الحذر من اسعار باري غاليري

[الدوحاتي]

امس كنت في باري غاليري فرع الرويال بلازا في ساعه اعجبتني قالي سعرها قبل الخصم 6064 ريال واليوم رحت فرع حياة بلازا وحصلت تفس الساعه بسعر 4690
ماركه الساعه gio monaco

للعلم والتنبيه فقط

[_بوشهاب_]

حصلت سعر الساعه 4690 قبل الخصم يعني ؟

وتراهم من زمااان اسعاارهم فووق انا اروح مع وااحد من الشاب يسوون له خصم جاامد اروح بروحي يجلدوني جلد

[قرنقووش]

بس للامانه متميز في العطورات ولو ان طلع عليه كلام من زمان ان كثير من اغراضه تقليد لكن تقدر تجيك في الوكاله

[بوخالد911]

عموما تسلم للنصيحة

[بصمة قطرية]

وايد انقرصنا من باري غاليري ..
عطور برع روايحها تختلف عن عطورهم ..!!!
و اسعارهم في الساعات بالذات دبل ..!!
احس ساعاتهم مش مضمونة ..
صرت اتجنب آخذ شي منهم ..

[airbus]

انا غاسل يدي منهم من اول ماتحول اسم المحل من باريس غاليري الى باري غاليري

[كازانوفا]

الحمدلله ما لي تعامل معهم من علو اسعارهم

[سيناتورنايف]

انا غاسل يدي منهم من اول ماتحول اسم المحل من باريس غاليري الى باري غاليري

للمعلومة غير الاسم لان الاسم تجاري ومسجل حق واحد قطري وطلب منهم مبلغ وختلفوا على المبلغ وغيروا من باريس الى باري

[قرنقووش]

للمعلومة غير الاسم لان الاسم تجاري ومسجل حق واحد قطري وطلب منهم مبلغ وختلفوا على المبلغ وغيروا من باريس الى باري

+١

صحيح هذا اللي سمعته

[abdo222]

يعطون 15% خصم, و لو تعرف لهم ينزلون لك 20% من السعر المكتوب,,

بس ساعاتهم واكسسوارات حق الحريم ممتازه,

[khalid 88]

عندي خصم 30 %

ومع ذلك اشعر ان اسعارهم في بعض الاحيااان مبالغ فيها

كنت دايما اشتري من عندهم لين انضربت اكثر من مره في الجوده تبع ماركة اقنر

يا ازرار مكسور ياقلم خربان

ورايح راجع ماعندي شغل الا هم

[airbus]

انا بعد عندي تخفيض في كل شي ولكن الصراحة ما اوتق فيهم

[غايه الطواش]

ماشتري من عندهم الا عطورات ومستحضرات لابريري

[الدوحاتي]

حصلت سعر الساعه 4690 قبل الخصم يعني ؟

وتراهم من زمااان اسعاارهم فووق انا اروح مع وااحد من الشاب يسوون له خصم جاامد اروح بروحي يجلدوني جلد

قبل الخصم في رويال بلازا على 6064 ونفسها قبل الخصم في الحياة بلازا على 4690

اقصد قبل الخصم تفرق الاسعار بين الفرعيين

[بـن عدوان]

اصلا من زمان هم رافعين الأسعار وتخيل ناس وناس يعطونهم خصم 30% او 40% وبعد ربحانين

[monatee]

اغراضهم كلش مغشوشه ومب شي
ماخذين ساعه من عندهم واكتشفنا في البيت من تحت مكتوب عليها made in chaina
ونفس الساعه فمحل ثاني وتقريبا نفس السعر made in itlay

[غيمة مطر]

والله احنا انقرصنا منه واااااايد

الازره لازم تنكسر

والقلم لازم يخترب

والساعه لو كانت روز قولد او قولد يطير لونها

مع انها المفروض اصليه ومبالغ خياليه بس الجوده صفر ...

وحاليا سويت لهم اكس وصرت اطلب كل شي من الانترنت وايد ارخص واظمن لي

[FCB 123]

أنا دايما اتعامل معاهم . وبالفعل الأسعار مرتفعة بس يعطونك خصم يخلونك تشتري من عندهم

بالنسبة للعطور دايما اشتري منهم

بالتوفيق للجميع

[همر]

الشيخ انا جاني مسج منهم من يومين انهم مسوين تنزيلات على الساعات 40٪ تأكد يمكن بدو التنزيلات بعد ماطلعت من الرويال وانت رايح الحياة !!! ترى الظليمه شينه...



خلنا من الكلام الانشائي .. نجي للجد..

من 4 سنين تقريبا نزلوا ساعه لمتد ادشن .. سبحان الله جيو موناكو برضو :eek2:


المهم الساعه بـ27 الف على اساس مرصعه بالالماس.. وحاطينها في باترينة عرض مميزه ومسلطه عليها الاضواء ... طُعْم...

المهم بعد الخصم عطوني اياها بـ19 الف على اساس انه خصم الخصومات اللي ماحصلش ولا حيحصل والشركه بتخسر لو نزلوا ريال واحد...


المهم.. المفاجئه الاولى.. كلمني ولد عمي وقال كنت اقدر اجيب لك خصم 50٪ يالدلخ :mad: .. يعني دفعت 6000 ريال زياده عالفاضي ...

وعلى اساس انهم معطيني اياها بسعر التكلفه :nono:


المفاجئه الثانيه.. بعد مده دخلت باريس جاليري فرع ثاني.. كنت ادور زرار وقلم للساعه.. شافها البياع وقالي الله حلوه الساعه .. انت مركب لها الالماس ؟!!!!!


والله كنه حد صب علي ماي بطاريه بارد !!!! قلت له ليش انتوا مانزلتوا منها الماس ؟!! قال لي لا !!! اول مره اشوفها :anger3:

قلت له انا شاريها من عندكم ولمتد ادشن يا بلفيت .. انصفق وجهه وحس انه خارها وقال لي اه يمكن ...

دريت السالفه فيها لعبه :mad:


المفاجئه الثالثه.. دخلت موقع جيو موناكو ادور على الساعه ولا لها اي ذكر !!!! ولا لمتد ادشن ولا الماس ولا عقيق يماني!!!!


المفاجئه الرابعه والادهى والامر... شاف الساعه بياع في الصالون الازرق.. قال انت مركب لها الالماس ؟!!! هني عاد انبطت كبدي.. قلت له ليش ؟!!

قال لي احنا اصلا وكلاء جيو موناكو وما قط نزلت الماس !!!!!!!! crazy


عرفت اني انقص علي ومتأكد مليون في الميه لو رحت لهم بيقولون لي ااااه هذي اصدار خاص للباريس جاليري شو بتفكر تئبرني !!!!


والفلوس اندفعت والساعه انلبست وماحسيت اني "........." الا عقب سنه .. قلت اسكت ابرك وهذا درس لن انساهو ما حييت .... ااااااي...




اللي يبي يتأكد انهم يجيبون ماركات مضروبه يروح الرويال ويسأل عن قلم جيو موناكو الالماس .... سعره 20 مادري 30 الف ووالله لو تمسكه بيدك تحس قلم مال تايلاند بريال ومركبين له الماس بالكثير بالف ريال في سوق الذهب ...

:anger3:

والحياه تجارب...



ترى عاقبت نفسي على ال19 الف اللي ضاعت عالفاضي لو شاري رولكس ولا بريتلنج ابرك.. ومن اربع سنين لابس الساعه ومحلل قيمتها وحالف ماشتري غيرها والثياب قمت افصل هدد عشان ماشتري ازره عقاباً لي ... :swoon2:

[همر]

اي صح تذكرت المفاجئه الخامسه ماقلت لكم عنها .... :deal:


عطوني كرت مع الساعه على اساس انها اصدار خاص وما انصنع منها الا 100 حبه في العالم مادري حق باريس جاليري بس ... تذكرون سالفة اصدار خاص اعلاه.... المهم الكرت مكتوب عليه ان السيريال نمبر مال الساعه 61 مادري 63 ...

بعد فتره... وكعادتنا دائماً... بعد ماتروح السكره وتجي الفكره ... قلت اذا اصدار خاص اكيد السيريال نمبر محفور على الساعه من ورى... :app:


اقلب الساعه واشوف الا ... Sn 0003 .... يعني serial number 0003 !!!!!

وط دز ذا مان مين ؟!!! واللي يحل اللغز له صفقه...

[airbus]

الله يعوضك ياخوي همر

وترا مب هو المحل الوحيد الي يبيع تقليد في محلاااات وااايد وخصوص الملات الي في فيلاجو صوب الماركات

وسبب انه ماحد يحاسبهم وتصير السالفة متل الغابة كل واحد ياكل التاني !

[بوجاسم566]

معروفيـن باريس غاليري

يعطونك سعر عقب ينزلون لك يمكن 35٪

[بومحمد55]

فعلا اللي يعرفونه يعطونه سعر حلو خصم جامد وللامانه كنت مأخذ منهم قلم
لمبرغيني واستعملته سنه وشي وطاح مني وتشمخ من فوق ونسيت الموضوع
ومريت عليهم كنت باشتري عطر رويته القلم ان تشمخ عطاني واحد جديد

[عضو قديم]

للعلم موظفين كيوتل لهم خصم اكثر من 50% والعهده على الراوي

[الدوسري قطر]

من فترة كنت ادور ساعة حق صباحية اخوي

لقيت عندهم نينا ريجي الجديدة كلها الماس ب ٣٠ الف خليتها

رحت المفتاح لقيتها ب ١٨ الف تقريبا ومعاها خصم

شهالنصب السعر دبل على ايش ياحظي ليكون محله موجود فاللؤلؤة والاجار نار

[الصغيره]

هم لو يفكونا من التنتف الصراحه الواحده تجي تشتري لها شي الكل يشد بها والكل يرشها بهالعطر والكل هاك هاك هاك مدام يدودهووووون ما تدري من انت بيده والسبب ان لكل بايع نسبه

والقهوه الا تشرب قهوه يااااخي ما ابي قهوه ما حب القهوه الا تشربين

اوكي كبتشينو


الصراحه بالعطور غير طبيعي مميز بس اسعار تسلخ المخبا:)

[Umahmad]

معروف ان اسعارهم غاليه

[الإكسير]

بالنسبه للعطور راحت اشتري عطر دبيور الأحمر سعره ب 501 ريال في فوريو ورحت باري نفس السعر501 هو شي حلو ومب حلو ،،،، لازم يكون فيه تنافس عشان الزبون يكون عميل للمحل،،، اما اذا الأسعار نفس شي بشتري من اي مكان

[مهرة]

الا صج من فترة ليست بالبعيدة شريت هدية حق الغالي ساعة مع ازرار وقلم ب20 الف طبعاً بعد الخصم الخيالي الي صار على قولتهم انهم ماعطو حد غيري من قبل بس عشان ماطلع زعلانه من المحل .. بس عقبها زعلت وتضايقت يوم صادف عرس واحد من ربعه وجا يبي يلبس الأزرة الا تكسرت وانكسر قلبي عليهم وتفشلت قدام الغالي وحلفت من عقبها ما اوطوط عندهم بالمرة .. وترى هم الخسرانيييين ..!

[دايموند]

للمعلومة غير الاسم لان الاسم تجاري ومسجل حق واحد قطري وطلب منهم مبلغ وختلفوا على المبلغ وغيروا من باريس الى باري
وصاحب العلامة باريس غاليري شنو يبيع ؟!

[الخزرجي قطر]

اسعارهم متفاوته حسب موقع المعرض
شكرا لك على التنبيه

[Roo7MooT]

انا مرة خذت من عندهم طقم اجنر لبسته بعد شهرين حق عرس واحد من الربع

من لبست الازرار والا ينكسر وديته لهم وعطوني واحد نفسه ويديد بداله

ليش ماتردون الازرة والأقلام الي تخترب أظن عليها 6 شهور ولا سنة ضمان

[asmr]

اي والله انا اشهد انهم ينصبون

[الـراسي]

هذي مشكلة ربعنا بقطر الخجل من ارجاع البضاعه

انا اشتري حاجه بسعر خيالي

والحاجة هذي ما ارتفع سعرها الا لانها ذات جودة عالية

والمفروض عليها ضمان

ليش ما اردها لهم ما فيها شي

واطالب بالبديل

[ابن الرومي]

انا الصراحة الغيت التعامل مع باري جاليري
وحاط عليه xxxxxxx
تعرفون ليش
من سنتين رحت مركزهم في حياة بلازا
ولقيت ساعة الماس نسائية حلوة
وانا اشوف الساعة لقيت ازره على الطاولة معرضة وشكلها حلو
قلت بكم الازرة قال 400 ريال
بس بعطيك عرض اشتري الساعة وبعطيك الازرة مجاناً وخصم على الساعة 50%
تصدقون الازرة في اسبوع طار لونه الذهبي
والساعة بعد سنه وقفت وما تشتغل
والماركة مش معروفه
واسعارهم غالية لانهم واثقين ما في حد غيرهم في السوق
يعني اكيد تقليد في تقليد

[بزنس كاتس]

هههههه مواقفكم اتضحكo(^▽^)o
مساكين الله يعينكم

[Class - Qtr]

السلام عليكم

عيدكم مبارك .. وكل عام والجميع بخير

سوق قطر بشكل عام مايشجع الواحد يدفع ويشتري شي ماعندنا سوق

مثل باقي الدول الخليجيه اتكلم عن ( البحرين / الامارات )

وموضه التقليد في المحلات المشهورة

منتشرة وبكثرة في قطر

وحمايه المستهلك

راقدييييييين

!!

[رُفق المجنّا]

والله من زمان وانا مقاطعه باري غاليري وحالف ما اشتري منه

نصب واحتيال ، وتعامل الموظفين سئ للغاية

[Charisma]

خذوها مني اسعارهم غاليه ومبالغ فيها وبدون جدال ..

انا اشوف الماسه الزرقاء والجابر افضل وارقى من باري غاليري والجابر خذوا وكاله hysek...
اضف الى ذلك .. ساعات باري غاليري ( الرجاليه ) اتحس مادري شلون انواع الدفاشه اتييك الساعه
ملغمه ماتلقى شي راقي ..

[Toot]

بل فرررررررق كبييير

[بـن عدوان]

خذوها مني اسعارهم غاليه ومبالغ فيها وبدون جدال ..

انا اشوف الماسه الزرقاء والجابر افضل وارقى من باري غاليري والجابر خذوا وكاله hysek...
اضف الى ذلك .. ساعات باري غاليري ( الرجاليه ) اتحس مادري شلون انواع الدفاشه اتييك الساعه
ملغمه ماتلقى شي راقي ..

صادق !!!!!

[w.qatar]

انا خذيت من عندهم نينا رتشي من فتره وديتها الصيانه لان القزازة انشلخت هم يبدلونها ب 350 و المفتاح ب250 !!!!!!

[hot2000]

باري غاليري
الماسه الزرقاء
الأيد

كلهم نصابين وشغل تايلاند

ناس معينين لهم تخفيضات إضافيه

حالهم كحال الجابر

باري غاليري عطورات وبس

[الصغيره]

هذا معروف اي بائئئئع يرفع السعر عشان النسبه له يعني هاللي واقفين لنا بالعطور ونقول ما نبي لا ترشون ويرشون علينا حبا بان ينثروا العطور لا طبعا الا لكل منهم نسبه وكل ما غلى الاجار وكثر البائعين غلت البضاعه الرجاء مقاطعة هالنوعيه والانتباه لفواتيركم ترى احيانا يزيدون السعر وكل على المستهلك

[قطر دزاين]

نفس العطور وارخص في الصالون الازرق:)

[ابن الرومي]

وصاحب العلامة باريس غاليري شنو يبيع ؟!

صاحب محل باريس محله في سوق الحراج
محل بوتيك

[صوت الضمير]

أخوي همر المهم نتعلم والخسارة خساره وأنا من فتره قريت موضوع بمنتدى إماراتي

وحده مأخذهم شنطه الظاهر شانيل منهم ويوم راحت البيت مكتوب مدل أن الصين

ودافعه مبلغ جامد يقولون في مصنع بالصين يورد لهم المهم أنا غسلت ايدي

مأخذ إلا عطور ومكياج وموب دائم إذا ما حصلت العطور بمحل ثاني اضطر


وخلاص أنا من عرفت للتسوق للإنترنت كل الماركات أخذها من برا بنص ألقيمه واهم شئ من مكان ثقه

[صوت الضمير]

أنصحكم بزياره الحميضي للساعات بتحصلون فروعه بالسعودية

بالأحساء والدمام في الماركات العالميه وموثوقه

[mr.hamouda]

اصلا عادي
اصلا ما احبهم
اصلا ساعاتهم موب شي
اصلا عندي فلوس بس ما تعجيبني بضاعتهم

[N!GHTWOLF]

انا غاسل يدي منهم من اول ماتحول اسم المحل من باريس غاليري الى باري غاليري

اسم باريس جاليري مملوك لشخص في قطر واعتقد المحل فسوق الخميس و الجمعة

لما شركة باريس جاليري فاوضوه رفض و راحوا للمحكمة بس فالنهاية الشركة قررت تغير من باريس جاليري الى باري جاليري