العزب في الوكره

[بوالبيض]

بسم الله الرحمن الرحيم
تحيه طيبه
العزب : ارض مخصصه للافراد في مناطق في الدوله بغرض تربية الحيوانات اعزكم الله
وهي توزع عن طريق الدوله ( عن طريق وازرة البيئه ) .
الي ابي اتوصله له هي هذه الاراضي توزع بالترتيب قصدي الي يتقدم الاول هو الي يحصل
علي الارض ام بالواسطه في ناس متقدمه للارض صار لها اكثر من سنه ونص وما حصلت
ارض وناس كم شهر ويحصلون ارض ليش يعني التفرقه في التوزيع الاراضي .
ناس مظلومه والله وشي عشوائي في توزيع الاراضي والي قريب يحصل ارض والي له مصلحه
يحصل ارض .. لزم احد يحط حل حق هل
الموضوع وابي رايكم في الموضوع

[رآعي موآجيب]

كل العزب بالواسطه

والموضوع تفاقم لأبعد من ذلك

وصار الموضوع ربحي لبعض الناس اللي ياخذ عزبه ببلاش من تحت الطاوله ويبيعها على المساكين المجبورين بـ 70 و 80 و 100 الف

أنا مقدم من 2008 وللحين ماعطوني

وراجعتهم بما فيه الكفايه ولا عطوني

والناس اللي يبونهم ياخذون توزع لهم بدون تقديم !!

حاولت اقابل الوزير ولا قدرت

ما يخلونا ندخل إلا على النعيمي أو الهاجري

لكن الوعد مع القصه كامله بالأسماء كامله في الجريده

أنتظروني علشان تعرفون أشياء ما تدخل المخ !!

[بوحمد111]

الواسطه تعدت النظام عندنا وللأسف ناس تنتظر بعد تقديم الطلب وناس بدون طلب توصل لهم تراخيص العزب ويحط فيها كباين ويبيعها بالمبلغ الفلاني والدواره تدور

ان الله مع الصابرين

[الغرناس]

سمعنا كلام انا بيمدون الكهرباء والماي للعزب هل ها صحيح

اعتقد بطير اقيامهم

[N7eEeS]

اللي اعرفه بيع العزب ممنوع ويصير التنازل للاقارب من الدرجة الاولى فقط، اكثر البيع يصير بطريقة غير رسمية من خلال محامين.

[بوالبيض]

ياريت نشوف الموضوع في الجرايد لان صج الموضوع حساس وكله بالواسطه وبيهم وبين بعض
والكل يعرف بس محد يقدر يسوي شي وناس تاخذ احسن الاماكن في العزب والناس تنطر
سنين لين يعطونهم عزبه وهي حق الحكومه ومن حق المسؤل توزيعها بالتساوي بين الناس
راعي مواجيب ياريت اشوف الموضوع في الجرايد وتتحاسب الناس كلها ....
الله كريم يارب

[خنجر]

الحمد لله قدمت وعطوني عزبه في مجمع عزب الوكر

لا واسطه ولا اعرف حد والحمد لله

واسطتي رب العالمين