استفسار عن السكن في فندق مرمرة اسطنبول

[بعيد النظر]

السلام عليكم ورحمة الله وبركاته


ياليت الي سكنو في هالفندق يفيدوني اذا كان فيه ازعاج ؟
والي خذو حجرة تطل على البسفور " البحر " عانو من هـ الازعاج ؟


لاني جيت احجز وقريت التعليقات الي ف موقع بوكنج وترددت ..

وبعد استفسار ولا عليكم امر ..
شنو احسن فندق فـ بورصا ؟



ويعطيكم العافية

[ذيب ازغوى]

اخوي لو تسمعني ابعد عن شارع تقسيم بالذات لو كانت معك عوائل خاصه السكيره والمكيره والشرطه ترى يوقفون اي واحد يشكوون فيه ويفتشونه ويلعوزونه

وانا سكنت في مرمرة والله سعرها غالي و مايسوى كلشش

في فندق عجبني اربع نجوم والله اشوفه في عيني 5 نجوم وسعره زين و موقعه يطل مباشرة على الجسر بس هو في ناحية الاناضول لاكن مايفرق بينك وبين اوربا الا الجسر

اسمه اتوز بير اوتيل تقدر تحجزه من اي مكتب

[NINA RICCI]

الفندق حلو ومكانه حلوو وماحسيت انه في ازعاج كلش وتمنيت لو كنت قاعده فيه طول سفرتي

[abdo222]

الفندق حلو ومافي ازعاج ابدا, و منطقه تقسيم الاشاعات عنها مبالغ فيها, حنا طلعنا ساعه 10 بالليل والامور عاديه بالعكس كله عوائل وفي عرب وسيارات الشرطه في كل مكان, فالحمدلله ان شاءالله امان,,

انا اقول احسن منطقه للسكن اهي تقسم,

[بعيد النظر]

تم الحجز ويعطيكم العافية

[طموحي عالي]

انا مستغربه من كلامكم عن تقسييم
رحت لها اسبوع ماشفت هالكلام كلش
بالعكس الا في ناس ساعدونا
ووايد حبيت البلاد وابوي حبها واكيد لنا رجعه لها باذن الله
وبنسكن في تقسييم


صراحه عن نفسي احب الحياه تطلع ان شاء الله 1 بالليل تشوف ناس وعالم وحشره ماحب البلاد الهدوء اللي تخرع

غن نفسي سكنت في فندق 5 نجوم لكن داخل مايطل عالمضيق

[بوخالد911]

قبل


سكنت في : كونراد
5 نجوم

والمسافة لين شارع الاستقلال يدووب 7 - 8 د
معلومات عنه
http://www.booking.com/hotel/tr/conrad-istanbul.ar.html?aid=325251;label=conrad-istanbul-wZZ0fLrZN3t_Aly*cJvGMAS7332708003:pl:ta:p1:p2:ac:a p1t1:neg;ws=


مووفقين

[saif-q6r]

انصحك بهالفندق و الاطلالة على البسفور تسوى ,

وبخصوص الازعاج سيارات الشرطة صوتها واضح .

[الدوسري قطر]

بالنسبة حق الفنادق خمس نجوم جدا غالية واحنا عائلة محتاجين اكثر من ثلاث غرف
الغرفة الوحدة حق عشر ايام فوق عشرين الف حرام

اخذنا فندق توليب تقسيم ستي موجود على النت موقعهم ادخل وشوفه اذا حبيت
*في بوكنق الغرفة بخمسمية وشي
وعند رجنسي الغرفة ب ٥٠٠
واخذتها من اسيا ب ٤٥٠

[الشلهوب]

فندق مرمرة اسطنبول ممتاز وموقعة قريب من المحلات التجارية والمطاعم العربية ومكانة شرح لوقوعة على شارع المشاة وهو تقسيم ولا فية ازعاج الله ايوفقك اتروح وترجع بالسلامة انشاالله

[FCB 123]

الفندق حلو ومافي ازعاج ابدا, و منطقه تقسيم الاشاعات عنها مبالغ فيها, حنا طلعنا ساعه 10 بالليل والامور عاديه بالعكس كله عوائل وفي عرب وسيارات الشرطه في كل مكان, فالحمدلله ان شاءالله امان,,

انا اقول احسن منطقه للسكن اهي تقسم,

صادق أخوي .. فندق في موقع الحدث وقريب من كلشي

بالتوفيق إن شاءالله

[chillis]

منطقة تقسيم عاديه هي صج زحمه وايد وايد بالصيف وممكن تنسرق محفظتك بس مافيها مثل مايقولون الوضع جدا طيب

[بوخالد353]

انا سكنت بالانتركونتننتل كيلان الي بتقسيم ,,افضل فندق 5 نجوم بتقسيم من حيث القرب من الميدان وفخامة الفندق,, طبعا كانت الرحله بشهر 2 وصادفنا ثلج وكنت مع زوجتي واول مره ازور تركيا,, ومع اني لفيت امريكا واوربا والدول العربيه وشرق اسيا بس عمري مازرتها وكنت متخوف! بس الصراحه طلعت روعه ورومنسيه وامان نتمشى بشارع الاستقلال ل 1 بالليل ,,

[ماجد البدر]

فندق مرمرة قديم مجدد ولكن مافيه اي ازعاج و الغرف الي تطل على المرمره اصلا تطل بالمنظر ولكن البحر بعيد اصلا عن الفندق
اذا كان المقصود فندق مرمرة اسطنبول الي في تقسيم في اسطنبول وفعلا سعره غالي وفيه الي احسن منه