بغيت شركه مقاولات

[الجوري]

ايش افضل شركه مقاولات ؟؟؟؟؟؟؟؟؟؟؟؟؟؟

[معماري قطري]

ايش افضل شركه مقاولات ؟؟؟؟؟؟؟؟؟؟؟؟؟؟


إخوي العزيز

أفضل شركة مقاولات هو شيء نسبي يختلف من وقت لوقت ومن شخص لشخص

وبعدين عندك فيه إجراء حكومي لتصنيف الشركات حسب تخصصاتها، والمفروض فيه موقع ينشر تصنيف هذي الشركات مع كل الملاحظات من حيث السلبيات والإيجابيات، ويفترض تقرير متكامل عن كل شركة مقاولات من حيث حجم العمالة وتخصصاتها ومن حيث عدد المشاريع اللي تسويهم الشركة في الوقت الحالي، ونبذه عن المشاريع المنجزة وتكلفتها وفترة إنجازها.

وهذي المعلومات سهل الحصول عليها وترتيبها والإستفادة منها المفروض تكون متاحة للكل حكومي وقطاع خاص،، مثلاً فيه شركات درجة أُولى في الطرق ورابعة في المباني، ورابعة مب معناها إنها تبني بيوت شعبية بس .. فيه حد معين لقيمة مشاريع البناء ما اذكره.

على العموم جرب سو بحث في الإنترنت وممكن تحصل تصنيفات منشورة أو ما لك الا أشغال أو التخطيط أو البلدية .. ما شاء الله تعددت الجهات وصرنا ضايعين بينهم.

[الجوري]

شاكره لك معماري على التوضيح

[مرحوم قطر]

هلا اختي الجوري

قوليلي انتي وش الي تبغينه بالضبط وانا ان شاء الله بفيدج

[شقران2]

شركة التطوير العمراني

بدون منازع

واسأل مجرب

[قطري قديم]

شيكي الخاص اختي .

[Chambray]

اخي الكريم
في هالامور الواحد يحتار صراحة

الافضل انك تاخذ كذا اسم شركة وتقارن بينهم
وتتصل حق اصحاب الفلل وتشوف آرائهم في هالمقاول ..
وتروح بنك التنميه تشوف عليه شكاوي ولا لا ..

والاهم من ذلك انك تحط لك استشاري يقعد له عظم في البلعوم عن اي خطأ يسويه
وبالتوفيق

[بومحمد55]

السلام عليكم

شيكي الخاص أختي

[معماري قطري]

وبعد مهم جداً إننا نسوي زيارات للشركات في مقر عملها ونشوف كم موظف عندهم ونتعرف على مدير الشركة، ونتناقش في ساعات العمل وفي أُمور البناء حتى نقدر نحكم .. زرت شركات وايد وبعضها حصلت فيها شخص واحد بس وإنسان جاهل حتى انجليزي ما يعرف ويدعي انه مهندس، وشركات محترمه فيها عدد موظفين وإداريين كبير فعرفت انهم شركات متمرسه في الشغل، ولاحظت إن الشركات الصغيره همها الربح الكبير أما الكبيره أوقات همها الشغل والعلاقات ويكتفون بالربح البسيط .. عن الشركات اللي سمعتهم طيبه مثلاً حسب معرفتي شركة حمد بن خالد بن حمد، وشركة سريع الكعبي وهذي ميزتها إدارتها قطرية وملاكها قطريين، وشركة حسنسكو، والعلي للمشاريع، وجي ال سي وهي شركة تابعة للشركة القطرية للعمارة، وطبعاً مدماك وحمد بن خالد من الشركات الكبرى بالإضافة الى الحين الدره وغيرهم مثل المانع، ودوم الواحد علشان يضمن شغل جيد وتخليص بسرعه يسوي عقد مفصل ورسومات متكامله ومناقصة عن طريق إستشاري، وهنيه ما انصح يكون إستشاري بالبركه، لكن لازم مختص وأمين، وحتى الإستشاري بيرشح عدد من المقاولين، ومهم إن الواحد يدرس المناقصه ويناقش 3 مقاولين فيها ويهتم ويحاول يخفض السعر عن طريق تعديل بعض المواصفات أو مفاوضة المقاول ودوم المقاول الشاطر يحط سعر ممكن ينزل اليه.

وبعدين شيء مهم تأكيد المقاول إنه بيسوي كل الشغلات واللي مب متخصص فيها يحدد من بيسويها مسبقاً حتى ما يصير أي خلاف في المستقبل، ولازم مواصفات وإذا ممكن حتى تسمية المواد والموردين علشان نضبط الجودة والمصنعية.