عادة سيئة في مجتمعنا يجب ان نقضي عليها

[خــالــد]

مساكم خير

بدخل بالموضوع المشكلة اكيد كل واحد فيكم يلاحظ هالعادة الي مو زينة دوم ومرات في بعض المجلس لما ينادون بوفلان بااسمة تحصلهم يقولون بوحسون او بوعلوي وحسون وعلوي لو يدخلون عليك مدرعات ويمكن لو ينطحك بجبهتة يشلخ جبهتك ليش التصغير في الاسماء لازم نادي الاشخاص با اسمائهم الي متسمين بها...

انتظر ارائكم وتفاعلكم

[ابن سينا]

والله هل قطر الي نعرفهم اكرم عليهم ذا العاده وتحياتي ..........

[حفيد الأنصار]

عظم الله اجركم

[آنا غيــر]

اي هاذولا جيل التسعينات الله يعينا عليهم

لا تربيه ولا شي حدهم سايحييين

[نورعبدالرحمن]

انا اعتقد على معزة الشخص اذا كان انسان عزيز عليك ودايمن
اتغشمر معاك اكيد بتقبل غشمرتة
لاكن واحد ثقيل دم وسخيف او شخص انا مارتاحلة ماراح اتقبل

[خليفـة]

يعتمد على نوع العلاقة بين الطرفين اخوي
لما تكون العلاقة بينهم قوية ووطيدة
مافيها شي لو نادوا بعض كذا
اما اثنين ما يعرفون بعض
اكيد بيكون فيه احترام
ورسميات بينهم
وسع خاطرك
خليفــة
:)

[الشلهوب]

ياخوي انروح مجالس كثيرة ولاسمعنا عن هذة العادات

[تركواز]

اتوقع هاي عادات دخيله مب عند العرب

[bohilal191]

على حسب المعزة يعني عندنا في الدوام كل واحد ينادي رفيجه بوحمود وبوعزوز بس لما يكون معانا شخص غريب كل واحد ينادي رفيجه باحترام

[الأرجنتيني]

أول مرة أسمع عن هذي العادة !

[رآعي موآجيب]

السموحه منك ياخالد

لكن هذي مهيب عاده

دوم نجتمع في المجالس شمال وجنوب ولا عمري سمعت احد يصغر الأسماء بهالطريقه

يمكن هذي ظاهره جديده عند بعض الشباب الصغار