علاج الكحه

[هيا82]

مسا الخير

ياجماعة أنا متبهدلة من الكحة
وماخليت دوا وطب شعبي
شوروا علي شنوووو اخذ
خصوصا وقت أنام اتبهدل وتزيد الكحة

ادري الموضوع مب مكانه بس قسم الاستفسارات نادر يردون ومب الكل يدخل

[بصمة قطرية]

تعانين من حساسية ولا مجرد كحة عادية ..؟؟؟
عليج بالعسل الطبيعي و اشربي ينسون ..

[هيا82]

تعانين من حساسية ولا مجرد كحة عادية ..؟؟؟
عليج بالعسل الطبيعي و اشربي ينسون ..

كحة مع البلغم وانتي بكرامة

[بنت الجسرة]

مصي















اخذي سكر نبات تحصلينة في سوق واقف اخذي الي لونة ابيض مثل الكريستال

[بصمة قطرية]

ماي ورد من سكر نبات
تدفين ماي الورد و تحطين معاه سكر نبات
تذوبينه و تشربينه دافي

[Dana’1]

شيكي الخاص

[durra]

ماشاءالله الاخوة والاخوات ماقصروا في الوصفات..

بالنسبة لي الوصفة الروسية لها مفعول سحري

كوب حليب ساخن يفضل قليل او خالي الدسم وفوقه ملعقة زبدة وسبحان الله بعد ثلاثة ايام تختفي الكحة..

[رجل الجزيرة]

كحة مع البلغم وانتي بكرامة

إذا البلغ لونه أخضر فهذا إلتهاب ويجب تروحين للمكز الصحى للحصول على المضادات الحيوية وإذا لونه أصفر فهذا فايروس وهو عادي وبتخفتي الكحة تلقائيا بس من الأفضل مراجعة طبيب المركز الصحي أو الطوارئ إذا الكحة مفاجأة.

[قطرية مثقفة]

مسا الخير

ياجماعة أنا متبهدلة من الكحة
وماخليت دوا وطب شعبي
شوروا علي شنوووو اخذ
خصوصا وقت أنام اتبهدل وتزيد الكحة

ادري الموضوع مب مكانه بس قسم الاستفسارات نادر يردون ومب الكل يدخل

وي فديتج حاسه فيج @@ انه قبل 6 سنوات صادتني الكحه واستمرت وياي أشهر وتبهدلت وماتم مضاد ماخذته وأدوية وكل شي يجي على بالج وأدوية حساسية وووو والله حتى أمي كلما تسمع كحتي يعورها قلبه فديتها ومافاد معاي الا مغلي أوراق الجوافة @@ تاخذين ورق الجوافة الطازج وتضيفين له ماي وتغلينه وتشربين يوميا من ثلاثة إلى أربعة أكواب وطبعاً مع الابتعاد عن كل المشروبات الباردة والفواكه اللي تزيد من الكحه مثل الموز والمنجه واستمري لشهر يعني مش من أول ماتروح الكحه تردين على البارد @@وسلامات يالغالية @@

[ريتويت]

عليج بالعسل الطبيعي

[قطرية مثقفة]

كحة مع البلغم وانتي بكرامة

أختي إذا كحة مع بلغم جربي مغلي علج البان الذكر @@@ جربته مع ولدي الله يحفظه لان صاده بلغم وكحة والتهابً الشعب الهوائية لفترة ثلاثة شهور وتوه متحسن @@@ وحاولي ماتطلعين برع لان الجو هالأيام يزيد الكحة واذا مضطره تطلعين حطي كمامات @@ لأني عن تجربة لاحظت ولدي مع الغبار يتعب صدره @@ للعلم في ماي علج البان جاهز صناعة البحرين و بصراحة أكثر من رائع

[بوراشد82]

أختي إذا كحة مع بلغم جربي مغلي علج البان الذكر @@@ جربته مع ولدي الله يحفظه لان صاده بلغم وكحة والتهابً الشعب الهوائية لفترة ثلاثة شهور وتوه متحسن @@@ وحاولي ماتطلعين برع لان الجو هالأيام يزيد الكحة واذا مضطره تطلعين حطي كمامات @@ لأني عن تجربة لاحظت ولدي مع الغبار يتعب صدره @@ للعلم في ماي علج البان جاهز صناعة البحرين و بصراحة أكثر من رائع

أختي وين ينباع هالماي ؟؟ وينفع لليهال الرضع؟؟

[قطرية مثقفة]

أختي وين ينباع هالماي ؟؟ وينفع لليهال الرضع؟؟

أخوي والله انه كنت اعطي عيالي وهم صغار لان علج البان يعتبر مذيب للبلغم @@ كنت مأخذه الماي من البحرين @@ بس اتوقع المحل اللي يبيع منتجات البحرين اللي قريب جمعية مدينة خليفة الجنوبية عنده وحتى لو ماعنده توصي ويجيبه لك

[intesar]

الله يشافيج..

[خليفـة]

ماتشوفين شر ان شاء الله
وان شاء الله يفيدونج الأعضاء الكرام بتجاربهم الناجحة


خليفــة

[النهار]

محلات العسل عندهم خلطه عجيبه خلال يومين تختفي الكحه حتى لوكانت مزمنه نصف 300 ريال
في ثلاث محلات في سوق واقف والله الشافي

[doha1]

اعاني من الكحه من سنين ولين اليوم والله المستعان

رحت حق الدكتور خالد الشيخ قال عندك حساسيه تالي قال ربو

استخدمت جهازين للربو البخاخ والشفط لكن بعد ماتحسن

جربت العسل نوعا ما وضعه افضل

جرب لبان مع الماي وكل يوم فنجال لكن تحسن بسيط

بس قبل العلاج عليج بالاساسيات

نظافة المكان من الغبار
لاتخلين المكيف قدام وجهج او نازل عليج
ابتعدي عن الخروج من البيت اذا الجو مغبر
لاتتعطرين بشكل جنوني
عند استخدام معجون الاسنان حاولي ماتبلعينه لان بيسوي لج افلام قبل النوم مع الكحه
دائما اشربي شي دافي او برودته ماتاثر عليج لان البروده الزايده تزيد الكحه
الحب والمكسرات يزيدون الكحه للعلم

تقريبا اللي ذكرته عن تجربه شخصيه لين اليوم معاي

واسال الله الشفاء لنا ولكم

[Aaziz]

فيه دكتور في البحرين مشهور جدا في علاج الكحة وهو بحريني

عالج واحد من الربع من كحة مزمنه و العلاج عباره عن ابرتين في الكتف و اعتقد معاها حبوب يستمر عليها كم يوم و لله الحمد الرجال طاب بعد معاناه شهور ولكن لايحظرني حاليا اسم الدكتور ولكنه مشهور اتوقع كثيرين يعرفونه

الله يشافيج و اجر وعافية

[بصمة قطرية]

اعاني من الكحه من سنين ولين اليوم والله المستعان

رحت حق الدكتور خالد الشيخ قال عندك حساسيه تالي قال ربو

استخدمت جهازين للربو البخاخ والشفط لكن بعد ماتحسن

جربت العسل نوعا ما وضعه افضل

جرب لبان مع الماي وكل يوم فنجال لكن تحسن بسيط

بس قبل العلاج عليج بالاساسيات

نظافة المكان من الغبار
لاتخلين المكيف قدام وجهج او نازل عليج
ابتعدي عن الخروج من البيت اذا الجو مغبر
لاتتعطرين بشكل جنوني
عند استخدام معجون الاسنان حاولي ماتبلعينه لان بيسوي لج افلام قبل النوم مع الكحه
دائما اشربي شي دافي او برودته ماتاثر عليج لان البروده الزايده تزيد الكحه
الحب والمكسرات يزيدون الكحه للعلم

تقريبا اللي ذكرته عن تجربه شخصيه لين اليوم معاي

واسال الله الشفاء لنا ولكم

من كم سنه تعبت من الكحة
الليل اختنق ما قدر اتنفس و لا اقدر انام
رحت الطواري والمستشفيات الخاصة
مدحوا لي الدكتور خالد الشيخ ..
من بعد الله ثم لدكتور خالد الشيخ
الكحة راحت في يومين ..
لأني كنت وقتها أعاني من حساسية في الصدر
و كانت في بدايتها وقتها ما كنت عارفة انها حساسية هو عرف لحالتي ..

من فترة شهرين ..
جاتني كحة مع الحساسية
خذت مضاد حيوي
انتكست حالتي يومياً كنت ادخل المستشفى آخذ بخاخات ..
لأن ادوية علاج الحساسية ما تمشي مع المضادات و الفايروس ..

حالياً لي اسبوعين مع الحساسية ..
بدت بإحتقان ..
حاولت كثر ما اقدر ما آخذ مضادات
والحمدلله احسن ..

امشي على العسل الطبيعي
و الزنجبيل
و الينسون ..

[روح الاطلس]

كحة مزمنة من 15 سنه ولله الحمد :) لكني كسولة في علاج نفسي فما اقدر افيد بتجربتي في الموضوع

اسأل الله لك الشفاء العاجل

[Chanel]

اختي فيه حبوب صرفها لي المركز الصحي وماشاء الله واااااجد ارتحت والا الكحه كانت تخنقني
اسمها بدايته حرفz وتأكلينها المساء فقط مره وحده اسألي عنها في المركز وخذي معاها مص فيتامين c

[بصمة قطرية]

اختي فيه حبوب صرفها لي المركز الصحي وماشاء الله واااااجد ارتحت والا الكحه كانت تخنقني
اسمها بدايته حرفz وتأكلينها المساء فقط مره وحده اسألي عنها في المركز وخذي معاها مص فيتامين c

اذا كانت الحبه Zyrtec
فهاذي حبوب الحساسية ..
تؤخذ قبل النوم حبة ..
تصرف لمرضى الحساسية ..
للأطفال عبارة عن شراب قبل النوم ..
و في حبة ثانية اسمها xyzal
جداً ممتازة ..
لجميع أنواع الحساسية ..