بشاان العوازل<<<<<<<<<<<<<<<<<<<<<

[king999]

السلام عليكم

اخواني انا وصلت مرحلة العوازل واتصلت في تدمر وجاني مهندس من عندهم وشاف البيت وقال لي اللة يعزكم الحمامات اللي تحت ما تحتاج عوازل!!! هل الكلام هذا عدل؟؟

والشي الثاني قال عندهم 3 نوعيات

سعودي
واماراتي
وفرنسي وهو ما نصحني بة

لكن سعرة ادهشني تكرمون 5 حمامات والسطح للبيت والملاحق ب 76000 ريال

البيت 23*26 =598

الملاحق 12*4=48

ياليت اللي يفهم في حسبتها ينورني اللة يجزاة خير لاني قريت مواضيع لاخواني الاعضاء ومنهم شموخ ان المتر 40 ريال بس


والف شكر لكم

[شموخ دائم]

,

,

مرحبا


اخوي الكريم

منزل مبارك ان شاء الله

سعر المتر هذي الايام 83 ريال للمتر من كم يوم انا موقع مع المسند في مشروع جديد
وبالنسبه للحمامات الله يعز الجميع
فالسعر عندهم له حسبه مختلفه تقريبا الحمام يكلف
1500 ريال قاصر زايد ولو حسبناها على الامتار عندك
راح تكون بحدود 53 الف تقريبا وانا انصحك بشركه المسند
ترى احسن من تدمر من نواحي كثيره منها اسباب فنيه
ومنها اسباب اداريه


وترى انا ما قلت 40 ريال
واذا عندك شهود اني قلت هاتهم
ههههه
:)

منور يا غالي

,

,


اخوك

شموخ دائم

[king999]

,

,

مرحبا


اخوي الكريم

منزل مبارك ان شاء الله

سعر المتر هذي الايام 83 ريال للمتر من كم يوم انا موقع مع المسند في مشروع جديد
وبالنسبه للحمامات الله يعز الجميع
فالسعر عندهم له حسبه مختلفه تقريبا الحمام يكلف
1500 ريال قاصر زايد ولو حسبناها على الامتار عندك
راح تكون بحدود 53 الف تقريبا وانا انصحك بشركه المسند
ترى احسن من تدمر من نواحي كثيره منها اسباب فنيه
ومنها اسباب اداريه


وترى انا ما قلت 40 ريال
واذا عندك شهود اني قلت هاتهم
ههههه
:)

منور يا غالي

,

,


اخوك

شموخ دائم

مرحبا اخوي الغالي شموخ ماقصرت ودايم وافي في وقفتك مع الاعضاء اللة يوفقك ويسعدك
وانا قريت موضوع لك ما يحتاج استشهد باحد:) وهذا هو بس يمكن يكون قديم

,

,



مرحبا


تدمر
المسند

الشركتين نفس السعر تقريبا 80 ريال للمتر او 85 ريال

شغلهم ممتاز وضمانهم 10 سنوات

الشركات الثانيه اقل منهم ب 5 ريال او 7 ريال بالكثير

يعني لو المسند عطوني سعر البيت ب 40 الف مثلا

وشركه ثانيه عطتني 35 الف لازم اروح للاحسن وليس الارخص

لان 5 الاف ريال لبيت العمر مو كثير وما اطيح بمشاكل تسريب الماي ويخرب ديكورات البيت الجبس والصبغ والاثاث لا سمح الله

ولازم تسئل كم ( ملي ) سماكه العازل لانه يفرق في السعر مو شركه تعطيني 4 ملي وشركه تعطيني 2 ملي وسعرهم ارخص وانا افكر ان سعرهم احسن

وتسئل عن نوع الماده بين الفواصل في العازل في انواع كثيره

وتعمل اختبار تخلي الماي بالسطح ناقع 3 ايام اقل شي

وبعدها طبقه كونكريت صبيه فوق العازل لحمايته من الشمس

والعازل الحراري لازم يكون من النوع الصلب في اللون الازرق وفي النوم الابيض

وابتعد عن النوع اللين

مع عمل ميول لتصريف الماي

والله يوفقك يارب ومنزل مبروك والله يهنيك فيه



,

,


اخوك


شموخ دائم


وانا شفت 40 وفكرت المتر انا اااااااااااااااااااااااااااااااااااسف والخطاء مرجوع

[(عبدالله)]

الله يعطيكم العافية على هالحوار الرائع

سؤال

ايش رايكم العازل أسويه من شركة ساتكو؟ وايش رايكم من شركة الشمالية؟

الاستشاري صاغ لي العقد مع المقاول إن العازل يكون إما من المسند أو تدمر أو ساتكو
طبعاً المقاول تهاوش مع المسند لأنه أجبرهم يغيرون عازل أحد البيوت اللي بناها قبل 4 سنين
لذلك علاقته مب طيبة معاهم
لذلك المقاول اقترح علي إن العازل يكون من شركة الشمالية وبما إن الاستشاري قال ساتكو فالمقاول رضا به


والله يعطيكم العافية

[king999]

والللة يا خوي عبداللة الناس يمدحون تدمر والمسند وانا من بداية بناء بيتي وانا استشير الاخ شموخ في اي مشكلة او استفسار تواجهني ولا يقصر في الشور الطيب هو وباقي الاخوان الاعضاء لكن انا شكلي بحول من تدمر وبحول للمسند بناء على شور اخوي شموخ دايم

وانت حاول ماتشتغل عازل الا مع شركه معروفه في السوق لا تروح ضحيه بين الاستشاري والمقاول

واللة يوفقنا جميع

[شموخ دائم]

,

,


مرحبا

ما بين الاخوان اسف


عن تجربه

الشماليه


لا


الشماليه

لا


الشماليه


لا


بالثلاث


:)


ساتكو

شركه طيبه ولكن ولكن ولكن عصرها الذهبي انتهى

:)



,


اخوك


شموخ دائم

[(عبدالله)]

:: king999 ::

:: شموخ دائم ::


جزاكم الله خير

[الحـ قطر ــب]

اخوي شموخ دائم

طرشت لك رساله عالخاص قبل كم يوم ولكن عطيتني السييييييييييييييييييييييين:weeping:

لو مارديت علي راح اسوي اضراب واحرمك من شوفتي :waiting:

يالغالي راعي الموضوع خلك عالمسند سمعتهم وعمالهم وايد زينين اكثر من الشركات الثانية:nice:

[السد]

غير المسند لا تاخذ
وانت مغمض العين
فيه شركة بعد قوية
شركة نهاريا - شارع النصر
لكن ارشح لك المسند بلا منازع
هذا عازل لا تستهين فيه
حتى لووصل لك العازل قيمته 300 ألف
اخذ من المسند وانت مطمئن

[خالد32]

عازل السطح عند المسند 75 ريال من سنة
و 300 ريال للحمام الواحد
اتصل فيهم و اطلب هشام

[king999]

يالربع كم رقم المسند ؟؟

[حسن]

عازل السطح عند المسند 75 ريال من سنة
و 300 ريال للحمام الواحد
اتصل فيهم و اطلب هشام

مثل ماقالك خالد اتصل حق هشام واعتقد سعرهم نفس سعري العام بس اكيد السنه زادات
المهم ياخوي قول حق هشام يسلم عليك حسن:victory:

[ولد المنصور]

ابشر ياخوي وتفضل الرقم المهندس قيس 55374602 رجل محترم جدا

[king999]

حسن وولد المنصور تسلمون

[ولد المنصور]

يسلمك ربي ,,, والله يوفقك ياخوي