مستشفى حمد ؟؟؟

[ابن سينا]

امس بتاريخ 29\5\2012 كان عندي موعد العيادة المسائية للعيون من الساعة 6 الموعد ولادخلت على الطبيب الى الساعة 8 ومعظم المراجعين وافديين اين الاولوية للقطريين تحياتي؟؟

[خوي الدرب]

امس بتاريخ 29\5\2012 كان عندي موعد العيادة المسائية للعيون من الساعة 6 الموعد ولادخلت على الطبيب الى الساعة 8 ومعظم المراجعين وافديين اين الاولوية للقطريين تحياتي؟؟

بيني وبينك على المستوى الشخصي
أنا غير مؤيد لحصول القطري على الأولوية الا في حالة العلاج في الخارج
أما في مراجعة العيادات فأرى أن من يصل الأول فله الحق أن يحصل على دوره حسب حركة وصوله

بغض النظر عن جنسيته

[وليف قطر]

انت مريض .. والغير قطري مريض
الناس من الساعه 5 هناك ..
وانت تجيهم 6 وتبي تدخل قبلهم

ياخي انت لما كتبت الموضوع .. تريقت ؟

امس القطري جاهد بروحه عشان الغير قطري
( بروحه ) .. وانت جاي تقول موعد

اذكر الله بس ..

[ANONYMOUS]

الموضوع مش موضوع اولويه

الرجال عنده "موعد" الساعه 6 ... ليش يدخل 8 ...

وين الجهاز السحري اللي قالوا عنه .. ولا يشتغل الصباح فقط ع الطاقه الشمسيه !!

بعدين هذي عياده مش طوارئ عشان يتأخر هالكثر وتصير سالفة اولويات

[abdo222]

مب موضوع اولويه "كل واحد يدخل على موعده,, واحترام المواعيد واجب من اداره المستشفى والدكتور"

[رجل الجزيرة]

وأنا ما أحب أميز بين مريض قطري وغيره من باقي الجنسيات، إلي له الدور يدخل، وسلامتكم.

[خوي الدرب]

وأنا ما أحب أميز بين مريض قطري وغيره من باقي الجنسيات، إلي له الدور يدخل، وسلامتكم.

كفو وهذه هي النفوس النقية أنت ومن سبقك من الأخوة والأخوات

وهذه هي الروح الإسلامية والقطرية في آن

[بو الجوري]

هههههههههههههههههه أضحك الله سنك
و الله يهديك بس :)

[كازانوفا]

اللى اعرفه اللى يروح بدري يدخل بدري والعكس صحيح

[Rashid554]

الاولية لصاحب الحالة الطارئة مو للجنسية .. بسك انانيه من متى هالطبع في اهل قطر ؟؟
اختلط الحابل بالنابل وصار الكل يتكلم بلسان اهل قطر

[ضوى]

الموضوع مش موضوع اولويه

الرجال عنده "موعد" الساعه 6 ... ليش يدخل 8 ...

وين الجهاز السحري اللي قالوا عنه .. ولا يشتغل الصباح فقط ع الطاقه الشمسيه !!

بعدين هذي عياده مش طوارئ عشان يتأخر هالكثر وتصير سالفة اولويات

الجهاز السحري ماله اي معنى ، اول مرة يرن عشان تروح تسوي الفحص ضغط وحرارة ووزن .. الخ وهالشي يصير قبل الموعد المكتوب عندك بالكرت بعشر او خمس دقايق

بعدها يمكن برع ثلث ساعة اقصى تقدير يرن مرة ثانية عشان دخولك عالطبيب

الصراحة العيادة المسائية زحمة وايد تفاجات لما دخلت ماصدقت انه هذي عيادة مسائية مافي فرق عن الصبح ابدا زحمة مب طبيعية

[لمعة الالماس]

هو قال انه عنده موعد الساعة 6 وانتظر لين الساعة 8 ولا دخل الموعد

بصراحه هالحركة وايد تصير في المستشفيات ومزعجة وتضيع الوقت وتملل !!

المفروض يخصصون لكل مريض وقت معين نص ساعه او ربع ساعة على حسب الحالة والعيادة

[رجل الجزيرة]

كفو وهذه هي النفوس النقية أنت ومن سبقك من الأخوة والأخوات

وهذه هي الروح الإسلامية والقطرية في آن

مرة كان موعد في المساء ودافع 50 ريال من الساعة 5:00 المساء و لادخلت على طبيب المسالك البولية إلا الساعة 9:10، هاه ويش رأيك، ولا تذمرت وتهاوشت ولا قلت أنا قطري ومثل ما ذكرت الدين أخلاق.

بس أموت إلي يقول: انا قطري وانا قطري، يعني هو قطري وحن مهوب قطريين.

[آنا غيــر]

بغض النظر عن موضوع الجنسيات لان ماله خص صراحه يدخلون القطري قبل ! المفروض مثل ماقالوا طبعا على حسب الاولويه لان هاذي اسمها طوارئ !!

انا لو اشوف هالشي فبلاد برى والله بنقهر عليهم ..

اخبر يوم انكسرت رجلي في لندن دخلوني قبل الانجليز اللي كانوا ينطرون فالطوارئ قبلي .. ومحد اشتكى منهم طبعا لان متفهمين الحاله ..

ماكنت ادري ان بلقى معامله زينه صراحه في مستشفاهم .. حدي استانست

بس اللي لاحظته في مستشفى حمد .. ان بعض الدكاتره يتمططون واجد .. ولما يدخل المريض يقعد الدكتووور يسولف وياه في امور الحيااااه والمرضى وراهم ملطوعين ينطرون كنه الا ماعندهم شغل

انا ماقول ان الدكاتره المفروض يكشفون بسرعه بسرعه ... ولا نبيهم يتمططووون ويسولفون فسوالف مالها داعي

[pink pearl]

السالفة مالها خص بالجنسيات، يعني كل مريض يدخل بالوقت المحدد له، وليش هذا التأخير أساساً وهم حاطين سستم جديد في المواعيد؟؟؟

[غادة]

اذا على الجنسيه مالنا حق .. يعني القطري يتعالج ويركضون فيه والاجنبي لا ,, تراه دافع اميه مقابل دخلته وانت تدفع 50 ..
اهو ادمي وانسان ويحق له العلاج قبلك لو اهو واصل قبلك ..
بالذمه عاد لرحنا برااا .. شلون يعاملونكم ؟؟!! يدخلونكم ولا يخلصون الاجانب اهل البلد قبل ولا بالدور ..
يجب احترام الغير واحترام الاخر عشان نرتقي ..
وما يغثني الا سالفه التطعيم يوم للقطرين ويوم للاجانب .. من وجهه نظري مالها اي داعي و مب حلوه في حقنا كبلد نرتقي و نطمح للافضل ..
كلنا سواسيه ..
محد احسن من الثاني ..
وبعدين شهداء الواجب بفلاجيو .. شنهي جنسياتهم .. اعتقد قطرين !!
ناس تفدي روحها ماقالو والله انا مب من جنسيتهم مالي شغل .. ضحى بنفسه ايراني و مغربي ونفتخر فيهم ..
الله يرحمهم برحمته .. ويتقبلهم ..

[الموضوعي]

الحل ببناء مستشفى في غرب الدوحة ومستشفى في شمال الدوحة بدل هالملاعب تصرف عليها مليارات كأنها مسألة حياة او موت

[دااانة قطر]

الجهاز السحري ماله اي معنى ، اول مرة يرن عشان تروح تسوي الفحص ضغط وحرارة ووزن .. الخ وهالشي يصير قبل الموعد المكتوب عندك بالكرت بعشر او خمس دقايق

بعدها يمكن برع ثلث ساعة اقصى تقدير يرن مرة ثانية عشان دخولك عالطبيب

الصراحة العيادة المسائية زحمة وايد تفاجات لما دخلت ماصدقت انه هذي عيادة مسائية مافي فرق عن الصبح ابدا زحمة مب طبيعية


جربنا الزحمه في العيااده الصبااحيه
والمساائيه غاالبا اسناان
والدخول على حسب كم وااحد جداامي
لكن سااعتين احسهم باالغوا:eek5:

[بو الجوري]

الحمدلله توني جاي من طواري السد مودي فهد

دخلت 10:30 وطلعت 11 من باب الطوارئ :..

سووله الفحص وعقب حولوه عالدكتور وشافه وعطوه إبره و صرفت الأدويه من الصيدليه
والحمدلله كل هاي في نص ساعه :)

[ANONYMOUS]

الجهاز السحري ماله اي معنى ، اول مرة يرن عشان تروح تسوي الفحص ضغط وحرارة ووزن .. الخ وهالشي يصير قبل الموعد المكتوب عندك بالكرت بعشر او خمس دقايق

بعدها يمكن برع ثلث ساعة اقصى تقدير يرن مرة ثانية عشان دخولك عالطبيب

الصراحة العيادة المسائية زحمة وايد تفاجات لما دخلت ماصدقت انه هذي عيادة مسائية مافي فرق عن الصبح ابدا زحمة مب طبيعية

طالما ماله معنى .. ليش مسوين فيه ضجه

اذكر في موضوع ف المنتدى من كم يوم يمجد هالجهاز وافعاله وانه حل ماعجزت عنه العقول في حل سالفة تأخير المواعيد


حتى اقترحت يطبقونه في حل تأخير توزيع الاراضي :secret:

بعدين انتي قلتي بعدها بثلث ساعه يرن مره أخرى

واخونا صاحب الموضوع دش بعد ساعتين

فهل السبب ان الجهاز مش موجود فليل ؟



---
من خلال الردود اختلط ع الاخوان ان هذا الموضوع عن المواعيد

مش الطوارئ

[فلتة زمانها]

من الضغط اللي عليهم والله الستاف مو ملحقين
قلت لكم اللي يشتغل في مستشفى حمد اعتبره شهيد