ياناس شنو الحل مع كيوتل !

[ابوالمديونين]

السلام عليكم و رحمة الله و بركاته

من كم يوم شاركت في المنتدى بعنوان كيوتل وما ادراك ما كيوتل

و قارنت بين اسعار فودافون مصر و اسعار كيوتل في المنتدى ، انا مشترك في النظام الشهري وكان رصيدي 2400 دقيقة اتصلت لهم من مصر و حولت الدقائق الى استقبال دولي مقابل مئة ريال شهريا بعد ماتم دفع الفواتير المتأخرة كامل (يعني ما يطالبوني اي شي )

ومن بعدها كنت استقبل فقط المفروض انها تخصم من الدقائق الموجودة
صحيح استخدمت خط كيوتل لاوقات محدودة و بسيطة جدا
حاولت افتح شبكة الانترنت على الخط القطري و توصل رساله لايمكن فتح الخط التجوال يعني بالعربي (ما استخدمت شبكة كيوتل ) الا لما اكون بالفندق او في الشقة بوجود شبكة الواي فاي
ولا يوجد لدي بلاك بيري

ولو رحت موقع لا يوجد واي فاي لا يمكن فتح خط كيوتل ابدا

تفاجئت اليوم بأن الخط القطري مقطوع وجتني رسالة بأن علي فاتورة بمبلغ
17782 :eek5:

بعد الاتصال لكيوتل للتأكد من الفاتورة
قالت لي الموظفة علي فاتورة بمبلغ 1600
كلمتها عن المبلغ الكبير وبعد انتظار قالت التقرير الموجود لديها
يوضح بأن علي مبلغ 17782 استخدام أنترنت

ويجب علي مراجعة او الاتصال للشؤون القانونية


اخواني و خواتي الاعزاء لدي عدة ملاحظات

1 - تلفوني القطري من نوع ايفون و عندي خبر بأن استخدام النت تجوال دولي غالي جدا وحاولت ان استخدمة ولكن تطلع لي ملاحظة لايمكنك فتح سفاري لعدم وجود شبكة وكان الخط القطري للأستقبال فقط وما اتصل منه الا نادر جدا بالأضافة لدي جهاز ايباد اشتراك انترنت بشبكة فودافون مصر و استخدمه معضم الوقت .

2 - لدي في الشقة انترنت واي فاي و استخدمه معضم الوقت .

السؤال كيف وصلت فاتورة الاتصال الى مبلغ 1600
المفروض انها تخصم من الدقائق المجانية

ثانيا / كيف وصلت فاتورة انترنت مبلغ 17782 مبلغ كبير وأنا متأكد انني لم استخدم الانترنت من الخط القطري بمعرفتي بأنه غالي جدا وبوجد الواي فاي بشقتي

تلفوني مقطوع وانا في مصر الان واخاف يقطعون باقي الخطوط
ما الحل برأيكم !؟

ملاحظة : ليكون الاخوان في كيوتل يعاقبون الشخص الذي يقوم بالشكوى عليهم من خلال مشاركته في المنتدى

شنو رأي المختصين في المنتدى

و السموحه على الاطالة بس مقهور :(

و السلام عليكم

[رجل الجزيرة]

الله يعينك فيه واحد من الأعضاء بيفيدك، بس على ما أظن إنه من زمان ما دخل، الصراحة تهديد عيني عينك.

[fhd4]

الله يعينك …

ترى للعلم … هذا المبلغ تكلفة استخدام ٣٢٣ ميجابايت فقط …

مشكلة كيوتل ماعندهم باقات للانترنت الدولي …

[mohamedsolyy]

أنا حولت الخط هلا واشحن من طريق النت بعد ما كنت ادفع الفاتورة ١٠٠٠ اشحن ب ٣٠٠ وتعرف تصيدهم قبل صارت معي تجوال مع الخط شهري ٥ ايام ٣٠٠٠ بعدها تجوال مع هلا ٣ ايام كان كرت ١٠٠ ريال

[Adhoc]

ابو المديونين... الله يعينك ويفك دينك:):)
اخوي اتصل فيهم على +97444380000 اذا كنت خارج قطر او ارسل لهم إيميل على customer.service@qtel.com.qa هذا اللي لقيته على موقعهم.
وربك كريم. :telephone::telephone::telephone: حاول لحد ما يردون عليك

[Rashid554]

اخوي يمكن انت مشغل النت وانت ماتدري ترى تصير وايد
المفروض تسكر شبكة الانترنت من الاعدادات

[ابوالمديونين]

السلام عليكم شكرا اخواني على المداخلة ،اخوي ابن
الجزيره ممكن توضح لي لطفا اخرفقره من مداخلنك

[ابوالمديونين]

اخوي يمكن انت مشغل النت وانت ماتدري ترى تصير وايد
المفروض تسكر شبكة الانترنت من الاعدادات

شكرا اخوي راشد حاولت اشغل شبكة التجوال من الاعدادات ولم تتم العملية اتصلت بكيو تل ونصني الموظف بعدم الاستغدام للتكلفة العاليه ونست الموضوم ولم استمخدم الشبكة خاصة وفدحصلت نفس المشلة مع البي بي ودفعت حوالي 5000 ريال في خمسه ايام قبل كم شهر

[ابوالمديونين]

ابو المديونين... الله يعينك ويفك دينك:):)
اخوي اتصل فيهم على +97444380000 اذا كنت خارج قطر او ارسل لهم إيميل على customer.service@qtel.com.qa هذا اللي لقيته على موقعهم.
وربك كريم. :telephone::telephone::telephone: حاول لحد ما يردون عليك

الله يعيت الجميع وجزاك الله الف خير

[ابوالمديونين]

الله يعينك …

ترى للعلم … هذا المبلغ تكلفة استخدام 323 ميجابايت فقط …

مشكلة كيوتل ماعندهم باقات للانترنت الدولي …

الله يعين الجميع وجزاك الله الف خير بس اخوي انا متاكد باانني لم استدم الشبكة لوجود بدائل اخرى

[بوخالد911]

أفضل وأأمن طريقة

لما تسافر بررع

اشتر لك كرت الدولة اللي انت فيها


ولا عليكم من خرابيط كيوتل ولا فودافون

[بوسلمان 2010]

الله يعينك. لا بتاخذ. حق ولا باطل. وآخر شي. بتدفع. الفاتورة.

[مساهم فنان]

الظاهر عندهم خلل في السيستم كنت من حوالي 3 أسابيع مسافر لندن والموبايل يستقبل مكالمات فقط ... لأول مرة يسكرون جوالي والله انقهرت ، قلت بخليه لين أرد الدوحة لكن واحد من الربع من مكينة كيوتل دفع المستحق لكن ما افتحوا الخط ،، دفعت بعدها المبلغ عن طريق النت وما انفتح ، الله يهداه الرفيج راح كيوتل فقالوا بعد عليه 3700ريال والا ما نفجه المهم فچه ... والله يستر ولكن صرت أفكر يمكن حد ساحب خطي ويكلم لأن المبلغ اللي اندفع عن التلفون أكثر من 7000 ريال ... بس بصراحة ماراجعت كيوتل لأنهم مايسون شي.

[CH Engineer]

المشكله تقولهم ليش ماكلمتوني يوم اوصلت الفاتوره 1000 ريال
يعني مب معقوله واحد يستخدم الانترنت ب16 الف ريال
يقولك لا الفاتوره يبيلها ايام تتحمل
طبعا مايبيلها ولاشي العداد يحسب عليك من وقته بس هم مايبون ينبهونك ومادري ليش حاطين اللمت اب؟؟
بعكس فودافون تشيك ع الرصيد يطلع كم استخدمت ميجا بايت بنفس الوقت

[بصمة قطرية]

ما قالوا لك عليك متبقيات ..!!
غريبة ..!!
ذابحينا بالمتبقيات اللي مادري من وين تطلع ..!!

ما عدت اثق فيهم من بعد سالفة البلاك بيري ..
حولته فودافون وارتحت ..

وقت السفر افضل شي أخوي خذ لك كرت من الدولة اللي انت فيها ..
و ريح بالك ..

[H B A]

الله يعينك ياخوي .. انا صارت لي نفس الحركه
بس الحمدالله جات سليمه .. 1500 ريال هههههههههه مع ان في بريطانيا ولمده 10 او 15 يوم

أساسا ماكنت استعمل الجدول لا اتصال ولا استقبال .. ولا حتى مسج !!
اللهم اشوف المسجات اللي توصلني والمكالمات المس كول

يوم كلمتهم قالو عندك استعمال نت

اخرتها اكتشفت ان جهازي كان يشبك على النت كل كم ساعه بنفسه .. على أساس يحدث الساعه

[ابوالمديونين]

السلام عليكم وصبحكم الله بالخير يا اخوان والله العظيم اني انواصل معاكم عن طريق الاي باد
عن طريق فودافون مص بمبلغ 100 جنيه وصارلي حوالي شهراستخدمه ولم يخلص بعد كيوتل تقول ان علي حوالي 18000 الف ريال استخدام انترنت يااخواني انا عمري 51عام وجامعي بدون فخرولااحب استخدام تلفوني الا فون لااني لاشوف حروفه الابصعوبه؟ كيف توصل الفاتوره لهاذا المبلغ بالاضافة كيوتل معطيتني لمه 5000 ريال كيف تطلب مني حوالي 18000 ريال الان تلفوني مقطوع ولمن اتصلت قالو اتصل بالاشؤن القانونيه ،ادري بالاخير بقولولك ادفع ولا رفعنا عليك قضية وفيه مثل عربي يقول اذا غريمك القاظي من تشارع يعني خسران خسران

[ابوالمديونين]

يااخواني وخواتي في المنتدى احد يعمل بكيوتل ويقول لنا ممكن تحدث اخطاء والله العظيم اني اعرب شخص ثقه من سنين طويلة وله قريب في كيوتل يعمل بالحسابات ويقول له انه بعد مراجعات الحسابات والفواتير تطلع عندهم زيادات بالملايين ولايدرون كيف زادت؟ بس هي زادت مني ومنك ياعميل كيوتل .اًباح بالمليارات ماشاء الله من قبل المواطنيين والمقيمين الله اما لاحسد

[ابوالكلام]

مع كيوتل حقك ضايع وبيشتكون عليك ايذا ما دفعت وبتدفع انا مارتحت الا يوم حولت فودافون

[bohilal191]

الله يعينك ياخوي وبتدفع كأن العيد وانا مستغرب بس اكيد في خلل في جهازك انا سافرت سنغافوره وخذت معاي الايفون وفيه كرت كيوتل والسبب لأن الكرت صغير ومابيركب على جهازي ثاني المهم قمت بإغلاق التجوال الدولي وحولت الجهاز على المسج واحتجت مره حق النت وشغلت التجوال وسكرته مره ثانية واستخدم الوايرلس وبما اني من النوع اللي له طولة بال حتى وانا مسافر ادخل على eqtel وشيك معاهم اول بأول وانا اقول لك ان في خلل في جهازك

[alma3ani]

الله يعينك الصراحه

انا حولت كرتي لهلا وفكيت روحي وبعد حركت البلاك بري هديتهم ورحت فودافون

الصراحه بوق عيني عينك ولا حد يحاسبهم ولا نت اب 16 الف ريال ميانين هم

انا رفيجي من فتره كان دافع فاتورته وبعدها ابيوم راح لندن فتح تلفونه بس بلمطار علشان بقولي انه وصل

ودز مسج وكلم اهله يعني مكالمتين مايون دقيقه ومسجين وصكر التلفون وصل الدوحه فاتورته 1600 ريال
مع ان اللمت 600 ريال وهو امصكر تلفون وكان توه امسددالي عليه يعني ابهلوضع انت شتقول

احسهم يراقبون الناس من يسافر حد ابلشوه ابفاتوره قوية

نصيحتي سوان كيوتل لا فودافون حلو على البطاقات المسبقة الدفع مثل خط هلا وخط رد

ومن توصل اي ديره خذ كرت البلد وفك روحك منهم والله ابترتاح

[mariamaziz]

يعني بصرااحة شي يرفع الضغط يا كيوتل

وصلنا 2012 و النت فالتجوال غااااااااالي ... شدعوه يا كيوتل ترى النت نحصله فالشارع ببلاش ..

أنا انصدمت من الفاتورة شنو 17 ألف و شي شدعووةه ... ع الأقل يطرشون مسج للعميل قبل لا يصدمونه بالمبلغ ..

و الأخس من جذيه يعني مب من زين خدمات النت عبر التجوال أصلا عشان تكون غالية هالشكل ,,

بعدين ليش انت ما تحط ليميت حق فاتورتك ؟؟ يعني خلها لين وصلت مثلا 1500 ريال ينقطع ... ترى الفاتورة المفتوحة و باقات الشهري كلها كلام فاضي و فيها مجال للنصب و الخداع أكثر من تحديد الفاتورة .

حسبي الله و نعم الوكيل

[ابوالمديونين]

الله يعينك ياخوي وبتدفع كأن العيد وانا مستغرب بس اكيد في خلل في جهازك انا سافرت سنغافوره وخذت معاي الايفون وفيه كرت كيوتل والسبب لأن الكرت صغير ومابيركب على جهازي ثاني المهم قمت بإغلاق التجوال الدولي وحولت الجهاز على المسج واحتجت مره حق النت وشغلت التجوال وسكرته مره ثانية واستخدم الوايرلس وبما اني من النوع اللي له طولة بال حتى وانا مسافر ادخل على eqtel وشيك معاهم اول بأول وانا اقول لك ان في خلل في جهازك

شكرا على التعقيب الجهاز الي معي حاولت اشغله على شبكه كيوتل من مصر لم يفتح معي الا بوجود شبكه
wi fi المصريه وانا لم استخدمه يا اخي ممكن كيوتل تسجل الفاتوره عليك وين ما كنت والا كيف تفسر لي ارباح كيوتل بلمليا رات

[تاجر كشخة]

تبا لهم اكره هالشركه على العموم اخر الشهر بلغي الاشترك الشهري الخايس حقهم

[حفيد الأنصار]

الله يعينك

[هامور خرطي]

شوف اذا ايفون لازم تسكر البيانات الخلوية ، لأنك لو مخليها شغاله راح تسحب بيانات حتى لو مافتحت شي وانت بدون ماتدري الخرائط والطقس والفيس بوك والبرامج ترسل بياناتها والاي كلاود بعد وغيرها .
اطلب تفاصيل المكالمات والبيانات ، على العموم كيوتل راح تقول لك التفاصيل هذه من المشغل في الدولة واحنا مالنا علاقة بتفاصيلها وانت طلبت خدمة التجوال ووافقت على شروطها و و و و الخ
الله يعينك يا خوي ، بيقسطون لك

[ابوالمديونين]

شوف اذا ايفون لازم تسكر البيانات الخلوية ، لأنك لو مخليها شغاله راح تسحب بيانات حتى لو مافتحت شي وانت بدون ماتدري الخرائط والطقس والفيس بوك والبرامج ترسل بياناتها والاي كلاود بعد وغيرها .
اطلب تفاصيل المكالمات والبيانات ، على العموم كيوتل راح تقول لك التفاصيل هذه من المشغل في الدولة واحنا مالنا علاقة بتفاصيلها وانت طلبت خدمة التجوال ووافقت على شروطها و و و و الخ
الله يعينك يا خوي ، بيقسطون لك

السلام عليكم يا هامور صح وانت صح مش خرطي بس اقو لك انا ما استخدمت خط كيوتل يا اخي في مص 100 جنيه والنت مفتوح على طول وبعدين يا اخي حوالي30000 الف جنيه في كم ساعه استخدام هذا لو استخدمثه لاكن صدقني ما استخدمته الا اذا كان الثلفون بيخوني وعضو في كيوتل والسلام وفي الاخير بدفع

[CH Engineer]

ماينفع الكلام بالمنتدى روح لهم اهناك وادخل ع المدير
واطلب منه التفاصيل
شوف كل ميجابايت بشنو انصرف (18 الف مب شوي)
واذا على كلامك فتحت النت عن طريق الوايرلس لاتدفع لهم ولا ريال
واذا تلفونك حمل البيانات تحمل التكاليف وخلهم يقسطون لك
هم مسوين هالنظام يتصيدون للعالم وهم مسافرين (تحديث بيانات الجوال ب18 الف؟؟؟؟)
واهم شي تقتنع ان كيوتل مامنها فايده كنسل خطك وكلم هلك وربعك يكنسلون خط كيوتل
الله يعينك

[ll vip ll]

نفس سالفه البلاك بيري اللي من كم يوم
الله يعينك اخوي على كيوتل عندهم النصب عيني عينك
ما راح تاخذ منهم لا حق ولا باطل
روح اشتك في فرع السد قسم الشؤون القانونية على مااعتقد والله يعينك

[MAZEN37]

الغلطه مع كيوتل بالف
يستغلون الناس بطرق مختلفه ويتصيدوهم
مثل باقة ال300 قالوا عرض عليه البلاك بري بلاش بدون رسوم
ويوم اشتركوا الناس طاحوا فيهم افلام
وبالنسبه للموضوع الله يعنك صر احه شيء مؤلم