من واقع تجربتكم مع درايش البيت

[ولد شرق]

يالاخوان
واصحاب الخبره
واللي بنوا

وين احسن و ارخص مكان يسوي درايش اليو بي في سي العازله للحراره والغبار

[الســـهم]

هلا اخوي ولد شرق ..

اعتقد ارخصهم معماري قطر في العزيزية ..

بالتوفيق ان شاء الله ..

[معماري قطري]

يالاخوان
واصحاب الخبره
واللي بنوا

وين احسن و ارخص مكان يسوي درايش اليو بي في سي العازله للحراره والغبار


إذا تبي يو بي في سي رخيص لتركبه ما يسوى، ما عندك الا للجوده شركتين شركة الإختيار الألماني وإختار صناعة المانية من عندهم ولا شركة قطر يو بي في سي، ولتاخذ للون الا الأبيض لأنه هو المقاوم واللي ما يتغير والمضمون،، وللداخل لو تبي يسون لك أي لون يعني من داخل غير ومن برا غير، وما كنت مقتنع به بس يوم شفته طلع صج روعه.

[بو راشد 1]

اخوي و خر عن شركة قطر يو بي في سي، بينقعونك لين الله ما يشوف لك، سويت معاهم 3 فلل، تاخير اشهر من تاريخ الاستلام، و على كثر الاتصالات و المراسلات ما عطوني الا السفاهه. كم مرة يواعدون ولا يلتزمون. اخرتها مديرهم قال انا مب فاضي لك، عندي مشاريع مجمعات لكبار الشخصيات.

[ريان]

والقطريه الكويتيه تاخير اكثر من شهرين

واخر شي يقول في اقرب فرصه متى؟؟ اقرب فرصه !!!

[فويرط]

اخوي و خر عن شركة قطر يو بي في سي، بينقعونك لين الله ما يشوف لك، سويت معاهم 3 فلل، تاخير اشهر من تاريخ الاستلام، و على كثر الاتصالات و المراسلات ما عطوني الا السفاهه. كم مرة يواعدون ولا يلتزمون. اخرتها مديرهم قال انا مب فاضي لك، عندي مشاريع مجمعات لكبار الشخصيات.

:nice: :nice: :nice: :nice: :nice: :nice: :nice:


انا نقعوني 3 شهور ويمكن أكثر ... ومعاناه معاهم

رحت الدوحة يو بي في سي ، سويت من عندهم أبواب ... قالولوي العقد شهر ،، وبعد أسبوع الا جايب الابواب ومركبهم

[منجرة الليوان]

السلام عليكم
الكثير من العملاء لدينا يمدحون شركة الإختيار الألماني ... يمكنك زيارتهم.
و بالتوفيق إن شاء الله

[السد]

احسن و ارخص

معادلة صعبة ارخص واحسن
عندك فقط شركة قطر لليو بي في سي

[معماري قطري]

انا حصلت عرض حق ملحق بسيط من الإختيار الألماني ونوعية ألمانية جيدة، وكنت مستعجل ووعدوني 6 أسابيع، وخليتهم ورحت قطر يو بي في سي لتجربتي السابقة معهم وجودة منتجهم فقالوا 8 أسابيع فرحت لشركة ناشئة ومعروفة حالياً تسوي صناعة تركية واتفقت معاهم على اسبوعين ووعدوني بدون مشاكل،، لكن تم التأخير ولدة 6 أسابيع، ووقت التركيب حبوا يركبون غلط ودخلت في مشاكل معاهم لولا معرفتي بصاحب الشركة ما كنت خلصت، والمشكلة الكبرى سعرهم أكثر من الألماني، فصراحة خذته درس اليو بي في سي مادة معقدة وفيها تداخلات عديدة، فعندكم الإطارات السوداء الربريه هذي بعضها صناعة ضعيفة وتهتري سرعة وتسرب هواء وصوت،، وعندكم الفراغ بين الزجاج بعضهم يخلونه هواء ولو تسئلهم شتعبونه يضحكون لعدم إلمامهم بتكنولوجيا الصناعة، والمفروض يتم حقنه بغاز الأرغون وهذي عملية تاخذ وقت لكل باب أو نافذة، وبحيث يكون حقن للأرغون وشفط للهواء بنفس الوقت، والهواء بروحه يسبب بخار يتكثف داخل ويوصل الحرارة والصوت أقوى وأسرع.

[شقران2]

انا حصلت عرض حق ملحق بسيط من الإختيار الألماني ونوعية ألمانية جيدة، وكنت مستعجل ووعدوني 6 أسابيع، وخليتهم ورحت قطر يو بي في سي لتجربتي السابقة معهم وجودة منتجهم فقالوا 8 أسابيع فرحت لشركة ناشئة ومعروفة حالياً تسوي صناعة تركية واتفقت معاهم على اسبوعين ووعدوني بدون مشاكل،، لكن تم التأخير ولدة 6 أسابيع، ووقت التركيب حبوا يركبون غلط ودخلت في مشاكل معاهم لولا معرفتي بصاحب الشركة ما كنت خلصت، والمشكلة الكبرى سعرهم أكثر من الألماني، فصراحة خذته درس اليو بي في سي مادة معقدة وفيها تداخلات عديدة، فعندكم الإطارات السوداء الربريه هذي بعضها صناعة ضعيفة وتهتري سرعة وتسرب هواء وصوت،، وعندكم الفراغ بين الزجاج بعضهم يخلونه هواء ولو تسئلهم شتعبونه يضحكون لعدم إلمامهم بتكنولوجيا الصناعة، والمفروض يتم حقنه بغاز الأرغون وهذي عملية تاخذ وقت لكل باب أو نافذة، وبحيث يكون حقن للأرغون وشفط للهواء بنفس الوقت، والهواء بروحه يسبب بخار يتكثف داخل ويوصل الحرارة والصوت أقوى وأسرع.



ممكن اتقول اسم الشركه عشان ما انتمشكل معاه

[بومحمد55]

انا حصلت عرض حق ملحق بسيط من الإختيار الألماني ونوعية ألمانية جيدة، وكنت مستعجل ووعدوني 6 أسابيع، وخليتهم ورحت قطر يو بي في سي لتجربتي السابقة معهم وجودة منتجهم فقالوا 8 أسابيع فرحت لشركة ناشئة ومعروفة حالياً تسوي صناعة تركية واتفقت معاهم على اسبوعين ووعدوني بدون مشاكل،، لكن تم التأخير ولدة 6 أسابيع، ووقت التركيب حبوا يركبون غلط ودخلت في مشاكل معاهم لولا معرفتي بصاحب الشركة ما كنت خلصت، والمشكلة الكبرى سعرهم أكثر من الألماني، فصراحة خذته درس اليو بي في سي مادة معقدة وفيها تداخلات عديدة، فعندكم الإطارات السوداء الربريه هذي بعضها صناعة ضعيفة وتهتري سرعة وتسرب هواء وصوت،، وعندكم الفراغ بين الزجاج بعضهم يخلونه هواء ولو تسئلهم شتعبونه يضحكون لعدم إلمامهم بتكنولوجيا الصناعة، والمفروض يتم حقنه بغاز الأرغون وهذي عملية تاخذ وقت لكل باب أو نافذة، وبحيث يكون حقن للأرغون وشفط للهواء بنفس الوقت، والهواء بروحه يسبب بخار يتكثف داخل ويوصل الحرارة والصوت أقوى وأسرع.
ياريت تعطينا اسم الشركة لأن أنا الحين في هالمرحله وقاعد أدور على شركة
تركب لي عشان ابتعد عنهم

[al asalah]

يالاخوان
واصحاب الخبره
واللي بنوا

وين احسن و ارخص مكان يسوي درايش اليو بي في سي العازله للحراره والغبار

احسن انك تروح الدوحة او الاختيار الالماني

[معماري قطري]

ياريت تعطينا اسم الشركة لأن أنا الحين في هالمرحله وقاعد أدور على شركة
تركب لي عشان ابتعد عنهم

صراحه ما احب اقول الا اذا الشركة كانت زينه

وكفاية ذكرت شركة قطر يو بي في سي كأفضل الشركات والإختيار الألماني ولتختار الا صناعة ألمانية وانت متطمن، أو حتى صناعة أُوروبية أُخرى، وللعلم فيه شركات تسوي لك شيء مخلوط .. يعني الربلات ممكن من أردى الأنواع تعيش معاك سنة وتنتهي صلاحيتها تهتري وتدخل غبار وصوت، وفيه شركات تركب لك مفصلات وتكنولوجيا قفل وفتح أرخص، وفيه شركات تركب لك حديد تدعيم داخل تغليف اليو بي في سي عادي ويصديء، وتقريباً كل الشركات تستخدم زجاج مصنع خليجياً وهذا معقول لكن المشكلة في النوعيات المتعددة وطريقة صناعة الحواف المانعة لدخول الهواء والسامحة بدرجة معينة لتنفس الفراغ المملوء بغاز الأرغون، ودائماً الصناعات ذي تحتاج وقت للإنتاج وضبط للجودة ولازم يحصل تأخير عند الشركات الجيدة لزيادة الطلب على منتجها أما الشركات اللي أي كلام بتوعدك بشيء وبتحصل شيء ثاني وبسعر غالي بعد، ولا تنسى تاخذ عينات مع العقد وتسئل عن كل تفصيلة ومكون للمنتج حتى تضمن الجودة وتتابع أثناء التركيب وما تغتش.

وبالتوفيق لك وللجميع.

[سيف مهند]

اخوي شيك الخاص ارسلي رقمك ويجيك المندوب لين عندك يقايس ويعطيك افضل الاسعار ان شاء الله

[خالد32]

صراحه ما احب اقول الا اذا الشركة كانت زينه

وكفاية ذكرت شركة قطر يو بي في سي كأفضل الشركات والإختيار الألماني ولتختار الا صناعة ألمانية وانت متطمن، أو حتى صناعة أُوروبية أُخرى، وللعلم فيه شركات تسوي لك شيء مخلوط .. يعني الربلات ممكن من أردى الأنواع تعيش معاك سنة وتنتهي صلاحيتها تهتري وتدخل غبار وصوت، وفيه شركات تركب لك مفصلات وتكنولوجيا قفل وفتح أرخص، وفيه شركات تركب لك حديد تدعيم داخل تغليف اليو بي في سي عادي ويصديء، وتقريباً كل الشركات تستخدم زجاج مصنع خليجياً وهذا معقول لكن المشكلة في النوعيات المتعددة وطريقة صناعة الحواف المانعة لدخول الهواء والسامحة بدرجة معينة لتنفس الفراغ المملوء بغاز الأرغون، ودائماً الصناعات ذي تحتاج وقت للإنتاج وضبط للجودة ولازم يحصل تأخير عند الشركات الجيدة لزيادة الطلب على منتجها أما الشركات اللي أي كلام بتوعدك بشيء وبتحصل شيء ثاني وبسعر غالي بعد، ولا تنسى تاخذ عينات مع العقد وتسئل عن كل تفصيلة ومكون للمنتج حتى تضمن الجودة وتتابع أثناء التركيب وما تغتش.

وبالتوفيق لك وللجميع.

كلمت افضل شركة في قطر - قطر يو بي في سي - و قالوا ان ما عندهم غاز بين الزجاج
ممكن توضح اي شركة تسوي هالشي؟

[doha2012]

,


عن تجربه , الاختيار الالماني ,


درايش وابواب مخارج ,


شغل ممتاز سعر ممتاز وموعد دقيق


تعاملهم راقي جدا مع العميل وسمعتهم زينه


اهل الفريق اللي عندنا اكثرهم مسويين من عنده ,


مكانه عند عيادة العلاج الطبيعي التابعه للجيش في العزيزيه ,












فعلا الدرايش العازله ممتازه ,












الله يوفقك ,












,

[معماري قطري]

كلمت افضل شركة في قطر - قطر يو بي في سي - و قالوا ان ما عندهم غاز بين الزجاج
ممكن توضح اي شركة تسوي هالشي؟


غريبة يا اخوي انا قبل مسوين لي .. واخوي توه مسوي من شركة ثانية وبعض الدرايش أستوت فيها رطوبة من داخل من التكييف بسبب تكثف بخار الماء اللي هو أصلا موجود في الهواء .. وانا للحين درايش بيتي وبيبانه الخارجيه لها قريب السبع سنين ما فيها مشكله والحمد لله ... ومن ايام على وقت ما كنت أسوي الملحق واحد ذكر لي بس مب متأكد من قطر يو بي في سي أو الإختيار الألماني عن غاز الأرغون وإن إحلاله في الفراغ ياخذ وقت وهذا اللي يخلي إنتاجهم يطول وغير عن ضغط الطلبات الكثيرة عندهم.

بكل بساطة سو بحث في الإنترنت لأن هذي المعلومة انا قبل لاسمعها من المصنعين كنت أعرفها وبعض الناس يتخيلون فراغ ومفرغ من الهواء وهذا مستحيل، لأن بكل بساطة القزاز بينطبق على بعض من قوة الضغط الجوي وبيتكسر، فلازم الفراغ ينملي بغاز معادل للضغط الجوي أو بكل بساطة بأرخص طريقة الهواء،، وإحتمال مصنعية قطر يو بي في سي نزلت الحين ما لك الا الاختيار الألماني حسب علمي وشوف الفرق عندهم بين الألماني درجة أُولى ودرجة ثانية وبين التركي.

[خالد32]

غريبة يا اخوي انا قبل مسوين لي .. واخوي توه مسوي من شركة ثانية وبعض الدرايش أستوت فيها رطوبة من داخل من التكييف بسبب تكثف بخار الماء اللي هو أصلا موجود في الهواء .. وانا للحين درايش بيتي وبيبانه الخارجيه لها قريب السبع سنين ما فيها مشكله والحمد لله ... ومن ايام على وقت ما كنت أسوي الملحق واحد ذكر لي بس مب متأكد من قطر يو بي في سي أو الإختيار الألماني عن غاز الأرغون وإن إحلاله في الفراغ ياخذ وقت وهذا اللي يخلي إنتاجهم يطول وغير عن ضغط الطلبات الكثيرة عندهم.

بكل بساطة سو بحث في الإنترنت لأن هذي المعلومة انا قبل لاسمعها من المصنعين كنت أعرفها وبعض الناس يتخيلون فراغ ومفرغ من الهواء وهذا مستحيل، لأن بكل بساطة القزاز بينطبق على بعض من قوة الضغط الجوي وبيتكسر، فلازم الفراغ ينملي بغاز معادل للضغط الجوي أو بكل بساطة بأرخص طريقة الهواء،، وإحتمال مصنعية قطر يو بي في سي نزلت الحين ما لك الا الاختيار الألماني حسب علمي وشوف الفرق عندهم بين الألماني درجة أُولى ودرجة ثانية وبين التركي.

مشكور على التوضيح
بس اضن ان الفراغ بين الزجاج هواء عادي (في قطر يمكن في اوربا غير)
الغاز يمنع البرد بس الشمس توصل للزجاج الداخلي بس بنسبة اكيد اقل و عزل الصوت جيد جداً

[معماري قطري]

كلمت افضل شركة في قطر - قطر يو بي في سي - و قالوا ان ما عندهم غاز بين الزجاج
ممكن توضح اي شركة تسوي هالشي؟

هلا أخ خالد متذكر سؤالك للحين وما نسيته ورديت عليه قبل بس ناسي صراحة أي شركة لكن متأكد ان قطر يو بي في سي يسونه وغريبه شلون قالوا ما يسوونه الظاهر البايع مفهي .. المهم اليوم وانا أقرأ مجلة معمارية حصلت إعلان لنوعية بزجاج معزول ثلاثي يعني 3 طبقات من الزجاج وبينهم غاز الأرغون، فحبيت أنقل الصورة لإطلاع القراء الأعزاء ومتأكد إن قطر يو بي في سي يحقنون غاز الأرغون في الفراغ، والشركات اللي ما تحقنه يتكثف البخار وتشوف نقط ماي في الفراغ.

وهذي النوعية من الزجاج فريمها خشبي من داخل ومن برا ألمنيوم ويعطي شكل وعزل كامل يتفوق على الحايط الطابوق العادي.

http://im26.gulfup.com/2012-07-14/1342220870371.bmp (http://www.gulfup.com/show/X11gm9t0l2xe88s)

وهذي صورة مكبرة للمواصفات المختصرة.

http://im30.gulfup.com/2012-07-14/1342221009141.bmp (http://www.gulfup.com/show/Xs3gp4kmjuvk8c)

[Chambray]

انا صراحة سويت المنيوم عند الشركة الحديثه للتجاره .. مجابل ملك الكباب ( عند العاصمه ) وشغلهم احترافي صراحة .. وعلى الموعد ..

وسويت الدرايش الكبيره عند الدوحة لليوبي في سي .. الصراحة شغلهم زين ،، لكن يبطون الجبد في التأخير . ويجون يركبون ومايكملون شغلهم وينسونك .. لين ماانت تتصل وتهاوشهم ويشتغلون شوي وينسونك
يعني مايريحون القلب في التعامل .. واعتقد بسبب كثره المشاريع عندهم .. لكن عطوني مهله بالعقد وانتهت المهله ولازال العمل لم ينتهي ..

بس بشكل عام شغلهم الي ركبوه لي حلو ..

[معماري قطري]

انا صراحة سويت المنيوم عند الشركة الحديثه للتجاره .. مجابل ملك الكباب ( عند العاصمه ) وشغلهم احترافي صراحة .. وعلى الموعد ..

وسويت الدرايش الكبيره عند الدوحة لليوبي في سي .. الصراحة شغلهم زين ،، لكن يبطون الجبد في التأخير . ويجون يركبون ومايكملون شغلهم وينسونك .. لين ماانت تتصل وتهاوشهم ويشتغلون شوي وينسونك
يعني مايريحون القلب في التعامل .. واعتقد بسبب كثره المشاريع عندهم .. لكن عطوني مهله بالعقد وانتهت المهله ولازال العمل لم ينتهي ..

بس بشكل عام شغلهم الي ركبوه لي حلو ..


الله يوفقك يا اخوي

هذي شركات لها شطحات ونطحات ولها غوصات وهبوطات وتصنع على البركة قصدت الدوحة يو بي في سي .. وما ودي والله أعيب فيهم بس الواقع ومن تجربة ومعاهم الكويتيه ومعاهم سيئة الذكر اللي سكرت من زمان الكورية نسيت اسمها ال جي أو باناسونك ... المهم يا اخوي عيب هذي الشركات أول شيء السعر وثاني شيء عدم الحرفية وثالث شيء التأخير الغير مبرر ورابع شيء رداءَة المواد والتركيب ... شفت بيت واحد مركبين له حتى الربلات مب مكتملة مركبين جزء ومخلين جزء،، وواحد إشتكى لي إنه خلال سنة الربلات تقطعت وما اخفيك علم ان اللي إشتكى واحد شريك في إدارة الشركة وإشتكى بعفوية مسكين يوم تناقشت معاه ودخلت في هذي التفاصيل.

بالنسبة لك إنتبه لهم والله يعينك إن شاء الله نتمنى إن يكون شغلك سووه وهم في قمة النطحة.