفقين على وقت بداية و إنتهاء الزياره معروف القرابه لهم حق يقضون وقت لآخر الليل و البعيد حده عشر لكن لكل واحد ظرفه اللي يخليه يطلع بدري ولا يتأخر بأهله


واليوم هل قطر فيهم الخير والبركة على خطا ابوانهم وشيبانهم

مافي شك بهالكلام لكن في ناس الله يهديهم
لما يجي واحد يقول لك كنت معزوم على العشا عند فلان في المنطقه الفلانيه عطاني الوصف لكن خاني المكان و ما عرفت أدل دخلت المنطقه و تميت أكرر دخلتي و طلعتي يمكن يبين لي البيت من مواتر المعازيم ولا حصل هالشي يوقفه ثلاث مراهقين يسألونه شعندك هني و يرد معزوم على بيت واحد مادليته و يستقوون أطلع من هني لا تمر طبعا هو تجاهلهم حرك موتره تفاجأ بهم يرمونه بحجار رجع لهم أنحاشوا وصل لبيتهم دق الباب طلع الأبو بدال ما يتسامح منه
يقط عليه اللوم بكل ثقه و نفسيه لكن من جاه الرد إن الشرطه هي اللي بتتفاهم معهم صار فيها حب خشوم و تأنيب لهم قدامه عشان يرضى آخرته تم في مكانه لين جاه الرجال اللي عازمه و مفتشل من الموقف اللي صار من معارفه

تعال حط نفسك مكان هالحضري المعزوم و البدوي اللي عازمه في ذمتك هذا شي يرضي
القضيه ما فيها تفريق بين فئتين لكن توضيح مشكله كون بعض المناطق فيها غالبيه بدو أو حضر


والظاهرة اللي تقول عنها انت مش عاجبتك وفيه قانون
أكيد مب عاجبتني ولا تعجب أي شخص يهمه الأمان لنفسه و لغيره و القانون موجود لكنه ما أحتوى هالقضيه بطريقه ينفرد بها في بند خاص تعتمده وزارة الداخليه يحد إنتشار هالسلوكيات و يردعها بعقوبه مثل ما تم ردع المخالفات المروريه بجزاءات شددوا عليها يعني اللي يوصل لمركز الشرطه أو يقدم بلاغ راح يتم التعامل معاه بجديه
للصالح العام


وين القانون من حماية خصوصيات الناس وقت نومهم وراحتهم , ومن دق الباب لقا الجواب

القانون تلقاه في الدستور القطري الباب الثاني المقومات الأساسية للمجتمع تخير النقطه اللي
تطيب خاطرك لهالسؤال


انا معك اذا الوقت مش متأخر ومش معك اذا الوقت متأخر

الوقت كان 11:00 الليل لحد يبالغ و يقول متأخر

:yes:

يعطيك العافيه
تحياتي

[Rashid554]

مالها علاقه بدو وحضر هي "فئة" معينة ومعروفه هالمنطقة :nop:
والله يهديهم ان شاء الله

[راعي السهم الأول]

مالها علاقه بدو وحضر هي "فئة" معينة ومعروفه هالمنطقة :nop:
والله يهديهم ان شاء الله

هالمنطقه و غيرها مادري مسوين تحدي منو يثبت نفسه الله يهديهم لأنفسهم

:yes:
يعطيك العافيه
تحياتي