عضو المجلس البلدي النابت : توزيع 400 أرض بجوار نادي سيلية؟

[Mr. H]

كما كشف عن توزيع ٤٠٠ قسيمة أراض
أو أقل قليلا على المواطنين بجوار نادي
السيلية ، بالاضافة إلى تحويل الطريق الذي
يربط روضة راشد بالشحانية بأبوسمرة
إلى مسارين مع الإنارة لان هذا الطريق
وقعت عليه حوادث كثيرة بسبب الضغط
والشاحنات ، بالاضافة إلى تحويل الطريق
المشترك بين أبوهامو ومسيعيد إلى
مسارين مع الأنارة .


المصدر : جريدة الراية

اول مرة أدرى ان فيه مخطط حي بجوار نادي السيلية ؟ الي اعرفه أقرب مخطط سكني هو السيلية الجديدة شمال أبو نخلة و بجانبها السيلية العسكرية

افيدونا ؟ هل هذه منطقة جديدة تحت الانشاء ؟

[غريب الداّر]

والله هذا خبر حلوو

وبشاره للي على قائمه الانتظار لاستلام اراضيهم

وفعلا هالمنطقه فيها بيوت منشأه وعلى حسب كلامك تقصد المنطقه المجاوره لنادي السيليه الجديد

[م. عبدالعزيز]

شخبار الخدمات هناك؟ متوفره ؟؟

[Mr. H]

^^^

أصلا مافيه مخطط و خرايط عشان يكون فيه خدمات , السؤال هو , هل هناك منطقة جديدة سيتم الإعلان عنها بجانب نادي السيلية ؟

مع العلم أن منطقة نادي السيلية بر فاضية لا يوجد بجانبها الا مجمع سكني صغير للاجانب

[Mo7mmad]

^^^

أصلا مافيه مخطط و خرايط عشان يكون فيه خدمات , السؤال هو , هل هناك منطقة جديدة سيتم الإعلان عنها بجانب نادي السيلية ؟

مع العلم أن منطقة نادي السيلية بر فاضية لا يوجد بجانبها الا مجمع سكني صغير للاجانب

هذا المخطط الجديد توه نازل الاسبوع الماضي

ولاكن كشوفات الاسماء بطئية جدا كل اسبوع ينزلون 50 اسم

[ذياب]

هو يقصد خط روضه راشد انهم بيغيرونه

الي مسارين رايحه ومسارين راده

وهذا النص

بالاضافة إلى تحويل الطريق الذي
يربط روضة راشد بالشحانية بأبوسمرة
إلى مسارين مع الإنارة

[Mr. H]

هذا المخطط الجديد توه نازل الاسبوع الماضي

ولاكن كشوفات الاسماء بطئية جدا كل اسبوع ينزلون 50 اسم


فيه معلومات عن هذا المخطط او الاسماء ؟

[Mr. H]

هو يقصد خط روضه راشد انهم بيغيرونه

الي مسارين رايحه ومسارين راده

وهذا النص


موضوع روضة راشد موضوع ثاني , الرجال يتكلم عن مخطط جديد مكون من 400 قسيمة و في نفس الوقت مشروع اخر لتعديل خط روضة راشد .. مالهم دخل في بعض

[غير عنهم]

هذا الخبر ندري عنه من زمان اهم شي البنية التحتيه في منطقة المعراض وبالحيران من صرف صحي وطرق لانه معى الكثافة السكانيه تفتقد الخدمات نتمنى منك يالنابت المتابعه نتمنى ان يكون لها نصيب مثل المناطق الاخرى

[R 7 A L]

انا قالوا لي اني من ضمن هالقائمة في هذه المساحة
بس للحين ما كلموني

بالنسبة للبنيه التحتيه
للحين شجر السمر موجود في المعراض وبالحيران !!!

[q6r2009]

واللي سمعناه ان مساحة الاراضي من ٩٠٠ الى ١٠٠٠ صدق هالخبر؟
اذا صدق الله يكون في عونهم الواحد يبي يتوسع

[Mr. H]

يالربع , فيه شي ابي انبهكم عليه


الي يقول المعراض و أبا الحيران ما أظن ان كلامه صح و لا انه فهم الموضوع , المعراض و ابا الحيران هذي مناطق تجي من ورا السيلية الشمالية أو الي يسمونها سيلية الجحيش ,,, لكن المنطقة المذكورة في الموضوع يقولون أنها بجانب نادي السيلية الرياضي


نادي السيلية الرياضي وينه و وين المعراض و الي وراه ؟

اتوقع و الله اعلم انها منطقة جديدة بأسم جديد , يعني مخطط حي سكني جديد ولا وش رايكم

ياليت لو عنده عنده معلومات من ادارة التخطيط العمراني يفيدينا

[سلمان_1]

الله اعلم انهاا منطقة معيزيلة

[مرحوم قطر]

خاطري اعرف شي يالربع خارج عن موضوع السيليه


بخصوص قائمة الانتضار كم العدد الي وصلة له القائمه ؟.؟

وبخصوص توزيع الاراضي هل لحد الحين في ناس تاخذ ارض و قرض و ناس بس تاخذ قرض

ولا خلاص هلموضوع انلغه ؟.؟

واذا كان لحد الحين موجود هل في حل ممكن يتصرف فيه الشخص عشان يحصل ارض ؟.؟


اتمنى من الشباب ما يبخلون علينه و يفيدونه بالي يقدرون عليه