وش احسن شركات خزانات الماء

[Abdulla86]

امسيتوا بالخير

بخصوص خزانات الماء وش احسن الشركات

لان بصراحه تضاربت الافكار عندي اللي يقولي المفتاح مب جيد ويعطيني تجربته معاه واللي يقولي المسند و و و و

انا محتار انا ابغي ٣ حزانات واحد ٢٠٠٠ والثاني ٨٠٠ والثالث في حدود ٦٠٠

رايكم و نصيحتكم

[qatara]

المسند ومع الظمانه

وذالك عن تجربه

[معماري قطري]

المسند روتومولد لي تجربة أو بالأحرى لنا تجربة معاهم وهي إنهم في البداية يعطونك مواصفات عالية وسُمك للخزان يبين كبير، وفي الواقع تستلم شيء ثاني وخزان قليل السُمك بالنسبة لمحيط الخزان، وهذي مشكلة شركاتنا مرة منتج لا يعلى عليه ومرة منتج غش، وواجهنا مسؤول مبيعاتهم بالموضوع فكان رده " تبون شيء رخيص بمواصفات عالية ما يصير" وكان المفروض يقول هالجملة قبل لنكتشف التلاعب في سمك حائط الخزان.

انا صراحة سمعت ان المفتاح أحسن وما اني متأكد.

[Abdulla86]

المسند ومع الظمانه

وذالك عن تجربه

الله يعطيك العافيه يالغالي

بس وين موقعهم ولاتهون

[Abdulla86]

المسند روتومولد لي تجربة أو بالأحرى لنا تجربة معاهم وهي إنهم في البداية يعطونك مواصفات عالية وسُمك للخزان يبين كبير، وفي الواقع تستلم شيء ثاني وخزان قليل السُمك بالنسبة لمحيط الخزان، وهذي مشكلة شركاتنا مرة منتج لا يعلى عليه ومرة منتج غش، وواجهنا مسؤول مبيعاتهم بالموضوع فكان رده " تبون شيء رخيص بمواصفات عالية ما يصير" وكان المفروض يقول هالجملة قبل لنكتشف التلاعب في سمك حائط الخزان.

انا صراحة سمعت ان المفتاح أحسن وما اني متأكد.

اشكرك اخوي على ردك وفعلاً شي يحر مع هالشركات

لكن اانا بقولك تجربتي مع المفتاح خذنا خزان من عندهم و بعد فتده بسيطه انفجر طلع فيه عيب تصنيع بسبب رداءه السمك

وشاكر لك

[معماري قطري]

اشكرك اخوي على ردك وفعلاً شي يحر مع هالشركات

لكن اانا بقولك تجربتي مع المفتاح خذنا خزان من عندهم و بعد فتده بسيطه انفجر طلع فيه عيب تصنيع بسبب رداءه السمك

وشاكر لك



عيل كل شركاتنا الوطنية في الهوى سوى

وين حماية المستهلك عن هالشركات، يحسسونك انهم يتصدقون عليك وبتدفيعك غالي وايد بعد، انا بس باوضح شقصدي بإحنا في كتابي السابق .. انا قصدت الله يسلمك اننا كنا هيئة حكومية ومب شراء شخصي وشرينا كمية من الخزانات حق تجديد القديم، ووقاحة اللي يبيع قهرتني يوم كشفنا الخلل، فالعينات تبين سميكة وكم طبقة والواقع خزان خفيف يطيره الهواء من خفته، وقلة سمك جدرانه، ومكلف مب رخيص ويرد بكلامه انتوا تبون رخيص شسوي لكم، وما ادري شصار في الموضوع بعدين لأن تحت مسؤولية واحد ثاني غيري، بس حادثة حبيت أنبه الناس لها ولازم شكاوي توصل حماية المستهلك لأن هذا شيء عام.

والمفروض تتحدد مواصفات قياسية بواسطة مختبر المقاييس ويلتزم بها كل صانع ولو صار خلل يصلح كل شيء على حساب الصانع.

[الحـ قطر ــب]

شرايكم فشركة ندى ؟

[ضوى]

شرايكم فشركة ندى ؟

ابعدي عنهم ، كان اسمها شركة التمام وخزاناتهم خرطي واي كلام وصيانتهم اي كلام ووعودهم كاذبة وضمانهم كاذب وللحين اشاور نفسي عشان ارفع عليهم قضية لانه خزاني انفجر وهو عالضمان ولا بدلوه وكل يوم لهم كلام وحاليا استخير عشان ابهدلهم وافضحهم عالكذب اللي يمارسونه

[ASK2]

شوف كل الشركات فيها عيوب وحالياً معضم الشاركات تحصل فيها تلاعب بس انت لازم تشوف المواصفات اللي بتوفرها لك الشركه وعقب تتاكد منها عند استلام البضاعه او السلعه ..

بس كتصنيف

1- روتومولد
2- المفتاح

[معماري قطري]

شوف كل الشركات فيها عيوب وحالياً معضم الشاركات تحصل فيها تلاعب بس انت لازم تشوف المواصفات اللي بتوفرها لك الشركه وعقب تتاكد منها عند استلام البضاعه او السلعه ..

بس كتصنيف

1- روتومولد
2- المفتاح


هذي الله يسلمك خزانات ماي يعني إذا بتفحصها صعب تدقق في سمك كل جزء من جسم الخزان،،

وحتى مره حصل عيب كبير في خطة التصنيع إن كان الخزان كبير وايد ما اذكر سعته بس كان بحجم غرفة صغيرة، وبإرتفاع كبير وكان شرطنا إن يكون له مدخل واسع بحيث يكون تنظيفه ممكن وبسهولة، لكن صنعوه بفتحة صغيرة مثل الخزانات المنزلية وعادية الإستخدام، وصار خلاف معاهم على هالموضوع،،،

وشيء معروف ورش تصنيع دول الخليج والدول العربية كلها ماشية على البركة ويديرونها ناس عليميه، عيل شرايك في ورش تصنيع صدامات الشاحنات وسيارات النقل النص ثقيل؟ اللي يسوون صدام حديد وحاد وصلب وفوق هذا حلي ومصدي من كل صوب ويقولون صنع بواسطة المصنع الفلاني، هذي الله يسلم القاريء قنابل موقوتة على الطريق وتسبب موت الكثيرين والمفروض الصدام يجي مع الشاحنة من المصنع وبمواصفات مدروسة،،، معليش ذاك الموضوع سحب ذيه بس القصد وريشاتنا ما فيها الا عمال ويشتغلون على كيفهم لا مؤهلات ولا ضوابط تصنيع ولا جودة.

[ASK2]

هذي الله يسلمك خزانات ماي يعني إذا بتفحصها صعب تدقق في سمك كل جزء من جسم الخزان،،

وحتى مره حصل عيب كبير في خطة التصنيع إن كان الخزان كبير وايد ما اذكر سعته بس كان بحجم غرفة صغيرة، وبإرتفاع كبير وكان شرطنا إن يكون له مدخل واسع بحيث يكون تنظيفه ممكن وبسهولة، لكن صنعوه بفتحة صغيرة مثل الخزانات المنزلية وعادية الإستخدام، وصار خلاف معاهم على هالموضوع،،،

وشيء معروف ورش تصنيع دول الخليج والدول العربية كلها ماشية على البركة ويديرونها ناس عليميه، عيل شرايك في ورش تصنيع صدامات الشاحنات وسيارات النقل النص ثقيل؟ اللي يسوون صدام حديد وحاد وصلب وفوق هذا حلي ومصدي من كل صوب ويقولون صنع بواسطة المصنع الفلاني، هذي الله يسلم القاريء قنابل موقوتة على الطريق وتسبب موت الكثيرين والمفروض الصدام يجي مع الشاحنة من المصنع وبمواصفات مدروسة،،، معليش ذاك الموضوع سحب ذيه بس القصد وريشاتنا ما فيها الا عمال ويشتغلون على كيفهم لا مؤهلات ولا ضوابط تصنيع ولا جودة.

ياخوي كلامك صحيح شخصياً اعرفه لكن هذا المتوفر شتسووي

والعليميه مب بسوي في هذي الامور في كل شي

حتى في اعمال البناء حتى ورش السيارات ووووو.......الخ

ذيلاً الله يسلمك يجون اهني مايعرفون كوعهم من بوعهم ومع الايام يوقف مع عامل مثلاً سباكه

وعقب يجرب في خلق الله لين يتعلم وعقب يجيك يقولك انا فني سباكه ....

لكن مثل ماقلت في البدايه افضل السيئين ...!!

عندك البديل تسوي خير

عن نفسي في اكثر من مكان ركبنا من روتومولد ومن المفتاح

الوزن وسماكة والنوعيه المستخدمه بين روتومولد والمفتاح اشوف ان روتومولد افضل

وع فكره اول خزانات اللي ركبناهم من الشركتين حوالي 10 سنوات افضل من اللي خذناهم في الفتره الاخيره ...

شفت شلون ..

[فتى الدوحة]

عندك المفتاح أو المسند

يعتبرون الأعلى على باقي الشركات

[Abdulla86]

والله كلهم في الهوى سوى مثل ماقال اخوي معماري قطر والله كريم

وشكلي بتوكل على الله وباخذ روتمولد المسند

[بوحسن50]

يا اخوان ممكن موقع او ارقام روتمولد المسند

[ساحر قطر]

الندى حلو وسماكة بعد حلوة والله المستعان وبالتوفيق للجميع.