محتاجه نصيحتكم لترميم البيت (ضروري)

[sweeet]

ألسلام عليكم والرحمه

بيتنا فيلا طابقين عمرها 17 سنه وفيها عيوب ومحتاجه ترميم المشاكل الي طلعت كالاتي:

1- شروخ واضحه وكبيره في بعض الغرف
2- سطح البيت فيه مشكله اذا طق مطر الماي يتجمع فوق طبعا مافيه نظام تصريف الماي اتصير نقعه فوق وأثر مع الزمن على الطوف وصارت شروخ وسقف الغرفه متنفخ الظاهر من الماي الي كان يتجمع (هذي غلطت المقاول طبعا الي ابوي جابه الله يرحمه )
3- الله يكرمكم الحمامات في الطابق الفوقي كلها تحتاج صيانه من جديد مع صبية عازل ، لان الماي قاعد يخر على الحمام الي تحته على طول ،
بغيت احط في الحمامات سقف شتنصحوني ؟ شرايكم في الجبس سمعت فيه واتر بروف خاص للحمامات ولا في شي احدث واحلى ؟
4- الواجهة الخارجيه للبيت رخام وحاليا متكسر ومتشلخ ،، وخطر لازم انشيله ونحط بديل اما رخام او حجر ؟ وصراحه محتاره ماعرف ايش الافضل؟ ولازم الي يركب شخص متمكن ، وياليت تفيدوني .

لحد يقولي طلعو وروحو بيت جديد اقول بصراحه مافي امكانيه كلن على قد حاله بس الحل الوحيد هو الترميم
بغيت
نصيحتكم اشلون ايتم الترميم ابدأ بايش اول شي ؟

والي عنده فكره عن محلات مضمونه للترميم من ناحية الغرف والسطح والحمامات وابي نصيحكتم ابدأ بأيش اول شي؟

وياليت الي مجرب يعطيني اسامي وارقام المحلات او اشخاص تعامل معاهم اذا امكن،،، مابي اجيب هالعمال الي من الشارع واخرتها اخسر وادفع وبعد كم شهر ترجع نفس المشاكل كني ماسويت شي،،،

بغيت خبرتكم الله يبارك فيكم الي مجرب ترميم يعطيني رايه ونصيحته ..

تحياتي للجميع

[طموحي عالي]

اختي ربي يقويج

اذا المبلغ يكفي لعمل كل شي مع بعض ممكن تسوينه وطبعا بيطلع لج ارخص من ان تسوين كل مره شي

اول شي احس لازم تحلين مشكله السقف لان اساس المشاكل نابع من هالمنطقه

وبعدها الغرف والحمامات طبعا على حسب عددكم بالبيت يكون يشتغلون عليهم الا اذا ناوين تطلعون هالفتره

بالنسبه للغرف مادري اذا فيه حل لان احس الحل مؤقت اللي ممكن ينفع بحيث انهم يسكرون مناطق الشروخ

بالنسبه لواجهه البيت الحين طايحين في الحجر


للاسف ماعرف احد او شركه معينه ولا حتى محلات لكن في كل الحالات يبيلهم شخص يوقف على روسهم
انا ابوي ماشاء الله عليه يجيب عمال لكن هو فاهم وعارف كل شي ويوقف على روسهم

ممكن تاخذين جوله بقسم البناء وتستفيدين
موفقه يارب

[ضوى]

شوفي اختي الترميم بين فترة وفترة ضروري للبيت حتى يطول العمر الافتراضي للبيت

شخصيا بيتي شعبي وصار 15 سنة ويمكن ثلاث مرات سويت له ترميم ، اهم شي في الموضوع الحمامات ابتدي دايما بالشي اللي يبي له تكسير والاكيد الحمامات كلها يبي لها تكسير دامها تخر على اللي تحت ، كانج بتبني الحمام من جديد وركزي على كل نقطة بيسويها لج المقاول او العمال اللي بتجيبينهم خاصة بالنسبة للعازل وايد مهمة هالتقطة ،
اهم شي السطح انتبهي للعازل خلي شركة عدلة تسويه لج المسند والا العفيف والا تدمر لا تقبلين بشركة اقل جودة ، بعد ماتحلين مشكلة السطح ابتدي بالحمامات اولا حتى ما يبهدلون لج الغرف بعد الترميم ، وعقب ماتخلصين الحمامات ابتدي بغرفة غرفة من صيانة وبلاط اذا فيها تغير وصبغ وجبس وخلافه .
بالنسبة لسقف الجبس للحمامات ايه نعم اختي في ووتربروف ووايد شكله حلو وراقي ويعطي شكل حلو للحمامات

الواجهة تتكسر وتصبغين او تركبين حجر اذا لج رغبة

نصيحتي لج شوف شركة صيانة محترمة وسلميها الشغل كامل اريح لج من عوار الراس وتحملي تجيبي عمال من برع بيخربون لج الدنيا

كل التوفيق يارب

[سارونه]

موضوع مهم جدا يا Sweeet :)

بس مافي شركات تسوي هالمهمة كلها - يعني ( ثقه ) في عملها كله .

ردودكم طيبه - يمكن حليتوا لي مشكله بيتي بعد - يبغي له ترتيب من الاول :(

السؤال المهم (( بما ان ترميم البيت ياخذ وقت !!!! )) (( هل نؤجر بيت ثاني ؟؟ ))

[ضوى]

موضوع مهم جدا يا sweeet :)

بس مافي شركات تسوي هالمهمة كلها - يعني ( ثقه ) في عملها كله .

ردودكم طيبه - يمكن حليتوا لي مشكله بيتي بعد - يبغي له ترتيب من الاول :(

السؤال المهم (( بما ان ترميم البيت ياخذ وقت !!!! )) (( هل نؤجر بيت ثاني ؟؟ ))

شوفي اختي سارونة ، اهم مافي الموضوع متابعتج الدقيقية لكل شي ، سألي عن كل شي وهالمنتدى ومنتديات متخصصة اخرى بتفيدج وايد ، قبل لا يسوون اي شي استشيري وابحثي في انت عن الطريقة الصحيحة لعمل الشي اللي تبينه وقارنيه باللي يقوله لج المقاول اذا الطريقة مختلفة معناها مب فاهم شغله عدل

ترميم البيت ياخذ وقت والصراحة شي متعب اذا انتي بالبيت وفيه صيانة صج متعب مجربة وعانيت من الغبار والفوضى

اذا فيه مجال تطلعين من البيت وايد افضل بيكون الشغل اسرع وبراحة اكثر

كل التوفيق اختي العزيزة

[سهم طايح]

1- تقدرين تعالجين هالشي بسهولة بتوسيع الشروخ ومعالجتها ببلاستر جديد ومن ثم معجون وصبغ الغرفة بالكامل ، اشتغلي غرفه غرفه اذا ما تقدرين تطلعين من البيت

2- تتوقعين عقد مع شركة للعوازل لتضبيط عازل السقف وعمل فتحات التصريف في السطح

3- بالنسبة للحمامات تقدرين ترممينهم بطريقتين الاولى تكسير أرضية الحمام وتصليح البيبات اللي تسرب وتركبين أرضيات جديدة طبعا قبلها تركبين العازل والطريقة الثانية هي تغيير الحمام بالكامل ( أرضيات و حوائط )

4- بخصوص الواجهة أنصحج بالحجر الصناعي لقلة تكلفته وتعدد ألوانه

العوازل أنصحج بشركة المسند
الحجر البيت الأزرق
الحمامات الأمانة او الدهليز او آرام او نابينا
للترميم ممكن أساعدج اذا فيج صبر لين عشر ايام قدام
والله يوفقج

[غرِيبهـ]

الله يوفقك ويعينك
بس لما ترممينه بترتاحين

انصحك تطلبين نقل موضوعك لقسم البناء والديكور
هناك بتستفدين اكثر وبيكون الموضوع اثرى

وبالتوفيق يارب

[بن غيث]

صباح الخير اختي
لازم مهندس يشوف البيت
ويحدد مدى الاضرار الموجودة
وبعدين يجهز تقرير كامل بالصيانة
ولازم في فترة الصيانة تأجرين سكن مؤقت لمدة شهر على اقل تقدير
اذا الاساسات سليمة
وبالنسبة للواجهة. ... طبعا الرخام
واذا محتاجة اي استفسار ان شاء الله اقدر اساعد

[النهار]

حسب ماهو مكتوب في الموضوع من اضرار في الفله
الفله تحتاج صيانه كامله والصيانه صراحه مكلفه وتحتاج ناس متخصصين لان الاضرار كبيره جدا
صراحه لااريد اصدمك اعرف قريب لي عمل صيانه شامله وكامله كلفته مبالغ كبيره بعد سنتين رجعت المشاكل والتشققات مره اخرى والله ستر البلستر المعمول في السقف سقطت منه كلته كبيره وهم خارج البيت في غرفة الاطفال
طالما يوجد انتفاخ في الغرفه معناها تكسير ويجب معرفة مدى تضرر الحديد من تسيريب المياه احسن حل عمل سقف جديد كامل اذا كان لاتوجد استطاعه في اعادة البناء بالكامل

[سارونه]

حسب ماهو مكتوب في الموضوع من اضرار في الفله
الفله تحتاج صيانه كامله والصيانه صراحه مكلفه وتحتاج ناس متخصصين لان الاضرار كبيره جدا
صراحه لااريد اصدمك اعرف قريب لي عمل صيانه شامله وكامله كلفته مبالغ كبيره بعد سنتين رجعت المشاكل والتشققات مره اخرى والله ستر البلستر المعمول في السقف سقطت منه كلته كبيره وهم خارج البيت في غرفة الاطفال
طالما يوجد انتفاخ في الغرفه معناها تكسير ويجب معرفة مدى تضرر الحديد من تسيريب المياه احسن حل عمل سقف جديد كامل اذا كان لاتوجد استطاعه في اعادة البناء بالكامل

جزاكم الله خير ..

انا عندي تشققات تبين خارج المجلس والغرف والانتفاخ واضح
(بصراحة خوفني) .. :weeping:

[الزعفراني]

تشطيب الفلل العظم - الجبس والصبغ الراقي بأنواعه العادي والمغربي - اعمال وتمديدات الكهرباء - اعمال وتمديدات السباكة - تمديد التكييف وصيانة المكيفات في المنزل - انشاء وصيانة الحدائق المنزلية - صيانة المنازل المستعملة والقديمة

ارقام المكتب : 44863504 - 44865851
الجوال : 70209922 ابو الوليد المغربي مسؤول المكتب
إدارة قطرية مباشرة
في حال وجود شكوى او لطلب تخفيض سعر fnajeelqtr@hotmail.com


هذا توقيع الاخ (محمد) واحد من الاعضاء في المنتدى مادري اذا يقدر يفيدج في الموضوع والا لا .

للأمانة ما تربطني أي سابق معرفه في الاخ محمد سواء في المنتدى او خارج المنتدى مجرد عضو اشوف له مشاركات .

[غايه الطواش]

الصراحه البنيان الحديث وايد تجاري فله جديده بعد سنه نشوف فيها تشققات ..وكانها من ديكور البيت ..