هل تساقط الشعر بعد العلاج الكيماوي له حل ؟؟

[قطريه أصيله]

السلام عليكم


صبحكم الله بالخير


انا بديت اخذ كورس علاج كيماوي من فتره لمرض اللوكيميا

الله يبعد شره عنكم ويشفي كل من اصيب بهذا المرض

وبدا شعري يطيح بصوره كبيره لدرجه اني امسك خصل من شعري وتنزل بروحها

هل في زيوت او اعشاب او اجهزه ممكن تفيدني وتوقف التساقط

وتعيد نمو الشعر من اول وجديد ؟ هل مركز قطر للشعر عندهم علاجات لمثل حالتي او

العيادات الجلديه الخاصه ممكن استفيد منها ؟؟


ياليت حد يفيدني احاتي شعري وآيد

[حقيقه]

قطريه ماتشوفين شر ان شاءالله وتشافين باقرب وقت

لاتحاتين سالفة الشعر هالشيء طبيعي بيرد شعرتس عقب ماتخلصين فترة العلاج

وااحد من أهلنا طآح شعره كله لكن الحين رد نفس قبل وبدون أي أدويه أو زيوت بس فيتامينات

[غايه الطواش]

اختي مركز قطر لعلاج الشعر ماينفع ...

اخذي ابر عند الدكتور حمده الانصاري ...
نوعين ابر فالراس وابره فالعضل بالاضافه الى كامينوموتو ..وحبوب زنك + برما بلاس ...

[قطريه أصيله]

جزاكم الله خير

[قطرية مثقفة]

أختي العزيزة الله يشافيج شفاء عاجل @@ انه زوجي اشترى شامبو وانبولات من لندن لعلاج تساقط الشعر لان وااايد خف شعره @@ المهم في لندن قالو له الشامبو والانبولات وااايد زينه واكثر اللي يستخدمونها هم مرضى السرطانات وللأسف مااعرف انزل الصور بس بحاول @@ والشامبو والانبولات من شركة لوريال اسمه k'erastase specifique*

[روح الاطلس]

الله يتم شفاج يارب واكيد الشعر بيرجع يطلع بعد الكورس .. بعض الادوية الكيميائية من اعراضها الجانبية تساقط الشعر لكن ابشرج اول ماتخلصين الكورس بإذن الله وربي يتمم شفائج بيرد شعرج كله وأحلا من الشعر اللي طاح .. ما انصحج تاخذين ابر او اي ادوية ثانية لان مناعة الجسم ضعيفه اثناء الكورس ونخاف من التداخلات .. انسي شعرج اللي قاعد يطيح وقولي الحمدلله على كل شعره طاحت واسألي ربج التعويض .. دلعي نفسج بباروكة حلوة لين تخلصين الكورس .. والحمدلله على كل حال .. اقــدار ربي كلها خير

[احلى دنيا]

السلام عليكم

اسال الله ان يشفيك و جميع مرضى المسلمين .. و ان يكون الكيماوي برد و سلام عليكم باذنه تعالى

بيطيح الشعر لانه الكيماوي تأثيراته الجانبية سقوط الشعر ... و بس ينتهي الكورس على خير بيرجع مو مثل قبل ..أحسن ... و شفت ناس فعلا رجع شعرهم اروع من قبل و اكثف

[قطريه أصيله]

أختي العزيزة الله يشافيج شفاء عاجل @@ انه زوجي اشترى شامبو وانبولات من لندن لعلاج تساقط الشعر لان وااايد خف شعره @@ المهم في لندن قالو له الشامبو والانبولات وااايد زينه واكثر اللي يستخدمونها هم مرضى السرطانات وللأسف مااعرف انزل الصور بس بحاول @@ والشامبو والانبولات من شركة لوريال اسمه k'erastase specifique*

آمين يآرب ..

وإن شاء الله باسأل عن هاذي الماركه دام ان مرضى السرطانات يستخدمونها

يزاج الله خير حبيبتي

[قطريه أصيله]

الله يتم شفاج يارب واكيد الشعر بيرجع يطلع بعد الكورس .. بعض الادوية الكيميائية من اعراضها الجانبية تساقط الشعر لكن ابشرج اول ماتخلصين الكورس بإذن الله وربي يتمم شفائج بيرد شعرج كله وأحلا من الشعر اللي طاح .. ما انصحج تاخذين ابر او اي ادوية ثانية لان مناعة الجسم ضعيفه اثناء الكورس ونخاف من التداخلات .. انسي شعرج اللي قاعد يطيح وقولي الحمدلله على كل شعره طاحت واسألي ربج التعويض .. دلعي نفسج بباروكة حلوة لين تخلصين الكورس .. والحمدلله على كل حال .. اقــدار ربي كلها خير


آمين يآرب العالمين ..

كلامج يبرد القلب والله ..
وانا ماقمت اداني الابر وبسبة ابرة الوريد الخاصه بالعلاج الكيميائي
انا يبيلي سنه تقريبا علشان اخلص علاجي الكيميائي
خلال هالسنه راح يصير تساقط قوي في شعري

ي الله سترك

والحمدلله رب العالمين على كل حال

[بوخالد2]

ماعليج شر ان شاءالله

[قطريه أصيله]

السلام عليكم

اسال الله ان يشفيك و جميع مرضى المسلمين .. و ان يكون الكيماوي برد و سلام عليكم باذنه تعالى

بيطيح الشعر لانه الكيماوي تأثيراته الجانبية سقوط الشعر ... و بس ينتهي الكورس على خير بيرجع مو مثل قبل ..أحسن ... و شفت ناس فعلا رجع شعرهم اروع من قبل و اكثف

اللهم آمين يآرب الله يستجيب منج ان شاء الله ..

تسلمين حبيبتي الله يعطيج العافيه

[قطريه أصيله]

ماعليج شر ان شاءالله


الشر مايجيك ولا تواجهه

[قطرية فله]

يا رب يشافيج و يعافيج و ان شاء الله كله أجر يااا رب

و مثل ما قالو لج ان شاء الله يطلع شعرج عقب كورس العلاج أحسن و أحلى من قبل

[قطريه أصيله]

يا رب يشافيج و يعافيج و ان شاء الله كله أجر يااا رب

و مثل ما قالو لج ان شاء الله يطلع شعرج عقب كورس العلاج أحسن و أحلى من قبل


اللهم آمين ويشافي كل مريض يآرب

تدرين اللي طمني زياده كلام الدكتور قالي انتي عمرج صغير
وسهل نقضي على المرض بالكيميائي الحمدلله رب العالمين ..
لكن بعد احاتي شعري يبيله سنين علشان يرجع مثل اول ..
الحمدلله رب العالمين ولا اعتراض على حكم الله عز وجل

[روح الاطلس]

كلام الدكتور سليم والحمدلله اللوكيميا نسبة الشفاء منها عالية جداً تصل الى 99% خاصة في الاعمار الصغيره، ولا تحاتين الشعر من قالج يبي لج سنين لين يطلع؟ اول ماتخلصين الكورس على طول يطلع البيبي هير :) انعم واكثف واقوى من اللي طاح .. لاتفكرين فيه خليه يولي واستانسي بالشعر الجديد اللي بيطلع لج .. اسأل الله العلي القدير ان يمن عليج بالشفاء العــــــــاجل

[احلى دنيا]

اللهم آمين ويشافي كل مريض يآرب

تدرين اللي طمني زياده كلام الدكتور قالي انتي عمرج صغير
وسهل نقضي على المرض بالكيميائي الحمدلله رب العالمين ..
لكن بعد احاتي شعري يبيله سنين علشان يرجع مثل اول ..
الحمدلله رب العالمين ولا اعتراض على حكم الله عز وجل

السلام عليكم

اسال الله العظيم رب العرش العظيم أن يشفيك و سائر مرضى المسلمين
اسال الله العظيم رب العرش العظيم أن يشفيك و سائر مرضى المسلمين
اسال الله العظيم رب العرش العظيم أن يشفيك و سائر مرضى المسلمين
اسال الله العظيم رب العرش العظيم أن يشفيك و سائر مرضى المسلمين
اسال الله العظيم رب العرش العظيم أن يشفيك و سائر مرضى المسلمين
اسال الله العظيم رب العرش العظيم أن يشفيك و سائر مرضى المسلمين
اسال الله العظيم رب العرش العظيم أن يشفيك و سائر مرضى المسلمين

اول ما يتخلص الجسم من الكيماوي يطلع الشعر .. من قال سنين !!

[النهار]

الشعريرجع مثل اول واغزر واحسن صحه بعد اكمال العلاج والشفاء لاتقلقين انا مرت على اكثر من حاله والحمد لله رجع لهم الشعر مره ثانيه عليك بالصبر والله الشافي

[شهد]

لا تشيلي هم ياقلبي اهم شى العلاج وصحتج
انا اخذت الكيماوي وتساقط شعري وحواجبي ورجع شعري احلى من قبل
لاتستخدمين شئ مافي اي حل كله كلام وتجارب بتعورين راسج على فاضي
تعالجت في امريكا وانصحوني بالباروكه فقط
قالولي ويش ماتستعملين مافي فائده

[وحيد-الشوق]

الله يشفيج ويشفي جميع مرضى المسلمين

[بصمة قطرية]

لا حول ولا قوة الا بالله
ما عليج شر ان شاءالله يا قلبي
اجر و عافية ان شاء الله
باذن الله تخلصين من العلاج و يرجع شعرج
افضل من قبل
اجر و تكفير ذنوب ان شاء الله حبيبتي
اسال الله العظيم رب العرش العظيم ان يشفيج
و يلبسج لباس الصحة والعافية
طهور ان شاء الله ....

[Aaziz]

السلام عليكم

الله يكتب لج الشفاء و الاجر .. و هذا ابتلاء من رب العالمين اصبري و احتسبي الاجر .

اتمنى يكون هذا المرض الي ابتلاج فيه رب العالمين وقفه و نقطته تحول ايجابية في حياتج

و الشعر امره يهون .. اصلا الشعر القصير اكشخ و ارتب :yes2:

[بصمة قطرية]

اختي الباروكة حرام
تجنبيها
و ان شاء الله رب العالمين بيعوضج خير

[intesar]

ما عليج شر.. وان شاء الله ترجعين تنورين المنتدى..

[غرِيبهـ]

الله يشفيك يارب

اجر وعافية وماتشوفين شر

بتقومين بالسلامة و بيرجعلك شعرك

[قطريه أصيله]

الله يجزيكم خير وبارك الله فيكم .. شكراً لدعواتكم الطيبه ..

لا اعتراض على حكم الله .. انما هو ابتلاء وان احب الله عبداً ابتلاه

اسأل الله العلي العظيم ان يشفي ويعافي جميع مرضى المسلمين

[almaf1a]

سقوط الشعر من اهم اسبابه هو نوع الاكل ونقص الفيتامينات
والمرأة معروف ان في الغالب يتساقط شعرها بعد الحمل
الله يعينج ان شاء الله

[(محمد)]

لا بأس طهور ان شاء الله ..




ولا تنسين اجتناب ما حرمه الله من سماع الاغاني والغيبة وغيره .. والاكثار من الصلاة والعبادة وقراءة القرآن والاذكار الصحيحة ... وفي ما يخص حكم لبس الباروكة لتغطية عيب وليس لتجميل او وصل .. فالرجاء قراءة الفتوى التالية




سئل الشيخ ابن عثيمين رحمه الله عمن أخذت أدوية فأدت إلى تساقط شعر رأسها أو معظمه ولا تريد استعمال الباروكة لأنها ترى أنهاحرام ، فأجاب :

[ استعمال الباروكة بمثل هذا الحال الذي وصفته ، حيث تساقط شعرها على وجه لا يرجى معه أن يعود ، نقول : إن الباروكة في مثل هذه الحال لا بأس بها ، لأنها في الحقيقة ليست لإضافة تجميل ، ولكنها لإزالة عيب ، وعلى هذا فلا تكون من باب الوصل الذي لعن النبي صلي الله عليه وسلم فاعله ، فقد (لعن الواصلة والمستوصلة) ، والواصلة هي التي تصل شعرها بشيء ، لكن هذه المرأة في الحقيقة لا تشبه الواصلة ، لأنها لا تريد أن تضيف تجميلاً ، أو زيادة إلى شعرها الذي خلقة الله تبارك وتعالى لها ، وإنما تريد أن تزيل عيباً حدث ، وهذا لا بأس به ، لأنه من باب إزالة العيب ، لا إضافة التجميل ، وبين المسألتين فرق ] انتهى .

[الفرحه]

أختي العزيزة الله يشافيج شفاء عاجل @@ انه زوجي اشترى شامبو وانبولات من لندن لعلاج تساقط الشعر لان وااايد خف شعره @@ المهم في لندن قالو له الشامبو والانبولات وااايد زينه واكثر اللي يستخدمونها هم مرضى السرطانات وللأسف مااعرف انزل الصور بس بحاول @@ والشامبو والانبولات من شركة لوريال اسمه k'erastase specifique*

ما تشوفين شر ان شاء الله وان شاء الله تتعافين في اقرب وقت إذا ماخاب ظني ان هاشامبو والانبولات موجودة في صالون لادورية.

[بوحارب]

سلامات أختي واجر وعافية يارب

أنا حاليا أتعالج من نفس المرض (لوكيميا لمفاوية مزمنة ) في لندن

والبرفسور قالي نسبة الشفاء من هالمرض كبيرة بإذن الله

أهم شيء الصبر وألاحتساب :)

وعلى فكرة مب كل أنواع الكيماوي تسبب تساقط الشعر ولوعندج أنواع الكيماوي اللي تأخذينه سوي سيرش عليه وراح تعرفين كل أعراض العلاج وطرق الوقاية

[بوحارب]

بس بسالج ليش مدة العلاج سنة كاملة ؟؟ وكم جرعة كيماوي قررلج الدكتور ؟
أنا 6 جلسات كل شهر مرة وبأقي لي 4

والحمدلله على كل حال :)

[قطرية مثقفة]

بس بسالج ليش مدة العلاج سنة كاملة ؟؟ وكم جرعة كيماوي قررلج الدكتور ؟
أنا 6 جلسات كل شهر مرة وبأقي لي 4

والحمدلله على كل حال :)

ماتشوف شر أخوي بوحارب @@ الله يشفيك ويرجعك سالم حق هلك @@

[ريتويت]

ربي يشفيج ويعافيج اختي ماتشوفين شر

[قطرية مثقفة]

ما تشوفين شر ان شاء الله وان شاء الله تتعافين في اقرب وقت إذا ماخاب ظني ان هاشامبو والانبولات موجودة في صالون لادورية.

أختي إذا حصلتيه في الدوحة أخذي النوع اللي خاص بتساقط الشعر + أنبولات الشعر @@@ بس بعد لاتحاتين لان معانه مدرسة كانت تعالج وتساقط شعرها @@@ بس الحين ماشاء الله تبارك الرحمن عيني عليها بارده رد الشعر @@@

[قطريه أصيله]

لا بأس طهور ان شاء الله ..




ولا تنسين اجتناب ما حرمه الله من سماع الاغاني والغيبة وغيره .. والاكثار من الصلاة والعبادة وقراءة القرآن والاذكار الصحيحة ... وفي ما يخص حكم لبس الباروكة لتغطية عيب وليس لتجميل او وصل .. فالرجاء قراءة الفتوى التالية




سئل الشيخ ابن عثيمين رحمه الله عمن أخذت أدوية فأدت إلى تساقط شعر رأسها أو معظمه ولا تريد استعمال الباروكة لأنها ترى أنهاحرام ، فأجاب :

[ استعمال الباروكة بمثل هذا الحال الذي وصفته ، حيث تساقط شعرها على وجه لا يرجى معه أن يعود ، نقول : إن الباروكة في مثل هذه الحال لا بأس بها ، لأنها في الحقيقة ليست لإضافة تجميل ، ولكنها لإزالة عيب ، وعلى هذا فلا تكون من باب الوصل الذي لعن النبي صلي الله عليه وسلم فاعله ، فقد (لعن الواصلة والمستوصلة) ، والواصلة هي التي تصل شعرها بشيء ، لكن هذه المرأة في الحقيقة لا تشبه الواصلة ، لأنها لا تريد أن تضيف تجميلاً ، أو زيادة إلى شعرها الذي خلقة الله تبارك وتعالى لها ، وإنما تريد أن تزيل عيباً حدث ، وهذا لا بأس به ، لأنه من باب إزالة العيب ، لا إضافة التجميل ، وبين المسألتين فرق ] انتهى .




بارك الله فيك اخوي وجزاك الله خير ..

[قطريه أصيله]

ما تشوفين شر ان شاء الله وان شاء الله تتعافين في اقرب وقت إذا ماخاب ظني ان هاشامبو والانبولات موجودة في صالون لادورية.


الدكتور نصحني بشامبوهات الاطفال وقال لي سواء استخدمتي انبولات او مغذيات او زيوت للشعر .. الشعر بالتأكيد راح يطيح من الكيماوي والمضادات الحيويه


يزاج الله خير حبيبتي وبارك الله فيج

[قطريه أصيله]

سلامات أختي واجر وعافية يارب

أنا حاليا أتعالج من نفس المرض (لوكيميا لمفاوية مزمنة ) في لندن

والبرفسور قالي نسبة الشفاء من هالمرض كبيرة بإذن الله

أهم شيء الصبر وألاحتساب :)

وعلى فكرة مب كل أنواع الكيماوي تسبب تساقط الشعر ولوعندج أنواع الكيماوي اللي تأخذينه سوي سيرش عليه وراح تعرفين كل أعراض العلاج وطرق الوقاية

سلامات اخوي طهور ان شاء الله والله يتمم عليك شفائك وعافيتك

بالنسبه لي انا عندي اللوكيميا الحاده .. عيب هالمرض يتطور بسرعه كبيره
الكريات الدم البيضاء تتكاثر وتنمو بسرعه فائقه وهي ماتكون ناضجه ومكتمله
خذو مني عينه من النخاع العظمي كانت مؤلمه جداً جداً الله لايعوده هذاك اليوم صح كان في تخدير لكن بعد شعرت بالالم رغم التخدير
وقالوا لي نقدر نسيطر على المرض بدون زراعة نخاع عظمي جديد .. هذا الشي اسعدني
دكتوري استبعد زرع نخاج جديد وقالي ان شاء الله فقط علاجي راح يكون بالادويه والكيماوي وممكن احتاج الى الاشعه لتدمير الخلايا السرطانيه اذا لاحظوا انه مفعول الكيماوي بطيء
اخذ ادويه وعقاقير تزيد من عدد كريات الدم الحمراء ومضادات حيويه وكيماوي تقوم بإعاقة و تعطيل نمو الخلية السرطانية ..
وادويه اخرى تتحكم في تصنيع البروتينات النووية اللي يؤدي إلى موت الخلايا السرطانية وطبعاً كل هاذي الادويه من اثاراها الجانبيه هو سقوط شعر الرأس والحواجب والرموش
مثل ال بليومايسين و mtx

[قطريه أصيله]

بس بسالج ليش مدة العلاج سنة كاملة ؟؟ وكم جرعة كيماوي قررلج الدكتور ؟
أنا 6 جلسات كل شهر مرة وبأقي لي 4

والحمدلله على كل حال :)

علاجي تقريباً سنه

وكل 35 يوم اخذ جرعه وقالوا لي لازم اللتزم في مواعيد الجرعات
وانا فقط الى اليوم خذت جرعه واحده لاني توي اكتشفت المرض يعني جديد اتعالج
وقال لي الدكتور اذا تعافيت شوي ممكن اخذ جرعه كل 44 يوم
و لا تنسوا شيء مهم جدا و يغفل عنه الكثير هو ان مريض السرطان قد يقتله العلاج الكيماوي بدل المرض
و للاسف سمعت انه كانت هناك حالة مريضة كانت ملتزمه بالجرعه في موعدها دون تأخير حتى وصلت مناعتها صفر وماتت الله يرحمها

[قطريه أصيله]

ربي يشفيج ويعافيج اختي ماتشوفين شر

اللهم آمين ..

الشر ماييج حبيبتي

[بوحارب]

قطرية مثقفة يزاج الله خير أختي

أختي قطرية أصيلة الله يعينج تحملي واحتسبي الأجر ولاتفكرين في سالفة الموت لأنه هالشي بيد الله

وين تتعالجين في الأمل ؟

[منهم وفيهم]

الله يشافيج أجر وعافيه إن شاء الله

[الأصيلة]

الله يشفيج من كل داء
وماعليج شر..
بس لاترهقين نفسج بالتفكير في الشعر الحين لين تخلصين العلاج
وبيطلع بنفسه وأحسن من قبل...
وقد اباح العلماء كما سمعت لبس الباروكة في مثل هذه الحالات..

[findi]

قطريه اصيله

بوحارب


أسأل الله العظيم رب العرش العظيم في هذا اليوم المبارك أن يشفيكم ويشفي جميع مرضى المسلمين

[الزعفراني]

قطريه اصيله

بوحارب


أسأل الله العظيم رب العرش العظيم في هذا اليوم المبارك أن يشفيكم ويشفي جميع مرضى المسلمين

[لاجل QT]

لاباس عليج اجر وعافية

الله يشفيج انشالله ويحفظج لشبابج وهلج

[إكليل الزهور]

أسأل الله العظيم رب العرش العظيم أن يشفيكما و يشفي جميع مرضى المسلمين


نصيحة اتبعي كلام الدكتور و لاتستخدمين شي لين تسألينه سواء أثناء فترة العلاج أو بعدها.. و أجر و عافية إن شاء الله

[حقيقه]

قطريه & بوحارب

الله يشفيكم ويردكم أحسن من قبل

[ريتويت]

اختي في حبوب شاريتها من مصر ومن المانيا ( موجودين بس في هذي الدولتين ) اسمه pantogar مضمون وعن تجربه يطول الشعر من 3-4 سم فالشهر ويمنع تساقط الشعر من الاسباب الغير معروفه

[بوعلي2]

قطريه اصيله

بوحارب


أسأل الله العظيم رب العرش العظيم في هذا اليوم المبارك أن يشفيكم ويشفي جميع مرضى المسلمين
*

[ماريسا]

ماتشوفين شر ان شالله
و الشعر بيرجع نفس قبل اول ماتوقفين العلاج الكيميائي

[غزلان]

قطريه اصيله

بوحارب

الله يشفيكم يارب اجر وعافيه ان شاء الله

[سارونه]

الله يشفيج ويعافيج ياخويتي :( وربي يشفي جميع مرضى المسلمين :(

لا تخافين على شعرج بيرجع اكيد بس بعد ماتنتهين من العلاج ..

عليج بالغذاء الصحيح واخذي فيتامينات تقويج ولازم تسالين الدكتور قبل ماتاخذينها ..

[فيزيائية]

الله يشفيج ويشفي بو حارب ومرضانا ومرضى المسلمين

[مساهم فنان]

علاجي تقريباً سنه

وكل 35 يوم اخذ جرعه وقالوا لي لازم اللتزم في مواعيد الجرعات
وانا فقط الى اليوم خذت جرعه واحده لاني توي اكتشفت المرض يعني جديد اتعالج
وقال لي الدكتور اذا تعافيت شوي ممكن اخذ جرعه كل 44 يوم
و لا تنسوا شيء مهم جدا و يغفل عنه الكثير هو ان مريض السرطان قد يقتله العلاج الكيماوي بدل المرض
و للاسف سمعت انه كانت هناك حالة مريضة كانت ملتزمه بالجرعه في موعدها دون تأخير حتى وصلت مناعتها صفر وماتت الله يرحمها


أختي شافاكِ الله وعافاكِ من هذا المرض ،صدقيني أشعر بآلامك أنتِ وأبو حارب ، شافاكما الله منه ، لم أكن أعلم بتألم صاحب المرض إلا بعد أن رأيت بعيني تألم واحدة من الأهل (الحمد لله مَن الله عليها بالشفاء) ، فعلاً علاجه هو الذي يؤلم المريض ، لذلك أختي تجنبي الأماكن التي فيها زحمة وكذلك كل شخص يعاني من مرض معدٍ كالزكام لأن مناعاعتكِ مع العلاج ضعيفة جداً، أما بعد العلاج فتعودين طبيعية .
أختي لا تقلقي أبداً فبعد انتهاء العلاج بأسبوعين يعود الشعر للنمو ، وانصحك الآن لبس الحجاب إذا حضر عندكِ بعض الصديقات كي لا تشعرين بالحرج أمامهن .
أما الكريمات وغيرها فلا. لا. لا قد تؤثر على صحتكِ خاصة مع العلاج .
وأخيراً أقول لكِ ولأبو حارب النفسية الجيدة والتوكل على الله والرضا بما كتبه الله لكما هي نصف العلاج.... وشافاكما الله من المرض و بإذن الله تعودان تمارسان حياتكما كما كنتما.

[بوحارب]

مشكورين وجزاكم الله خير

الحمدلله على كل حال :)

[فلتة زمانها]

قطريه اصيله
وبوحارب
الف لا باس عليكم

[الصغيره]

ما تشوفين شر

لا تتعبين نفسك ولا تاخذين اي علاج اخذي علاجك ولما تخلصين الكورس على طول بينبت شعرك وبيطول وبيكثف وبصير احسن من قبل

لا تحاتين التساقط شي طبيعي من توقفين العلاج بيطلع الشعر

اسال الله لك الشفاء التام ولا تاخذين اي علاج الا بعد ما تخبرين طبيبك


قلبي معك يالغاليه وفتره وبتمر وبيرد كل شي افضل من الاول صدقيني

[إينشتاين]

السلام عليكم،،

موضوع الشعر بسيط أهم شئ الصحة والعافية،،

والحمدلله علاج الأمراض السرطانية تطور وماصار مرض يخوف.

انا تعالجت بالكيماوي من 10 سنين تقريباً لأن كان معي لوكيميا وطاح الشعر كله وبعد العلاج رجع بس أخف من أول..

وبالنسبة لموضوع المناعة شئ طبيعي مع العلاج ينزل عدد كريات الدم البيضاء وكان فيه ايام كثيرة توصل عدد الكريات البيضاء (صفر) وهذا طبيعي ومتوقع بسبب الكيماوي لكن ماكانوا يخلوني اطلع من الغرفة نهائياً لمدة طويلة توصل لشهر وإذا حد بيدخل علي لازم يحط ماسك وملابس بلاستيك للوقاية ويمنعون دخول أي شخص مريض.

ما اكذب عليكم فترة العلاج بتكون متعبة لكن مع الصبر وتحسن الحالة والأخبار المفرحة إن شاءالله بتقلص المرض راح تعدي هالفترة وتصير مجرد ذكريات.

وفيه شي مهم ماكنت اعرف اهميته وقت العلاج وكانوا دايماً يركزون عليه الدكاترة وهو النفسية وارتفاع المعنويات وكانوا يقولون كلما تحسنت النفسية كلما زادت استجابة الجسم للعلاج وبالفعل الأوقات الي انسى فيها المرض واكون مبسوط تتحسن الحالة بشكل ملحوظ.

ختاماً ادعوا لك اختي واخوي ابو حارب بالشفاء العاجل ويكتب اجركم إن شاء. الله ومرضى المسلمين.*

[نتفـه]

الله يكتب لج الشفاء باذنه .. ويشافي بوحارب ان شاء الله
ومثل ما قالوا تجنبي اي علاج هالفتره لين ربي يشفيج باذن الله تعالى ..
اسأل الله العظيم رب العرش العظيم ان يشفيك ..

[قطريه أصيله]

الله يجزيكم خير ياخواني واخواتي على دعواتكم الطيبه ..

وبفضل وقفة ريلي ودعوات الوالدين والاهل ودعواتكم انتوا النفسيه ولله الحمد زينه والابتسامه ماتفارقني

ودائماً اردد كلمة (( الحمدلله رب العالمين ))



لاني راح اخسر شعري ويبيله وقت علشان يرجع لطبيعته وطوله

[حليتان*]

قطرية اصيلة وبوحارب ما تشووفون شر واجر وعافية

[نور الحور]

طهور طهور إن شاء الله أختي قطرية أصيلة، وأخوي بوحارب، و أنت بعد أخوي اينشتاين ..

مثل ما قال أخوي اينشتاين المعنويات مهمة جداً .. وفيه علاج بالتفكير والتخيل .. قريت مرة إن طبيب استخدم الخيال في القضاء على المرض مع طفلة صغيرة ..كانت تتخيل إن هناك حرب في جسمها وإن الجنود (طبعا مناعتها) أقوياء ويضربون العدو (الخلايا السرطانية) ويقضون عليها .. والحمدلله شفت في وقت قياسي مع العلاج الطبي طبعا ..
ركزوا على الصحة .. العافية .. وضعكم وأنتوا متعافين .. شتشعرون وشتحسون فيه .. شتسمعون .. ركزوا على كل حاسه من الحواس وعيشوا بكل شعوركم في هالحالة .. واستشعروا نعمة الصحة وانكم تشكرون ربكم عليها ..
هالبرمجة وايد وايد مفيدة ..
وبعد في علاج بتقنية الحرية النفسية .. اللي يتقنها ممكن يتغلب على المرض بإذن الله حتى ممكن بدون أدوية ..ممكن تشوفون رابطها على اليوتيوب .. وتقنيتها سهلة جداً بس يبيلها مداومة ..

قلبي معاكم ..إن شاء الله نسمع عنكم أحلى الأخبار .. وأجركم عند الله ..

[قطريه أصيله]

نور الحور الله يجزيج خير حبيبتي على كلامج الطيب

الله يشفي جميع مرضى المسلمين ويرد لهم عافيتهم وصحتهم

[الفرحه]

ما تشوفون شر اختي قطرية اصيله وبوحارب واخوي اينشتاين .