al.jernas
31-05-2012, 07:33 PM
السلام عليكم ورحمة الله وبركاته :)
أخواني أعضاء منتدى شبكة الأسهم القطرية تحيه طيبه وبعد :)
في عام 2007 تم صرف قطعة أرض لي شأني شأن كل مواطن والأرض مساحتها (1200) وهي متواجده في منطقة أبا الحيران من 2007 إلى تقريبا 2009 أو 2010 لم تصل لها الخدمات عشان كذا محد بنى هناك لكن بعد هالتفتره تم إضافة الخدمات والناس ماشاءالله تبني فاا جيت سويت الخريطه ودورت على أستشاري له سمعته وعلى مقاول زين بعد ماشفت كذا فله بانيها وقبل لا أرتب وياهم وأقدم فالاسكان تفاجأت بالأهل يرفضون أني أبني هناك وقالوا أن المكان بعيد عن منطقتنا (عين خالد) ونبغي أنكون عند أهلنا وفعلا كلامهم صحيح وماعارضتهم فاا في 2010 حطيت أعلان فالجريده عشان حد يبادلني فا أتصل علي واحد جزاه الله خير وقال أنه مستعد يبادلني ورحنا الأراضي سوا ويوم قدم كل واحد ملكية أرضه تفاجأنا أنهم أرفضوا وقالوا مايصير بحجة أن المشروع جديد ومايصير أطلع من أبا الحيران (يعني بتبني وبتسكن وبتموت وبتندفن في أبا الحيران وموب بطيبك غصب لاننا عطيناك أرض ولاتلعب بذيلك) طبعا ماقالوا لي اللي فالقوسين ولكن أكيد قصدهم هالشكل هههه فاا ماقتنعت بحجتهم طيب فيه مخلوق بيطلع وبيجي مخلوق بداله وين المشكله ولا مفكرين أن أبا الحيران بتظلم إذا طلعت لاني نورها وقمرها وشمسها وشمعتها اللي تنورها خخخخ المهم راح علي اللي يبي يبادلني وانا ماسكت دورت على واسطه ذليت عمري عند كذا واحد فالاخير من كثر ما أزهقوا من ويهي لاني كل يوم محظر عندهم لا واتقهوى بكثره جدام عيونهم (بلاش) هههه وكله أطلب مقابلات مع المسائيل وعلى هالموال تقريبا (3) شهور وشوي فالاخير قال واحد من المسائيل الله يسعده في حياته فكل علينا وجيب بديل وانا برتب لك الموضوع بس بشرط لاتعدي باب المبنى إلى وبديلك معاك (أول ماقالها أنا طرت من الفرحه سلمت على كل الموظفين وأنا طالع) كلمت الرجال اللي جى معاي أول مره قالي أنه بدل مع شخص ثاني والغريب أنه ماواجه معاناه في الإجراءات مثل ماصار ويانى وحطيت أعلان لمدة (3) أيام ولاحد أتصل علي حطيت مشاركات وموضوع ولا حد كلمني فاا استغربت من حالتي فالماضي البديل موجود ولكن الحظ غايب واللحين الحظ موجود ولكن البديل غايب بس تدرون قعدت أسئل نفسي من الغلطان الوالده لانها تبي تقعد عند أهلها وفي منطقتها ولا هذي الإجراءات اللي ترفض أن الشخص يرجع لمنطقته ولو كان بديله راضي فعلا شي غريب ...!!!
حبيت أفضفض وأطلع اللي في خاطري وأتمنى أني ما مللتكم بهذرتي هههه :)
وشكراً :)
أخواني أعضاء منتدى شبكة الأسهم القطرية تحيه طيبه وبعد :)
في عام 2007 تم صرف قطعة أرض لي شأني شأن كل مواطن والأرض مساحتها (1200) وهي متواجده في منطقة أبا الحيران من 2007 إلى تقريبا 2009 أو 2010 لم تصل لها الخدمات عشان كذا محد بنى هناك لكن بعد هالتفتره تم إضافة الخدمات والناس ماشاءالله تبني فاا جيت سويت الخريطه ودورت على أستشاري له سمعته وعلى مقاول زين بعد ماشفت كذا فله بانيها وقبل لا أرتب وياهم وأقدم فالاسكان تفاجأت بالأهل يرفضون أني أبني هناك وقالوا أن المكان بعيد عن منطقتنا (عين خالد) ونبغي أنكون عند أهلنا وفعلا كلامهم صحيح وماعارضتهم فاا في 2010 حطيت أعلان فالجريده عشان حد يبادلني فا أتصل علي واحد جزاه الله خير وقال أنه مستعد يبادلني ورحنا الأراضي سوا ويوم قدم كل واحد ملكية أرضه تفاجأنا أنهم أرفضوا وقالوا مايصير بحجة أن المشروع جديد ومايصير أطلع من أبا الحيران (يعني بتبني وبتسكن وبتموت وبتندفن في أبا الحيران وموب بطيبك غصب لاننا عطيناك أرض ولاتلعب بذيلك) طبعا ماقالوا لي اللي فالقوسين ولكن أكيد قصدهم هالشكل هههه فاا ماقتنعت بحجتهم طيب فيه مخلوق بيطلع وبيجي مخلوق بداله وين المشكله ولا مفكرين أن أبا الحيران بتظلم إذا طلعت لاني نورها وقمرها وشمسها وشمعتها اللي تنورها خخخخ المهم راح علي اللي يبي يبادلني وانا ماسكت دورت على واسطه ذليت عمري عند كذا واحد فالاخير من كثر ما أزهقوا من ويهي لاني كل يوم محظر عندهم لا واتقهوى بكثره جدام عيونهم (بلاش) هههه وكله أطلب مقابلات مع المسائيل وعلى هالموال تقريبا (3) شهور وشوي فالاخير قال واحد من المسائيل الله يسعده في حياته فكل علينا وجيب بديل وانا برتب لك الموضوع بس بشرط لاتعدي باب المبنى إلى وبديلك معاك (أول ماقالها أنا طرت من الفرحه سلمت على كل الموظفين وأنا طالع) كلمت الرجال اللي جى معاي أول مره قالي أنه بدل مع شخص ثاني والغريب أنه ماواجه معاناه في الإجراءات مثل ماصار ويانى وحطيت أعلان لمدة (3) أيام ولاحد أتصل علي حطيت مشاركات وموضوع ولا حد كلمني فاا استغربت من حالتي فالماضي البديل موجود ولكن الحظ غايب واللحين الحظ موجود ولكن البديل غايب بس تدرون قعدت أسئل نفسي من الغلطان الوالده لانها تبي تقعد عند أهلها وفي منطقتها ولا هذي الإجراءات اللي ترفض أن الشخص يرجع لمنطقته ولو كان بديله راضي فعلا شي غريب ...!!!
حبيت أفضفض وأطلع اللي في خاطري وأتمنى أني ما مللتكم بهذرتي هههه :)
وشكراً :)