استفسار بخصوص الشنغن

[سحر الليالي]

السلام عليكم
انا مسسافرة باذت الله بلجيكا وخليت المندوب يسوي الفيز يقول بطلعه من السفاره الالمانية

السؤال عادي يطلع من الالمانيه ووجهتى الى بلجيكا ولا بيسون لنا مشكله
؟؟
مع ان الفيزا وحده ومشتركه لدول اوروبا
ولكم جزيل الشكر

[الخفي]

عادي الشنغن تروحين فيها اي بلد اوروبي عادي

[غايه الطواش]

عادي الشنغن تروحين فيها اي بلد اوروبي عادي

ماعدا ايرلندا وبريطانيا وسويسرا

[bo_besht]

سويسرا وايرلندا مشتركيين بالشنغن . ماعدا بريطانيا واسكوتلندا

[غايه الطواش]

سويسرا وايرلندا مشتركيين بالشنغن . ماعدا بريطانيا واسكوتلندا

بس فيزا ايرلندا مكتوب فيها ايرلاند ...
مو شنغن ...واطلب ان نسوي فيزا بروحها
وسويسرا ...نفس الشي مرات يمشون ومرات لا ..وخاصه اذا السياره فيها فوق 8 اشخاص

[bo_besht]

انه كله سنة ادش سويسرا عن طريق السيارة من فرنسا وله مرة كلموني .

[سحر الليالي]

مشكورين وماقصرتوا ع الافادة

[ضوى]

ماعدا ايرلندا وبريطانيا وسويسرا

سويسرا عادي بالشنغن

[زعبي]

هي تمشي مع ناس كثير لكن الدول الأوروبية صارت تدقق مؤخرا.. لازم أول بلد تدخلينه بأوروبا هو البلد اللي طلعتي منه الشينقن يعني ألمانيا

بالنهاية هي تعتمد على موظف الجوازات اللي ببلجيكا, اذا بغى مشاك, واذا بغى استقعد لك

[ANONYMOUS]

لازم أول بلد تدخلينه بأوروبا هو البلد اللي طلعتي منه الشينقن يعني ألمانيا



وانا سمعت اب نفس هالكلام والله اعلم


دقوا ع السفاره سألوهم دايركت

[محمد الجفيري]

بالتوفيق يا رب

[بعيد المرامع]

شوفي نصيحة مجرب

الشنغن تعتمد على شغلتين

الوجهة الاولى ، يعني دولة الدخول

وعدد الايام اللي بتقضينها هناك

بوضحلك

اذا انتي زايرة مثلا المانيا ، لازم تاخذين شنغن من المانيا ، ولا بيردونك بالمطار غالبا

اذا بتزورين بلدين مثلا ، زي النمسا والمانيا ، شوفي ايش بلد الدخول ، خل نقول النمسا ، يصير هي اللي تطلعين منها الشنغن

بس اذا كانت زيارتك للنمسا والمانيا لمدة 12 يوم ، وناوية تقسمينهم ، 5 ايام النمسا و 7 ايام المانيا ، تصيرين تقدمين الشنغن من السفارة الالمانية

طبعا اذا دخلتي النمسا وبفيزا شنغن من النمسا ، وبغيتي تزوري اي بلد ثاني ، عادي جدا ، بس اهم شي عليهم بلد الدخول وتكون اكثر عدد من الليالي اذا ناوية تزوين كذا بلد

بس مثلا ، ناوية تزوري النمسا ، وغيرتي رايك بعد مادخلتي النمسا ، في هالحالة عادي جدا ، ولا بينهم حدود تمنعك اصلا ، والمطار العودة مااراح يقولون لك شي

هذا النظام معمول فيه عندنا بالسعودية بسفارات الشنغن ، واتوقع انه على الكل

[سحر الليالي]

انا كلمت السفارة البلجيكية وخرعوني يقولون لي احتمال يسون لكم مشكلة كنسلي الفيزة الالمانيه وتعالي سويها عندنا
صراحه مافي وقت باقي اسبوع ع السفره
انا بقعد اكثر في المانيا ليش هالعقد
وكلهم باتفاقيه وحده مدري ليش اللف والدوران

[i.qatar]

أنا خذت الفيزه من السفارة الإيطاليه من سنتين ولا رحت ايطاليا سفراتي كانت فرنسا وألمانيا والنمسا ،، يعني الاجراء قانوني والأمور طيبه

[al wab]

السلام عليكم ورحمه الله وبركاته

لاتحاتون كثير بالنسبة للشنغن صار لي اكثر من ٨ سنين ومرة تكون من الاسبانية

ومرة من الالمانية والغالب ادخل من المانيا ومرة من هولندا ومرة من بلجيكا يعني لما دخلت

من بلجيكا كنت مسوي الشنغن من السفارة الاسبانية ومرة دخلت اسبانيا وكنت

مسوي الشنغن من الالمانية يعني ماكان في اي ترتيب والحمد لله ولا مرة كان في تعقيد

من اي دولة اتكلم عن الدخول من المطار احتمال بس اوقات يسألون عن سبب الزيارة

والوجهات المقصودة طبعا مجرد روتين والاجابة تكون سياحة فما في داعي للقلق

اما بالسيارة فما فيه اي مشكلة مثل ماذكروا اللي قبلي اهم حاجة تكون الجوازات معاكم

في اي وقت وان شاء الله تستمتعون بسفركم

[خشوف]

لاعادي تقدرين تدشين كل ددول اوربا الي يتعاملون بالشنغن

تروحين وتردين يالسلامه