العلاج بالأكسجين المضغوط !!

[التربوية]

هل سمع أحدكم عن العلاج بالأكسجين المضغوط في قطر؟؟ لحالات نقص الأكسجين وصعوبات النطق وسمات التوحد؟؟

[الأغر]

الله يشفي مريضكم .. ان شاء الله يجيبكم الاعضاء ..

[أسد الجزيرة]

اعتقد في مركز تابع للخويا و كتبوا عنه مقال في جريدة الراية قبل كم شهر

[راعي الحمرا]

اي نعم اتصلي على لخويا واطلبي العياده واستفسري من الدكتور مباشرة عن العلاج بالاوكسجين المضغوط

44779999

[الالماس2005]

انا بنت عمتي تعالجت في مستشفى البحرية (الجيش) حطوها في الكبسوله ( عبارة عن غرفه محكمه الغلق ) وينزلون الضغط العالي كانها نازله في عمق البحر تحت 18او 17 متر .. طبعا بتواجد المرافق والدكتور .. والبنت تحسنت كثير والله لاول ماكانت تحرك جسمها عندها ضمور بالمخ ..ويقولون بعد لو جات قبل كان صارت احسن كثير ..لاتماهلين روحي باسرع وقت والله يشاافي لك مريضك يارب البيت..

[Hamad7788]

بإذن الله راح تستفيد من هالعلاج ..

عن تجربه

والله يشافي مرضاكم وجميع مرضى المسلمين

[الأغر]

جزاكم الله خير وفي ميزان حسناتكم .. للرفع

[روح الاطلس]

نعم موجود في عيادة اللخويا واتصلت استفسر عن الدخول .. قالوا اي مواطن قطري يقدر يتعالج عندهم بس لازم يعرف حد يدخله من البوابة!! قلت لهم طيب واذا يبي العيادة؟ قالوا ماندري!

الظاهر البدالة ماعندهم علم كافي .. لكن اتصور اي مواطن يقدر يستفيد من العلاج بالاكسجين من خلال عيادة اللخويا

اللي عنده تجربه ياليت يفيد الاعضاء فيها

[بوراشد82]

الله يشافي مريضكم اختي واللي اعرفه انه الطفل لازم يكون عمره ثلاث سنين ونص واكثر