كيوتل وماادراك ماكيوتل

[ابوالمديونين]

السلام عليكم انا موجود في القاهره مع بناتي في الجامعه يدرسون -العام الماضي تعرفون البنات عندهم بلاك بيري ويتصلون ويستقبلون الرسئل المهم خلال اسبوع واحد وصلث الفاتوره حوالي4000 ريال لانهم استخدمو تجوال كيوتل بس الي خلاني اثير الموصوع وبا امانه تلقيت رسالتين وانا في القاهره الاولى من فودا فون مصر تعرض علي الاشنراك مقابل 2 جنبه مصري في اليوم والحصول على مكالمات مجانيه طوال يوم الجمعه لفادافون بالاضافة ل25 رساله الااهم من هذاكلة انك تحصل على 3mbانترنت مجانا مع العرض للاسف قارنتها معى رساله كيوتل التي تقول بان استخدام 1mb يكلف 55ريال قطري بالله عليكم كيف تقارن في مصر 3 mb ب 2جنيه اقل من2ريال وسعر كيوتل 1mb ب55 ريال كما هو موضح في رسائل كيوثل

[بنت الطائي]

اخوي الله يرضى عليك

سبحان الله توني ابي اكتب الموضوع عن كيوتل

فلسوني خسروني جننوني الله يهديهم

عيالي الله يحفظهم كل ساعة يطلبون مني فلوس عشان يعبون البي بي
تغيير الصورة بفلوس
البرود كاست بفلوس
فتح الروابط حتى لو كانت صور بفلوس


وبعد اسبوع عند ثنين من عيالي بطولات خارج البلد ويبون فلوس بعد عشان البي بي ما يتسكر عليهم يالله قولوا لي شاسوي

عيب عليهم كيوتل

ما يتعظون من اللي قاعد يصير في الدولة

ناس كان همها الربح وبس

والحين هم في قلعة وادرين في سجن بو زعبل

ترى الظلم له نهاية ومردود لصاحبه

لمتى بنقعد ساكتين لازم نسوي شي

[وليف قطر]

الله ياخذها من شركه
اقسم بالله نصب في نصب
من خلقنا الله وهم لاعبين في حسبتنا
حتى ربعنا الموظفين فيها .. يحذرون من العروض والباقات وهدفهم فيها ..

مادري لين متى بنتم تحت رحمتهم

اخخخ بس لو فودافون تشد حيلها شوي

[ابوالمديونين]

الله يرضى عليكم ويصبحكم بالخيرجميعا مشكلة كيوتل اسعارهم غاليه جدا خارج قطر بس انصح الاخوان والاخوات الي يسافر خارح قطر بان لايستخدم خط كيوتل خاصه حق البلاك بيري ياخد شريحه من نفس البلد ولاثكلف الا شي بسيط مقارنه بكيوتل

[راعي ال VXR]

اللهم اغذنا من اكل اموال الناس بالسحت والباطل والمكر والخداع
اللهم اعذنا ...
اللهم اعذنا ...

[رذاذ]

سافرت تايلند .. ولا دريت عن التجوال وخدمة فتح التجوال مقابل 100 ريال .

جاتني الفاتوره 3 الاف وكسووور 950 تجوال والباقي مكالمات . ولين راجعتهم واكلمهم يقولون لي خدمه احنا نوفرها لك وهي التجوال .

طلعت كرت تايلندي واشحنه بـ 1000 بات يتم معي يومين ثلاث

انقطع على الخط مرتين من كيوتل مره الاولى دفعت باقي مستحقاتهم المرة الثانية باقي لي برصيدهم حول الـ 1000 ريال وبعد انقطع

حاولت افهم المسؤول عن القطع وهو ياحاول يفهمني ان الفاتوره غير مدرجة وعليك مكالمات غير محسوبه .

وبيني وبينك هو وفرووو الخدمه مقابل 100 ريال شهريا لو فاتحها وكنت داري عنها وما خسرت هالمبالغ
المشكله بكيوتل الخدمات الجديده محد يدري عنها ولو سالت نفسك بتقول مب محتاج لها لكن فعلا خدمة مميزه .

والاكثر من كذا سعر 1mb سعر مرتفع جدا مقارنه بغيرها ..

والطامه الكبرى اني شابك الانترنت بالتلفون ومطرش واتس اب و ام ام اس والايميل وحسبت انه شابك ع الفندق ... ف الاخر اكتشفت ان الفاتوره اغلبها تجوال + انترنت .

وجزاهم الله خير جاني مسج واشعار منهم في حال استخدام التلفون للدقيقه الواحده اتصال من تايلند للدوحه 29 ما دري 26 ريال وفي حال استقبالي للمكالمات للدقيقة 19

بس الواحد يتعلم والافضل اقفال الخط كيوتل نهائيا عند السفر وشراء بطاقة من نفس البلد . هذا الى بسوية مستقبلا

[للصبر اخر]

يازين فودافون
الرصيد مايخلص بسرعه
والميجابايت مايتاثر بالروابط اللي افتحه
بالنسبه للتجوال اطلع كرت من الدوله اللي بروح لها ارخص واحسن لي

[ابوالمديونين]

مع الشكر رذاذ على مشاركتك ووافقك الراى على نصيحتك في اخر سطر من مشاركتك

[el_qatari]

صبحكم الله بالخير ..

كيوتل الايام هذي افضل بكثير من كيوتل في السنوات السابقه .. لو تتابعون خدمات كيوتل الجديده بتحصلها معقوله جدا وممتازه لحد كبير لما يكون عندك باقه شهريه وتضيف لها 100 ريال تخليكم تستخدمون الدقايق المحليه في المكالمات الدوليه بدون ماينحسب عليك سعر الاتصال الدولي وتخليكم تستقبلون الاتصالات خارج قطر من ضمن الدقايق المتوفره لكم في الباقه .. وما يحسب عليكم السعر الدولي الا في حاله نفاذ الدقايق اللي متوفره في الباقه

وبالنسبه للانترنت ما انصح اي حد يستخدمه خلال التجوال لا في الايميل ولا في البلاك بيري لان راح تطلع عليكم بتكلفه عاليه جدا فلذلك اخذوا كرت من نفس الدوله اللي انتوا فيها واستخدموا القطري للاستقبال فقط في حاله كنتوا مشتركين في الخدمه

[ANONYMOUS]

الاسعار عاليه في جميع شركات الاتصالات عند التجوال

خذ كرت البلد اللي انت فيه ومايكلفك 100 بالكثير مع المكالمات

[الزعفراني]

أنا أستغرب من اللي يسافر برا ويستخدم كرت كيوتل !!! يعني معروف ان استخدام الكرت خارج البلد راح يكلفك المبلغ الفلاني سواء في الاتصالات او ارسال الرسايل او حتى الانترنت الجوال ، الواحد أول ما يوصل البلد اللي هو فيها ياخذ له كرت من المطار وكرت كيوتل يخليه معاه لاستقبال المكالمات ( دون الرد عليها ) .. إن كان لابد من أن كرت كيوتل يكون معاه !

طبعا اللي ينطبق على كرت كيوتل ممكن ينطبق على كرت فودافون المصري لما يجي قطر ويستخدمه اهنيه .

[البدع]

الاسعار عاليه في جميع شركات الاتصالات عند التجوال

خذ كرت البلد اللي انت فيه ومايكلفك 100 بالكثير مع المكالمات

هذا هو الكلام السليم

[ابوالكلام]

يازين فودافون
الرصيد مايخلص بسرعه
والميجابايت مايتاثر بالروابط اللي افتحه
بالنسبه للتجوال اطلع كرت من الدوله اللي بروح لها ارخص واحسن لي

يا جماعة فودافون في التجوال زين بعد عن تجربة

[ابوالكلام]

كيوتل تنتهز اي فرصة للسرقة من العميل ياكثر اعذارهم انا أشوف نتعاون عليها وبتشوفون الضرر في الايام الجاية الواحد يصبر شوي

[almaf1a]

2 جنيه لو قلنا 10 مليون مصري الارباح 20 مليون جنيه
كيوتل لو خلته 2 جنيه وعدد مشتركين البلاك بيري في كيوتل اتوقع 150 الف
الارباح 300 الف جنيه

[bohilal191]

عذر كيوتل عدد السكان والاسعار يحسبونها على متوسط عدد السكان وطبعا مافي مقارنة بين عدد سكان قطر وعدد سكان لو قلنا مصر ومن زمان كيوتل تقول هالشي اسعارها مقارنة بعدد السكان