░▒▓██▓▒░لمـاذا التضييق في الطريق على سيارات المساكين░▒▓██▓▒░

[أبو عبدالعزيز]

السلام عليكم..
هل صادفتك ذات مرة سيارة زهيدة تسير في المسار الأيسر فتقترب منها مسرعاً و"تكبس" لها بالإضاءة أو تطلق العنان لـ"الهرن" ليمارس إزعاجه بغرض أن تعطيك مجالاً لتواصل سيرك!!
هل كان هذا هو ذات موقفك عندما تكون في ذلك المسار سيارة فخمة!! لماذا كثيرنا يفسح الطريق لهذه السيارات - أعني الفخمة - بينما يلجئ سيارات المساكين إلى أضيق الطريق!!

أحد أصدقائي العرب دائما كان يشتكي لي من أمثال هذه المضايقات - علماً بأن لبسه خليجي - وكنت أنصحه بأن يغير سيارته ما دام الله موسع عليه رزقه، بدلاً من الانزعاج من رواد الطريق أو الدخول معهم في مشاكسات بسبب ذلك التضييق...الخ، جاءني ذات يوم مستبشرا بأنه سيّل ما ادخره من أموال واشترى بها برادو آخر موديل "فل ابشن" بما يقارب الـ 160 ألف ريال!! قلت له: يا مسكين.. شبابنا لا يفرقون بين الكامري القديم والبرادو الجديد.. ما لم يكن سائق هذا البرادو أو الباجيرو أشقر الشعر، أزرق العينيين، وخصوصاً إذا كان أحمر الوجنتين!! فلو أخذت لك "كروزر" قديم بنصف السعر لكان أحشم لك!! رأيته بعد أسابيع قليلة بالطريق وقد أخذ بنصيحتي!! فما رأيكم.. هل كانت في محلها!! تحياتي وتقديري.

[شبح الصمت]

الانسان الايودي الي يحشم العالم

ما يهمه منظر الرجال وإلا سيارته


عشان سيارته قديمه والا جديده ما احترمه

نظرية خطأ خطأ خطأ

الاحترام واجب لكل الفئات

أحترم لكي تحترم

[عاهد بن علي]

استاذي انت ما تقول او تكتب الا الصحيح

[FCB 123]

أي والله كلامك صحيح 100 في 100

الله يوفق الجميع لما يحبه ويرضاه

[R 7 A L]

سلم على صديقك المسكين
وقل له يحتررم القانون أولاً
بما انه يمشي بطئ خله يمسك يمين
وبعدين خله يشوف احد بيزعجه بالليتات ولا لا

مشكلة البعض يدور أي حجه تثبت انه على حق والغير يخطئون عليه

[vipqtr]

اي والله الدنيا مناظر هههههه..صديق لي اخذ سيارة bmw يقولي تصدق ما قمت اسمع الهرن من الناس محد يدقلي .. وقبل العكس بسيارته العاديه مسكين... كلامك صحيح ابو عبدالعزيز .. اشكرك

[أبو عبدالعزيز]

الانسان الايودي الي يحشم العالم
ما يهمه منظر الرجال وإلا سيارته
عشان سيارته قديمه والا جديده ما احترمه
نظرية خطأ خطأ خطأ
الاحترام واجب لكل الفئات
أحترم لكي تحترم


اتفق معك
هذا الذي يفترض أن يكون
والذي نراه من الكثير
ولكن هناك الكثير أيضا ليست لديهم هذه النظرة

[أبو عبدالعزيز]

استاذي انت ما تقول او تكتب الا الصحيح



تسلم أخي
وأتمنى أن أكون دوما عند حسن الظن

[أبو عبدالعزيز]

أي والله كلامك صحيح 100 في 100

الله يوفق الجميع لما يحبه ويرضاه



اللهم آمين

[أبو عبدالعزيز]

سلم على صديقك المسكين
وقل له يحتررم القانون أولاً
بما انه يمشي بطئ خله يمسك يمين
وبعدين خله يشوف احد بيزعجه بالليتات ولا لا

مشكلة البعض يدور أي حجه تثبت انه على حق والغير يخطئون عليه



وفر نصيحة إضافية لصديق أخينا/ vipqtr أيضاً :)


اي والله الدنيا مناظر هههههه..صديق لي اخذ سيارة bmw يقولي تصدق ما قمت اسمع الهرن من الناس محد يدقلي .. وقبل العكس بسيارته العاديه مسكين... كلامك صحيح ابو عبدالعزيز .. اشكرك

[أبو عبدالعزيز]

اي والله الدنيا مناظر هههههه..صديق لي اخذ سيارة bmw يقولي تصدق ما قمت اسمع الهرن من الناس محد يدقلي .. وقبل العكس بسيارته العاديه مسكين... كلامك صحيح ابو عبدالعزيز .. اشكرك



أعتقد بأن كثيرين مروا بالتجارب التي مر بها كل من صديقي أو صديقك!!

[آهـل شَـرق]

صرت اكره اليسار .. كل من ساق سياره مسك يسار

اخوي اذا تلاحظ هالمشكله ما تنطبق فقط في المسارات حتى في اوقات الزحمه

تشوف اشكال وانواع من السيارات تتجاوز من على اليمين او على الرصيف

واحياناً تصل مبالغتها للسير عكس الشارع .. واكاد اجزم ان في الحالتين الاولى التي ذكرتها انت

وحالة التجاوز هم اشخاص من عيّنه واحده يفتقدون اخلاقيات القياده :)

[بو الجوري]

كلامك مب صحيح 100%:..

أنا عن نفسي أديّم و أهرن حق كل واحد يتمشى على الخط السريع !
سواء كورولا وإلا بنتلي :..

دامه يبي يمشي 80 وإلا 100 ، خله يروح يمشي فالنص :..

و مب شرط كل من ديّم ، متهور ،،، يمكـن صج مستعجل :..

مادري ليش أحس رفيجك من النوع اللي يمشي 80 فالخط السريع
وعقب يحط اللوم على اللي يديمونله :..


:)

أهم شي لاحد يتمشى عالخط السريع و الأمور طيبه إن شاء الله

[أبو عبدالعزيز]

كلامك مب صحيح 100%:..

أنا عن نفسي أديّم و أهرن حق كل واحد يتمشى على الخط السريع !
سواء كورولا وإلا بنتلي :..

دامه يبي يمشي 80 وإلا 100 ، خله يروح يمشي فالنص :..

و مب شرط كل من ديّم ، متهور ،،، يمكـن صج مستعجل :..

مادري ليش أحس رفيجك من النوع اللي يمشي 80 فالخط السريع
وعقب يحط اللوم على اللي يديمونله :..


:)

أهم شي لاحد يتمشى عالخط السريع و الأمور طيبه إن شاء الله




الظاهر نحتاج توفر أيضاً نصيحة إضافية لصديق أخينا/ vipqtr أيضاً :)


اي والله الدنيا مناظر هههههه..صديق لي اخذ سيارة bmw يقولي تصدق ما قمت اسمع الهرن من الناس محد يدقلي .. وقبل العكس بسيارته العاديه مسكين... كلامك صحيح ابو عبدالعزيز .. اشكرك

[Dana’1]

بالنسبة لي افتح المجال لكل من هو جاي طاير و هو بالمسار الايسر يمكن قبل حتى لايكبس
ايا كانت سيارتة،،

الا في حالة انا ممشاي زين بس في زحمة سير والي قدامي يكع بريك يرفع الضغط وما اقدر اروح يمين هذا استغرب منة كيف يبغى يطوفني ،،وغالبا اذا فتحت لهم المجال من ازعاجهم ورحت يمين الي قدام مسكر على انفاسة ههههه انا امشي وهو عادة،،تلاقية يجي يمين ويدعس معصب هههههه طيب الطريق 3 مسرات وزحمة غصب بتخلية 4 عجيب
هذا بصراحة يشغل الناس ،،الله لا يشغلنا إلا بطاعتة آمين يارب العالمين

لكن في شي ما احبة لمن اوقف عند اشارة الخاصة بالسيارات الي متجة يسار ويجي احد يبغى يدخل بالمسار الي انا فية وهو اساسا المفروض يمشي سيدة بنفس مسارة بس لان ما يبغى ينتظر دور يبغى يدخل عرض علي او فاتتة وتذكر وهو قريب وحب يلف ... بكل الحالتين افتح المجال لكل من يبغى يعدي بأدب ويدق اشارة ..
مو يدخل عليك بالقوة ويلز السيارة لز بلفيت غصب وشنب!
هذا شايف نفسة وشاد حيلة مثل ما قلت بالقوة و بالغصب بيمر بيخوفني مثلا,,خصوصا عند الإشارة هذا ما اعطية مجال لوايش،،لو يحك باليسارة! ولا كأني اشوفة حتى لانة ما يستاهل
والحمدلله ما قد صار احتكاك وان شاءلله ما يصير،،
لأن غالبا يهجد سيارتة من التنقز واللز :)
والكلام هذا يمشي على السيارات العادية والا الفخمة او الفورويل

في سيارة وحدة احب اشوفها وبصراحة ما قد صادفت ان الي يسوقونها يلزون بالسيارات بس لو اشوفها اخليها تعدي لان احب شوفها واتفرج عليها هههه،،،الي هي بنتلي:)

وما اخفيكم هم انا عندي تجاوزات للآسف وعندي اغلاط في بعض امور السواقة..وان شاءلله اني اقدر اتغلب عليها
في شي تغلبت علية ولله الحمد والمنة وباقي بعض الامور
ان شاءلله اضبط عمري فيها،،، دعواتكم لي
اتمنى السلامة للجميع
:)

[catqat]

هههههههههههه ماغلطت يا بوعبدالعزيز وصادنا موقف من العام:

كنا رايحين كلنااااا لسيلين واخوي قرر ان يودي معاه سيارته القوطي ، نفس سيارة الالعاب توسع شخصين ، والياهل يقدر يسوقها .

المهم وصونا انجيب اغراض من الدوحة ورجعت معاه ، بالغلط اخوي لف علي واحد بالدوار ، وعدينا منه ، بعد ماقبضنا الخط قام يسوي حركات يتمايل ويضرب لنا بريكات تخويف.... كان (اخوي) لابس لبس رياضة. ع باله مش قطري.

اشرناله يوقف ع جنب، ونزل راعي السيارة طلع اجنبي اشقر مع زوجته سكرااااان ، واخوي جمب (نط) من السيارة جان يزرده من رقبته .... انصدم الانجليزي ان اخوي قطري، وقال سوري مادريت انك قطري لووووول ،،،، يعني النذالة حتى بينهم بين بعض، لكن يخافون يسونها مع القطريين

[meeemz]

والله كلامك صحيييح
حتى في امريكا اول ماوصلنا خذنا سياره مستعمله كامري والله محد حشمنا خاصه في محلات الوجبات السريعه يكلمونا باسلوب سئ ويحذفون الاكل بعدها بفتره اجرنا سياره فخمه والله انه تغيرت المعامله وربطناهالشي بالسياره (قاموا يحطون كتشب ههه)
و اذا السياره سبورت بعد يقدرونك اكثر واكثر مايتم حد ما يحيينا على السياره

[أبو عبدالعزيز]

صرت اكره اليسار .. كل من ساق سياره مسك يسار

اخوي اذا تلاحظ هالمشكله ما تنطبق فقط في المسارات حتى في اوقات الزحمه

تشوف اشكال وانواع من السيارات تتجاوز من على اليمين او على الرصيف

واحياناً تصل مبالغتها للسير عكس الشارع .. واكاد اجزم ان في الحالتين الاولى التي ذكرتها انت

وحالة التجاوز هم اشخاص من عيّنه واحده يفتقدون اخلاقيات القياده :)




اتفق معك عزيزي

[بو الجوري]

الظاهر نحتاج توفر أيضاً نصيحة إضافية لصديق أخينا/ vipqtr أيضاً :)

ضيفله النصيحه ليش لأ :)

و أكيد سيارته القديمه ماكانت بسرعة الـ BMW :..
يعني قام يسوق بسرعه فالخط السريع ، ومب حاس

وعلى هالأساس قال محد قام يديّم له :)

تحليل ممكن يكون صحيح :secret:

[كلنا قطر 1981]

كلامك صحيح اخوي ابو عبد العزيز

انا واحد من الناس الي عندي سيارتين سياره صغيره حق الدوام و سياره فورويل هذي الي

استخدمها عقب الدوام

المهم القوطي الي استخدمه حق الدوام تعلمت فيه جميع المسبات سواء بقرايه حركة الشفايف

او انه المسبات بالاشاره :nice:

اما الموتر الفورويل ما اشوف الا الناس المحترمه فيه :shy:

و اذكر مره اني كنت راد من الدوام بسيارتي القوطي و كنت مسرع و مريت على واحد قام يديم

ويعطي هران و ياشر لي بيده انه وقف و وقفت على طلبه و بطلت الجامه و قام يفتن و يسب و

انه هو المعصب و وقت الي نزلت له من الموتر و سمع اللهجه تصرقع و صار يعطيني

ارشادات السلامه حق الطريق:rolleyes2:

و سبحان الله نفس الرجال كنت رايح الدوام بسيارتي الفورويل و شفته بالطريق

والله يا ابو عبد العزيز اني لفيت عليه متعمد لفه لو هو ما كع بريك والله بدعمه و قلت ابي

اشوف ردة فعله تصدق لا ليت و لا هرن و حتى انه مر على و لا فكر انه يطالعني :eek5:

ف سبحان من خلاه اسد على الناس المساكين و دجاجه على الناس المب مساكين :)

مع انه نفس الشخص ولكن صار الاحترام للحديد اكثر من الاحترام للبشر

يعطيك العافيه اخوي ابو عبد العزيز على الطرح الطيب

[أبو عبدالعزيز]

بالنسبة لي افتح المجال لكل من هو جاي طاير و هو بالمسار الايسر يمكن قبل حتى لايكبس
ايا كانت سيارتة،،

الا في حالة انا ممشاي زين بس في زحمة سير والي قدامي يكع بريك يرفع الضغط وما اقدر اروح يمين هذا استغرب منة كيف يبغى يطوفني ،،وغالبا اذا فتحت لهم المجال من ازعاجهم ورحت يمين الي قدام مسكر على انفاسة ههههه انا امشي وهو عادة،،تلاقية يجي يمين ويدعس معصب هههههه طيب الطريق 3 مسرات وزحمة غصب بتخلية 4 عجيب
هذا بصراحة يشغل الناس ،،الله لا يشغلنا إلا بطاعتة آمين يارب العالمين

لكن في شي ما احبة لمن اوقف عند اشارة الخاصة بالسيارات الي متجة يسار ويجي احد يبغى يدخل بالمسار الي انا فية وهو اساسا المفروض يمشي سيدة بنفس مسارة بس لان ما يبغى ينتظر دور يبغى يدخل عرض علي او فاتتة وتذكر وهو قريب وحب يلف ... بكل الحالتين افتح المجال لكل من يبغى يعدي بأدب ويدق اشارة ..
مو يدخل عليك بالقوة ويلز السيارة لز بلفيت غصب وشنب!
هذا شايف نفسة وشاد حيلة مثل ما قلت بالقوة و بالغصب بيمر بيخوفني مثلا,,خصوصا عند الإشارة هذا ما اعطية مجال لوايش،،لو يحك باليسارة! ولا كأني اشوفة حتى لانة ما يستاهل
والحمدلله ما قد صار احتكاك وان شاءلله ما يصير،،
لأن غالبا يهجد سيارتة من التنقز واللز :)
والكلام هذا يمشي على السيارات العادية والا الفخمة او الفورويل

في سيارة وحدة احب اشوفها وبصراحة ما قد صادفت ان الي يسوقونها يلزون بالسيارات بس لو اشوفها اخليها تعدي لان احب شوفها واتفرج عليها هههه،،،الي هي بنتلي:)

وما اخفيكم هم انا عندي تجاوزات للآسف وعندي اغلاط في بعض امور السواقة..وان شاءلله اني اقدر اتغلب عليها
في شي تغلبت علية ولله الحمد والمنة وباقي بعض الامور
ان شاءلله اضبط عمري فيها،،، دعواتكم لي
اتمنى السلامة للجميع
:)






جميلة هي الصراحة مع النفس والآخرين

[أبو عبدالعزيز]

هههههههههههه ماغلطت يا بوعبدالعزيز وصادنا موقف من العام:

كنا رايحين كلنااااا لسيلين واخوي قرر ان يودي معاه سيارته القوطي ، نفس سيارة الالعاب توسع شخصين ، والياهل يقدر يسوقها .

المهم وصونا انجيب اغراض من الدوحة ورجعت معاه ، بالغلط اخوي لف علي واحد بالدوار ، وعدينا منه ، بعد ماقبضنا الخط قام يسوي حركات يتمايل ويضرب لنا بريكات تخويف.... كان (اخوي) لابس لبس رياضة. ع باله مش قطري.

اشرناله يوقف ع جنب، ونزل راعي السيارة طلع اجنبي اشقر مع زوجته سكرااااان ، واخوي جمب (نط) من السيارة جان يزرده من رقبته .... انصدم الانجليزي ان اخوي قطري، وقال سوري مادريت انك قطري لووووول ،،،، يعني النذالة حتى بينهم بين بعض، لكن يخافون يسونها مع القطريين





كلامك يطمئن!! لأني سمعت أن الشقر زرق العيون صار بعضهم قليل أدب حتى مع القطريين!!

[بعيد المرامع]

الله يعينكم

غريب هالتفكير بصرآحة ،

شدخل السيارة ونوعها بالاحترام ؟؟

[catqat]

كلامك يطمئن!! لأني سمعت أن الشقر زرق العيون صار بعضهم قليل أدب حتى مع القطريين!!

بالعكس..... جايز مايحترمون الشباب لكن يحترمون الحريم ع الاقل....االاشقر ممكن انه يطالع بنظرة او يأشر من سيارته ،،

لكن السودانيين صايرين قليلين ادب،، مرة لف علي واحد وقعد يأشر ونزل لي تخيل،، ظن اني وحدة مسكينة ،، لكن استجمعت قواي واستأسدت عليه ، وعلا صوتي ، واتصلت له الشرطة وع طوووول شرد ... وقالي الشرطي قدمي ع بلاغ ، رحت المركز وبلغت وبعد التحقيق سقطت القضية لان م امعاي شاهد!!!!

وين الناس من هالاشكال؟؟؟ وين الحكومة ؟؟؟ يعني نقفل سياييرنا والا اشيل معاي سلاح !!! والا اركب الكاميرا عشان اتصير شاهد معاي؟؟؟

[أبو عبدالعزيز]

والله كلامك صحيييح
حتى في امريكا اول ماوصلنا خذنا سياره مستعمله كامري والله محد حشمنا خاصه في محلات الوجبات السريعه يكلمونا باسلوب سئ ويحذفون الاكل بعدها بفتره اجرنا سياره فخمه والله انه تغيرت المعامله وربطناهالشي بالسياره (قاموا يحطون كتشب ههه)
و اذا السياره سبورت بعد يقدرونك اكثر واكثر مايتم حد ما يحيينا على السياره




الظاهر العالم كله مظاهر!!

[شبح الصمت]

بالعكس..... جايز مايحترمون الشباب لكن يحترمون الحريم ع الاقل....االاشقر ممكن انه يطالع بنظرة او يأشر من سيارته ،،

لكن السودانيين صايرين قليلين ادب،، مرة لف علي واحد وقعد يأشر ونزل لي تخيل،، ظن اني وحدة مسكينة ،، لكن استجمعت قواي واستأسدت عليه ، وعلا صوتي ، واتصلت له الشرطة وع طوووول شرد ... وقالي الشرطي قدمي ع بلاغ ، رحت المركز وبلغت وبعد التحقيق سقطت القضية لان م امعاي شاهد!!!!

وين الناس من هالاشكال؟؟؟ وين الحكومة ؟؟؟ يعني نقفل سياييرنا والا اشيل معاي سلاح !!! والا اركب الكاميرا عشان اتصير شاهد معاي؟؟؟




انزين ليش يعني تعممين !!

والا تبين تروينا انج بطله وما يهمج شيء وحقج تاخذينه !!

حقك بتاخذينه بس لا تغلطين على خلق الله

لي تساوت الاصابع عقب انقدي على الجنسيات

[GENIUS]

مشكور اخوي بو عبدالعزيز على هذا الطرح الواقعي .

وزيادة للموضوع الوضع يصبح أكثر فاعلية إذا تميزت السيارة برقم قد يجبر البعض على تغيير طريقة التعامل مع هذه السيارة . يعني كل السالفة مظاهر في مظاهر .

[romoz]

في قطر نفتقد اخلاقيات القياده ، و حتى التعامل !
و أرى ذلك كل ما استخدمنا سيارة البيت ( هايلكس)

[Dark_QTR]

والله ياخوي .. لا السيارة ولا الجنسيه هي الي تشق مجراك في الطريق !!
رفيجك ما عنده سالفه يبيع سيارة جديدة بقراطيسها وياخذله سيارة قديمه بس عشان
انها السيارة المعترف فيها في الشارع القطري! ..
--
ومع الأسف الحل لهذا الخلاف بسيط للغايه ، وهو تعاونك في الطريق..
التعاون شئ السيارة ما تقدمه ولا ادارة المرور تقدمه ، شئ انت تقدمه من ذاتك وأخلاقك..
عط الناس مجال ، عط المشاه مجال ، التزم بما لا يزعج الناس، وحاول انك ما تسبب زحام قدر الامكان
__ ولكن وين تحصل واحد متعاون في هالبلاد ، كل واحد مطول خشمه وشايف مزاجه فوق الجبال ،
ويمشون بنظام " اخليه يوخر غصباً عنه! ، والله ما أعطيه طريج!" ليش ياخي تعاند وتناحس ؟!
عجيب والله

[فهد111]

انا عن نفسي مايهم الموتر الي جدامي الي يقهرني موتر يمشي على الخط اليسار على اقل من مهله

[أبو عبدالعزيز]

مشكور اخوي بو عبدالعزيز على هذا الطرح الواقعي .

وزيادة للموضوع الوضع يصبح أكثر فاعلية إذا تميزت السيارة برقم قد يجبر البعض على تغيير طريقة التعامل مع هذه السيارة . يعني كل السالفة مظاهر في مظاهر .




العفو طال عمرك.. وبالفعل الاحترام احيانا يكون للرقم لا لصاحبه!!

[أبو عبدالعزيز]

في قطر نفتقد اخلاقيات القياده ، و حتى التعامل !
و أرى ذلك كل ما استخدمنا سيارة البيت ( هايلكس)


يظهر اني بهون وما باخذ هايلكس.. بشوف لي جمس!!

[أبو عبدالعزيز]

والله ياخوي .. لا السيارة ولا الجنسيه هي الي تشق مجراك في الطريق !!
رفيجك ما عنده سالفه يبيع سيارة جديدة بقراطيسها وياخذله سيارة قديمه بس عشان
انها السيارة المعترف فيها في الشارع القطري! ..
--
ومع الأسف الحل لهذا الخلاف بسيط للغايه ، وهو تعاونك في الطريق..
التعاون شئ السيارة ما تقدمه ولا ادارة المرور تقدمه ، شئ انت تقدمه من ذاتك وأخلاقك..
عط الناس مجال ، عط المشاه مجال ، التزم بما لا يزعج الناس، وحاول انك ما تسبب زحام قدر الامكان
__ ولكن وين تحصل واحد متعاون في هالبلاد ، كل واحد مطول خشمه وشايف مزاجه فوق الجبال ،
ويمشون بنظام " اخليه يوخر غصباً عنه! ، والله ما أعطيه طريج!" ليش ياخي تعاند وتناحس ؟!
عجيب والله



إلى أن نصل إلى هذا المستوى من المثالية.. ماذا يفعل أصحاب أولئك السيارات!!

[باراكودا]

وعليكم السلام ورحمة الله وبركاته
كروزر قديم بدون هدرز كامل بروجكت اكس وتواير بالون ماينفع
أهم شىء يبتعد عن المسار الايسر .

[البيرق]

اخوي موضوعك غير محايد
اولا هالاجانب اغلبهم تعلموا السياقة في قطر ولا يعرفون القوانين (ومنها افساح المجال للسيارات القادمة من الخلف في المسار الايسر)
ونلقا من اغلب السواقين عدم الدراية واحتلال المسارات مع وجود فسحة امامهم وسواقتهم ببطء شديد
وعدم اهتمامهم بمن يستخدم الشارع
والاخطر من ذلك ان صار موقف عاجل كمحاولة الاسعاف المرور من خلالهم تصرفهم هنا يكون بعدم الخبرة وتملكهم لنفس المسار مع التنبيه عليهم بخطورة ذلك ولكنهم قوم لايعلمون القوانين
وما يحصل هنا هو عرقلة السير قانونا
اما ما يحصل يوميا ويجب الاهتمام به من قبل الشرطة بتطبيق القانون فهو من اسباب الزحام

[الشاااهين]

المشكله في السواقه مب في السياره

انا من صار لي موقف الله يبعده عنا وعنكم وعن المسلمين بنتي اتعبت لدرجة انها يالله تنفس فاطلع من البيت نفس المجنون ومشغل الدينجر وكل ماجيت مديم حق احد مايوخر فاظطر اركب الرصيف من يساره والعالم تحسب انه واحد مقلوع مايدرون الواحد اشعنده.

وواحد الظاهر انه آسيوي اديم له يضرب لي اشاره يسار وتونا بسم الله داخلين الشارع هذيه بالذمه شتسوي فيه

المراد يابوعبد العزيز اللي موتره قديم ولا جديد لا يضيق على الناس خاصة الخط اليسار وماراح يجيه شي باذن الله ولو يخالفون اللي يمسك اليسار بالذات ويقعد يمشي على هواه او المعزبه معاه ولا هامه شي صدقني ما تشوف الزحمه.

اسمحوا لي على الاطاله.

[اليحصبي]

كلامك عدل بوعبدالعزيز
هالايام الناس صارت تهتم وتعتمد عالمظاهر اكثر من حرصها عالمخابر
حتى مب سالفه سواقه حتى لو تجي بالشكل يعني لو تلبس غتره وعقال وروح اي مكان تشوف انواع الاحترام
لكن لو تروح نفس المكان مع تغيير اللبسه لـ غير العقال تشوف انواع الاستحقار

وعلى سالفة السوافة لو مثلا بنتلي ماشي ع راحته بالطريق محد يكبس له ،
لكن اول ما تشوف هندي يسوقها يمكن تعصب عليه

وخميسكم فلّـه
http://www.shooq4.com/vb/images/bb/29.png

[MAZEN37]

اشكرك على الطرح للواقع
جبلت النفس البشريه على ظلمها لنفسها
لذلك الفطين من تنبه للامر والجم جماح الهوى وفتن الدنيا
اللهم لا تجعل الدنيا اكبر همنا

[أبو عبدالعزيز]

اخوي موضوعك غير محايد
اولا هالاجانب اغلبهم تعلموا السياقة في قطر ولا يعرفون القوانين (ومنها افساح المجال للسيارات القادمة من الخلف في المسار الايسر)
ونلقا من اغلب السواقين عدم الدراية واحتلال المسارات مع وجود فسحة امامهم وسواقتهم ببطء شديد
وعدم اهتمامهم بمن يستخدم الشارع
والاخطر من ذلك ان صار موقف عاجل كمحاولة الاسعاف المرور من خلالهم تصرفهم هنا يكون بعدم الخبرة وتملكهم لنفس المسار مع التنبيه عليهم بخطورة ذلك ولكنهم قوم لايعلمون القوانين
وما يحصل هنا هو عرقلة السير قانونا
اما ما يحصل يوميا ويجب الاهتمام به من قبل الشرطة بتطبيق القانون فهو من اسباب الزحام


لو قطري اللي في هايلوكس أو برادو تظنه لن يتعرض لمثل تلك المضايقات!!

[أبو عبدالعزيز]

المشكله في السواقه مب في السياره

انا من صار لي موقف الله يبعده عنا وعنكم وعن المسلمين بنتي اتعبت لدرجة انها يالله تنفس فاطلع من البيت نفس المجنون ومشغل الدينجر وكل ماجيت مديم حق احد مايوخر فاظطر اركب الرصيف من يساره والعالم تحسب انه واحد مقلوع مايدرون الواحد اشعنده.

وواحد الظاهر انه آسيوي اديم له يضرب لي اشاره يسار وتونا بسم الله داخلين الشارع هذيه بالذمه شتسوي فيه

المراد يابوعبد العزيز اللي موتره قديم ولا جديد لا يضيق على الناس خاصة الخط اليسار وماراح يجيه شي باذن الله ولو يخالفون اللي يمسك اليسار بالذات ويقعد يمشي على هواه او المعزبه معاه ولا هامه شي صدقني ما تشوف الزحمه.

اسمحوا لي على الاطاله.


صحيح كلامك.. المسار الأيسر المفترض لا يستخدم كالمسار الأوسط أو الأيمن، وإنما تكون له خصوصية من قبل الجميع
بالنسبة للذي لديه حالة طارئة يمكن تمييزه غالباً
ولا لوم عليه إن استخدم جميع وسائل التنبيه في سيارته

[أبو عبدالعزيز]

كلامك عدل بوعبدالعزيز
هالايام الناس صارت تهتم وتعتمد عالمظاهر اكثر من حرصها عالمخابر
حتى مب سالفه سواقه حتى لو تجي بالشكل يعني لو تلبس غتره وعقال وروح اي مكان تشوف انواع الاحترام
لكن لو تروح نفس المكان مع تغيير اللبسه لـ غير العقال تشوف انواع الاستحقار

وعلى سالفة السوافة لو مثلا بنتلي ماشي ع راحته بالطريق محد يكبس له ،
لكن اول ما تشوف هندي يسوقها يمكن تعصب عليه

وخميسكم فلّـه
http://www.shooq4.com/vb/images/bb/29.png


يحكى أن جحا ذهب إلى وليمة، ولما جلس على الطعام صار يملأ جيوب ثوبه منه ولم يأكل شيئا!!
فلما قيل له عن ذلك!!
أجاب بأني عندما أتيت بثوبي العادي لم يسمحوا لي بالدخول، ثم لبست هذا الثوب والجبة فسمحوا لي!! فهو المعزوم وليس أنا!!

[أبو عبدالعزيز]

اشكرك على الطرح للواقع
جبلت النفس البشريه على ظلمها لنفسها
لذلك الفطين من تنبه للامر والجم جماح الهوى وفتن الدنيا
اللهم لا تجعل الدنيا اكبر همنا


العفو طال عمرك.. وبالفعل خلق الإنسان ظلوما جهولا

[قطــ86ــر]

تعطيل السير على المسار الايسر - اعتقد و المفروض انها مخالفة :)

اللي يبي يتسحب لا يتسحب على المسار الايسر و الامور في السليم ياخوي ... عندك مثلا الطريق من دوار المطافي لين دوار نادي قطر سرعته 100 و تلاقي فيه ناس تمشي 50 و يسكر الشارع و تلاقي الامة كلها وراه لحد ما حضرته يحس على دمه و تتحرك عند مشاعر الرحمة بالعباد اللي وراه :rolleyes2:

اعتقد الموضوع طبيعي جدا ومافيه غلط على اي احد
لكن اذا الواحد شاف بي ام و لا مرسيدس و رقمه صاروخي و ما ديم له تراه مجرد خوف ان الشخص يطلع "جامد" شوي :tease: لا اكثر ولا اقل ههههههه


يعطيك العافيه اخوي

[أبو عبدالعزيز]

كلامك صحيح اخوي ابو عبد العزيز

انا واحد من الناس الي عندي سيارتين سياره صغيره حق الدوام و سياره فورويل هذي الي

استخدمها عقب الدوام

المهم القوطي الي استخدمه حق الدوام تعلمت فيه جميع المسبات سواء بقرايه حركة الشفايف

او انه المسبات بالاشاره :nice:

اما الموتر الفورويل ما اشوف الا الناس المحترمه فيه :shy:

و اذكر مره اني كنت راد من الدوام بسيارتي القوطي و كنت مسرع و مريت على واحد قام يديم

ويعطي هران و ياشر لي بيده انه وقف و وقفت على طلبه و بطلت الجامه و قام يفتن و يسب و

انه هو المعصب و وقت الي نزلت له من الموتر و سمع اللهجه تصرقع و صار يعطيني

ارشادات السلامه حق الطريق:rolleyes2:

و سبحان الله نفس الرجال كنت رايح الدوام بسيارتي الفورويل و شفته بالطريق

والله يا ابو عبد العزيز اني لفيت عليه متعمد لفه لو هو ما كع بريك والله بدعمه و قلت ابي

اشوف ردة فعله تصدق لا ليت و لا هرن و حتى انه مر على و لا فكر انه يطالعني :eek5:

ف سبحان من خلاه اسد على الناس المساكين و دجاجه على الناس المب مساكين :)

مع انه نفس الشخص ولكن صار الاحترام للحديد اكثر من الاحترام للبشر

يعطيك العافيه اخوي ابو عبد العزيز على الطرح الطيب


الله يعافيك أخي الكريم على قبولك إثراء الموضوع بذكر تجربة واقعية لك، وهذا أكبر رد على من قد يدعي أو يظن أننا في مثالية تامة أو أن الخطأ هو خطأ صاحب السيارة غير الفارهة!!

[سكتون]

حلاتها اللي يزعج الناس يطيح في واحد باكستاني خلاص بيرجع بلاده
ويطيح فيه ضرب لين مالله يشوف له
وكلامك صحيح اخوي بوعبدالعزيز اللي عنده سياره عاديه انواع المضايقات اما راعي الكروزر يخافون منه

[لاجل QT]

اول مرة اسمع بهالسالفة!!!

يمكن لان رفيجك ماسك الهاي وي ويمشي بسرعة 80 كليو ..اكيد بحشرونة حتى لو راكب مايبخ:)

بس شوف عينى اللى سيارتهم متواضعة يمسك الهاي وي على سرعة 80 يدقون لة هرنات كشافات ليزر :nice:يبا وخر مافي:) متسمر في الطريج اليسار لان اخر الشارع بيلف يسار :( والعالم اللى وراك:(

بس شغل السيارت الكشخة يمشى اذا حد بيروح مطعم لبناني الخدمة تكون على حسب الرزة:nice:

[qatara]

العرب والمضاهر

صحبه الي يوم الدين

[intesar]

أخي.. اللي عنده مباديء وقيم أحاطها بسياج يحسبها من الدين السمح.. يجب أن لا يشتكي ولا يهتم..

وبعد يعني سيارته ما تتحرك أكثر من ٦٠ ايش له بالخط السريع.. هي نحاسه يعني..
هل هي بالعل كانت نصيحة.. ولا تنبيه عن ظاهرة.. ظاهرة حقيقية ربما مقع فيها بلا أن نشعر..

ودمتم بحفظ الرحمن..

[أبو عبدالعزيز]

تعطيل السير على المسار الايسر - اعتقد و المفروض انها مخالفة :)

اللي يبي يتسحب لا يتسحب على المسار الايسر و الامور في السليم ياخوي ... عندك مثلا الطريق من دوار المطافي لين دوار نادي قطر سرعته 100 و تلاقي فيه ناس تمشي 50 و يسكر الشارع و تلاقي الامة كلها وراه لحد ما حضرته يحس على دمه و تتحرك عند مشاعر الرحمة بالعباد اللي وراه :rolleyes2:

اعتقد الموضوع طبيعي جدا ومافيه غلط على اي احد
لكن اذا الواحد شاف بي ام و لا مرسيدس و رقمه صاروخي و ما ديم له تراه مجرد خوف ان الشخص يطلع "جامد" شوي :tease: لا اكثر ولا اقل ههههههه


يعطيك العافيه اخوي



يعافيك.. والتجربة خير برهان!!
أي إذا ما صدقت تجارب الأخوة الذين تطرقوا لتجارب لهم هنا فيمكنك أن تجرب.. خذ لك هايلوكس وإلا برادو.. واذهب إلى الميدان يا حميدان.. ثم أخبرنا عن حالك!!

[أبو عبدالعزيز]

حلاتها اللي يزعج الناس يطيح في واحد باكستاني خلاص بيرجع بلاده
ويطيح فيه ضرب لين مالله يشوف له
وكلامك صحيح اخوي بوعبدالعزيز اللي عنده سياره عاديه انواع المضايقات اما راعي الكروزر يخافون منه


يوجد البعض عايشين في مثالية شديدة!! والبعض يلقي اللوم على أصحاب السيارات البسيطة، فمنهم من يقول بأنهم يمسكون المسار الأيسر ولا يوسعون لغيرهم، ومنهم من يقول أنهم يمشون ببطئ في حدود 60 أو 70!!

[أبو عبدالعزيز]

اول مرة اسمع بهالسالفة!!!

يمكن لان رفيجك ماسك الهاي وي ويمشي بسرعة 80 كليو ..اكيد بحشرونة حتى لو راكب مايبخ:)

بس شوف عينى اللى سيارتهم متواضعة يمسك الهاي وي على سرعة 80 يدقون لة هرنات كشافات ليزر :nice:يبا وخر مافي:) متسمر في الطريج اليسار لان اخر الشارع بيلف يسار :( والعالم اللى وراك:(

بس شغل السيارت الكشخة يمشى اذا حد بيروح مطعم لبناني الخدمة تكون على حسب الرزة:nice:


شفتيه يعني ماسك الهاي وي ويمشي بسرعة 80 كليو!! وإلا مجرد حزر فزر!!

[أبو عبدالعزيز]

أخي.. اللي عنده مباديء وقيم أحاطها بسياج يحسبها من الدين السمح.. يجب أن لا يشتكي ولا يهتم..

وبعد يعني سيارته ما تتحرك أكثر من ٦٠ ايش له بالخط السريع.. هي نحاسه يعني..
هل هي بالعل كانت نصيحة.. ولا تنبيه عن ظاهرة.. ظاهرة حقيقية ربما مقع فيها بلا أن نشعر..

ودمتم بحفظ الرحمن..


شفتيه يعني بالخط السريع ويمشي بسرعة 60 كليو!! وإلا مجرد حزر فزر!!

[لاجل QT]

شفتيه يعني ماسك الهاي وي ويمشي بسرعة 80 كليو!! وإلا مجرد حزر فزر!!

ههههههههه بام عينى:d

واللى عندة سيارة فخمة وماسك هاي وي بسرعة 80 لين يكشفون لة يوخر بسرعة يخاف يدعمون سيارتة:)

[mariamaziz]

يعطيك العافية اخوي ع الموضوع

اخوي على حسب في ناس ترفع الضغط يكون الشارع سرعته 100 و هو قابض خط االيسار و ماشيلك 60 .. في هاذي معهم حق

لكن ظاهرة الليت و الفلاش انا أشوف اللي يسوون هالحركات قممممممة الفلسفة .. مسويين نفسهم وايد مهمين يعني قابض الخط و مسرع و مربك الشارع بكبره تقول وراه صفقة عمر و الا اجتماع مصيري و آخرته رايح الحلاق و الا ياخذله كرك ..

أنا أشوف ان أغلب اللي يسوون هالحركة هاذي ناس ما عندهم سالفة و يستعرضون عضلات على المساكين بس .. لكن اتحدا واحد منهم بس يسويها حق راعي رولز رايس او سي ال اس ...

لكن عشان نجنب المشاكل الواحد يضطر يفتح لهم الطريق يمكن لا سمح الله يكون عنده حالة مستعجلة و الا حد مريض ... و غير جذيه الواحد مب ناقصه يتفشل بسبتهم فالشارع لأنهم اذا ما فتحت لهم الطريق عاادي يقلون أدبهم عليك ...

بس اللي لافت انتباهي اني اشوف الكل طايحلي في هالحركة ...

مايدرون ان في ناس تخاف او ترتبك او عندها عقدة من موقف سابق و يمكن هالشي يتسبب بحوادث ..

اااااه ياخوي ترى وايد اشياء قاعدة تصير عندنا تبط الجبد و ترفع الضغط ...

الله فوق كل متكبر ...



جزااك الله خير ع الطرح

[النهار]

سلم على صديقك المسكين
وقل له يحتررم القانون أولاً
بما انه يمشي بطئ خله يمسك يمين
وبعدين خله يشوف احد بيزعجه بالليتات ولا لا

مشكلة البعض يدور أي حجه تثبت انه على حق والغير يخطئون عليه


ياخوي رحال الموضوع في واد وانت في واد اخر
لوقلنا الشارع السرعه 100 كليو والشخص ملتزم بالسرعه وسيارته من النوع القديم تجد خلفه متهور يديم له فول وديم ولو حصل له سياره كشخه اخرموديل ورقم كشخه وماشي 60 تحصله يروح يمين بمحض ارادته بدون تدييم ولاهرن ولاتكبس هذي الي نشوفه وخاصه في شارع 22 فبراير

[مابدل العادات]

الانسان الايودي الي يحشم العالم

ما يهمه منظر الرجال وإلا سيارته


عشان سيارته قديمه والا جديده ما احترمه

نظرية خطأ خطأ خطأ

الاحترام واجب لكل الفئات

أحترم لكي تحترم

:nice::nice: اتفق معك اخوي شبح الصمت

[أبو عبدالعزيز]

يعطيك العافية اخوي ع الموضوع

اخوي على حسب في ناس ترفع الضغط يكون الشارع سرعته 100 و هو قابض خط االيسار و ماشيلك 60 .. في هاذي معهم حق

لكن ظاهرة الليت و الفلاش انا أشوف اللي يسوون هالحركات قممممممة الفلسفة .. مسويين نفسهم وايد مهمين يعني قابض الخط و مسرع و مربك الشارع بكبره تقول وراه صفقة عمر و الا اجتماع مصيري و آخرته رايح الحلاق و الا ياخذله كرك ..

أنا أشوف ان أغلب اللي يسوون هالحركة هاذي ناس ما عندهم سالفة و يستعرضون عضلات على المساكين بس .. لكن اتحدا واحد منهم بس يسويها حق راعي رولز رايس او سي ال اس ...

لكن عشان نجنب المشاكل الواحد يضطر يفتح لهم الطريق يمكن لا سمح الله يكون عنده حالة مستعجلة و الا حد مريض ... و غير جذيه الواحد مب ناقصه يتفشل بسبتهم فالشارع لأنهم اذا ما فتحت لهم الطريق عاادي يقلون أدبهم عليك ...

بس اللي لافت انتباهي اني اشوف الكل طايحلي في هالحركة ...

مايدرون ان في ناس تخاف او ترتبك او عندها عقدة من موقف سابق و يمكن هالشي يتسبب بحوادث ..

اااااه ياخوي ترى وايد اشياء قاعدة تصير عندنا تبط الجبد و ترفع الضغط ...

الله فوق كل متكبر ...



جزااك الله خير ع الطرح



ويجزاك كذلك.. ويعافيك من كل سوء

[بن غيث]

الناس ما صار عندها احساس ولا ذوق في السواقه
سواء المواطن او المقيم
الاحترام انعدم

[Al-Kuwari]

كلامك سليم للأسف يابوعبدالعزيز

انا واحد عندي سيارتين

لاندكروزر ورنج روفر

لما اطلع بالكروزر اللي يديم لك واللي يحشرك بالهرن واللي مايخليك تمر فالشارع

لكن تعال لا طلعت فالرنج والله العظيم يابوعبدالعزيز مرات الف على الناس بالغلط ولا هرن ولاديم ولا شي وبالعكس يفتحون لك الشارع بدون ماتديم حتى

تصدق كرهت الكروزر وخليته حق البيت وماقمت اسوق الا الرنج

للأسف هذي نظرة الشارع القطري للمواتر وللناس وتقييمهم لهم بنوع سياراتهم

[زعبي]

أتفق معك.. جربت أسوق بسيارة فخمة, و جربت أسوق بسيارة عادية..

السيارة الفخمة كثير يوسعون لك الطريق ولو أخطيت محد يقولك شي, سيارة عادية لأ ولو أخطيت يا ويلك ههههه.. الحل هو احترام المرور واعطاء الطريق حقه والأفضلية للمسار والنظام مو لصاحب السيارة.

[دانوو]

نفس الكلام
اذا طلعت في الكامري لازم اتهاوش مع كافة الجنسيات
واذا طلعت في لاند كروزر آحترام غير طبيعي ((احس اني من العائلة المالكة)) هههه

يعطيك العافية بو عبدالعزيز على هذا الموضوع اللي هو وآقع ونعيشه

[mariamaziz]

ههههههههه خف علينا يا دانو

[Riku3]

الي معترضين شكلهم من اصحاب السيارات الفارهه فما قابلتهم مثل هالمشاكل من الاساس ..

بغض النظر عن مسألة الي يمشي "80" في الشارع الايسر لان هذا مب موضوعنا ..

انا اصنفها لثلاثة انواع .. نوع السيارة ، الملابس الي تلبسها ، لغة التخاطب واللهجة ..

لو كنت في سيارة عادية وواحد عصب عليك واكتشف بعدها انك لابس غترة معظمهم يسكت او يتحلطم بينه وبين نفسه ويكمل طريقة ويتحول من عنتر الى جحا (عجبتني القصه الي قلتها ^^") ..

وتدري حتى لو رحت الجمعيه بملابس رياضة مثلاً بتلاحظ ان محد يحترمك مثل لو كنت بالغترة !! .. امس انا رايح السوبرماركت وشريت اغراض وكرتون ماي تخيل ماحطهم الهندي بالكيس حتى !! ولا كان ناوي يجيب الكرتون للسيارة ..

بس انا اشرت على سيارتي وقلتلهم حطوها في السيارة الي هناااااك .. ومباشرة ركيض للسيارة بعد ما عرفوا الحقيقة >_< .

ومن فترة رحت الحراج بملابس رياضة عادية .. تصدق انواع التدعم بالكتوف !! .

الي ابي اوصله ان كل الجنسيات كذا وتفرق بين الناس بحسب سياراتهم او ملابسهم او كلامهم .

مظاهر :] .. الله المستعان ! .

[catqat]

انزين ليش يعني تعممين !!

والا تبين تروينا انج بطله وما يهمج شيء وحقج تاخذينه !!

حقك بتاخذينه بس لا تغلطين على خلق الله

لي تساوت الاصابع عقب انقدي على الجنسيات

دخل الزعلان دائما :tease::taunt: