وداعا كيوتل ...... وأهلا فودا فون .... ولا العكس صحيح

[المعنى88]

خبر الأمس مفرح القلوب وشايل الهموم من مر السنين .... من كيوتل طبعا بالنسبة لي
خلاص ماعدفي احتكار للرقم الخاص للمشترك من كيوتل وتنتهي سالفة الرسوم الزايدة وتقدر تحوله على فودا فون هذا اللي فهمته ..... ان كيوتل في اعتقادي اضربت ضربتها من فترة بسيطة بمبالغ غير قانونية
بسبب دراستها للي راح يصير فيها تحويل للمشتركين الى فودا فون وأكيد الرابح الاكبر فودا فون من التحويل في العملاء وبدت فعلا بإعلان عدد العملاء بأكثر من 800 الف مشترك
وراح تعمل فواتير للمشتركين ..... ننتظر رأي منكم هل في فائدة منهم .

[ابوالكلام]

انا والله انتظر هذا آليوم عندي رقم كيوتل ابي أحوله فودافون وافتك

[kuwari]

ما في احلى من فودافون

[الملا]

جربت الاثنين

يبقى كيوتل الافضل

[الأغر]

لكل بضاعه شراي وسوق :)

[..er..]

كل وحده اخس من الثانيه

[مضارب دوسري]

انا اشوف ان عملاء فودا هم الل بيحولون على كيوتل
حسب اللي شفته من ردة فعل ربعي عالقرار
انا ماجربت فودا ولا ابي اجرب لان مميزات فودا فقط داخ الدوحه اما برى الدوحه الشبكه الله بالخير
بانتظار دخول شركة اتصالات الاماراتيه على السوق :)
او شركة زين

[البدع]

اغلب الي أعرفهم غير مرتاحين من فودافون

والسبب الشبكة السيئة

الشباب يدورون الجودة ومايدور الرخص

[الدوحة قطر]

بالنسبة لي اتعامل مع الشبكتين كيوتول وفودا

وبصراحة اشوف كل شبكة فيها مميزات وسلبيات

فعلى هل اساس راح اتم على وضعي الحالي وبخلي عندي الشبكتين عشان استفيد من مميزات كل وحدة فيهم

[MAZEN37]

الي فودافون من غير رجعه واتمنى من كيوتل احترام العملاء
صحيح شبكة كيوتل افضل لكن لا للاستغلال يا كيوتل

[Galbi]

كل وحده اردى من الثانية

لكن تظل (كيوتل) الأفضل والأقوى

فأكييييد بحول رقمي الفودافون الى كيوتل

[BuFaisal]

جربت الاثنين

يبقى كيوتل الافضل

وانا نفس الشئ

[وحيد-الشوق]

اشوفه شيء عادي بعدين كيوتل وفوادفون الاثنين اخس من بعض

[مساهم غشيم]

الا اقول حي فودافون على الاقل ما يسرقون مثل كيوتل المشكله يسرقون بطرق خبيثه يا جماعه قطعت تلفون قبل 3 اشهر وتفاجت انه على الخدمه وعليه فاتوره 1700 قالو لي لازم تدفعهاا الله ياخذهم صراحه فودافون الافضل على الاقل تحترم العميل و ما تستغله ولكم جزيل الشكر

[بوخالد911]

هالموضوع لم يتم تطبيقه فعليا

ولكن بعد 6 شهور

[qatari 111]

انا مرتاح مع كيوتل خدمة الباقه ممتازه ادفع 130 ريال كل شهر .. لاني مب من النوع اللي يهذر بالتلفون

[حيهور]

طبعا كيوتل الشركة الوطنية الرائدة

[المعنى88]

جربت الاثنين

يبقى كيوتل الافضل

عطنا السبب انه افضل حتى نستفيد

[المعنى88]

اغلب الي أعرفهم غير مرتاحين من فودافون

والسبب الشبكة السيئة

الشباب يدورون الجودة ومايدور الرخص
أنا مع اللي اشتكوا بالتقصير في خدمة الشبكة لكن المدير وعد باي تقصير بالحل
وفتح بابه لأي شكوى في الخدمة حسب كلامه بالجريدة ..... وانا دور على اللي تدفع له بالمعقول ولا تدفع بالمغصوب .

[المعنى88]

انا اشوف ان عملاء فودا هم الل بيحولون على كيوتل
حسب اللي شفته من ردة فعل ربعي عالقرار
انا ماجربت فودا ولا ابي اجرب لان مميزات فودا فقط داخ الدوحه اما برى الدوحه الشبكه الله بالخير
بانتظار دخول شركة اتصالات الاماراتيه على السوق :)
او شركة زين
بالعكس ياخوي شفت بعيني وانا ماشي على خط الحسا بالسعودية إرسال فودا فون لين ما بعدت عن الحدود 30 كيلو .... إرساله واصل في الشمال وفي دخان والوكرة وامسيعيد وما اشتكي من انقطاع الخدمة