طفح الكيل من اخطاء كيوتل وبعدين معاهم ؟؟؟!!!!

[ملاك]

امس رحت كيوتل ابي اطلع لسته بالارقام اللي بأسمي وابي اكنسل اللي ما استخدمه

تفاجأت ان الموظف ما ذكر رقم استخدمه حاليا على البلاك بيري

قلت له اخوي في رقم ما ذكرته من ضمن اللسته قالي ماعندج غير اللي ذكرته

عطيته الرقم يجيك عليه الا الرقم بأسم شخص ثاني مب اسمي :rolleyes2:

قلت له مستحيل الرقم صار له اكثر من سنه عندي اشلون مب اسمي !!

قالي مب اسمج وما اقدر اقولج بأسم من لانه ممنوع !!

قلت له طيب تأكد من رقم بطاقته يمكن صار خطأ وتشابه في ارقام البطاقات !!

تخيلوا طلع الخطأ من الموظف اللي دخل البيانات وغلط في رقم واحد بس

قلت له من يتحمل الخطأ ؟ اشلون رقم انا استخدمه وكل اللي عليه خواتي ورفيجاتي

ويطلع بأسم رجال .. والمصيبه هالرجال مايدري عن هالرقم .. قالي الموظف اوكي

طولي بالج وانا بعدل عليه !! انا رفضت وقلت له لا تعدل عليه.. ابي اخذ رايكم اشلون

اتصرف؟ واذا انت مكاني اشلون بتحل هالمشكله؟

[راشد محمد]

لا تسكتين عنهم اشتكي عليهم..

[بن غيث]

الخطأ وارد في اي مكان
خصوصا كيوتل
خله يعدل عليه ويرقعونها
والله كريم

[دااانة قطر]

معنااته اغلب البياانات الالكترونيه خاطئه؟؟

[ملاك]

الخطأ وارد في اي مكان
خصوصا كيوتل
خله يعدل عليه ويرقعونها
والله كريم

تهقى :nop:

[ملاك]

لا تسكتين عنهم اشتكي عليهم..


عيزانه اراكض

واخر شي ماراح اخذ منهم لا ابيض ولا اسود :mad:

[ملاك]

معنااته اغلب البياانات الالكترونيه خاطئه؟؟


هذي ثاني مره اختي دانه يسوونها فيني والله

مره في تلفون غرفتي والحين رقم هلا

الله كريم

[abdo222]

ما بتاخذين منهم شيء مفيد,, خليه يعدل الخطأ وكان الله غفور رحيم,, واذا الرقم باسم اي شخص, هال الشخص ما يقدر يدخل على الارقام ولا شيء, المشكله لو الشخص قدم على بدل فاقد بيعطونه شريحه جديده ويكنسلون الي عندج, بس بتكون شريحته فاضيه,,

[mariamaziz]

ماادري ليش صرت من أسمع اسم هالشركة تييني حساسية ..

[غايه الطواش]

خطأ موظف ويتصلح
وكان الله غفور رحيم

[Anas_G]

هلا الشيخه ما راح تطلعين بشي

غير اعتذار المسؤول او المدير و توبيخ الموظف وبس

[رجل الجزيرة]

عدلي الخطأ والخطأ وارد، والله غفور رحيم.

[ANONYMOUS]

المسامح كريم

مالنا إلا كيوتل عين السيح

[@north_star@]

مثل ما قالوا الاخوان الخطأ وارد وما في حد معصوم عن الغلط

[قطر دزاين]

المصيبه عندي رقم قاطعه سنه 1998 ودافع اللي عليه

من كم يوم متصلين لي يقلون عليك 5000 وشي على رقم المقطوع انا بالعاده مسوي ملف للفواتير كيوتل ولقيت الفاتوره انها مدفوعه

المهم قلت له دام علي فاتوره ليش لما اخذ خدمات كيوتل طول ها السنين ما علي فواتير

المهم الفاتوره عندي

[بوخالد911]

اطلبوا معرفة اسم الموظف اللي دخل المعاملة

لتتم محاسبته

فهل انتم فاعلووووووووووووووووووون؟!؟!؟

[CH Engineer]

عادي انا حولوا رقمي الهلا فاتوره وقالوا بالغلط واحد يشبه رقمك
طيب والرقم الشخصي؟؟ اهم شي الموظف غلطان
ارتفعت الفاتوره 1000 وشوي وبعدها انقطع الخط وبعد فتره رحت اخلص الموضوع ودفعوني 2000 ريال للاجار الشهري والفاتوره واقلب الخط فاتوره
هالكلام من فتره والرقم الحين باسم شخص ثاني ورحت كيوتل اشيك علي فاتوره على هالرقم وهو مب باسمي
عادي كيوتل

[الجوكر90]

السلام عليكم
عادي ماصار الا الخير
هو مايعتمد ع الاسم كلش
بس ياخذ الرقم الشخصي ويحوله عليه

مره فالمرور حولت رقم باسم واحد الا الشرطي دخل الرقم غلط
بعد يومين الرجال كلمني وقال الرقم ماتحول باسمي رحت وطلع خطا وصحح الخطاء

تبين احطمج
بقولج سالفه بس شوي قديمه
مره واحد كان مسافر فتره طويله تقريبا 6 شهور وكان عنده رقم يسوى 40 الف
يوم رجع شغل الرقم الا مايشتغل كلمهم وقالوا له الرقم مب باسمك قال اشلون
المهم راح لهم وطلع الرقم محول باسم واحد ثاني وجابو له الطلب عاد ع ايام اول عادي بدون توقيع اذا تعرفين الي يشتغل هناك بس صوره من البطاقه الشخصيه
قال انا كنت مسافر اشلون صار جي قالوا مالنا خص
المهم رفع عليهم قضيه ان مب هو وطلع واحد شريطي يعرفه متعامل معاه من قبل باع الرقم وهو مسافر لان عنده صوره من الطاقه الشخصيه ولان يعرف الي يشتغل هناك
المهم القضيه تمت سنه تقريبا وبعدها خسر القضيه
لا الموظف تحاسب ولا رجعوا له الرقم

يعني خليه يعدلج الخطا ولا ترى السالفه ما تستاهل

[ask_and_get]

يعني خطأ موظف .. مب من الشركه نفسها

فكل انسان يغلط !!

فـ سامحيه اختي ..

[آلملآزم]

ارفعي عليهم قضيه وأطلبي تعويض والنص بالنص :tooth:

[airbus]

الرقم الي مب مسجيل بي اسمك متل هدا الرقم zzzzxxyx

[ابوالكلام]

لعبتهم كيوتل ألسستم والسستم يحطون كل مشاكلهم عليه فل تذهب كيوتل الى الجحيم ان لم تحترم عملائها

[منابر خالده]

انا حزات اخربط من زحمه العمل خصوصا مع الارقام الطويله
طولي بالج الاخطاء وارده وهالخطاء ممكن يتعدل بدون شوشره لان في النهايه
مابتستفيدين شي لو بتشتكين عليهم

[AL.SHMOKH]

والله مأساة الله يكون بعونج

[اليحصبي]

تخيلوا طلع الخطأ من الموظف اللي دخل البيانات وغلط في رقم واحد بس


http://www.shooq4.com/vb/images/bb/14.png
ااذا كان الخطأ بسبب رقم !؟
http://www.shooq4.com/vb/images/bb/20.png
شلون الرقم مسجل بـ اسم شخص ثاني
يعني صوره الاثبات الي مسجل فيها الاسم والمعلومات
ناقلهم غلط ، نقل رقم غلط وباقي البيانات صح !!
وتحول لملكيه واحد ثآني
:con2:

[يوسف الحمادي]

جل من لا يسهو

الخطاء وارد ومافي احد معصوم منه

[OREO]

اذا الموظف قاصد يغير في الرقم ،، لازم ياخذ جزاه ،،

اما اذا الموظف اخطأ ،، فأعلمي ان الخطأ وارد و في كل مكان و زمان و سواء كيوتل او غيره ،،

الانسان يموت بسبب اخطاء صغيره احياناً و كيوتل حرام عليها تخطأ في رقم ؟؟