ابوب المونيوم بشكل خشب للحمامات

[بلاميعاد]

السلام عليكم وين القى محل يعمل لي ابوب المونيوم بشكل خشب للحمامات

[راعي الاصفر]

فية محل فلعزيزيةبس مو عارف اسمة

[مهاجر]

شنو الافضل الالمنيوم ولا upvc للابواب

[SULTAN1]

Upvc افضل كعازل

[معماري قطري]

طبعا ال يو بي في سي أفضل بس لو خذت نوعية ألمانية .. يكون قوي ويعيش معاك العمر وفيه منه أشكال خشبية وللحمام تكرمون ركبوا فتحة تهوية علشان مروحة الشفط تدخل هوا بدال اللي ينسحب وتشتغل براحتها ما تخترب.

[مهاجر]

طبعا ال يو بي في سي أفضل بس لو خذت نوعية ألمانية .. يكون قوي ويعيش معاك العمر وفيه منه أشكال خشبية وللحمام تكرمون ركبوا فتحة تهوية علشان مروحة الشفط تدخل هوا بدال اللي ينسحب وتشتغل براحتها ما تخترب.

كلامك صح والصراحه اول مره انتبه على هالمعلومه واذا تعرف محلات تفيدنا فيها وعساك عالقوه.

[معماري قطري]

كلامك صح والصراحه اول مره انتبه على هالمعلومه واذا تعرف محلات تفيدنا فيها وعساك عالقوه.


بعد دراسة وبحث حصلنا نوعية بلجيكية .. بس طلبية ما ادري إذا فيه لهم وكيل في قطر الحين، والنوعيات الأُوروبية كلها زينه، وأصلاً اليو بي في سي .. عبارة عن بلاستيك مقوى ومواده رخيصة نسبياً مقارنةً بالألمنيوم .. هذا في بلاد انتاجه لكن عندنا كل جديد غالي لو كان رخيص، وعلشان عدم تغير اللون إختاروا الأبيض للجزء المعرض للشمس وممكن الداخل يكون أي لون حتى الخشبي .. ولازم تكون مواصفاته طبقتين زجاج معزولة وفي الفراغ غاز الأرغون بدال الهواء، وحقن غاز الأرغون في الفراغ عملية تتم بطء وتاخذ وقت ولها تجهيز خاص بحيث يطلع الهوا ويحل مكانه الأرغون اللي طبيعته ما يتكثف على الزجاج من داخل ويتحول إلى قطرات ماء.

عندك نظام فيكا الألماني جيد وموجود عند قطر يو بي في سي، وهم يبدلون لك الألمنيوم القديم ويخصمون لك قيمته المتفق عليها من سعر اليو بي في سي لو تبي، وغيرهم صراحة عجبوني الإختيار الألماني وايد وعندهم النوعية الأفضل وأقل درجة ألماني وعندهم تركي، وموقعهم تدخل العزيزية من إشارات فيلاجيو والمخازن وتلف الدوار وترجع وورا العلاج الطبيعي للجيش على يمينك مباشرةً في بيت وتعاملهم كثير راقي وأسعارهم حسب تجربتي أرخص من التركي بالنسبة للألماني.

وقطر يو بي في سي مقابل محطة بترول التيسير على طريق سلوى، قريب من مطعم تشاو تشاو الإيطالي.

وبالتوفيق للجميع.

[Dana’1]

اخوي اذا تقصد ابواب الخشبوالبلاستك المركب اظن تعرف بالفايبر جلاس... Wood-plastic composites
مثل كذا
http://www.sakelli.com/index_en.html


المحل الي بالعزيزية يجيب نفس الي بالموقع...بس ما انصحك بالتعامل معهم..لان غير دقيقين بالوقت او واضحين بالتعاملو يمكن احنا تجربتنا معة مو زينة لظروف الازمة السورية بحكم انها تجي من تركيا او هو غير صادق الله اعلم
بس الاكيد ان احنا طلعنا بنتيجة غير مرضية معهم تهرب من المصارحة تأخيييير عن موعد الاستلام حول 4 شهور!
ولا وصل واحسن ما فيهم ردو الفلوس كاملة من غير تردد وبالعكس كانو خايفين .. فصلنا خشب عادي الا ثاني يوم يتصل ،،،ويقول اوصلت! مع ان للحين خاطري بهذي الابواب للحمامات وانتو بكرامة بس الحمدلله قلنا خلاص الي صار اكييييد خيرة والحمدلله


بس على فكرة عقبها بفترة شفتها في الستي سنتر مرة من برا المحل ما دخلت لان سكر عالعشر ،،،،المحل تلاقية اما محل اجهزة ابل نسيت اسمة بس هو الوحيد الي يبيع اجهزة أبل بالستي
روح وشيك عندهم يمكن تلاقي الي يعجبك

لكن اذا تقصد الالمنيوم العادي بس بلون خشب...دائما اقرأ ردود الاخ شموخ دائم يمدح فية الاختصاصي للألمنيوم بالشبابيك واتوقع يسوي بيبان

والله يوفقك ويوفق الجميع آمين يارب العالمين

[السد]

السلام عليكم وين القى محل يعمل لي ابوب المونيوم بشكل خشب للحمامات

بعد البحث والمعاناة مع هذا الموضوع المهم الذي استمر حوالي اسبوعين من اللف والدوران بين الصناعية - الريان - سوق الحراج - طريق سلوى
اذا بتركب ابواب شكل ابواب الخشب - عندك الدوحة لليو بي في سي - طريق سلوى - مع ملاحظة ان لا يقل العرض عن 90 سم للباب لان يجي هو جاهز الباب من الداخل

اذا بتركب المنيوم على شكل خشب
فانا ركبت عند محل الحسن للالمنيوم - سوق الحراج - تركيب محترم
وياخذ في التركيب اسبوعين
وتقدر اتشوف الابواب عند مصنع الجزيرة - الصناعية
لمن هم فقط عندهم بيع مواد وليس تركيب
وبالتوفيق

[فريج النجادة]

القطرية الكويتية عندهم بلجيكي

عن تجربة ممتاز

[نوت]

طيب والباب الأتوماتيك ايش رايكم في الأبواب الي عنده

[بوخالد2]

بعد دراسة وبحث حصلنا نوعية بلجيكية .. بس طلبية ما ادري إذا فيه لهم وكيل في قطر الحين، والنوعيات الأُوروبية كلها زينه، وأصلاً اليو بي في سي .. عبارة عن بلاستيك مقوى ومواده رخيصة نسبياً مقارنةً بالألمنيوم .. هذا في بلاد انتاجه لكن عندنا كل جديد غالي لو كان رخيص، وعلشان عدم تغير اللون إختاروا الأبيض للجزء المعرض للشمس وممكن الداخل يكون أي لون حتى الخشبي .. ولازم تكون مواصفاته طبقتين زجاج معزولة وفي الفراغ غاز الأرغون بدال الهواء، وحقن غاز الأرغون في الفراغ عملية تتم بطء وتاخذ وقت ولها تجهيز خاص بحيث يطلع الهوا ويحل مكانه الأرغون اللي طبيعته ما يتكثف على الزجاج من داخل ويتحول إلى قطرات ماء.

عندك نظام فيكا الألماني جيد وموجود عند قطر يو بي في سي، وهم يبدلون لك الألمنيوم القديم ويخصمون لك قيمته المتفق عليها من سعر اليو بي في سي لو تبي، وغيرهم صراحة عجبوني الإختيار الألماني وايد وعندهم النوعية الأفضل وأقل درجة ألماني وعندهم تركي، وموقعهم تدخل العزيزية من إشارات فيلاجيو والمخازن وتلف الدوار وترجع وورا العلاج الطبيعي للجيش على يمينك مباشرةً في بيت وتعاملهم كثير راقي وأسعارهم حسب تجربتي أرخص من التركي بالنسبة للألماني.

وقطر يو بي في سي مقابل محطة بترول التيسير على طريق سلوى، قريب من مطعم تشاو تشاو الإيطالي.

وبالتوفيق للجميع.

هل يفصل ابواب بعد للغرف ولا فقط للحمامات

[SULTAN1]

الاختيار الالماني أحذركم منه بسبب المماطله والتأخير ،وبعد الاتفاق معهم واستلام الدفعة الأولي محد يرد على اتصالاتك

[ريان]

الاختيار الالماني أحذركم منه بسبب المماطله والتأخير ،وبعد الاتفاق معهم واستلام الدفعة الأولي محد يرد على اتصالاتك


والقطرية الكويتية نفس الشي

[خالد32]

زيد عليهم منجرة عبدالله
المواعيد تتاخر شهرين لثلاثة اشهر