مخطط رحلتي إلى تركيا ان شاء الله

[ضوى]

اخواني واخواتي

السلام عليكم ورحمة الله وبركاته

قررنا بعون الله ومشيئته السفر إلى تركيا للسياحة والاستجمام ، والحمد لله رتبنا كل امورنا وحجزنا التذاكر والفنادق تقريبا

وبيكون مخطط رحلتي كالتالي :

دوحة دبي اسطنبول مطار اتانورك دبي دوحة

راح ننزل اسطنبول ثلاث ليال بفندق ايا سلطان بمنطقة السلطان احمد احب الهدوء ، ومن بعدها حجزت عالخطوط التركية إلى انطاليا لمدة ست ليال استجمام عالبحر وقاعدين نحاول في عدة منتجعات اسلامية وللحين ماحصلنا وراسلت بعض الفنادق وان شاء الله نحصل

ومن بعد انطاليا بنرجع على مطار اتاتورك ونتجه نحو منطقة صبنجة وحجزنا في فندق جرين بارك كارتيبيه يقولون منطقة ثلجية حلوة وبنقعد فيها ثلاث ليال

ومنها نتجه لمطار صبيحة للسفر إلى طربزون ومنها إلى اوزنجول جنة الله في الارض وبنقعد فيها اربع ليال وبنقضيها سياحة في الاماكن الجميلة هناك

وبعده بنرد على مطار صبيحة ومن ثم إلى فندق مرمرة اسطنبول لمدة خمس ليال لزيارة بورصة والمولات للتسوق والاستعداد للعودة للوطن

رايكم يهمني اذا فيه اي اضافات فاتتني ، مع العلم انه ترتيب هالجدول من بعد مطالعة وتصفح العديد من المواقع السياحية

شاكرة لكم

[قطري !]

تروحين وتردين بالسلامه



جدولج ماشالله .. احسن من اللي يروحون سياحه ويقعدون بمكان واحد

[الكنترول]

اللي يروح انطاليا ما يروح البحر
لأنهم كلهم بيكيني والعياذ بالله

[abdo222]

ما شاءالله جدول حافل, ما شاءالله يغطي اهم الاماكن في تركيا,,

احجزوا لرحله بورصه اول ما توصلون لان رحلات بورصه مب كل يوم, في شركه اسمها شركه الحران رحنا وياهم بورصه انصح فيهم,,

انطاليا اتوقع تحتاج اقل من 6 ايام,, نقصوا من ايام انطاليا وحطوها في اسطنبول (مرمره) لان فندق مرمره دقيقتين من شارع الاستقلال وهال الشارع يباله من يوم الى يومين للشوبنج فيه,

احجزوا رحله لجزر الاميرات (باخره من اسطنبول للجزر تقريبا ساعه الطريق) "هذا يوم كامل"
وبعض المتاحف والقصور تفتح 3 ايام بالاسبوع بس, فهال المعلومات تاخذونها من الفندق تعطونه اسم المكان واهو يقول لكم لو مفتوح اليوم الفلاني او لا,

وتروحون وتردون بالسلامه

[البدع]

روحي بورصة

ومدينة اليهود المفضلة تاريخيا ..... ازمير

[قطريه ماركه]

ما شاء الله جدول حلوو .. موفقه ان شاء الله اختي ضوى ..

و ننتظر التقرير الحلووو ....

[قطريه ماركه]

ما ذكرتي وقت الرحلة ؟؟ و على أي طيران ؟؟؟

[ضوى]

ما ذكرتي وقت الرحلة ؟؟ و على أي طيران ؟؟؟

وقت الرحلة ان شاء الله من 22/6 إلى 13/7

على الخطوط الجوية الاماراتية

والرحلات الداخلية عالخطوط التركية والخطوط الاناضولية تابعة للتركية ايضا

[ضوى]

وحبيت انوه كل الحجوزات تمت بحمد الله عن طريق النت وباسعار معقولة ولله الحمد

[ضوى]

تروحين وتردين بالسلامه



جدولج ماشالله .. احسن من اللي يروحون سياحه ويقعدون بمكان واحد

الله يسلمك اخوي

[ضوى]

اللي يروح انطاليا ما يروح البحر
لأنهم كلهم بيكيني والعياذ بالله


ان شاء الله وبحول الله سيتم الحجز في منتجعات إسلامية

[ضوى]

ما شاءالله جدول حافل, ما شاءالله يغطي اهم الاماكن في تركيا,,

احجزوا لرحله بورصه اول ما توصلون لان رحلات بورصه مب كل يوم, في شركه اسمها شركه الحران رحنا وياهم بورصه انصح فيهم,,

انطاليا اتوقع تحتاج اقل من 6 ايام,, نقصوا من ايام انطاليا وحطوها في اسطنبول (مرمره) لان فندق مرمره دقيقتين من شارع الاستقلال وهال الشارع يباله من يوم الى يومين للشوبنج فيه,

احجزوا رحله لجزر الاميرات (باخره من اسطنبول للجزر تقريبا ساعه الطريق) "هذا يوم كامل"
وبعض المتاحف والقصور تفتح 3 ايام بالاسبوع بس, فهال المعلومات تاخذونها من الفندق تعطونه اسم المكان واهو يقول لكم لو مفتوح اليوم الفلاني او لا,

وتروحون وتردون بالسلامه

بورصة قررنا نخصص له يوم لكن مش مبيت ، وايد زحمة وعالم عالتلفريك ومعانا يهال صعبة

بالنسبة لانطاليا مخططين ثلاث ايام انطاليا عالساحل وثلاث ايام وسط المدينة وفيه برامج سياحية حلوة تغطي هالثلاث ايام

بالنسبة لرحلة البسفور راح تكون كلها باسطنبول وراح يتخصص لها جدول معين

اما متاحف وقصور بنشوف اشلون وضع البزران اللي معانا ونخطط لها ان شاء الله

[ضوى]

روحي بورصة

ومدينة اليهود المفضلة تاريخيا ..... ازمير


ان شاء الله بورصة بالجدول بس مش مبيت

ازمير مب في جدولي لانه تاريخ الرحلة محدود بزمن معين

[ضوى]

ما شاء الله جدول حلوو .. موفقه ان شاء الله اختي ضوى ..

و ننتظر التقرير الحلووو ....

تحلى دنياج ياااارب

ان شاء الله راح انزل التقرير باقرب وقت بعد العودة بكل التفاصيل

[abdo222]

بورصة قررنا نخصص له يوم لكن مش مبيت ، وايد زحمة وعالم عالتلفريك ومعانا يهال صعبة

بالنسبة لانطاليا مخططين ثلاث ايام انطاليا عالساحل وثلاث ايام وسط المدينة وفيه برامج سياحية حلوة تغطي هالثلاث ايام

بالنسبة لرحلة البسفور راح تكون كلها باسطنبول وراح يتخصص لها جدول معين

اما متاحف وقصور بنشوف اشلون وضع البزران اللي معانا ونخطط لها ان شاء الله

ايه بورصه مب لازم مبيت قصدي "احجزوا للرحله لو بتروحون ويا جروب سياحي, لانه مب كل يوم يروحون بورصه" , لان الرحله الى بورصه اول شيء بالسياره للميناء, بعدين بالباخره تحمل السفينه وبعدين لين توصل تكمل بالسياره لين بورصه (تقريبا ساعتين- 3 ساعات الرحله لللوصول,,

ولو وياكم بزران بيعجبهم "ميني اتاتورك" الحديقه الي فيها مجسمات صغيره لاشياء تركيا, وحديقه الحيوانات في مدينه (يالوا) "بين اسطانبول و بورصه" بالتوفيق وبالسلامه :)

[ولد ازغوى]

جدولج حلو مع اني حبيت بورصه وخاصه رحلة الجبل والشواي و المنطقه حلوه وشرحه يعني لو تحطين لها يومين بيكون تمام
ومب شرط التلفريك السايق ممكن يوصلكم لين فوق بدون تلفريك

[findi]

آاايه على تركياا http://im15.gulfup.com/2012-05-27/1338115226281.gif =(

جدولج ممتاز ماشاء الله

تروحين وترجعين بالسلامه يا رب

وناطرين التقرير والصور

الله يحفظج

[خشوف]

ضوى حبيبتي نبغي تقرير مفصل لاني بروح شهر 9


تروحين وترجعين بالسلامة

[بوخالد911]

خووش ترتيب

والله يوفق

وبننتظر التقرير

[الصقر999]

لو تخصصون من الجدول زيارة بحيرة أبانت وايد حلو طبيعة وجو وهي قريبة من اسطنبول تقريبا ساعتين ونص بالسيارة.. موفقين في رحلتكم

[ذيب ازغوى]

اذى رحتي اسطنبول انصحج في الكوفي الشوب اللي على الجبل ويطل على اسطنبول كلها

اولوس بارك كافيه

[abdo222]

لو تخصصون من الجدول زيارة بحيرة أبانت وايد حلو طبيعة وجو وهي قريبة من اسطنبول تقريبا ساعتين ونص بالسيارة.. موفقين في رحلتكم

صدقت,, شفت الصور مب طبيعيه, جنه سبحان الله

[ضوى]

ايه بورصه مب لازم مبيت قصدي "احجزوا للرحله لو بتروحون ويا جروب سياحي, لانه مب كل يوم يروحون بورصه" , لان الرحله الى بورصه اول شيء بالسياره للميناء, بعدين بالباخره تحمل السفينه وبعدين لين توصل تكمل بالسياره لين بورصه (تقريبا ساعتين- 3 ساعات الرحله لللوصول,,

ولو وياكم بزران بيعجبهم "ميني اتاتورك" الحديقه الي فيها مجسمات صغيره لاشياء تركيا, وحديقه الحيوانات في مدينه (يالوا) "بين اسطانبول و بورصه" بالتوفيق وبالسلامه :)

اضافة حلوة اخوي ان شاء الله بورصة في المخطط بنخصص لها يوم كامل والله يعينا يااارب ونسعد هاليهال

[ماجد البدر]

اخواني واخواتي

السلام عليكم ورحمة الله وبركاته
وعليكم السلام و رحمة الله و بركاته


قررنا بعون الله ومشيئته السفر إلى تركيا للسياحة والاستجمام ، والحمد لله رتبنا كل امورنا وحجزنا التذاكر والفنادق تقريبا

وبيكون مخطط رحلتي كالتالي :
في حفظ الله و رعايته


دوحة دبي اسطنبول مطار اتانورك دبي دوحة

راح ننزل اسطنبول ثلاث ليال بفندق ايا سلطان بمنطقة السلطان احمد احب الهدوء ، ومن بعدها حجزت عالخطوط التركية إلى انطاليا لمدة ست ليال استجمام عالبحر وقاعدين نحاول في عدة منتجعات اسلامية وللحين ماحصلنا وراسلت بعض الفنادق وان شاء الله نحصل
اذا تبين اساعدج في موضوع المنتجعات الاسلامية في انطاليا ان شاء الله اشوفلج ناس


ومن بعد انطاليا بنرجع على مطار اتاتورك ونتجه نحو منطقة صبنجة وحجزنا في فندق جرين بارك كارتيبيه يقولون منطقة ثلجية حلوة وبنقعد فيها ثلاث ليال
بحيرة سابانكا مافيها ثلج وانا غيرت وجهتي عنها خوف انها حاره يمكن فيها ثلج ايام الشتا لو انتي مسافره هذه الايام ما اعتقد فيه ثلج خاصة سبنجه بس جوها حلو


ومنها نتجه لمطار صبيحة للسفر إلى طربزون ومنها إلى اوزنجول جنة الله في الارض وبنقعد فيها اربع ليال وبنقضيها سياحة في الاماكن الجميلة هناك
مادري حجزتوا في اوزنجول اولا لانها بتكون زحمة لو تسكنون في طربزون وتروحون زيارة يوم مثلا من الصباح الى الماء وترجعون السكن في طربزون افضل في رايي ثم اليوم التالي تذهبون الى منطقة ايدر
ويوم سلطان مراد او مرتفعات طربزون


وبعده بنرد على مطار صبيحة ومن ثم إلى فندق مرمرة اسطنبول لمدة خمس ليال لزيارة بورصة والمولات للتسوق والاستعداد للعودة للوطن
انتوا شوي لخبطتوا الجدول في اعتقادي

يعني انتوا وصلتوا سبنجة او سابانكا بيكون باقي على بورصة بسيارة بس ساعتين و الطريق حلو بدل ماترجعون اسطنبول ثم تذهبون الى بورصة وغالبا بتروحون بمركب وانتوا اصلا قريب على بورصة
في رايي لو وصلتوا اسبانكا روحوا بورصة ومن بورصة رجعوا بالمركب او ترجعون من جديد بسيارة

واسطنبول ترى حارة في النهار وجوها حلو معتدل في الليل
و التسوق و المولات هو افضل شي فيها
انتبهوا لنفيكم في انطاليا من كثرة العرب خاصة غير الخليجيين
لانهم وايد هناك وفي شارع الاستقلال في اسطنبول
وفي شمال تركيا طربزون واوزنجول وهذه المناطق امان بأذن الله وما تشوفون الى كل خير


رايكم يهمني اذا فيه اي اضافات فاتتني ، مع العلم انه ترتيب هالجدول من بعد مطالعة وتصفح العديد من المواقع السياحية

شاكرة لكم


بالعموم تنقلكم حلو فيه حركة وان شاء الله انطاليا تعجبكم

بس لو وصلتوا طربزون بتكون رحلاتكم الجاييه ادمان على طربزون و القرى الشماليه وتنسون شي اسمع انطاليا برغم من جمال الاماكن و الخدمات الراقيه في انطاليا موفقين ان شاء الله

[ضوى]

اخوي ماجد

تقدر تشوف لي منتجعات اسلامية في انطاليا ؟؟

لقيت منتجعين لكن اسعار فوق الخيالية

حجزت بفندق بعيد شوي عبارة عن اكواخ لكن ادور على غيره

[ماجد البدر]

اخوي ماجد

تقدر تشوف لي منتجعات اسلامية في انطاليا ؟؟

لقيت منتجعين لكن اسعار فوق الخيالية

حجزت بفندق بعيد شوي عبارة عن اكواخ لكن ادور على غيره


انطاليا ما تصلح اكواخ انسي موضوعه

باشوف لج اسعار حلوه خلال يومين ان شاء الله

مادري متى تاريخ السفر و الذهاب الى انطاليا

[ضوى]

انطاليا ما تصلح اكواخ انسي موضوعه

باشوف لج اسعار حلوه خلال يومين ان شاء الله

مادري متى تاريخ السفر و الذهاب الى انطاليا

والله ياريت تسوي فيني خير معاي اطفال 5 واحنا ستة كبار

طالعين انطاليا ان شاء الله بتاريخ 25/6 إلى 1/7/2012

اكون شاكرة لك لو قدرت تدبر لي مكان يستانسون فيه اليهال بحر وزحلاقيات وبرك سباحة

[كود نمبر]

لا تفوتين أوز نجول اذا رأيحين لتركيا من اجمل الطبيعة على الارض

الله يعينكم على تركيا اعتقد ها السنه بتكون زحمه غير طبيعيه فيها بسبب أوضاع المنطقه

رحله سعيده