علاج الديســك .. والاحتكاك ..؟

[أسير الاسهم]

السلام عليكم

حبيـت أسأل عن علاج آلام الظهر .. والاحتكاك .. والديسك ؟؟

عندي الوالده الله يشافيها ويعافيها لها فتره طويله تشكي من ظهرها .. ولما تروح للمستشفى يقولون احتكاك ومادري شنوو .. ويقولون علاج طبيعي طالت السالفه وللحين ما في تحسن بسيط وقت العلاج بس ولما تترك يرجع مثل قبل الألم ؟

الحين الاحتكاك هل هو نفسـه الديسك ؟

ووين أفضل دكتور لعلاج مثل هالاشياء ؟ فالدوحـه ؟

وخارج الدوحـه لو حد مجرب ومعروف ؟


يا ليت ما تبخلون علينا بتجاربكم وخبراتكم

[النشميه]

اخي العزيز :

اذا عندك فرصه تودي الوالده تايلند بيكون خير لها انشالله
الوالد كان مسوي عمليه الديسك هناك واللحين الحمدلله وايد احسن
انت استخير والباقي علي الله
(اسال الله ان يشفيها)

[nagano]

اذا كانت مشكلتها في الديسك فيه دكتور في أبوظبي يسويها بالليزر

في ٢٠ دقيقه وبأذن الله تفتك من مشكلتها وانا اعرف ٣ من الشباب سووها

والحمد لله تشافو من الديسك

[™كاسـبر™]

الله يشافيها ان شالله

الدسك او كما يسمى انزلاق الغضروف مرض مزمن ويتعب الواحد

بس يبيله عزيمة واصرار وعدم اهمال الادوية والحرص على العلاج الطبيعي

انا صادني الدسك بعيد عنكم الشر من 6 شهور

رحت تايلند وقالي الدكتور المتخصص في العمود الفقري

ان عندي 3 طرق للعلاج

1- العلاج الطبيعي (وهو الي نصحني فيه لاني في بداية الدسك وحالتي بسيطة والحمدلله)

2- ابره في العمود الفقري

3- عملية

وانا الحين طبقت الخيار الاول

علاج طبيعي
+
مشي او سباحة يوميا ساعة والحمدلله زال الالم وماحس فيه
+
جل يتدهن بمنطقة الالم في الظهر

وانا انصحكم تروحون عند افضل طبيب وممتاز ومختص في العمود الفقري في قطر اسمه سامح بدران في عيادة الدوحة

وعسى الله يشافيها ويعافيها

[أسير الاسهم]

الله يجزاكم خيـر ..

[النهار]

عند الدكنور ناصر في الاهلي قسم العظام تعالجت عنده بطريقة العلاج الفزيائي عشر جلسات والحمد لله تحسنت حالتي 95% ولازلت ارجاعه كل شهر مره

[فريج النجادة]

الدكتور خالد الليبي عن تجربة مع الوالدة

كانت تشتكي من الدسك 18 سنة وبعد العملية

الحمدلله هي بخير والحمدلله

[طل القمر]

الدكتور ياسر البرديني
علاج بالكايروبراكتيك (علاج طبيعي خاص بالدسك )
عن تجربة شخصية

[النشميه]

الاخ الفاضل:
انا عضو جديد عشان جذي مقدر ارسلك شي ع الخاص

الوالد كان مسوي العمليه في مستشفي بانكوك (الملكي)

انا مااعرف اسم الدكتور ولكن تقدر تعرض تقرير والدتك عليهم وبعدين راح يقولون لك ايش راح يعملون لها بالضبط.

((أسأل الله العظيم رب العرش العظيم أن يشفيها ويشفي كل المسلمين))

[al_maystro]

الدكتور خالد فرج ما شاء الله في مستفى حمد ويسوي العمليه بالليزر
من جديد من حوالي شهرين تقريبا بدات مؤسسه حمد تستخدمة

وفي دكتور شطار من جنوب افريقيا في المستشفى الاهلي التخصصي لكن افضل الدكتور خالد فرج
رائع جدا