تعديل معاشات المتقاعدين

[الوعب]

الوطن

قامـت الهيئة العامة للتقاعد والتأمينات الاجتماعية بصـرف مبلغ وقـدره «76» مليون ريال في شهر مايو 2012م، وهو عبارة عن فروق المعاشات التقاعدية لعدد «1097» متقاعدا، ممن تمت إحالتهم للتقاعد من البند المركزي، وذلك بأثـر رجعي من تاريخ 1/4/2010 م بعد أن تمت إعادة تسكينهم من قبل الأمانة العامة لمجلس الوزراء، طبقا لقانون الموارد البشرية.

ويأتي تسكين المحالين إلى البند المركزي على التقاعد لإنهاء ذلك البرنامج الذي كان يحال إليه الموظف بكل مميزاته الوظيفية، وتتولى الهيئة العامة للتقاعد مسؤولية ومتابعة شؤون المتقاعدين، الذين يصل عددهم إلى أكثر من 10 آلاف متقاعد، حيث تقوم بتحصيل الاشتراكات الشهرية وأية تكاليف مالية مستحقة لصندوق التقاعد

وإضافة أو تعديل بيانات المشتركين، وجهات العمل الخاضعة لقانون التقاعد والمعاشات وتزويد المشتركين وجهات العمل بالمعلومات التي يحتاجون إليها، والسعي إلى الربط الآلي مع جهات العمل، وإنهاء خدمة المشتركين وتسوية المعاش.

[قطر دزاين]

السلام عليكم

الحين بيزيدون رواتب المتقاعدين او بأثر رجعي

[رجل الجزيرة]

جزاك الله خير.

[ابو حيان]

السلام عليكم

الحين بيزيدون رواتب المتقاعدين او بأثر رجعي

الاثنين معا :yu:

زيادة في الراتب وبأثر رجعي من 01/04/2010م
ونزلت في حساباتهم هالشهر :yes:



اخوكم
ابو حيان

[قطر دزاين]

الاثنين معا :yu:

زيادة في الراتب وبأثر رجعي من 01/04/2010م
ونزلت في حساباتهم هالشهر :yes:



اخوكم
ابو حيان

جزاك الله خير

[Um Yousif]

يستاهلون:app2::app2::app2:

وجزاك الله خير عالنقل

[basma222]

الف الف الف مبروك وعقبال الباقي

[قطر دزاين]

نزل الراتب ما فيه زياده :)

[basma222]

للحين ما نزل الراتب ان شاء الله خير

[قطر دزاين]

بسما اما يفرحونا وما ينزلونها:)

[بنت امي]

يعني زيادة راتب او ايش ؟

[Cute Mother]

السلام عليكم

الحين بيزيدون رواتب المتقاعدين او بأثر رجعي

شلون بتكون حسبة الراتب للمتقاعد ؟ يعني هل الزيادة بتكون ثابتة في الراتب او لا ؟ والزيادة بتكون بنسبة كم ؟

[(بوطلال)]

مافي زياده للمتقاعدين الموضوع هو الي احالوهم للبند المركزي وبعدها تحولوا للتقاعد الحين رجعوهم للامانه العامه والمده الي كانوا فيها يستلمون راتب تقاعد راح يردون لهم راتبهم الكامل عن هالمده وبس. توهم زايدين الكل60% !!

[شاعر المليون]

الفروقات لعدد 1097 فقط ممن تم احالتهم للبند المركزي

[مستجدة]

مافي زياده للمتقاعدين الموضوع هو الي احالوهم للبند المركزي وبعدها تحولوا للتقاعد الحين رجعوهم للامانه العامه والمده الي كانوا فيها يستلمون راتب تقاعد راح يردون لهم راتبهم الكامل عن هالمده وبس.

زين الحمدلله
الله يبشرك بالخير
يستاهلون والله

[basma222]

لنا الله

[قطر دزاين]

طالعنا صفر احنا المتقاعدين :)

[مضاربه]

انا جاني مسج مافي زياده

[بن موسى]

نزل الراتب بدون فرق وخذة الغراب وطار الله يستر عليه ويحفظة

متى ينزل راتب شهر 6 بس 0

يالله باقي 34يوم

[qatar911]

للحين ما نزل الراتب ان شاء الله خير

الف الف الف مبروك وعقبال الباقي

[dream~qa]

76 مليون على 1097 موظف خلال 25 شهر

يعني بتطلع الزيادة من 1500 ل 3000 لكل موظف من الموظفين المتقاعدين اللي تمت اعادة تسكينهم كلن على حسب درجته .

يستاهلون .

[ابن سينا]

طيب والي تقاعد قبل هذا التاريخ ماله شي يعني افلس اريد افهم؟؟؟؟؟؟؟؟؟؟؟

[بصمة قطرية]

الله يسهل امور المتقاعدين و تشملهم الزيادة ان شاء الله ..
ما تكون بس للمحالين للبند المركزي ..
حتى المتقاعدين يستاهلون ..

[basma222]

انا انتظر مسج البنك ان شاءاله خير

[بذرة غلااا]

توه جاني مسج من البنك مافي زياده في الراتب

[um.yousef]

نبغي نعرف من الي يشملهم القرار مثلا أنا بند مركزي من ٢٠٠٦م واحلوني للتقاعد بعد سنتين من البند فهل هذا القرار يشملني
ارجو إفادتنا بهذا الموضوع

[فتى الجود]

السلام عليكم

الفال لأفــراد الجيش والشرطة المقاعدين

(( الأفراد و ليس الضباط ))

الله يزيدهم من فضله

[عشقي قطر]

على مااعتقد ,, مجرد منحهم الدرجة الوظيفية اللي كانو مستحقينها وماحصلو عليها في وظايفهم فقط للمتقاعدين في تلك الفتره المذكوره .. فامجلس الوزراء عطاهم هالدرجة اللي يستحقونها بآثر رجعي .. بس الله يهديهم الخبر اللي بالجريدة ماكان واضح للكل..

[مستر راشد]

نزل الراتب لاكن مافي زياده!!!!

[fahad_qatar]

الي على البند المركزي بس والمتقاعدين الباقين من عسكرين ومدنيين عطوهم كرت أحمر

يالله الله المستعان

[sendarala]

واحنا اللي الزمونا ناخذ ( استقالة تقاعدية ) وين مستحقاتنا اللي كانوا ياخذونها ( 5% ) واحنا على راس عملنا ( وزارة التربية والمجلس الاعلى )<<<<< الكلام لكم

وما اشوف زادوا في معاشاتنا ولا احنا ما لنا رب