خطر الشائعات

[شاهين قطر]

السلام عليكم ورحمة الله وبركاتة


رجاء خاص لجميع الاخوه في قطر عدم الاستعجال في ترويج الشائعات الا بعد التأكد منها

[intesar]

تكلم من.. لما اعرفوا قيمة وطريقة استخدام البلاك بيري.. بعدها بيعرفون كيف يتحكمون بالشائعات..

قتل الله الشائعات.. وهدى الله مروجيها.. وجعلنا أبعد الناس عن ترويج الشائعات..

[abdo222]

يبوا لنا اعلام تلفزيون واذاعي فيه الثقه والناس بتتوقف عن تناقل الاشاعات,,

مصدرنا امس كان وزاره الداخليه في تويتر

[كازانوفا]

اشاعات بايش؟؟؟؟

[Laffan]

للأسف بعض الناس تستخدم البلاك بيري بطريقة سلبية.. عاد تفهم من ولا من

[دااانة قطر]

واليوم قلت للبعض بسكم من هالرساايل من امس لليوم ومن السااعه 4 الفجر
زعلوا علي


الله المستعاان

[خــالــد]

لا المشكلة يجون دعس يرصون لك موضوع ويقولون اكدوا لنا الخبر وكل وحد يحط لك اسم مدرسة على كيفة
المفروض ينكتب الخبر بعد ما نتاكد من مصدرة :anger1:

[حسن]

الحمد لله ماعندي بلاك بيري ولا ادري بهل الاخبار التافهه ولو الامر بيدي لقطعت خدمه البلاك زفت على قطر
وبعدين تقيد الاعلام ومنعه من الحريه السبب الرئيسي للاشاعات

[bo_s3ood]

امس وصلني برودكاست باسامي بنات واولاد وعصبت على كل الي رسل حتى لو صدق بس اهاليهم عندهم بلاك بيري بعد لو حد وصل له اسم من عياله شنو راح تكون حالته

وهذا الحين وصلني برودكاست ووصلني كلام من واحد ومحد يعرف الصدق ولا

يقولون حريق في مدرسه في معيذر اسم المدرسه فاطمه بنت الوليد مادري يستهبلون على الناس ولا شنو

ماقول الا الله يستر على الجميع ويحفظ قطر من كل سوء

[فيروزه]

لا حول ولا قوة الا بالله

[bo_s3ood]

تم تاكدي خبر حريق في مدرسة معيذر من قبل الاخوه في وزارة الداخليه كان حريق بسيط في مكتب وتم السيطره عليه ومافي اصابات بين طالبات المدرسه

الخبر موجود في تويتر الداخليه

والله يحفظ قطر

[Tulip - Q6r]

من امس مارقدنا ولا ارتحناا من هالاشاعات يكتبون كلام مادري من وين وصور قديمه ويطرشون والاعلام نايمين ف العسل من امس الصبح واحنا ع اعصاابنا لين سبع ف الليل ندور ف النت والتويتر واشاعات البلاك بيري:omen2:

[راشد محمد]

لا حول ولا قوة الا بالله

[سعادة الوزير]

ياخوي حل مشكلة الاشاعات اسهل مما تتخيل! ، وفر للناس البديل ، الي هو توفير اعلام محلي نشيط ومتجاوب وصادق وسريع الوصول للناس! ، الناس بطبعها تكون متعطشة للمعلومة ، ومتى ما منعت عن الناس المعلومة ، راح تترك الفرصة للاشاعات انها تنتشر ، عطني معلومات حقيقية وشفافة وسريعة ، وانا اضمن لك ان محد راح يلتفت للاشاعات!

[غلا أبوووي]

حريق المدرسة موجود في وزارة الداخليـة ,,

الكلام مب اشاعات

[intesar]

مروج الإشاعات موجود هو لو حطيت له ألف اعلام واعلام..
هذا مرض بالصدر.. ولازم له علاج..

[حفيد الأنصار]

الله يهديهم .. في ناس من حسن نية تبي تنشر الخبر قبل لاتتاكد بس