الوان
08-06-2012, 07:08 AM
بسم الله و الحمد لله و الصلاة و السلام على رسول الله
*
من فتره و انا حابه اني اتعلم لغه ثانيه غير الانجليزي
فحبيت اني اتعلم تركي و فعلا حاولت و قدرت اني اتعلم شوي بنفسي
بس العلم من غير معلم صعب و المعلم يسهل المشوار
كلمت المعاهد الموجودة بس ما حصلت صفوف لتعليم اللغة التركيه
و نسيت الموضوع
بعد فتره و انا في الجمعية صادف اني شفت مجموعة اجانب شكلهم اتراك
البنت اللي معاهم تمشي و تتبسم .. قلت فرصه شكلها تركيه لأن ملامحها مثلهم
استوقفتها و سلمت عليها .. سألتها اذا كانت تركيه .. و لكن للأسف طلعت اسبانيه
بس يله مب مشكله .. تركي .. اسباني .. المهم لغة !!!
و التقينا كم مره بعدها و تعلمت منها شوي اسباني و هي تعلمت شوي عربي
و كان هذا الاتفاق بينا ان نتبادل اللغات
بس مع اللغات تبادلنا اشياء كثيره .. ثقافات .. مباديء... وايد اشياء
هي استانست و حبت قطر .. و انا لما بحثت عن مسقط رأسها في النت بهرت و سحرت بها
هي من برشلونه اللي هي تابعه حق مقاطعة كاتالونيا
الشي العجيب في هالبنت
انها مب مسيحية .. ولا يهودية .. ولا مسلمه طبعا .. ولا ملحده
هي تقول انها و كثير من الشباب في بلادها
تركوا الديانه المسيحية
بس مؤمنين بقوه عظمى تحكم هذا الكون
و حابه كثير انها تتعرف على الاسلام .. و تقول انها ترتاح لما تسمع الاذان
اكثر شي يستهويها من كلامنا الحديث عن الاسلام
انا ما اشتغل في الدعوة لأنها مش من اختصاصي
و اخاف اني انفر اللي قدامي من الاسلام .. فاتحفظ في الكلام عن الاسلام مع الاجانب
هالبنت قالت انها تتمنى ان تشوف مسجد من داخل ..
وحده من اهل الخير دلتني على فنار .. و قالت لي انهم يعملون شي اسمه mosque tour
يعني جوله على المساجد .. كلمتهم و هناك اخ فاضل اسمه آدم ما قصر
راحت صديقتي الاسبانيه هي و صاحبها و فعلا استمتعوا
مره كنا طالعين انا وياها .. و لما كان وقت الصلاه دخلت معاي المصلى
و قعدت تراقبنا و احنا نصلي .. و بعد الصلاه سألتني عن الكلام اللي اقوله في الصلاه
احسها تبي تسلم .. و منشرح صدرها للاسلام
المشكله هي الحين توظفت .. و ما عندها وقت ان نلتقي ..
ادعوا لها بالهداية و اعتناق الاسلام ..
و اللي عجبت منه و حسيت ان الله رايد لي ان اشتغل في مجال الدعوه
ان التقيت من فتره في كارفور الجديد وحده امريكية .. عكس الاسبانية
هذي الامريكية كبيره و ام عيال .. اول شي ابتسمت لي
بعدين التفتت و كلمتني .. قالت لي شقد هي سعيده ان كارفور فتح في هالمنطقه
و سولفنا شوي .. انا قلت هذي فرصه .. قلت لها ان انا مع وحده اسبانية نجتمع
نتعلم لغات و نتبادل الثقافات .. ما جبت لها سيره عن الاسلام
الامريكية حبت الموضوع .. و تبادلنا الارقام .. و حبت ان تشاركنا
فرحت انا وايد .. بس حاليا الامريكية راحت اجازه بلادها
و الاسبانية مشغوله بوظيفتها ..
انا حبيت الموضوع .. تعلم لغات و في نفس الوقت الدعوه للاسلام
المشكله ان انا و الاسبانية كنا نلتقي في اماكن عامه ..
و كان هالشي صعب مع عيالي كلنا نروح و اشوف لهم مكان العاب و نقعد انا و الاسبانية نسولف
و ما ابي اعزمهم في بيتي .. احس اني احتاج مكان .. و ابي اسوي الموضوع رسمي
يعني مركز ثقافي دعوي غير ربحي .. بس ما اعرف شلون .. و ما عندي مكان
ولا القدره على استئجار مكان .. افيدوني بجهة حكومية ممكن تساعدني غير الاوقاف
و الاجانب في بلادنا يتزايدون .. و ثرى هم مب متوحشين .. بالعكس لو حد يكلف نفسه
ان يكلمهم و يدعوهم للاسلام باسلوب حلو يتقبلون..
اعرف وحده بريطانية مسلمه .. اسلمت بعد فتره من يوم جات الدوحه
تقول انها فتره كانت عايشه في الدوحه .. ليش محد من المسلمين كلف على نفسه ان يقول لها
عن الاسلام .. مع ان عندنا فنار و عندنا المركز التابع حق عيد الخيرية
بس يمكن الدعوه تحتاج مجهود اكبر من المبذول حاليا .. مادري
دعواتكم .. و الله المستعان
*
من فتره و انا حابه اني اتعلم لغه ثانيه غير الانجليزي
فحبيت اني اتعلم تركي و فعلا حاولت و قدرت اني اتعلم شوي بنفسي
بس العلم من غير معلم صعب و المعلم يسهل المشوار
كلمت المعاهد الموجودة بس ما حصلت صفوف لتعليم اللغة التركيه
و نسيت الموضوع
بعد فتره و انا في الجمعية صادف اني شفت مجموعة اجانب شكلهم اتراك
البنت اللي معاهم تمشي و تتبسم .. قلت فرصه شكلها تركيه لأن ملامحها مثلهم
استوقفتها و سلمت عليها .. سألتها اذا كانت تركيه .. و لكن للأسف طلعت اسبانيه
بس يله مب مشكله .. تركي .. اسباني .. المهم لغة !!!
و التقينا كم مره بعدها و تعلمت منها شوي اسباني و هي تعلمت شوي عربي
و كان هذا الاتفاق بينا ان نتبادل اللغات
بس مع اللغات تبادلنا اشياء كثيره .. ثقافات .. مباديء... وايد اشياء
هي استانست و حبت قطر .. و انا لما بحثت عن مسقط رأسها في النت بهرت و سحرت بها
هي من برشلونه اللي هي تابعه حق مقاطعة كاتالونيا
الشي العجيب في هالبنت
انها مب مسيحية .. ولا يهودية .. ولا مسلمه طبعا .. ولا ملحده
هي تقول انها و كثير من الشباب في بلادها
تركوا الديانه المسيحية
بس مؤمنين بقوه عظمى تحكم هذا الكون
و حابه كثير انها تتعرف على الاسلام .. و تقول انها ترتاح لما تسمع الاذان
اكثر شي يستهويها من كلامنا الحديث عن الاسلام
انا ما اشتغل في الدعوة لأنها مش من اختصاصي
و اخاف اني انفر اللي قدامي من الاسلام .. فاتحفظ في الكلام عن الاسلام مع الاجانب
هالبنت قالت انها تتمنى ان تشوف مسجد من داخل ..
وحده من اهل الخير دلتني على فنار .. و قالت لي انهم يعملون شي اسمه mosque tour
يعني جوله على المساجد .. كلمتهم و هناك اخ فاضل اسمه آدم ما قصر
راحت صديقتي الاسبانيه هي و صاحبها و فعلا استمتعوا
مره كنا طالعين انا وياها .. و لما كان وقت الصلاه دخلت معاي المصلى
و قعدت تراقبنا و احنا نصلي .. و بعد الصلاه سألتني عن الكلام اللي اقوله في الصلاه
احسها تبي تسلم .. و منشرح صدرها للاسلام
المشكله هي الحين توظفت .. و ما عندها وقت ان نلتقي ..
ادعوا لها بالهداية و اعتناق الاسلام ..
و اللي عجبت منه و حسيت ان الله رايد لي ان اشتغل في مجال الدعوه
ان التقيت من فتره في كارفور الجديد وحده امريكية .. عكس الاسبانية
هذي الامريكية كبيره و ام عيال .. اول شي ابتسمت لي
بعدين التفتت و كلمتني .. قالت لي شقد هي سعيده ان كارفور فتح في هالمنطقه
و سولفنا شوي .. انا قلت هذي فرصه .. قلت لها ان انا مع وحده اسبانية نجتمع
نتعلم لغات و نتبادل الثقافات .. ما جبت لها سيره عن الاسلام
الامريكية حبت الموضوع .. و تبادلنا الارقام .. و حبت ان تشاركنا
فرحت انا وايد .. بس حاليا الامريكية راحت اجازه بلادها
و الاسبانية مشغوله بوظيفتها ..
انا حبيت الموضوع .. تعلم لغات و في نفس الوقت الدعوه للاسلام
المشكله ان انا و الاسبانية كنا نلتقي في اماكن عامه ..
و كان هالشي صعب مع عيالي كلنا نروح و اشوف لهم مكان العاب و نقعد انا و الاسبانية نسولف
و ما ابي اعزمهم في بيتي .. احس اني احتاج مكان .. و ابي اسوي الموضوع رسمي
يعني مركز ثقافي دعوي غير ربحي .. بس ما اعرف شلون .. و ما عندي مكان
ولا القدره على استئجار مكان .. افيدوني بجهة حكومية ممكن تساعدني غير الاوقاف
و الاجانب في بلادنا يتزايدون .. و ثرى هم مب متوحشين .. بالعكس لو حد يكلف نفسه
ان يكلمهم و يدعوهم للاسلام باسلوب حلو يتقبلون..
اعرف وحده بريطانية مسلمه .. اسلمت بعد فتره من يوم جات الدوحه
تقول انها فتره كانت عايشه في الدوحه .. ليش محد من المسلمين كلف على نفسه ان يقول لها
عن الاسلام .. مع ان عندنا فنار و عندنا المركز التابع حق عيد الخيرية
بس يمكن الدعوه تحتاج مجهود اكبر من المبذول حاليا .. مادري
دعواتكم .. و الله المستعان