موااااجهه بيني وبين أجنبيه في احدى المولات

[غلا ابوها]

السلام عليكم ورحمة الله وبركاته
اخواني اعضاء المنتدى الكريم حبيت اطرح لكم موضوعي مع البنت الاجنيه
ذهبت الى احدى المولات وانا امشي حسيت الناس وعمال النظافه فيهم شي شاد انتباههم اجنبيه لابسه ملابس والعياذ بالله عاريه جدا لدرجه ان الي حواليها بس واقفين يطالعون طبعا انا بنت وغيورة على ديني وبلادي وعاداتنا وتقاليدنا ماقدرت استحمل الموقف نهائي وقفت وناديتها بكل ادب واحترام وفهمتها ان اللبس هذا ممنووووع ان تتمشى قدام الناس بهذي الطريقه وان ديننا الاسلام وانتي في بلاد مسلمه ويجب عليك احترام العادات والتقاليد وهذا اللبس حق البيت وردت علي وبكل وقاحه انا لي الحريه في لبسي وتعطي نظرات لاتطاااق عطتني ظهرها ومشت انا بصراحه اتصلت على اخواني الي في العضيد وماقصروا والله خبرتهم بالموضوع وقال انا في المول نفسه وين البنت واي اتجاه اهي وانا وراها ماقدرت والله اتسوق من القهر قمت وصفت المكان الي فيه طبعا ناداها واخذ بطاقتها وفهمها ان ممنوع هاللبس في المولات وطلعها برا من المووول قدامي وعينها فيني انا طبعا استانست وحمدت الله وشكرته على انها طلعت لان بصراحه قهر الواحد يجي من بلاده ويفرض نفسه وعاداته علينا وين الغيرة على ديننا وبلادنا انا اوصي وبشدة كل واحد او وحدة يصادفه هالموقف يبلغ العضيد ولا يسمحون لهم ابدا في هالحريه الخالعه لان اخوانا ماقصروا والله يجزاهم الخير

[intesar]

ما قصروا العضيد..

[أبو عبدالعزيز]

كفو والله.. ولو كل امرأة - خصوصاً - أنكرت على تلك المتسكعات بمثل هذه الطريقة لطهرنا أسواقنا من تلك الـ....!! ولكني أظن الشيطان يأتي الواحدة منكن من باب: ليش أضيع وقتي مع تافهة!! واحتمال يقولوا إني غيرانة أو حسودة!!.....الخ
ولكن ثم سؤال: لو غيرك ما عندها اخوان في العضيد يفزعون لها؛ هل سنشاهد إجراء بحق أولئك المتسكعات!!

[نووون]

بعدي عليج ..
الله يجزاج خير ويرحم والديج

والعضيد .. شكراً .. ارجعت الثقة فيكم

[حسن الاحمد]

ماقصرتي
لان هالاشكال مايجيبون الا انحلال وتفسخ المجتمع

[وطن]

الله يجزاج خير

عساها عبرة لمن لا يعتبر ... وتبلغ كل ربعها بالموضوع عشان يخافون

[رمح الشمال]

كفووووووو والله انج أخت ارجال

[بصمة قطرية]

كفوووووووووو والله
الله يجزاج خير ..


عطونا رقم العضيد نخزنه للضرورة ..
كثروا هالمنحلين في المجمعات
ما يحترمون لا دين ولا عادات وتقاليد
لازم نوقفهم عند حدهم ..

[غلا ابوها]

يعطيكم العافيه انا ماسويت شي قسم بالله انا اتخذت التصرف هذا معاها غصب عني لان لبسهها خالع وهذي غيرة ع ديني وبلادي وشوي فيها بعد الي صار

[غلا ابوها]

لاززززم نتكاتف لهذة الظاهرة ومانسمح لهم ابدا

[نورعبدالرحمن]

ماشاء الله عليج ..برتي قلوبنا ،،اصلا معروفة هالجنسية مافي غيرها
كل الجنسيات اتقبل النصيحة ..الاهالجنسية
الله يحفظ بلادنا منهم ، ومثل ماقلتي لازم مانسكت لهم ارجوكم

[تاجر كشخة]

بنت شنب جزاك الله خير لج ووللعضيد واقولهم عساكم على القوه

[غلا ابوها]

وياك اخوي

[khaldoon]

بارك الله فيكي اختي ما قصررتي و الله يكثر من امثالك يا رب

ممكن تكتبي لنا رقم العضيد لاني ابي اتصل عليهم في موضوع اكتشفته امس بس

[امـ حمد]

يزاااج الله خير حبيبتي

الله يكثر من امثالج

خلها تروح تتفسخ في بلادها

[نجدي قطري]

كفو والله عليج، أختي، غيّرتي المنكر بلسانج، ووالله أعلم بيدج يوم اتصلتي على العضيد.
خبر حلو، وإن شاء الله بنفتح خط ساخن مع العضيد.

[آلملآزم]

بارك الله فيج أختي وجعلها في ميزان حسناتج
وياليت الكل يتكاتف للحد من هالظاهره الخطيره اللي بدت تطفو على السطح بشكل مقزز وملفت للأنتباه

[آلملآزم]

كفو والله.. ولو كل امرأة - خصوصاً - أنكرت على تلك المتسكعات بمثل هذه الطريقة لطهرنا أسواقنا من تلك الـ....!! ولكني أظن الشيطان يأتي الواحدة منكن من باب: ليش أضيع وقتي مع تافهة!! واحتمال يقولوا إني غيرانة أو حسودة!!.....الخ
ولكن ثم سؤال: لو غيرك ما عندها اخوان في العضيد يفزعون لها؛ هل سنشاهد إجراء بحق أولئك المتسكعات!!

أخوي بو عبدالعزيز للتوضيح فقط ألأخت بارك الله فيها تقصد يوم تقول أتصلت بأخواني فالعضيد اللي هم ألاخوان الموظفين اللي هم أخواني وأخوانك وأخوان الجميع ولم تقصد أخوانها بما يعني أشقائها
هذا والعلم عند الله

[مايباخ قطر]

والله ماجات عالاجنبيات بس احنا قمنا نشوف العجب من المواطنات نفسهم

[بوحارب]

أحسنتي

[ابوالكلام]

سبحان الله انا كنت قاعد في بلد الحرية امريكا في اللوبي في الفندق نتفطر الا شباب قاعديين يتكلمون كلام وصخ في المطعم في عجوز قاعدة تتريق بلغت عنهم الا بالشرطي دخل وخذهم معاه

[بوحمد111]

كفوووووووووو والله
الله يجزاج خير ..


عطونا رقم العضيد نخزنه للضرورة ..
كثروا هالمنحلين في المجمعات
ما يحترمون لا دين ولا عادات وتقاليد
لازم نوقفهم عند حدهم ..

هذا الرقم اللي عندي ويمكن غيري عندهم رقم جوال

العضيد 44947888

بارك الله فيك يا اختي الغيوره وكثر الله من امثالك

تحياتي

[شبح الصمت]

الله يكثـر من أمثالج أختي

وهذا الي يجب على كل اخت باستطاعتها ان تنصح

والله يجزاج خير

وجعل من جابج الجنـه

[R 7 A L]

بارك الله فيك

وصدقيني أي عمل خير
الله راح يعين من يقوم به

[mariamaziz]

انا مره كنت رايحة اللاند و شفت ثنتين داشين الله يعزكم حسيت انهم رايحين شاطئ في بلادهم ..

رحت كلمتهم و قلتلهم لا يدخلون داخل المجمع .. و كلمتهم بأسلوب عدل و استجابوا لي و ارجعوا على سيارتهم الحمد لله ...

و مره كلمت وحده ايطاليه كانت استغفر الله ماشية من غير هدوم على قولة اخواناا المصريين .. ايضا كلمتها بأسلوب راقي و قامت تعتذر و قالت انها بتغادر المكان حالا ..

لكن مره استفزني لبس وحدة من جنسية عربية .. الله لا يبارك لها رفعت صوتها و قالت لي : ( انتي ما خصك .. عليكي من حالك و بس) .. بس ما سكت لها قلت لها بيجيبلج الشرطة تطلعج برع ..

انا ضد ان قطر تصير بلد مفتوحة حق هالأشكال ... لأن دام سمحنا لهم يلبسون على كيفهم عيل بكرة بيجيبون لنا مصايبهم الثانية ..

[الأغر]

اناشد كل الأخوات قطريات ولا غير قطريات من المسلمات الغيورات ان تحذوا حذوا اختنا الفاضله والله انك بألف رجل وجزاك الله خير وبارك الله فيك على غيرتك وفعلا وقاحة ما بعدها وقاحه المفروض غرامة مالية تطبق وان تكررت سجن وتسفير يكفي مسخره يكفي استهزاء بنا كمسلمين .. حرية .. حرية في بيت ابوك مب في مكان عام واتمنى الدولة ان تضع قانون صارم بخصوص هذه المسألة الحساسة وخصوصا اننا في بلد عربي مسلم موحد و هناك ايضا من المراهقين والعزاب وهم بشر ويمكن ان يؤل الأمر الى محرمات وفواحش بل جرائم والعياذ بالله .. واشد على يدك اختي الفاضل والله يكثر من امثالك . . لا تسكتون لهلأشكال ..

[نوار قطر]

زين سويتي فيها كفوووو عليج خلها تكون عبره لمن لا يعتبر تكون عبره حق غيرهااجزاج الله خير على الي سويتيه والله يكثر من امثالج...

وانا من طبعي لي شفت وحده مثلا شعرها طالع من غير قصد او نحرها وتكون مب منتبهه اكلمها اقولها الشيخه شعرج طالع وفعلا مايكونون منتبهين من فتره في الامارات في دبي مول شفت وحده جسمها مبين قلت وعليه ماتدري جان ارز ويهي واروح لها واقول لها لوسمحتي جسمج مبين الا تقول عاااادي والله والتفت عني قلت في خاطري حريقه تحرقج جهنم تاكلج :yes:

[طير حوران]

لاحول ولاقوة الا بالله

نعيش ارذل الازمان

اصبحنا في بلدنا ننتظر وقفات مسؤوله من حريمنا بارك الله فيهم

[قطريه أصيله]

اخت رجال

بارك الله فيج

[بوخالد2]

بارك الله فيج لازم على الكل يتبع طريقتج بمواجهتهم هذول اللى خربوا المناظر بالبلد بلاباسهم و عاداتهم الكريهه

[غايه الطواش]

انا مره كنت رايحة اللاند و شفت ثنتين داشين الله يعزكم حسيت انهم رايحين شاطئ في بلادهم ..

رحت كلمتهم و قلتلهم لا يدخلون داخل المجمع .. و كلمتهم بأسلوب عدل و استجابوا لي و ارجعوا على سيارتهم الحمد لله ...

و مره كلمت وحده ايطاليه كانت استغفر الله ماشية من غير هدوم على قولة اخواناا المصريين .. ايضا كلمتها بأسلوب راقي و قامت تعتذر و قالت انها بتغادر المكان حالا ..

لكن مره استفزني لبس وحدة من جنسية عربية .. الله لا يبارك لها رفعت صوتها و قالت لي : ( انتي ما خصك .. عليكي من حالك و بس) .. بس ما سكت لها قلت لها بيجيبلج الشرطة تطلعج برع ..

انا ضد ان قطر تصير بلد مفتوحة حق هالأشكال ... لأن دام سمحنا لهم يلبسون على كيفهم عيل بكرة بيجيبون لنا مصايبهم الثانية ..

المشكله اذا الاجانب ماحترموا المكان الغلط والبلا منا ...لان ماوضحنا لهم دينا وعادتنا وتقاليدنا وهذا المفروض يكون ببروشورز يتوزع فالمطار عند دخولهم البلاد...
وانا قد صادفت اني كلمت اجانب ويكون ردهم باعتذار لكن تعالي حق هال البلاد العرب ...وجنسيه معيننه فيهم وقاحه وجراءة ماشافتها عيني وفوق هذا يعرفون ان احنا بلد مسلمن ولنا عادتنا وتقاليدنا ...
اخبر مره وحده من هالجنسيه يوم كلموها قالت واله لاحكي للشيخ فلان الفلاني ويوم قالت الاسم متنا من الضحك شافت الرجال عنده فلوس حسبالها شيخ ...

[شبح الصمت]

المشكله اذا الاجانب ماحترموا المكان الغلط والبلا منا ...لان ماوضحنا لهم دينا وعادتنا وتقاليدنا وهذا المفروض يكون ببروشورز يتوزع فالمطار عند دخولهم البلاد...
وانا قد صادفت اني كلمت اجانب ويكون ردهم باعتذار لكن تعالي حق هال البلاد العرب ...وجنسيه معيننه فيهم وقاحه وجراءة ماشافتها عيني وفوق هذا يعرفون ان احنا بلد مسلمن ولنا عادتنا وتقاليدنا ...
اخبر مره وحده من هالجنسيه يوم كلموها قالت واله لاحكي للشيخ فلان الفلاني ويوم قالت الاسم متنا من الضحك شافت الرجال عنده فلوس حسبالها شيخ ...




كان قلتي لها اش رايج بالمره تعلقين صورته على يبهتج لاجل من يشوف صورته يتخرع وما يكلمج

:eek2:

[غايه الطواش]

كان قلتي لها اش رايج بالمره تعلقين صورته على يبهتج لاجل من يشوف صورته يتخرع وما يكلمج

:eek2:

مافي داعي ينحط الرجال بالجرايد وايد :yes:

بس الاخت ماخذه فيه مقلب انه شيخ

[أسير الاسهم]

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

هل لدينـا الشجاعه لتطبيق هذا الحديث ؟

ثم

هل بعد تطبيق الشخص لهذا الحديث .. القانون بيوقف معاه والا ضده ؟

تناقشوا في هالنقطـه ؟

[مشتاقة لقطر]

احييج من كل قلبي على الموقف

والشكر موصول للعضيد

ولا تنسين ان لج من الاجر الشي الكثير بانج انكرتي المنكر

[بوخالد2]

مافي داعي ينحط الرجال بالجرايد وايد :yes:

بس الاخت ماخذه فيه مقلب انه شيخ

ههههههههههههههههه:app2:

[دااانة قطر]

باارك الله فيج وكثر الله من أمثاالج

[بعيد المرامع]

روى البخاري ومسلم عن زينب بنت جحش رضي الله عنها (( أن النبي صلى الله عليه وسلم استيقظ من نومه فزعاً وهو يقول : " لا إله إلا الله . ويل للعرب من شر قد اقترب فتح اليوم من ردم يأجوج ومأجوج مثل هذا – وحلق بين إصبعيه السبابة والإبهام – " فقالت له زينب رضي الله عنها : يارسول الله ، أنهلك وفينا الصالحون ؟ قال : نعم إذا كثر الخبث ."

والخبث له اشكال عديدة ، انتشار الزنا ، انتشار الفواحش ،كثرة القتل ، انتشار السرقة ، وغيرهـ..

حفظ الله بلاد المسلمين

[قطريه ماركه]

جزاج الله خير .. و ان شاء الله الكل يسوي اللي سويتيه ...

[سارونه]

جزااااج الله خير

وكثر الله من امثالج - والشكر الكبير ( للعضيد ) ياريت يعطونهم قوة اكبر علشان يقدرون يتصرفون

[NINA RICCI]

عيل اللي في كتاااارااا من جنسيات عربيه وماخذين راحتهم ع الاخررررر !!!

يبيلهم العضيد ..

[محمد 1977]

والله المفروض يتم منع اللي يلبسون الملابس الفاضحه من دخول المجمعات مب لازم ننطر لين يدشون وبعدين نسوي مشاكل معاهم يعني المفروض تكون هذي من اختصاصات الامن اللي واقفين في البوابات انهم يمنعونهم من الدخول .. وشكراً لصاحبة الموضوع على غيرتها

[الشاااهين]

بارك الله فيج وكثر الله من أمثالج وجعلها في ميزان حسناتج

الحمدلله الدنيا للحين بخير دام غيرتنا على ديننا موجوده

والشكر للاخوه في العضيد لاستجابتهم

[عاشق ميونخ]

اقترح ان يحطون لوحه وانت داخل المجمع توضح ان يجب ع الزوار ان يلتزموا بالبس المحتشم قبل الدخول وبعدين انا ابغي اعرف السكيورتي اللي ف المجمع ليش ما تكون له صلاحيات ان يوقف هذي الفئه من الدخول للمجمع انا مادري ليش الدوله ساكته عن هل لموضوع

[الإكسير]

كفووو عليج والله وماقصروا العضيد يعطيهم الف عافيه

[محاسب]

كفوااااااااااااااااا
وردة فعل العضيد ,,,, نفتخر فيه ,,ونشكرة

[غايه الطواش]

انا وايد اروح كتارا عمري ماشفت حد لابس لبس مهب محتشم ...
يمكن اوقات معينه ؟؟!1

[قطرية كشخه]

كفووو والله ما قصرتي ..

مرة شفت واحد ووحدة من الجنسية العربية يقبلون بعض وجدام الناس .. مجرد اتصال واحد بالعضيد وقاموا بالواجب بسرعه .. :app2:

لحد يسكت عنهم يا انهم يلتزمون ويحترمون دينا وعاداتنا ولا الباب يوسع جمل :nono:

[دااانة قطر]

بدون مانذكر جنسيات معينه
الموقف صاار شبه يومي ومن كل الجنسيااات

[HAYA]

بارك الرحمن فيك أختي الكريمة غلا أبوها و كثر الله من أمثالك .
كم نحن بحاجة لمثل هذه المواقف الإيجابية لتطهير قطـــر الحبيبة من المنكرات .
أكرر شكري و تقديري .

[بنت مريخ]

بارك الله فيج اختي
والله يكثر من امثالج

[كازانوفا]

السلام عليكم ورحمة الله وبركاته
اخواني اعضاء المنتدى الكريم حبيت اطرح لكم موضوعي مع البنت الاجنيه
ذهبت الى احدى المولات وانا امشي حسيت الناس وعمال النظافه فيهم شي شاد انتباههم اجنبيه لابسه ملابس والعياذ بالله عاريه جدا لدرجه ان الي حواليها بس واقفين يطالعون طبعا انا بنت وغيورة على ديني وبلادي وعاداتنا وتقاليدنا ماقدرت استحمل الموقف نهائي وقفت وناديتها بكل ادب واحترام وفهمتها ان اللبس هذا ممنووووع ان تتمشى قدام الناس بهذي الطريقه وان ديننا الاسلام وانتي في بلاد مسلمه ويجب عليك احترام العادات والتقاليد وهذا اللبس حق البيت وردت علي وبكل وقاحه انا لي الحريه في لبسي وتعطي نظرات لاتطاااق عطتني ظهرها ومشت انا بصراحه اتصلت على اخواني الي في العضيد وماقصروا والله خبرتهم بالموضوع وقال انا في المول نفسه وين البنت واي اتجاه اهي وانا وراها ماقدرت والله اتسوق من القهر قمت وصفت المكان الي فيه طبعا ناداها واخذ بطاقتها وفهمها ان ممنوع هاللبس في المولات وطلعها برا من المووول قدامي وعينها فيني انا طبعا استانست وحمدت الله وشكرته على انها طلعت لان بصراحه قهر الواحد يجي من بلاده ويفرض نفسه وعاداته علينا وين الغيرة على ديننا وبلادنا انا اوصي وبشدة كل واحد او وحدة يصادفه هالموقف يبلغ العضيد ولا يسمحون لهم ابدا في هالحريه الخالعه لان اخوانا ماقصروا والله يجزاهم الخير




وطلعوهاااااااا

شي رااائع ربي يقويكم ويقويناا لوقف المنكرات ويكثر منكم يارب :yes2:

[قطرية كشخه]

الشيخه اذا الكلام موجه لي انا قلت جنسية عربية ما حددت بلد معين :nono:

[NINA RICCI]

انا وايد اروح كتارا عمري ماشفت حد لابس لبس مهب محتشم ...
يمكن اوقات معينه ؟؟!1

ماقصد في اللبس ..

[NINA RICCI]

كفووو والله ما قصرتي ..

مرة شفت واحد ووحدة من الجنسية العربية يقبلون بعض وجدام الناس .. مجرد اتصال واحد بالعضيد وقاموا بالواجب بسرعه .. :app2:

لحد يسكت عنهم يا انهم يلتزمون ويحترمون دينا وعاداتنا ولا الباب يوسع جمل :nono:

لاحول ولا قوة الا بالله

هذا اللي اقصده بالضببط

[السهم الشمالي]

جزاك الله خير

والحمد لله ولازم كل واحد يقوم بهذا التصرف في نفس المواقف دام أن العضيد يستقبلون الشكاوي والبلاغات ولابد من تظافر الجهود من أجل المحاولة في التقليل من هذه الظاهرة في قطر .

[البدع]

ابدعتي ..........

[ريتويت]

الله يجزاج خير ويرحم والديج

[رايق البال x]

والله الواحد يخاف يكلمهم يطلع هو الغلطان ،، وبعدين ليش نتصل بالعضيد يداوم واحد من العضيد في المول ويعطي غرامة على كل من يخالف الاخلاق والتقاليد حتى بالنسبة للعربيات من الدول الاخرى ورمضان جاي ويكثرون في المجمعات ،،
لو الدولة تبي تحد من هالقضية كان من زمان وبتحذير واحد في الصحف والكل بيتعض ليش الشعب يلحقهم واحد واحد وكأننا نتسول منهم ،،!! في ذمة صاحب القرار وكلنا بذمته احنا ونسائنا واطفالنا وكل مسلم غيور تنجرح مشاعرة

[ParadEyes]

ما شاء الله عليج :)

[العنيده]

كثر الله من امثالج يارب وماقصرتي ..
بالنسبه لي انا اكلمهم عادي واعلق بلادنا اذا ماخفنا على عيالنا من بيخاف عليهم .. لازم نعلهم حياهم الله في بلادنا بس باحترام ..

من شغلي عرفت من الاجانب انهم عارفين ان الناس يتضايقون بس محد يكلمهم وانا وصلت لهم قبل الحين ترى عادي توقعوا اي شخص يجي يكلمكم ..

الله يفكنا من اذاهم وللامانه ترى في فئه جدا محترمه ..

[غلا ابوها]

أخوي بو عبدالعزيز للتوضيح فقط ألأخت بارك الله فيها تقصد يوم تقول أتصلت بأخواني فالعضيد اللي هم ألاخوان الموظفين اللي هم أخواني وأخوانك وأخوان الجميع ولم تقصد أخوانها بما يعني أشقائها
هذا والعلم عند الله

مرحبا اخوي لتوضيح اقصد باخواني الي هم اخواني واخوانكم الي في العضيد ولهم جزيل الشكر

[غلا ابوها]

اقترح ان يحطون لوحه وانت داخل المجمع توضح ان يجب ع الزوار ان يلتزموا بالبس المحتشم قبل الدخول وبعدين انا ابغي اعرف السكيورتي اللي ف المجمع ليش ما تكون له صلاحيات ان يوقف هذي الفئه من الدخول للمجمع انا مادري ليش الدوله ساكته عن هل لموضوع

اخوي يعطيك العافيه الحكومة ماقصرت في لائحه وعلى الباب قدام الكل موجودة في اللبس المحتشم بس هم متعمدين

[leprofesseur]

جزاكى الله خيرا وياليت الجميع مثلك فى غيرته على دينه ووطنه
والله ينصرنا على هؤلاء

[q6ryah]

كفو عليج
باليت الكل مثلج
أنا مرة كلمت اجنبية لكن اللي معاها مقويها بقولي توها جائة من المطار
اي مطار هذا اللي يخلي جسمها احمر كانها سابحة فبركة وطاقتها الشمس
لكن مانقول الا حسبي الله ونعم الوكيل عليهم

[قطرية مثقفة]

انه احس اللي بيتقبل النصيحة المقيمات من الجنسيات الأجنبية بصراحة بس المقيمات اللي من جنسيات عربية وبدون ذكر أسماء مايتقبلون @@ لأني والله مره شفت أوروبية وهي في الباركات تبع اللاندمارك تلبس بلوزه على اللبس لان كان من غير أكمام@@ ونشكرج اختي الكريمة وفي ميزان حسناتج

[بوخالد911]

بوررك فيكم

[khaldoon]

انا وايد اروح كتارا عمري ماشفت حد لابس لبس مهب محتشم ...
يمكن اوقات معينه ؟؟!1

بالله عليكي يا غاية الطواش؟.....انت متأكدة؟؟...:rolleyes2:

[المجدم]

ما شاء الله عليكي فعلا اخت الرجال بارك الله فيك

[الجوري]

كفوووووووووو والله
كفوووووووووو والله
كفوووووووووو والله
كفوووووووووو والله

[latof]

اولا الله يرحم جميع الشهداء وأحباب الله طيور الجنه ويصبر ذويهم وتحيه لجميع الأبطال الدفاع المدني والشهداء من الدفاع المدني بغض النظر عن الجنسيات كل من يدافع عن ارض قطر هو فعلا يستحق ان يحيا على هذه الارض الطيبه ان لله وان اليه راجعون ًً،
أنا اليوم اكتب وكلي قهر وحسرةوغيره على بلدي اليوم الظهر والله رايت. واحده من الوافدات وكان شكلها عربيه للأسف والله العظيم كانت شبه عاريه من الملابس وللأسف كان يرافقها رجل اعتقد زوجها اردت ان أكلمها ولكن تذكرت انه لهم حقوق وفي الاخير اطلع أنا الغلطانه ً. وكان ذلك في اللاندمارك أتمنا ان يكون في امن يتم منع دخول مثل هؤلاء السافرات ألى هذه الاماكن المحترمه والكل يعلم نحن في بلد فيه امن وفيه عادات وتقاليد ومن يعيش على قطر الحبيبه غصبا عليه يحترم العادات والتقاليد ويتقيد بها ارجوا الكل يشارك لانه فعلا نحن في مشكله ونتمنى الحل السريع . *

[رمح الشمال]

ليش في فرنسا و بلجيكا يمنعون النقاب و نحترم قوانينهم و عندنا ولا احد يسال
ليش ما يصدر قانون للأجانب باحترام العادات و الشريعة الاسلامية

[مساهم فنان]

عجبني اسمج لطوف ،،،، بس حبيت أقولج بس. :
هذيلا لوف يالطوف

[hxamad]

يعطيج العافية على غيرتج على بلادج والله يكثر من أمثالج والمفروض يكون حد من مسؤولى المجمع عند المداخل للمجمع والى لباسة غير محتشم عند الباب يرجع عشان الى يشوف انه يتعض

[asulaiti]

اخواني .. كم رقم العضيد ؟

[Amigo]

كفو عليج وعلى العضيد

[الشمالي111]

الانكار هو الحل الوحيد لردع هالاشكال

كفوووو عليج وجزاج الله كل خير

[bonaser08]

كفوووووووووو والله
الله يجزاج خير ..

[تحدوهآ آلبشر]

خشمج فديتج ههه
,
,
والله انج بنت ابوج ...
كفو عليج يابعدي ..

[غلا ابوها]

هذا الي سويته انا اعدة والله ولاشي لان الواحد المفروض يواجهه اي ان كان مايحترم الدين والشريعه ولا قوانيين البلاد وغيرته على دينه

[الصغيره]

السلام عليكم ورحمة الله وبركاته
اخواني اعضاء المنتدى الكريم حبيت اطرح لكم موضوعي مع البنت الاجنيه
ذهبت الى احدى المولات وانا امشي حسيت الناس وعمال النظافه فيهم شي شاد انتباههم اجنبيه لابسه ملابس والعياذ بالله عاريه جدا لدرجه ان الي حواليها بس واقفين يطالعون طبعا انا بنت وغيورة على ديني وبلادي وعاداتنا وتقاليدنا ماقدرت استحمل الموقف نهائي وقفت وناديتها بكل ادب واحترام وفهمتها ان اللبس هذا ممنووووع ان تتمشى قدام الناس بهذي الطريقه وان ديننا الاسلام وانتي في بلاد مسلمه ويجب عليك احترام العادات والتقاليد وهذا اللبس حق البيت وردت علي وبكل وقاحه انا لي الحريه في لبسي وتعطي نظرات لاتطاااق عطتني ظهرها ومشت انا بصراحه اتصلت على اخواني الي في العضيد وماقصروا والله خبرتهم بالموضوع وقال انا في المول نفسه وين البنت واي اتجاه اهي وانا وراها ماقدرت والله اتسوق من القهر قمت وصفت المكان الي فيه طبعا ناداها واخذ بطاقتها وفهمها ان ممنوع هاللبس في المولات وطلعها برا من المووول قدامي وعينها فيني انا طبعا استانست وحمدت الله وشكرته على انها طلعت لان بصراحه قهر الواحد يجي من بلاده ويفرض نفسه وعاداته علينا وين الغيرة على ديننا وبلادنا انا اوصي وبشدة كل واحد او وحدة يصادفه هالموقف يبلغ العضيد ولا يسمحون لهم ابدا في هالحريه الخالعه لان اخوانا ماقصروا والله يجزاهم الخير


الاربعاء اليوم الساعه 11 بالاند مارك محل ملابس حريمي وانا بدخل لبنانيه طلعت مع زوجها لابسه شورت كانها راايحه لبركه او بتلعب تنس والله وجهي عورني قلت الاخت وين رايحه هنا ما يجوز تلبسين كذا طالعتني وهي تضحك وتهز راسها استهزاء والزوج خلفها والله والله ان زوجها مستتر اكثر منها

المشكله المقيمين ما يعرفون عن العادات ولا التقاليد ولا الدين اللي هو هويتنا والعتب على انهم ما عرفوا به لا بكتاب ولا غيره فيجب على كل مقيم لما تكمر اقامته او يبي يسوي الاقامه يدعى بمكتب ويوقع على ورقه مكتوب بها كل الامور هذه وان خل بها لا تجدد اقامته

ويوقع وبكل سوق او مول مكتب للعضيد وضبط يتكون من قسم رجال وقسم نساء ويامكثر اللي يبون وظايف

[فيروزه]

ينصر دينك الله محي البطن الي حملك

[غلا ابوها]

الاربعاء اليوم الساعه 11 بالاند مارك محل ملابس حريمي وانا بدخل لبنانيه طلعت مع زوجها لابسه شورت كانها راايحه لبركه او بتلعب تنس والله وجهي عورني قلت الاخت وين رايحه هنا ما يجوز تلبسين كذا طالعتني وهي تضحك وتهز راسها استهزاء والزوج خلفها والله والله ان زوجها مستتر اكثر منها

المشكله المقيمين ما يعرفون عن العادات ولا التقاليد ولا الدين اللي هو هويتنا والعتب على انهم ما عرفوا به لا بكتاب ولا غيره فيجب على كل مقيم لما تكمر اقامته او يبي يسوي الاقامه يدعى بمكتب ويوقع على ورقه مكتوب بها كل الامور هذه وان خل بها لا تجدد اقامته

ويوقع وبكل سوق او مول مكتب للعضيد وضبط يتكون من قسم رجال وقسم نساء ويامكثر اللي يبون وظايف
المفروض يكون في كل مول ناس متخصصين نفس السعوديه عندهم الهيئه حتى الخدم لابسين ومحتشمين لازم يكون في ناس حق هالاشكال اول مايدشون بلبس غير محتشم يطلعونها برا المجمع وغرامه بعد واذا رفضت يستدعون العضيد

[ms-qtr]

كفو والله.. ولو كل امرأة - خصوصاً - أنكرت على تلك المتسكعات بمثل هذه الطريقة لطهرنا أسواقنا من تلك الـ....!! ولكني أظن الشيطان يأتي الواحدة منكن من باب: ليش أضيع وقتي مع تافهة!! واحتمال يقولوا إني غيرانة أو حسودة!!.....الخ
ولكن ثم سؤال: لو غيرك ما عندها اخوان في العضيد يفزعون لها؛ هل سنشاهد إجراء بحق أولئك المتسكعات!!

انا اعرف حريم اتصلوا بالعضيد بقصص مشابهه وما قصروا ياوا باسرع وقت لكن المشكلة ان الناس ما تتصل من الاساس