طوارى حمد

[اليزوة]

الموضوع اشبه بقصه خرافيه ولكنها حقيقه
قبل شهرين تعرضت زوجتي للسقوط داخل المدرسه وقام زميلاتها باتصال بالاسعاف وحضر الاسعاف على الفور ونقلت المصابه الي الطوارى في الطوارى تم اجراء الازم وتحويل المصابه لقسم الاشعه وبعد الانتهاء من الاشعه ذهبنا الى الدكتوره التي قالت مافيها شي وكتبت دهان وحبوب واجازه يومين وامشي عليها

وبعد يومين حاولت زوجتي وضع قدمها على الارض ولم تستطع قمت بنقلها الى احد المستشفيات الخاصه تبين ان هنالك كسرين في الكاحل وتحتاج الى وضعها بالجبس
المهم بقيت مدة شهرين بالجبس
السؤال يا اخوان معقوله طبيبه لاتعرف تشخيص كسر والمستشفى مجهز باحدث اجهزه الاشعه
ام ان الطبيبه نضرها ظعيف ولم ترى الكسر في القدم

[الأغر]

ابدا سلامتك .. مستشفى حمد محتاج الى تغير الكادر تماما ..

[الأغر]

نسيت والسموحه منك .. ما تشوفون شر إن شاء الله

[بصمة قطرية]

الحمدلله على سلامتها
اجر و عافية ان شاء الله
بالنسبة للكسور اخوي مرات ما تبين من اول ما بتعور الشخص
صارت مع اختي و ولدي
اختي طاحت وما قدرت تمشي تورت رجلها
بالاشعة قالوا رضة قوية جبسوا رجلها تورمت زيادة وازرقت
شكلها صار مخيف
راجعت العيادة فكوا الجبس و سوو الاشعة اكتشفوا ثلاث كسور في المشوط
قال لها الدكتور اغلب الكسور ما تكون واضحة اول ما يتعور الشخص
ولدي نفس الشي
انقلب في سيلين في الدراجة
رجله تورمت و قالوا ما فيها شي بس رضة
ثاني يوم بين شلخ في العظم

ما ادري هل وضع زوجتك نفس الشي
و بعدين تقدر بنفسك تشوف الاشعة الكسر يكون واضح ..
اذا نفس الاشعة معناته الدكتورة محتاجة نظارة
اذا عادوا الاشعة معناته ما كان واضح الكسر ...