انظلمنا و السبه هالفئة ...

[mariamaziz]

كنت أسولف انا ووحده من البنات مب متزوجة و عندها اخوان فالبيت ..

كانت تشتكي ان اخوانها حارمينها من الطلعه .. المجمعات ممنوع السوق ممنوع الكورنيش ممنوع ..

فيوم سألتها ليش ؟؟

قالت : هم يقولون من اللي يشوفونه برع من تصرفات البنات و الشباب ...

طبعا انا بطبعي ماحب اتدخل في خصوصيات حد و لا حبيت أدخل معاها في نقاش حول هالسالفه ، و قلت لها ان شاء الله ربي بكره بيعوضج بريال يطلعج و يسفرج و يخليج تستانسين ... أو اذا تبين تطلعين خلهم يطلعونج معاهم .. قالت هم ما يرضون ..

شراايكم ؟؟؟

ترى الشده و الضغط النفسي تولد الانفجار ... و وسائل الانحراف و البحث عن شريك يهتم بالعواطف في له مليون طريج و طريج ...

[(محمد)]

رحم الله هؤلاء الاخوة - رجال من ظهر رجَّال ...

ولو يضعون لها جدول ترفيه بالاتفاق معها ... يكون افضل ان شاء الله .




وفقهم الله ورزق هذه البنت الزوج الصالح.

[فلتة زمانها]

واااايد بنات جذيه ويطلعون بالخش
الكبت يولد الانفجار

[MAZEN37]

خوف عليها
لكن تصرفهم خطاء اكيد
والله يعنها

[الخفي]

وهل لابد للبنت ان تخرج للكونيش والاسواق بلا طائل حتى لا تنفجر

هناك دين شرع لامراه الخروج لحاجات اما سوق للتسوق او مستشفى

للعلاج او مدرسه للدراسه او لاعمل اما ان تنضر البنت لنفسها اذا وجدت

نفسها في البيت تعتبر نفسها محرومه فلتراجع دينها ولتقرا في فقه المراه

المسلمه ما الدواعي لخروج المراه المسلمه في الدين

والشريعه لم تظلم المراه في الحد من الخروج الغير مبرر بل قننتها بضوابط

معينه ان تكون لحاجه وان تكون بلباسها الشرعي وعدم التبرج وان تكون

مع محرم اما ان تاتي بنت لتشتكي ان اخوانها او ولي امرها يمنعونها

من الخروج فلتحمد الله على وجود من يخاف عليها ويرعاها حتى ترضي ربها

واهلها وخالقها

[روح الاطلس]

وايد اعرف ناس جذي !

لكن سبحان الله لما اتعمق وابحث بطريقة سرية اجد ان الاخوان من هالفئة هم بالاساس غير منضبطين :) وهذا يخليهم يشددون على خواتهم من كثر مايشوف البلاوي تصير عنده عقدة ويحرم اخته من الطلعة لاي مكان

مر علي واحد يطالع في عين اخته ويهاوشها لو بالغلط عينها طاحت على ريال مجرد نظرة سريعه غير مقصودة! يسوي لها هواش وفضيحة قدام الكل ومايحشم حد .. وهو بنفسه اكبر مغازلجي!

لكن العكس لو تلقين الاخوان ملتزمين وخلوقين تلقينه انسان وسطي ويتعامل مع خواته بحدود المباحات لا يحرمها من طلعة ولا يحرمها من سوق لكن في حدود الشرع.

مب معناته الاخ شايف ان الفساد وايد ومنتشر يقوم يحبس اخته بالبيت خوفاً عليها من الفساد!!

بعض الاخوان للاسف يحب يطلع ويرفه عن نفسه ويستانس مع مرته وربعه لكن عند اخته خط احمر وكأنها مب بشر لها نفس وتحب تغير جو .. مايدري هالاخ ان البنت ممكن تسوء حالتها النفسية وتنقم على المجتمع اللي دايما بصف الرجل.

وياما في البيوت مساكين :(

[غني بعد الأسهم]

والله يابنات حواء مايعجبكن العجب ولا صيام في رجب والله ما تدمرت الاسر ولا المجتمع الا عندما اعطيتن حريتكن ولازلتوا تطالبون بالاكثر خربت مالطا وستجلسن وتندبن على حطامها .

[روح الاطلس]

والله يابنات حواء مايعجبكن العجب ولا صيام في رجب والله ما تدمرت الاسر ولا المجتمع الا عندما اعطيتن حريتكن ولازلتوا تطالبون بالاكثر خربت مالطا وستجلسن وتندبن على حطامها .

هل لو الاخ اخذ اخته وطلعها معاه كورنيش ولا بحر ولا سوق اصبحت حريه!! وخراب مالطا؟! وندب على الحطام!!

[الامل القديم]

ربنا يرزقها ابن الحلال

[ريم 28]

لازم يطلعونها ويرفهونها شوي

حتئ الحيوانات اجلكم الله يخلونها اتتفس عن نفسها اشوي


نعم خوف ولكن الشرع ما قال انها تنحبس بالبيت وما تخرج الا للمستشفئ


الله يصلح حال المسلمين
لازم يطلعونها ايش بيصير لو تفرغوا لخواتهم اشوي

انسان بين اربع طوف وحارمينه من كل شي هذا دين لا والله


انظروا الئ الرسول عليه الصلاة والسلام وقصصه مع عائشه وزوجاته والصحابه محد قال مكانهم البيت انظروا كيف الترفيه والتنفيس لزوجاتهم


البعض تنقصهم الثقافه الاسلاميه محتاجين يقرون قصص الصحابه واساليب الشريعهرالصحيحه

[فلتة زمانها]

وين ياروح الاطلس بعض الاخوان ما يمهم الا وناستهم تلقينهم في كل ويك اند يامسافرين والا طالعين رحلات ولا يفكرون بخواتهم الوحده تحس بملل ودها تطلع وتستانس مع اهلها ودايما يحتججون انه المكان كله شباب ومغازل يعني الدوام مافيه شباب!!
واذا صلة الارحام بعد الله بالخير مافي غير النت الوحده تم اطقطق وتتصفح مواقع التواصل الاجتماعي ومنتدى شبكة الاسهم لين مايجيها الفارس المغوار

[Dana’1]

وين ياروح الاطلس بعض الاخوان ما يمهم الا وناستهم تلقينهم في كل ويك اند يامسافرين والا طالعين رحلات ولا يفكرون بخواتهم الوحده تحس بملل ودها تطلع وتستانس مع اهلها ودايما يحتججون انه المكان كله شباب ومغازل يعني الدوام مافيه شباب!!
واذا صلة الارحام بعد الله بالخير مافي غير النت الوحده تم اطقطق وتتصفح مواقع التواصل الاجتماعي ومنتدى شبكة الاسهم لين مايجيها الفارس المغوار
غالبا الي ينمنعون من هالامور ينمنعون من النت الا بالدس!

الله يعوضها خير ان شاءلله آمين يارب العالمين

[آنــه]

كثر الضغط غلط وكثر الانفلات غلط
وأحسن الامور انها تكلم اهلها وتقول لهم وتطلع ويتهم
مؤ لازم كل يوم ولا كل اسبوع ولا كل شهر تطلع
المهم لي بغت شي ضروري تروح وتكلم إخوانها ولا راح يردزنها ان شاء الله

[المسك1969]

بصراحة أنا أهلي كانوا معانا بنفس الطريقة ممنوع كل شيء... إلا الطلعه للسوق مع المحرم وللغرض فقط

الحين أقدر أروح كل مكان بس المشكله أن لما أشوف أن مالي حاجه بالطلعه ما أطلع... حتى ربعي يعتقدون أني حبيسة البيت بس أودي اليهال الألعاب واقعد وياهم وهذا يمكن مره أو مرتين بالشهر...

من وجهة نظري الطلعه مع المحرم ضروريه وحلوه والله ولكن ألم يوجد أحد فالافضل لنا الجلوس والخروج للضرورة... يعني أختنا هذه ما تشتغل؟ أكيد تطلع كل يوم للشغل وتشوف الناس ووو

أدري بتقولين مب طلعه... بس بعد أحسن من ولا شيء

جزاكم الله خيرا

[@north_star@]

اللوم مب على الفئة الي ذكرتيها اختي يعني بسبة هالفئة بنحبس عيالنا وحريمنا من الطلعة .... وما اعتقد فيها شي لو الوحدة طلعت مع زوجها أو أمها للسوق أو الكرنيش شرط الحشمة والله يستر على جميع بنات المسلمين

[سفير الدوحة]

أوكيه،، انا دوم اطلعهم الشمال بعيد عن الزحمه وهالعمالة اللي مصكره الشارع ،،

[m.m.76]

وايد اعرف ناس جذي !

لكن سبحان الله لما اتعمق وابحث بطريقة سرية اجد ان الاخوان من هالفئة هم بالاساس غير منضبطين :) وهذا يخليهم يشددون على خواتهم من كثر مايشوف البلاوي تصير عنده عقدة ويحرم اخته من الطلعة لاي مكان

مر علي واحد يطالع في عين اخته ويهاوشها لو بالغلط عينها طاحت على ريال مجرد نظرة سريعه غير مقصودة! يسوي لها هواش وفضيحة قدام الكل ومايحشم حد .. وهو بنفسه اكبر مغازلجي!

لكن العكس لو تلقين الاخوان ملتزمين وخلوقين تلقينه انسان وسطي ويتعامل مع خواته بحدود المباحات لا يحرمها من طلعة ولا يحرمها من سوق لكن في حدود الشرع.

مب معناته الاخ شايف ان الفساد وايد ومنتشر يقوم يحبس اخته بالبيت خوفاً عليها من الفساد!!

بعض الاخوان للاسف يحب يطلع ويرفه عن نفسه ويستانس مع مرته وربعه لكن عند اخته خط احمر وكأنها مب بشر لها نفس وتحب تغير جو .. مايدري هالاخ ان البنت ممكن تسوء حالتها النفسية وتنقم على المجتمع اللي دايما بصف الرجل.

وياما في البيوت مساكين :(

واذا تزوجت طاحت بواحد من شاكله اخوانها وش يصير فيها مسكينه عزززززززتي لحالها

[روح الاطلس]

واذا تزوجت طاحت بواحد من شاكله اخوانها وش يصير فيها مسكينه عزززززززتي لحالها

عزززتي لها من قلب :(


وما احب اسطوانه لو تزوجتي سوي وسوي وروحي وتعالي .. يحسسون البنت ان هالزوج هو المارد المحبوس في المصباح السحري!! تصير البنت من عمرها 14 سنه تحن وتون على العرس .. اعرف عائلة جذي وكل ماطلبت البنت شي قالوا لها لما تتزوجين سوي اللي تبينه .. صارت البنت كل تفكيرها متى اتزوج بكل قعدة وبكل مكان ولما صار عمرها 19 سنه بدون زواج صادها اكتئاب عنوسة على قولتها!


خفوا على البنات شوي يرحم والديكم البنت بشر تحس ودها تغير جو تطلع تشم هوا تجدد خلايا مخها وتنعش روحها .. مب يقولون لها لا تروحين كورنيش في مناظر مخلة بالاداب
لا تروحين السوق فيه بنات لابسين مدري شنو ونخاف تتأثرين وتقلدينهم
لاتروحين هالحديقة فيها وفيها.

خلوها تطلع معاكم سولفوا مع خواتكم تقربوا منهم لا تعلقون حياتهم كلها بزوج قد يأتي وقد يضيع باب بيتكم *_* وقد يكون نسخة منكم!

رفقاً بالقوارير واستوصوا بالنساء خيراً

[غايه الطواش]

ذكرتوني بواحد من معارفنا
حارم خواته من كل شي
سينما ممنوع مطاعم في فنادق ممنوع
مصايف يقول مخاسير
طلعه مع صديقاتهم مافيه
لا هو الي يوديهم ولا يرضي أخوهم الي عمره ١٦ يروح
معاهم

يوم عرس كل يوم والثاني فالسينما في فنادق
من بلاد لي بلاد
حتي زوجته ماتتغطى من عقب ماكان يغطي خواته فالطبيله
يوم اخر مره اسولف ويه اخته الا تقولي اخر تقليعات اخوها وزوجته طلعه الافتر نون تي

شستفاد الحين غير الغل الي في قلب خواته عليه *

[ريم الشمال]

غاية ترى زوجة الاخ أو زوجة إي رجل هي صحيح تصبح تبع لزوجها وعياله يتبعونها لكن عند العرب
وسلكهم ما أدري يمكن تفهمون علي أولا .. بس الزوجة عندما تتزوج لا تطاوع زوجها في كل ما يطلب
يعني هي في بيت أهلها لا تذهب سينمات ولا مطاعم ولا كانت فري ويجئ الرجل يطلب منها أنها تفعل ذلك لابد إلا تفعل لأنها هي ما زالت تتبع أهلها وإذا ما بدر منها شئ خطاء اقصى ما سوف يقوله حق أهلها هذي بنتكم أنتم ما ربيتوها يعني البنت حتى لو في بيت زوج فهي في معية أهلها ولا يلحق الرجال زوجها من عيبها أو قلة دينها شئ كل مرده سوف يرد للأهلها ..
لذلك بعض الأزواج ما زال يحمل هذه النظره وينظر أنها مدام هي راضية على عمرها فهو ما عليه منها وما يلحق منها شئ ..
لذلك يابنات تحملوا أنكم تضيعون سلك أهلكم الي أنتم تعرفونه ..... ما أدري بتقولون عني عتيجة بس صج ترى الرجل الزوج البعض عندهم هذي النظرة وخاصة إذا كنتي غريبة مو من اللحمته .........

ريم الشمال

[ms-qtr]

اذا ما يرضون حد يطلعها خل يفرغون يوم في الاسبوع للعائلة ويطلعونها
القعدة بالبيت فتره طويلة تجيب الضيقة خصوصا ان البنت مب متزوجة فما عندها عيال تنشغل فيهم
حتى حريم الاول ما كانوا يحبسون نفسهم
اذا تمللت سيرت على جيرانها وشربت جاي الضحى

[intesar]

الكثير من هؤلاء الأخوان .. يمنعون أخواتهم من الخروج ليس غيرة عليهن.. لكن لأنهم من الشباب الضال الذي يتصيد بنات الناس.. لذا يخاف على أخواته من هؤلاء..

على فكرة كثرة الحبس والكبت يولد الإنفجار..
إنت خايف عليها خذها وطلعها بروحك.. أوووبس طيب لو حد من الهيلقية ربعه شافه ويا خواته كيف يكون موقفه.. إحراج صح..

بالعكس اللي يخاف ربه وذو دين.. يعرف حقوق خواته.. ويطلعهم بنفسه ويرفه عنهم..


وهذا الكلام للخفي.. ترى الحريم مو جمادات أعزكم الله .. يبغون ترفيه وطلعات.. لا تنسى أن الرسول عليه أفضل الصلاة والسلام ما نهى عن الترويح عن النفس.. وكانوا نسائه يشاهدون ركوب الخيل والرمي.. لم ينهاهن الرسول عن الخروج..

ودمتم بحفظ الرحمن..

[غني بعد الأسهم]

من تطالب بالطلعة تتحمل تبعياتها يعني تخيس في حلج اهلها ودور لها رجل يضمها لكن الخيار أنا عن نفسي لن اقدم على وحده كل يوم في مكان وهذا رأي اقلب الشباب

[OREO]

كنت أسولف انا ووحده من البنات مب متزوجة و عندها اخوان فالبيت ..

كانت تشتكي ان اخوانها حارمينها من الطلعه .. المجمعات ممنوع السوق ممنوع الكورنيش ممنوع ..

فيوم سألتها ليش ؟؟

قالت : هم يقولون من اللي يشوفونه برع من تصرفات البنات و الشباب ...

طبعا انا بطبعي ماحب اتدخل في خصوصيات حد و لا حبيت أدخل معاها في نقاش حول هالسالفه ، و قلت لها ان شاء الله ربي بكره بيعوضج بريال يطلعج و يسفرج و يخليج تستانسين ... أو اذا تبين تطلعين خلهم يطلعونج معاهم .. قالت هم ما يرضون ..

شراايكم ؟؟؟

ترى الشده و الضغط النفسي تولد الانفجار ... و وسائل الانحراف و البحث عن شريك يهتم بالعواطف في له مليون طريج و طريج ...


المقصود هنا بمحرم ام بدون ؟

[Super Cool]

عفواً...كرجل أحتج على تسمية هؤلاء بالرجال....هذولا لقب أنصاف الرجال واجد عليهم

و أنا أجزم لج انهم ما يبون خواتهم يطلعون معاهم علشان ما يصيدونهم و هم يسودون وجيههم

[خليفـة]

مشكلة مجتمعاتنا الخليجية ان الأخ بمجرد يوصل لمرحلة البلوغ اول من يتوحش عليهم
هم نساء بيته .. سواء أخوات او أقارب من الدرجة الأولى بما في ذلك الزوجه
تلاقونهم بقمة الرُقي مع الغرباء الا مع اهاليهم .. نادر حد يقول لأخته
تعالي نطلع نتمشى او نتعشى اليوم برع .. والسبب انه يفضل
ان يبقيها بعيدة عن أعين الناس مع انها ملتزمة بالزي
المحتشم من ساسها لراسها .. البعض يكونون
قاسيين جداً مع اخواتهم وعنيفين بدافع
الغيرة وحب مصلحتها .. ولكن في
الواقع هناك أسباب اخرى
طبعا هالكلام على
البعض وليس
الكل

:)

خليفــة

[روح الاطلس]

ذكرتوني بواحد من معارفنا
حارم خواته من كل شي
سينما ممنوع مطاعم في فنادق ممنوع
مصايف يقول مخاسير
طلعه مع صديقاتهم مافيه
لا هو الي يوديهم ولا يرضي أخوهم الي عمره ١٦ يروح
معاهم

يوم عرس كل يوم والثاني فالسينما في فنادق
من بلاد لي بلاد
حتي زوجته ماتتغطى من عقب ماكان يغطي خواته فالطبيله
يوم اخر مره اسولف ويه اخته الا تقولي اخر تقليعات اخوها وزوجته طلعه الافتر نون تي

شستفاد الحين غير الغل الي في قلب خواته عليه *


فعلاً صادقة لاحظت هالشي وايد الاخ المتشدد من يتزوج يتحول من قفل مايندد الى اوبن مايندد

مدري الزواج يفر راسهم؟!:tooth:

[بوخالد911]

بل

الله يعيينهم

[ريم 28]

إن إمساك المرأة في البيت , وإبقاءها بين جدرانه الأربعة لا تخرج منه اعتبره القرآن - في مرحلة من مراحل تدرج التشريع قبل النص على حد الزنى المعروف - عقوبة بالغة لمن ترتكب الفاحشة من نساء المسلمين , وفي هذا يقول تعالى في سورة النساء : ( واللاتي يأتين الفاحشة من نسائكم فاستشهدوا عليهن أربعةً منكم , فإن شهدوا فأمسكوهن في البيوت حتى يتوفاهن الموت أو يجعل الله لهن سبيلاً ) .
وقد جعل الله لهن سبيلاً بعد ذلك حينما شرع الحد , وهو العقوبة المقدرة في الشرع حقاً لله تعالى , وهي الجلد الذي جاء به القرآن لغير المحصن , والرجم الذي جاءت به السنة للمحصن .
فكيف يستقيم في منطق القرآن والإسلام أن يجعل الحبس في البيت صفة ملازمة للمسلمة الملتزمة المحتشمة , كأننا بهذا نعاقبها عقوبة دائمة وهي لم تقترف إثماً ؟

هذا ما قاله القرضاوي الله يحفظه

البعض لا يعلم حق اخته وللاسف راسه محشو بكلام يخالف الدين

لا تحبسون خواتكم طالما محتشمين
ونسوهم طلعوهم والشي اذا زاد عن حده ينقلب ضده
وحذاري من الظلم
لان الظلم ظلمات

[mariamaziz]

الاخ اللي يسأل بمحرم او بدون ؟

اعتقد اني وضحت. و قلت حتى لو طلبت منهم يطلعونها ما يرضونها. او حتى تطلع معاهم

[إكليل الزهور]

قالت : هم يقولون من اللي يشوفونه برع من تصرفات البنات و الشباب ...


و ممكن الأهل مايشوفون تصرفات بس يسمعون السوالف اللي يتناقلونها الناس

حسبي الله و نعم الوكيل في اللي يصبون السوالف في آذان الأهل و لا يهتمون بالنتيجة سواء الأهل يتشددون والا يمنعون منعاً باتاً والا يصير اللي يصير، مب مهم المهم يحركون الحلج ويشبعون "الحاجة إلى الهذرة وتحقيق السبق الصحفي" حسبي الله و نعم الوكيل

وترى مب شرط ان الاخوان لهم سوالف عشان يمنعون خواتهم.. ممكن يشوفون تصرفات و ممكن يسمعون قصص بس انكم تقولون ان الاخوان غالباً يكون لهم سوابق في هالمجال !!! من وين هالاحصائية؟

[الجوكر90]

السلام عليكم
الصراحه صج اشوفه ان الي يخاف يطلع خواته هاي مايبي احد يشوف خواته
انزين سوال انت قبل لاتخاف احد يشوفهم انت كم وحده تشوف فالطلعها ذا انت واثق من كما تدين تدان راح تتاكد ان خواتك ماعليهم شر لان مثل ما انت تسوي فبنات الناس راح يسون فخواتك
طلعتهم ولا حبستهم خواتك فرطوا زوجتك واذا كانت ملتزمه فعيالك هاي شرع ودين مب تقول بسوي وبعدين بتوب لا ياحبيبي انسى

الصراحه حتى انا كنت مقصر ع خواتي ماكنت اطلع معاهم واخوي الكبير كان يطلع يمكن فرق العمر الي بينا عشان جي هو كان متكفل

بس الحمدلله اذا الحين قالو بنطلع اقول عادي يلا دام اني واثق فيهم ليش اقول لا

وبالتوفيق

[mariamaziz]

أشكركم على الردود

[طير حوران]

لاشك لدي بأنهم يحبونها ويخافون عليها بل وفيهم غيرة المسلم على محارمه

نقدر لهم ذلك ولكن :

لاتشتكي من البنات الا من هى ان شاء الله واثقه من نفسها وبعيده كل البعد عن مايسىء لدينها وسمعتها ولذلك :

اتمنى عليهم اتمام محبتهم وغيرتهم عليها بتخفيف الضغط عليها ومحاولة التعرف على رغباتها وتحقيق ماتيسر منها بكل موده وبعاطفة الاخوه الصادقه ففي الاخير ليس لها الا ان تفخر بمثل هؤلاء الاخوان الذين يشعرونها بحرصهم عليها فكثير من البنات يشعرون بالاهمال وعدم الاهتمام بهم من قبل اسرهم ولكن:

هذا لايعطينا الحق بتجاوز الخطوط الحمر في محبتنا وحرصنا عليهم ويجب ان تكون نظرتنا لهم هى نظرة الثقه المحافظه والبراءه والطهر المراقبتين وليس المطلقتين حتى تتجاوزن مايمر بهم من تغييرات فسيولوجيه وتفهم تأثيراتها النفسيه عليهم

تحياتي

[fahad_qatar]

حرام التشدد واجد

يعني بتفشلهم اذا طلعت معاهم يعني

ليش ماياخذونها معاهم اذا بيروحون البحر والا البر يوسعون خاطر المسكينه

الله لا يبلانا صدق

[قطريه ماركه]

اذا هو منعها ...

خل يعطيها من وقته الثمين و يطلعها مره في الاسبوع !!!

[chillis]

وهل لابد للبنت ان تخرج للكونيش والاسواق بلا طائل حتى لا تنفجر

هناك دين شرع لامراه الخروج لحاجات اما سوق للتسوق او مستشفى

للعلاج او مدرسه للدراسه او لاعمل اما ان تنضر البنت لنفسها اذا وجدت

نفسها في البيت تعتبر نفسها محرومه فلتراجع دينها ولتقرا في فقه المراه

المسلمه ما الدواعي لخروج المراه المسلمه في الدين

والشريعه لم تظلم المراه في الحد من الخروج الغير مبرر بل قننتها بضوابط

معينه ان تكون لحاجه وان تكون بلباسها الشرعي وعدم التبرج وان تكون

مع محرم اما ان تاتي بنت لتشتكي ان اخوانها او ولي امرها يمنعونها

من الخروج فلتحمد الله على وجود من يخاف عليها ويرعاها حتى ترضي ربها

واهلها وخالقها

خلاص سهل سكر على البنات وحطهم بقفص وحط الاكل من خلال القفص ذي تعرف ليش ما يخلونها الاغلب منهم لان يكون هو مهب سيده ولا مضبوط يغازل ويلاحق بنات خلق الله مهب خوف على خواته لا خايف يسون فيهم نفس ما يسوي ببنات خلق الله :) ما نقول البنت كل يوم تطلع بس ساعات تحتاج الترفيه خله هم يودونها ويطلعون معاها

[أسد الجزيرة]

عادي دام يخافون على اختهم يطلعون وياها

[الحال مايساعد]

خوف الرجال على هله مطلوب والله يبارك في هالنوعية من الشباب لكن إن الموضوع يتحول من خوف إلى عدم ثقة هذا مرفوض وراح يسبب أضرار لايمكن إصلاحها ، أنا أأكد على كلام "روح الأطلس" قلباً وقالباً والمفروض دام إخوانها رجاجيل يكملون رجولتهم برع البيت مب داخله ، ومن حق البنت تتفاخر وهي تمشي بالمجمع ولا بالكورنيش حذا أخوها

[ضوى]

الله يرحم ابوي واخوي رحمة واسعة

كانوا مايرضون نطلع مع ربعنا او بروحنا لكن الله يرحمهم ماقصروا فينا من طلعات وترفيه ياعسى ربي يجعل قبورهم روضة من رياض الجنة ويجعلهم في الفردوس ياااارب ويجزيهم عنا خير الجزاء

[دااانة قطر]

بصراحة أنا أهلي كانوا معانا بنفس الطريقة ممنوع كل شيء... إلا الطلعه للسوق مع المحرم وللغرض فقط

الحين أقدر أروح كل مكان بس المشكله أن لما أشوف أن مالي حاجه بالطلعه ما أطلع... حتى ربعي يعتقدون أني حبيسة البيت بس أودي اليهال الألعاب واقعد وياهم وهذا يمكن مره أو مرتين بالشهر...

من وجهة نظري الطلعه مع المحرم ضروريه وحلوه والله ولكن ألم يوجد أحد فالافضل لنا الجلوس والخروج للضرورة... يعني أختنا هذه ما تشتغل؟ أكيد تطلع كل يوم للشغل وتشوف الناس ووو

أدري بتقولين مب طلعه... بس بعد أحسن من ولا شيء

جزاكم الله خيرا



نفس حاالتي
أحس ان الطلعه لها وقت
والزم ماعلي البيت والعياال
واليمعه يوم الجمعه والسبت ترفيه

[دااانة قطر]

خوف الرجال على هله مطلوب والله يبارك في هالنوعية من الشباب لكن إن الموضوع يتحول من خوف إلى عدم ثقة هذا مرفوض وراح يسبب أضرار لايمكن إصلاحها ، أنا أأكد على كلام "روح الأطلس" قلباً وقالباً والمفروض دام إخوانها رجاجيل يكملون رجولتهم برع البيت مب داخله ، ومن حق البنت تتفاخر وهي تمشي بالمجمع ولا بالكورنيش حذا أخوها


كلااام راائع
من اللي يطبق:playball:

[نوار قطر]

شدعوه يعني الحين كل البنات الي يطلعون يرحون مجمعات فيهم بلىى؟؟؟ وبعدين المفروض ثقتهم في اختهم اكبر من شكوكهم البنت الكفو المتسنعه المتربية لو يحطونها بين 100 ريال 0ماراح ييغير فيها شي....

[رجوان]

حسبي الله على البنات المصخره الي بالمجمعات لوعوا جبدنا بشيفتهم الخايسه كل وحده متعداه لي من برا اتلاقي ريحتها خياس من داخل وتلاقيها داخل البيت ملابسها وريحتها فايحه

[تحداني]

ما اعتقد " قوانين الدخله والطلعه من البيت جات في يوم وليله "
مثل هالممنوعات الي تجي من الاخوان والوالدين متعارف عليها عند كل بيت يعاني من هالشي وانا ما اشوف فيها اي معاناه
وعلى الفتاه ان تتكيف مع هذا الوضع .. واذا ما قدرت تتكيف تحاورهم وتشوف وجهه نظرهم تالي لازم تسمع كلام الي يخافون عليها

المشكله ان هناك فتيات يقومون بالمقارنه
اشمعنه بنت افلان سوت وانا ما اسوي
واشمعنه هاذي اتسوق وانا ما اسوق
واشمعنه هذيج اتروح بيت صديقتها وانا ما اروح
فاعتقد المقارنه هنا خطأ



جملك الله برضاه

[ابو خليفه]

الحين الواحد اللي يخاف على هله ويغار عليهم صاروا يسمونه معقد ومقصر ووووو الخ .. صدقوني لو هالبنت

تبادل اخوانها بنفس الشعور كان عطوها ماي عيونهم لكن بعض البنات غفل شنقول عاد ....