ايش الاحسن حجر ولا جي ار سي

[fahad1]

نويت اركب على الدرايش براويز حبيت استفسر ايش الاحسن حجر صناعي صناعه قطريه ولا جي ار سي , ياليت حد يفيدنا بهل الموضوع

[السد]

على حسب تصميم البيت
ان كان تصميم البيت تراثي
فتصميم الجي آر سي افضل
اما اذا كان البيت تصميمه كلاسيك فما يسمى الحجر الصناعي ( اسمنت مصبوغ) أفضل

[شموخ دائم]

,

,


مرحبا


اخوي الكريم

اهم شي الابتعاد عن الفريمات الكونكريت لانها تقيدك طول العمر وازالتها متعبه جدا جدا
والاحسن نعملها حجر او جي ار سي

من الطبيعي الانسان بعد 12 سنه او اكثر بيعمل تجديد للبيت واكيد بيفكر يغير الديكور
مع التطور الي يحصل ومع تغير ذوق الانسان وقناعاته من فتره الى فتره

الفريمات حول الشباك الاحسن تكون حجر طبيعي

اما الجي ار سي والحجر الصناعي هو جميل بلاشك والتنوع الي فيه غني جدا
والخيارات كثيره ومبهره جدا وفيها جميع الاستايلات

ولكن في الاخير هي مواد صناعيه وخلطات من الاسمنت الابيض وبودره والياف خيوط الفيبر واللوان صناعيه احيانا

في الاخير هي صناعيه وراح تتغير خلال 7 سنوات لونها يتغير ويطلع فيها تشققات هذا شي اكيد ومحد يقدر يعطيك ضمان اكثر من هذي المده

اما الحجر الطبيعي النوع الجيد طول عمره ما راح يتغير وعلى العكس كل ما زاد عدد السنوات راح يكون أجمل خاصه لما يعتق تصير قيمته الجماله عاليه
خاصه الاخوان في بلاد الشام يحبون الحجر القديم وسعره يكون اعلى

الخلاصه

كل انسان له وجه نظر ويحب شي معين ويقتنع فيه والناس بتختلف في هذا الموضوع

لولا تعدد الاذواق لبارت السلع
:)


الجي ار سي والحجر الصناعي او الطبيعي ممكن تعمله ب 400 ريال شي بسيط جدا
وممكن تكون التكلفه متقاربه بيكلفك الشباك بحدود 1500 ريال
اذا اختيارك لشي فيه ديزاين حلو واذا بتختار اعمده وحركات فخمه راح تطلع التكلفه الى 2500 ريال واكثر

,


,


اخوك


شموخ دائم

[معماري قطري]

أحب أصيف على كلام الإخوان إن لازم يكون هناك ما يُسمى بالنمط العمراني للمبنى، وممكن نتجه لنوعية البناء الحديث مع شوية ملامح توحي بنمط معين،،

مثل تركيب أعمدة سواءً متصلة أو شبه متصلة بالمبنى، وتصاميم الأعمدة معروفة ونوعياتها كثيرة، والبراويز حول النوافذ مع إضافة أعمدة أو نص عمود يكون بارز جنب النافذه،

والأهم تكون طريقة التركيب صح ويكون عندنا تصميم متكامل وتصور مسبق للشكل النهائي والمسئلة مب بس لصق ولزق وشيء شفناه وحابين نسويه وبس،،، ودوم البساطة هي اللي تبرز وتدوم.

[معماري قطري]

ومهم للغاية إننا ما نغفل تأثير الماء والغبار على الواجهات وأي شيء بنسويه إحتمال يجمع الغبار ووقت المطر يخرب منظر البيت كله.

[خالد32]

على حسب التصميم
الحجر تصاميمه بسيطة و اشكاله محدودة
اما عن قوته و عمره فهو احسن
اما السعر اغلى على حسب التصميم و ((( الشركة المنفذة)))

ال جي ار سي يتميز بسهولة تصميم الاشكال البسيطة و الكثيرة التفاصيل
متانته في ذمة الشركة و استخدامهم للمواد الجيدة لكنه جيد بالنسبة للحجر الطبيعي و احلى
السعر ((( على مزاج الشركة المنفذة)))

[fahad1]

على حسب التصميم
الحجر تصاميمه بسيطة و اشكاله محدودة
اما عن قوته و عمره فهو احسن
اما السعر اغلى على حسب التصميم و ((( الشركة المنفذة)))
مشكور على التوضيح

ال جي ار سي يتميز بسهولة تصميم الاشكال البسيطة و الكثيرة التفاصيل
متانته في ذمة الشركة و استخدامهم للمواد الجيدة لكنه جيد بالنسبة للحجر الطبيعي و احلى
السعر ((( على مزاج الشركة المنفذة)))


ومهم للغاية إننا ما نغفل تأثير الماء والغبار على الواجهات وأي شيء بنسويه إحتمال يجمع الغبار ووقت المطر يخرب منظر البيت كله.


أحب أصيف على كلام الإخوان إن لازم يكون هناك ما يُسمى بالنمط العمراني للمبنى، وممكن نتجه لنوعية البناء الحديث مع شوية ملامح توحي بنمط معين،،

مثل تركيب أعمدة سواءً متصلة أو شبه متصلة بالمبنى، وتصاميم الأعمدة معروفة ونوعياتها كثيرة، والبراويز حول النوافذ مع إضافة أعمدة أو نص عمود يكون بارز جنب النافذه،

والأهم تكون طريقة التركيب صح ويكون عندنا تصميم متكامل وتصور مسبق للشكل النهائي والمسئلة مب بس لصق ولزق وشيء شفناه وحابين نسويه وبس،،، ودوم البساطة هي اللي تبرز وتدوم.
اخوي اذا تنصحني اروح عند حد ويكون سعره زين وممكن يسويلي نموذج لبيتي بعد تركيب حجر اكون شاكر لك

على حسب تصميم البيت
ان كان تصميم البيت تراثي
فتصميم الجي آر سي افضل
اما اذا كان البيت تصميمه كلاسيك فما يسمى الحجر الصناعي ( اسمنت مصبوغ) أفضل
والله تصميمه عادي

,

,


مرحبا


اخوي الكريم

اهم شي الابتعاد عن الفريمات الكونكريت لانها تقيدك طول العمر وازالتها متعبه جدا جدا
والاحسن نعملها حجر او جي ار سي

من الطبيعي الانسان بعد 12 سنه او اكثر بيعمل تجديد للبيت واكيد بيفكر يغير الديكور
مع التطور الي يحصل ومع تغير ذوق الانسان وقناعاته من فتره الى فتره

الفريمات حول الشباك الاحسن تكون حجر طبيعي

اما الجي ار سي والحجر الصناعي هو جميل بلاشك والتنوع الي فيه غني جدا
والخيارات كثيره ومبهره جدا وفيها جميع الاستايلات

ولكن في الاخير هي مواد صناعيه وخلطات من الاسمنت الابيض وبودره والياف خيوط الفيبر واللوان صناعيه احيانا

في الاخير هي صناعيه وراح تتغير خلال 7 سنوات لونها يتغير ويطلع فيها تشققات هذا شي اكيد ومحد يقدر يعطيك ضمان اكثر من هذي المده

اما الحجر الطبيعي النوع الجيد طول عمره ما راح يتغير وعلى العكس كل ما زاد عدد السنوات راح يكون أجمل خاصه لما يعتق تصير قيمته الجماله عاليه
خاصه الاخوان في بلاد الشام يحبون الحجر القديم وسعره يكون اعلى

الخلاصه

كل انسان له وجه نظر ويحب شي معين ويقتنع فيه والناس بتختلف في هذا الموضوع

لولا تعدد الاذواق لبارت السلع
:)


الجي ار سي والحجر الصناعي او الطبيعي ممكن تعمله ب 400 ريال شي بسيط جدا
وممكن تكون التكلفه متقاربه بيكلفك الشباك بحدود 1500 ريال
اذا اختيارك لشي فيه ديزاين حلو واذا بتختار اعمده وحركات فخمه راح تطلع التكلفه الى 2500 ريال واكثر

,


,


اخوك


شموخ دائم

والله كلامك صحيح شكلي بركب حجر طبيعي وخلاص

[ولد المنصور]

وين الاماكن ياخوان اللي تنصحونا بها سوا حجر او جي ار سي ,,,,,, انا مريت الاندلسي ومنتظر عرض السعر اذا فيه حد غيره وزين قولونا عنه ...

[cavok]

الحجر الطبيعي وبصراحة شكله راقي

[حسن الاحمد]

تبون صور لشبابيك حجر؟؟

[معماري قطري]

رد على سؤالك أخ فهد1 هو إن المصمم الأساسي اللي صمم لك المفروض يساعد في هالشيء أو ممكن أي شركة تسوي حجر أو جي ار سي يسوون لك تصميم .. بس تدري لازم تضغط عليهم يسوون شيء حلو ويعمر ويكون بسعر محدد تحدده انت قبل .. لأن الشركات يهمهم الربح وبيبالغون لك في التصميم والسعر لكن من رايي انا انه شيء بسيط وقليل من الحجر أو الجي ار سي وبلون مغاير للموجود بيكون حلو وبيبين بارز .. عندك البيوت القديمه كانوا يسوون حايط السقف أو اللي نسميه الوارش بالخشب المداخل في بعض وباللون الأزرق مثل سوق واقف، وكان على بساطته يعطي إتصال للون السقف بلون السما وشكل حلو، وشفت بعض قطع الجي ار سي يخلطونها بألوان شوي جريئة وفاقعه، وهذي حتى لو قليلة تلفت النظر وتكسر لون البيت الواحد مثل الأبيض أو البيج،،، وأكيد تتذكرون البيت اللي كان قرب مخازن شبيب وعلي العطية عند الخريطيات، كان فيه جي ار سي أصفر فاقع ومسوي البيت لوحه فنية حلوه وفيها جمال ووقار مب تلطيخ، وأمثله كثيره موجوده المهم يكون فيه تنسيق وبساطة وتباين بين لونين.

[fahad1]

رد على سؤالك أخ فهد1 هو إن المصمم الأساسي اللي صمم لك المفروض يساعد في هالشيء أو ممكن أي شركة تسوي حجر أو جي ار سي يسوون لك تصميم .. بس تدري لازم تضغط عليهم يسوون شيء حلو ويعمر ويكون بسعر محدد تحدده انت قبل .. لأن الشركات يهمهم الربح وبيبالغون لك في التصميم والسعر لكن من رايي انا انه شيء بسيط وقليل من الحجر أو الجي ار سي وبلون مغاير للموجود بيكون حلو وبيبين بارز .. عندك البيوت القديمه كانوا يسوون حايط السقف أو اللي نسميه الوارش بالخشب المداخل في بعض وباللون الأزرق مثل سوق واقف، وكان على بساطته يعطي إتصال للون السقف بلون السما وشكل حلو، وشفت بعض قطع الجي ار سي يخلطونها بألوان شوي جريئة وفاقعه، وهذي حتى لو قليلة تلفت النظر وتكسر لون البيت الواحد مثل الأبيض أو البيج،،، وأكيد تتذكرون البيت اللي كان قرب مخازن شبيب وعلي العطية عند الخريطيات، كان فيه جي ار سي أصفر فاقع ومسوي البيت لوحه فنية حلوه وفيها جمال ووقار مب تلطيخ، وأمثله كثيره موجوده المهم يكون فيه تنسيق وبساطة وتباين بين لونين.

بارك الله فيك على ردك وتوضيح , ممكن ترشحلي شركة جي ار سي يكون شغلها نظيف لو يكون على الخاص

[al asalah]

نويت اركب على الدرايش براويز حبيت استفسر ايش الاحسن حجر صناعي صناعه قطريه ولا جي ار سي , ياليت حد يفيدنا بهل الموضوع

يالغالي جي ارسي احسن وفلكسيبل بعد