أهذا الوجه الحضاري يا أدارة المرور؟

[جوال 11]

قبل أيام ذهبت الى مرور مدينة خليفة لتجديد الأستمارة واذا عند الدخل الرئيسي للمرور مجموعة من الوافدين من الجنسيات العربية والاسيوية ، فسألت عن مكاتب شركات التأمين واذا بهم ينقضوا على كل يقول تعال معي وقلت لهم فقط أشيروا لي وبعد مدة قال أحدهم هنالك فمشيت باتجاه المكتب واذا بشخص يتبعني وما ان وصلت الى مكتب شركة التامين وهو يقول للموظف أنا أتيت به واذا الموظف يسأل كم أسطوانة سيارتك فقلت 6 قال أدفع 620 ريال فسألته ليش ؟ قال لاننا وكلاء الشركة وبعد جدال وأصراري عدم دفع ال 20 ريال فقالت 600 ريال لا تزعل هذه ال 20 ريال تذهب لمن ياتي بالزبائن .
تصورت نفسي في بلد غير قطر هؤلاء يشوهون صورة الدولة بهذه الطرية والبعض منهم ربما لا يحمل رخصة أقامة .
فهل يتم عمل شئ لتغير هذه الصورة وتوضع علامات تدل الاشخاص على المكاتب كما هو على أبواب مكاتب المرور ؟

[بوعلي2]

انا اسويها فالخور وافتك

الله يعينك عليهم ويعين الجميع على مايفعله الاجانب بنا

ياخذ فلوسك عيني عينك :)

[بصمة قطرية]

ما الومهم بصراحة ..
الشرهة مب عليهم على اللي سمحوا لهم بهالشي ..!!!
يعني معقولة المرور ما يدرون عنهم ..؟

[qatara]

اشوفها شي طيب لان في ناس كبار سن
وفي ناس لاتعرف الي اين تتجه
وهم يخلصونهم ويسهلون عليهم
ولافيها شي الي تم رزقهم بكم ريال
مقابل مساعدتهم والي مايبي خدمتهم
يقدر يقول لهم مشكورين

[ANONYMOUS]

اشوفها شي طيب لان في ناس كبار سن
وفي ناس لاتعرف الي اين تتجه
وهم يخلصونهم ويسهلون عليهم
ولافيها شي الي تم رزقهم بكم ريال
مقابل مساعدتهم والي مايبي خدمتهم
يقدر يقول لهم مشكورين

صحيح شي طيب.. بس اذا كانت بطريقه منظمه

اما العشوائيه فهذا خطا.. الدوله مقبله على تنظيم حدث رياضي وغير الاحداث الأخرى

ومثل ماقريت توفر مليون وظيفه في قطر في المرحله المقبله

وكل هذا يتطلب مزيدا من التنظيم

ليش مايكون لهم مكتب او اثنين او ثلاثه في المرور

وطبعا يتم تاجير المكتب عن طريق مناقصه

والشياب او اللي لايعرفون اين يجهون يستعينون اب هالمكاتب

بس من الخطأ تشجيعهم

وماحد بيموت من الجوع

[ابن سينا]

بلعكس هذي خدمه والله باعطيه ال20 ايش العشرين ريال هذا رزقه لا واذا بخلصني من المرور بادفعله 100ريال وانا مرتاح ولاعوار راس وامسك طابور تحياتي

[سعادة الوزير]

بلعكس هذي خدمه والله باعطيه ال20 ايش العشرين ريال هذا رزقه لا واذا بخلصني من المرور بادفعله 100ريال وانا مرتاح ولاعوار راس وامسك طابور تحياتي

لا طابور ولا شي ، انت الظاهر من زمان مارحت المرور! ، اصلا يسويلك البوليصة وانت واقف ماتاخذ منك العملية اكثر من دقيقه ، وهالناس انا اشوفهم هناك وعيني عينك يبي ياخذ منك عمولة التخليص بالقوة ، كل الي يسويه انه ياخذ منك الاوراق ويعطيها موظف التأمين قدامك!!! ، يعني بالعربي شغل استعباط!!

هالناس قبل ايام المعاملات المعقده والطوابير كانت لهم فايده ، اما الحين تخلص معاملاتك كلها في المرور في اقل من 10 دقايق وبدون رسوم تخليص معاملة.

[silver stone]

لا طابور ولا شي ، انت الظاهر من زمان مارحت المرور! ، اصلا يسويلك البوليصة وانت واقف ماتاخذ منك العملية اكثر من دقيقه ، وهالناس انا اشوفهم هناك وعيني عينك يبي ياخذ منك عمولة التخليص بالقوة ، كل الي يسويه انه ياخذ منك الاوراق ويعطيها موظف التأمين قدامك!!! ، يعني بالعربي شغل استعباط!!

هالناس قبل ايام المعاملات المعقده والطوابير كانت لهم فايده ، اما الحين تخلص معاملاتك كلها في المرور في اقل من 10 دقايق وبدون رسوم تخليص معاملة.

السلام عليكم

من يومين رحت المرور بجدد استماره موتري وكنت مخلص الفحص ومأمن وأموري تمام
دخلت مرور خليفه الساعه 8 بالضبط وسحبت رقم كان رقمي 415 والرقم اللي عند الموظف 330
قلت ما بنتظر .. رحت خط 22 فبراير وصلت مغسله لاهور اللي في طريق سلوى وغسلت الموتر ورجعت المرور .. مشواري خذ تقريبا حوالي الساعه ونص
دخلت المرور ومأمل نفسي يكون رقمي صار قريب .. واول ما دخلت حصلت الرقم اللي عند الموظف 345
ألله يعطيهم العافيه الشباب اللي شغالين هناك لأن مرور خليفه دائما زحمه .. بس أمورك مستحيل تخلص ب 10 دقايق من غير ما تمر السوداني

[R 7 A L]

20 مبلغ طيب لو في اليوم أصيد :tease: 20 شخص
اليوم = 400 :nice:
في الشهر لو نقول 5 ايام في الاسبوع يشتغل 8 الاف ريال مبلغ حلو

شكلي بعد العصربالبس بنطلون وقميص وبلس نظارة على شان ماحد يعرفني وبشتغل معهم :tease:

[chillis]

اذا موجودين هناك معناه ان اداره المرور سامحه لهم عيني عينك :) والله اذا زحمه وايد خله يترزق

[catqat]

ماأشوف فيها أي مشكلة ...

انا بنفسي مرة اضطريت اروح المرور بخصوص الاستمارة وقعدت في سيارتي عشر دقايق افكر انزل ولا لا ، لان زحمة والحالة حالة ، وضايعة الا جاني واحد منهم، فالبداية ظنيت واحد ماعنده سالفة، وطالعته بنظرة ، قالي انا راح اخدمج وانتي قعدي مكانج اجيب لج كل شي للسيارة ... يعطيه العافية الصراحة والا كنت ذاك اليوم قاعدة بالسيارة انطر حظي ..

[شبح الصمت]

اذا بيخلص لي وانا مرتاح يستاهلها

وتراني ما احرض على هالشيء

بس يقولك الرزق يحب الخفيه

في ناس ما تحب التلغلغ والزحمة والحر :)

اشتر راحة بالك عطه وخله يخلص

ياخوي اذا انت حرك وماشاء الله عليك وما تحب احد يسوي لك شيء في ناس تبي كل شيء يجي لي عندها :)


يعني الله مقسم الارزاق لا تقطع رزق احد ودامهم صوب المرور اشكره عندهم علم وما اتوقع الشركات بدخل نفسها في مسألات قانونيه

والله يكتب لنا ولكم فيه الخير

[قطري مفلس]

الحمدلله

البلد فيها خير

بس الافضل ان العملية تكون منظمة ومرتبة ، وحتى لو يكون معلق بطاقة على قميصه مكتوب فيها اسمه يكون افضل ، طبعا مثل ما رتبوا عمال الطباعة ( كانوا عشوائيين ) لكن الان نشوفهم مرتبين ومنظمين والكل ماخذ حقه ...

تحياتي ^_^

[كبير المتداولين]

ناس اترزق الله

على قوله اختنا catqat وانت قاعد بسيارتك يخلص معاملتك وتدفع 20 ريال والسلام عليكم


وانت تصفي نيتك انه انت قاعد تسوي خير في هالناس .

[آهـل شَـرق]

عددهم كبير ما شاء الله يترسون ملعب الغرافه

[سطح القمر]

يبه الطباعين و الي يسجلون تامين 90% الي كافلينهم شغالين بالمرور

امورهم طيبة

[طلعة الروح]

انا مرة رحت فليل ولا كان زحمة ولا شفت اللي تقولون عنهم..
وخلصت موضوع التأمين الاجباري وانا واقفة بس مادري اذا
هالكلام ينطبق على التأمين الشامل ولالا

[Out Of Reach]

ابشركم انه المرور يدرون عنهم وساكتين

[جوال 11]

الشخص من يستلمك عند باب المرور تسأله عن مكان شركات التامين وتبغي منه رد وهو يقول لك تعال معاي لازم ياخذك بالقوة علشان العشرين ريال، بصراحة هذي طرارة بشرف .

[جوال 11]

ناس اترزق الله

على قوله اختنا catqat وانت قاعد بسيارتك يخلص معاملتك وتدفع 20 ريال والسلام عليكم


وانت تصفي نيتك انه انت قاعد تسوي خير في هالناس .

في ناس أحوج منهم

[qatara]

اقول لبعض الاخوه وشرايكم تسوونها
شركه مقفله لتخليص المعملات
ورفع الرسوم من 20 الى 300

[دااانة قطر]

ابشركم انه المرور يدرون عنهم وساكتين




الله المستعاان


لكني اشوف الـ 20 شوي عالخدمه اللي يسوونها
ومايقصرون بصرااحه دوم اخليهم يجددون استماارة السيااره في وقت بسيط

رزقهم وتخيل الحر في هالصيف وهم يخلصون المعااملاات

[جوال 11]

تخليص المعاملة في المرور تأخذ منك أقل من 15 دقيقة بالكثير ولا تحتاج لشخص يخدمك لكن الشخص يكون مثل اللزقة وهذا ما نرفضه وأذا الشخص يحتاج أن يتصدق فهنالك من أحوج منهم .