الفرق بين اسعار شركة ميشلان للتواير في قطر والامارات ! صدمه

[بن جعران]

السلام عليكم , حبيت اتكلم عن موضوع صار معاي واشلون انصدمت من الفرق بين اسعار قطر واسعار الامارات في قطع الغيار والتواير , قبل اسبوع كنت مسافر الامارات على سياراتي وفي ابوظبي بنشر على التاير وموتري بورش 2011 وحجم التاير21 والتاير من شركة ميشلان واكيد تعرفونها !! رحت حق بنشري عشان يبدلي التاير قلت له ابي ميشلان نفس اللي راكبين على الموتر ! قالي موجود وجديد بــ 1800 انا انصدمت قلت له متاكد انه مب اصلي!! قالي اصلاً ماعندي بس وكالة مشلان ورانا بروح اجيب لك من هناك !! رحت وياه وطلع صج ب1790 الواحد !! واهنيه اسعارهم للحبه الوحده 2750 !!

الصراحه نصب عيني عينك وبضعف المبلغ مع العلم ان اغلب الوكالة تتعامل مع الميشلان واغلب الشباب يشترون من عندهم !! الفرق جداً خيالي يعني باخذ بسعر الواحد حبتين من الامارات ونفس الشركة ! ومانقول الا لا حوة ولا قوة كل شي طايح على راسنا

[محاسب]

لا تنصدم ولاتستغرب................................ العيب في المستهلك
لولا صدفه مادريت بفرق السعر
البعض من الشباب وهم فئه قليله.......... يتأكد من فرق السعر ,,,في 5 دقايق من النت ,, قبل لا يشتري
ّإذا ماكنت طبيعيه ولاتدبر أمره بشحن أو زيارة أو عن طريق صديق ...
وعساك وعساني نكون منهم ... في ها الفئه يتأدب الطماع الجشع

[DreamBox]

من عشر سنوات الدولة فكت شي اسمه أحتكار على كل شي ، وصار مافيه شي اسمه وكيل حصري ، مثل سامسونج فيه 3 موردين ووكلاء ، والنوكيا 100 يوردونهم ، يعني انشالله الأحتكار اللي كان فالجمارك ، الا شي واحد فقط ، قاموا الهوامير ووقفوا واتحدوا وقالوا اخذوا كل شي الا قطع الغيار .

وتم منع استيراد قطع الغيار الأصلية بكميات تجارية ، الا من قبل الوكيل ، وهذا الشي قلة اللي يعرفونه .

اي تاجر يقدر يستورد 10 سيارات تويوتا بغرض البيع ، واي تاجر يقدر يجيب 20 نيسان بغرض البيع ، لكن ولا تاجر كفو يجيب قطع غيار اصلية بغرض التجارة ..

ياجماعة لحد يصدق شي اسمه حماية مستهلك ، هذول حدهم على مطعم ولا مكتبة جرير اذا كلللش .. لكن والله مب كفو يقربون من هالهوامير ..

وشركة المانع للسيارات طول عمرهم سياراتهم اتطيح في جبدهم سنتين وثلاث سنوات ، فقاموا يبيعون السيارة بسعر التكلفه ، مثل الفورد ميركري كان بـ 69 الف ريال ، والجيب جراند شروكي فل ابشن كان حده 120 الف ريال ، وكانوا مربحهم فقط من قطع الغيار ، والثلاث سنوات الأخيرة غيروا استراتيجية (الوعد جدام) وسياراتهم مشت نفسها بعد ماتعدلت ، فطيروا اسعار السيارات ونزلوا قطع الغيار بنسبة 25% ..

[محمد الجفيري]

لا حول الله

يا سامعين الصوت ...!!!

[الحال مايساعد]

الله المستعان

[أسير الاسهم]

احنا نروح نركب فالسعوديـه بعد أرخص والامارات أرخص وأرخص .. قطر مادري ليه يحسبون الشعب كل واحد في بيتـه بئر نفط الظاهر .. الله المستعان .. منصوب علينا حتى الوكالات في قطر تتعامل بأسعار غيرررررررر عن باقي الدول المحيطه نصب في نصب ويا ليت في كوالتي

[shadad]

معلومة سعر التواير صحيحه وااكد نفس الشي بالسعوديه لقيت تواير ال 18 للاسبورت تقريبا قريبه لنص سعر التواير هنا لنفس الحجم. خلاص التواير نجيبهم من برا . وخلوها تقطن عندهم بالاستور .

[كازانوفا]

يالله ايش هالفررررررررررررق
المشكله تعودو انو الناس هنا تدفع وهي مغمضه بس نسو ان الغالبيه تعبان في تلقيط لقمة العيش

[وحيد-الشوق]

4 رنجات للنيسان باترول الشكل الجديد في قطر مع خصم مدير السيرفس ب14الف وخرده وفي الامارات من الوكالة نفسها 5 رنجات مب 4 ب 12500 شوفوا النصب والنهب عندنا

اذا سعر السيارة فل اوبشن ب320 الف وفي الامارات والبحرين ب295 والضمان نفسه نفسه يعني فرق 25 الف ليش !!!!!!!!!!!!!!!!!!!!!!!!!!!!!!!!!!!!!!!!!!!!!!!

[jaf111]

لاتغير توايرك في قطر الا للحاجه والضروره , لا لاندكروزر ولا بورش ولاغيره

600 كيلو لين ابوظبي غيرهم وتعال
وفالحركه بركه

[الزجاجي]

والسعوديه أرخص بعد !

انا كنت معزم ابدل تواير الكروزر الي عندي .. بالدوحه الواحد 950 ودبي ب 1000 وابوظبي ب 900 والسعوديه 780 ريال !!

بس حاسب ياخوي ترا اغلب تواير مشلن بالامارات صناعه 2010 ومن عده مصانع وافضلهم الفرنسي

[الخزرجي قطر]

الله المستعان صرنا نجيب كل شي من الدول المجاوره بسبب غلأ الاسعار وجشع التجار

[بن جعران]

اخوي الزجاجي مشكور على الرد , وحاب اوضح لك التاير انا ماخذه من الشركة الام مو من المحلات الثانيه ,, ولين سالت الموظف عن فرق السعر قال: الاسعار وحده عندنا وانا مش عارف ليش السعر عندكم بهالارتفاع

[هارودز]

كم دنلوب للجي اكس

[Qt.1]

وتظل قطر اغنى بلد في العالم !!

[fantasy]

والله العظيم انا مستانس للوعي و الادراك عندكم الله يزيدكم علم انشالله
عن نفسي ابدل صيني ولا اشتري الغالي ترى سالفه ان لا هذا تاير و مش هين انك تستهين بكم ميه بتوفرها سبحان الله من الفلوس اللي عندهم قاموا يغيرون السالفه الى سالفه فلوس و توفير طيب انت بتركب مشلن لكن بتسوق 200 كيلو هذا مش قتل نفس و انتحار و استهتار؟؟؟؟
الخلاصه يا اخواني لا تبدلون تواير عندنا الا وقت الطاريء و خلها على سفره حق الامارات تغير جوو و منها توفر و خل نحرم التجار و نعاقبهم على جشعهم
ببس سوال هل اقدر احمل 8 تواير ولا الجمارك ممكن يوقفوني لان هذه حركه وصخه لو بيحكرون لنا؟؟
و سلامتكم

[لاجل QT]

والحرمة شتسوي مسكينة كيف تسافر حق قطع الغيار الارخص

حسبي الله ونعم الوكيل

[حسن]

السلام عليكم , حبيت اتكلم عن موضوع صار معاي واشلون انصدمت من الفرق بين اسعار قطر واسعار الامارات في قطع الغيار والتواير , قبل اسبوع كنت مسافر الامارات على سياراتي وفي ابوظبي بنشر على التاير وموتري بورش 2011 وحجم التاير21 والتاير من شركة ميشلان واكيد تعرفونها !! رحت حق بنشري عشان يبدلي التاير قلت له ابي ميشلان نفس اللي راكبين على الموتر ! قالي موجود وجديد بــ 1800 انا انصدمت قلت له متاكد انه مب اصلي!! قالي اصلاً ماعندي بس وكالة مشلان ورانا بروح اجيب لك من هناك !! رحت وياه وطلع صج ب1790 الواحد !! واهنيه اسعارهم للحبه الوحده 2750 !!

الصراحه نصب عيني عينك وبضعف المبلغ مع العلم ان اغلب الوكالة تتعامل مع الميشلان واغلب الشباب يشترون من عندهم !! الفرق جداً خيالي يعني باخذ بسعر الواحد حبتين من الامارات ونفس الشركة ! ومانقول الا لا حوة ولا قوة كل شي طايح على راسنا

لاتنصدم ولا شي انت في الامارت غير

انا موتر نيسان بترول الجديد غيرت ي الشارقه تواير ميشلن رنق 20 900 ريال واهني 1600 عليك الحساب

تجارنه هني تجار خرده

هناك تجار عالميين لا يوم اركب تواير ولا يقولي بوش الرود عندك خربان قلت له وش الحل قال اغيرلك الحين

محل تواير فكها وعلى طول تورنه وغطع غيار وجاء كله في نصف ساعه واقوله توني مسوي تشيك

وكاله حق الضمان كلهم نصابين يدخلون موترك ويقولك تشيك وادفع للا سف حراميه

دبي والشارقه لادور غيرهم ناس يعرفون كيف يديرون عقول صح

[حسن]

والحرمة شتسوي مسكينة كيف تسافر حق قطع الغيار الارخص

حسبي الله ونعم الوكيل

انتي لين الحين الموتر على الضمان الى كان سواقتك الله بالخير جايز

سلام عليكم

escape

[قطر70]

والله العظيم اني انصدمت قبلك

انا شهر 4 مبدل تواير البورش مقاس 21 اربع تواير على 6200 في مصفح

ويوم وصلت الدوحه وسألت انصعقت من الاسعار لانها دبل السعر

لكن شنقول حسبي الله ونعم الوكيل على حماية التاجر قصدي حماية المستهلك

وهذا سعر البيرلي اللي مركبه والسموحه ماعرفت اصغر حجم الصوره

http://im29.gulfup.com/2012-08-26/1345975622641.jpg (http://www.gulfup.com/show/X34ypmu9wrzs440)