زحمة رهيبة بمحطة بترول الوجبة

[KING OF FISH]

السلام عليكم ورحمة الله وبركاتة
منذ فترة وليسة بالقصيرة وبعد أفتتاح عدة معاصر وكافيتريات ومطاعم أصبحت محطة بترول الوجبة فوضى عارمة كل من يقف لأخذ الشاي الكرك اللي فوق الرصيف واللي داخل محطة البترول يعني لو بتدخل أو بتدخلين خلوا بالكم جميعا من يستطيع تنظيم هذه العملية الله أعلم ارجوا من اصحاب القرار التدخل الله يحفظ الجميع .

[MAZEN37]

صحيح
ترا الوكاله تويوتا مسببه الزحمه

[العقل الحر]

المسبب الرئيسي للزحمه هو المطعمين الذين يقدمون الشاي

وبعدها وكاله التويوتا

[ريتويت]

المشكله ان من الصبح تلقون سيايير اللخويا واقفه يطلبون شاي كرك من كافتيريا وقت الشاي

[شموع قطريه]

هي جات على محطة الوجبة بس .. ماشفت المحطه اللي عند دوار مدماك اعتقد اسمها محطة المانع حاطين مكدونالد على مدخل المحطه ومدخل المحطه اصلا ضيق حق سيارة بس عاد شوف الزحمه على المدخل اللي يبي يصب بترول يضطر ينطر السيارات اللي واقفه تطلب علشان يدخل .. اصلا سالفة وجود المطاعم في محطات البترول كلها غلط مادري شلون المسؤولين وافقوا على هالفكره لو احترق مطعم لاقدر الله بتنفجر المحطه كلها باللي فيها ..

[KING OF FISH]

صحيح
ترا الوكاله تويوتا مسببه الزحمه

أشكرك عالرد فعلا نسيت وكالة التويوتا

[KING OF FISH]

المشكله ان من الصبح تلقون سيايير اللخويا واقفه يطلبون شاي كرك من كافتيريا وقت الشاي

شكرا على ردك وبعد الساعة خمس العصر شوف الزحمة صج ماتقدر تتحرك إلا بالغصب.

[Al-Kuwari]

الخلل من مالك المحطة نفسه

قبل تأجير اي محل لازم يعرف ايش النشاط ويوزع المحلات بشكل مناسب

مثلاً محطة البترول جنب مجمع الاند مارك مفتوح فيها وقت الشاي , كرك النعيمي , مغسلة سيارات , مطاعم , اي سي ديلكو , كيو تاير , رامز , الوسام , تقريبا كل الاماكن عليها زحمه غير طبيعيه وهالشي يسبب زحمة خيالية فالمحطة

[KING OF FISH]

هي جات على محطة الوجبة بس .. ماشفت المحطه اللي عند دوار مدماك اعتقد اسمها محطة المانع حاطين مكدونالد على مدخل المحطه ومدخل المحطه اصلا ضيق حق سيارة بس عاد شوف الزحمه على المدخل اللي يبي يصب بترول يضطر ينطر السيارات اللي واقفه تطلب علشان يدخل .. اصلا سالفة وجود المطاعم في محطات البترول كلها غلط مادري شلون المسؤولين وافقوا على هالفكره لو احترق مطعم لاقدر الله بتنفجر المحطه كلها باللي فيها ..

والله انت ياأستاذ أصبت فعلا أصلا غلط تنحط المطاعم داخل محطات البترول صحيح راح تصير كارثة إذا لاقدر الله صار حريق الله يستر بس احنا مانتعظ إلا إذا صارت كارثة .

[KING OF FISH]

الخلل من مالك المحطة نفسه

قبل تأجير اي محل لازم يعرف ايش النشاط ويوزع المحلات بشكل مناسب

مثلاً محطة البترول جنب مجمع الاند مارك مفتوح فيها وقت الشاي , كرك النعيمي , مغسلة سيارات , مطاعم , اي سي ديلكو , كيو تاير , رامز , الوسام , تقريبا كل الاماكن عليها زحمه غير طبيعيه وهالشي يسبب زحمة خيالية فالمحطة

مالك المحطة ومن لهم الصلاحية بإصدار الموافقات لكل هذه ألأنشطة في مكان واحد .

[الشامخ]

الزحمة كلها بسبب الكرك وياريت لويتسكر بنفتك من الزحمه،

[المبرمج صلاح]

محطة بترول الوجبة مشكلتها الرئيسية في مطاعم الكرك
مع العلم ان سيارات مركز صيانة تويوتا لم ارها خارج المركز ابدا ولا اعتقد انها سبب الازمة
وغالبا معظم مشاكل المحطات الاخري في هذه المطاعم
لو لا حظتم المحطات التي لا يوجد بها كرك او مطاعم لا يوجد بها زحمة

والله اعلم

[حفيد الأنصار]

الكرك = العدني
صح :con2:

[مرتبش]

محطة بترول بوهامور فيها كل المطاعم وقريبا اتوقع يكنسلون البترول ويستغلون المساحة ! لمطاعم اضافية

[naklan]

المشكلة من محلات الكرك ومن بعض الشباب قليل التربية للاسف :(
وفي كل المحطات نفس المشكلة اليوم في محطة طيبة واحد من المنكسين لعقال
سيارته بيكم جمس داش بالغلط ومسكر مخرج المحطة الوحيد وقاعد يشرب كرك :omg: ههههه
والعالم تصيح هرن وهو في غيبوبة من الكرك مادري الهندي شيحط لهم :eek5:
احنا في زمن قلت فيه التربية و الاخلاق غلط من داخل البيوت وندفع
ثمنه في الشارع ونتحمل سخافة وقلة تربية هالصعاليك :anger1:
منع محلات الكرك وابعادها من محطات البترول
امر ضروري

[الإكسير]

المشكله ان من الصبح تلقون سيايير اللخويا واقفه يطلبون شاي كرك من كافتيريا وقت الشاي

وين المشكله؟؟ حرام عليهم الكرك مساكين يأخذون الكرك ويحركون

[الموضوعي]

المشكلة ان محطات البترول خرجت عن الهدف الذي اقيمت من اجله

[كود نمبر]

الحل بسيط

المفروض يتم منع عمال المطعم من الخروج في الشارع لاستقبال و إيصال الطالبات
الي يبي كرك ولا يطلب شي اخر يصف موتره وينزل للمطعم ويطلب براحته
اما جالس في موتره والعامل يجيه لين محله أكيد بتصير زحمه
والمشكله يوقفون في نص الشارع ولما تدق عليه هرن يفتح الطريق مايرد عليك

اتمنى من إدارة المرور يشوفون حل في ها الموضوع

[بوخالد911]

الفال لمحطة بوهامور


بس باقي محل للكررررك

[الخفي]

عشوائيه وازدحام بدون داعي

الكل داش غلط واللي صاف غلط

واللي يوقف ويسكر على خلق الله

للاسف الهدف المادي خلا محطات البترول

تغرق في بحر من العشوائيه والمخالفات المروريه

وكل شي بصوب ومحلات الكرك بصوب

تسبب ازحام غير طبيعي

[Al-Kuwari]

المشكلة من محلات الكرك ومن بعض الشباب قليل التربية للاسف :(
وفي كل المحطات نفس المشكلة اليوم في محطة طيبة واحد من المنكسين لعقال
سيارته بيكم جمس داش بالغلط ومسكر مخرج المحطة الوحيد وقاعد يشرب كرك :omg: ههههه
والعالم تصيح هرن وهو في غيبوبة من الكرك مادري الهندي شيحط لهم :eek5:
احنا في زمن قلت فيه التربية و الاخلاق غلط من داخل البيوت وندفع
ثمنه في الشارع ونتحمل سخافة وقلة تربية هالصعاليك :anger1:
منع محلات الكرك وابعادها من محطات البترول
امر ضروري

محطه طيبه فيها محلات كرك ؟ ما اخبر

[البحار00]

محطه اللاندمارك كرهت أمرها

والسبب هالكرك

مايسوى علينا هالشاي الي كله كوليسترول

ناس واقفه في نص الشارع بس علشان هالشاي

وكله كوم والي يصير من بعض البنات الله يهديهم كوم ثاني

تروح تشرب كرك وسط مواتر الشباب اقسم بالله مصخرة تصير مابعدها مصخرة

[.خالد]

الكرك = العدني
صح :con2:
صحيح يالحربي هو العدني ،شكلك من السعودية .
بس العدني طعمة احلى بواجد ...

[خــطــافــ]

كلامك صحيح

محطات البترول صارت مثل البؤرة الاكثر خطرا على سكان المناطق السكنية

محطة بترول تحيط بها المنازل من كل جانب .. خطر والله خطر ..

محطة بوهامور مثلا .. من كثر الزحمة تم وضع حواجز بلاستيكية لحماية منطقة تزويد البترول من السيارات المكتظة بها السيارات .. محطة فيها ٣ مراكز لخدمة وكالات السيارات ..!!!

الموضوع حساس ولازم الجهات المختصة تلتفت لمثل هذي المحطات وتلزم ملاكها بتطبيق أدق تفاصيل ومعايير السلامة خصوصا المخارج ومدى انسيابيتها .. هذي محطة بترول .

[naklan]

محطه طيبه فيها محلات كرك ؟ ما اخبر

فيه مطعم هندي عند سبوي وعنده كرك :telephone:

[Rashid554]

سبحان الله بين هالموضوعين ..
هذا موضوع لاخ
http://qatarshares.com/vb/showthread.php?t=510203&highlight=%E3%CD%D8%C7%CA

وهالموضوع الحالي

http://qatarshares.com/vb/showthread.php?t=513489


واحد يقول ان المحطات تفتقر للخدمات والاخر يقول ان المحطة خدماتها مبالغ فيها :)

انا مع الموضوع الحالي وسبق رديت بان من الخطا وجود مطاعم وخدمات اضافيه في المحطات
المحطه من اسمها هي محطه = نقطة لتعبئة البترول والسلام عليكم
ولامانع من اضافه سوبرماركت يوفي بالغرض مثل سدره ويكون مأمن تأمين كامل
اما ماكدونالدز وكنتاكي وهارديز وكرك ومحلات تواير وسيديات اغاني وخياط حريم ومحلات تلفزيونات ... الخ
هذي اماكنها الشوارع التجاريه مو محطات البترول

[النهار]

المشكله ان من الصبح تلقون سيايير اللخويا واقفه يطلبون شاي كرك من كافتيريا وقت الشاي

عليهم بالعافيه

[الديرة]

أنا واحد كنت أعبي بترول من محطة الوجبة بس من الزحمة بسبب محل الكرك والبلشتيه اللي مسكرين الشارع قررت أعبي بترول من محطات وقود لأنها محطات حكومية وملتزمة بنظام السلامة وما عندهم طمع تجار المحطات الثانية اللي ماخذينها بالواسطة طبعاً .
يا مدير بلدية الريان ويا مدير المرور محل كرك معطل الدنيا والناس تشتكي وكم صايع موقف بسيارته معطل المرور وعمال المحل بصوانيهم يتخطرفون بين السيارات وأنتم ساكتين ، بس فالحين تطلعون في الجرايد سوينا وبنسوي وعملنا وفعلنا !!!!!!
اذا ما ضربتوا بيد من حديد على هذه المسخرة اللي تصير في محطات البترول والا الحال بيكون للأسواء لين تصير مصيبة وكارثة .
عقب أنا أول واحد بشهد ضدكم وعلى إهمالكم وعدم سماعكم للمواطنين الملتزمين .

[طلعة الروح]

أتمنى ان تنفتح مخوخ المسؤولين فالبلدية والجهات المسؤولة ويفهمون معنى وأهمية ان تكون محطة البترول في جهه بروحها
ومطاعم وقهاوي بجهه مختلفه...
مشكلتنا التقليد الأعمى للغير بدون دراسة.......
هالديرة بالذات مايصلح تجمع فيها عدة اشياء في مكان واحد لأن الزحمه والمشاكل اللي تصير الموطن والمقيم اللي ياكلها
وغير ان الشروط الأمنية الموجودة عندنا ما اعتقد (متعوب عليها) عشان يصير هالدمج الرهيب...

[ANONYMOUS]

كنت امر عليها الصبح أكررك ،، بس خلاص كرهت المكان من الزحمه

[مرتبش]

ليش لما يجيبون لهم الكرك يتمون جدام المحل يشربونه!
في تأمين على الكوب مثلا بيرجع لهم نص ريال؟

[شموع قطريه]

ياريت يشوفون محطات دبي ويستفيدون من تخطيطها الحضاري ..

المحطه في صوب وعلى الصوب الثاني مجمع مكيف يحتوي على عدة مطاعم جنب بعض واماكن جلوس للطعام ودورات مياه الله يعزكم ومصليات وسوبر ماركت .. مب محلات محذفه في كل صوب مغاسل ثياب على مكتبات على مطاعم على محل خضروات وفواكه على خياط حريمي على صيدلية على مطابخ شعبية قاصر بس يفتحون صالونات نسائية وحلاقين !!

[همر]

ياريت يشوفون محطات دبي ويستفيدون من تخطيطها الحضاري ..

المحطه في صوب وعلى الصوب الثاني مجمع مكيف يحتوي على عدة مطاعم جنب بعض واماكن جلوس للطعام ودورات مياه الله يعزكم ومصليات وسوبر ماركت .. مب محلات محذفه في كل صوب مغاسل ثياب على مكتبات على مطاعم على محل خضروات وفواكه على خياط حريمي على صيدلية على مطابخ شعبية قاصر بس يفتحون صالونات نسائية وحلاقين !!



موجود.. معظم المحطات فيها صالونات حلاقه..

محطة بترول طيبه مثلا.. معجنات وحلويات وحلاق وادوات صحيه وصب واي ومعصره ومعجنات كمان ومكتبه ومطعم ومعجنات للمره الثالثه وحلويات السويسريه وصيدليه وجمعيه ومكدونالدز وهارديز !!!

وقريبا جدا .. مول تجاري احذا المحطه.. والشارع داعوس رايح جاي وزحمه اولريدي...


وسمعوني اقوى صفقه للتخطيط الفنان :nice:

[MAZEN37]

موجود.. معظم المحطات فيها صالونات حلاقه..

محطة بترول طيبه مثلا.. معجنات وحلويات وحلاق وادوات صحيه وصب واي ومعصره ومعجنات كمان ومكتبه ومطعم ومعجنات للمره الثالثه وحلويات السويسريه وصيدليه وجمعيه ومكدونالدز وهارديز !!!

وقريبا جدا .. مول تجاري احذا المحطه.. والشارع داعوس رايح جاي وزحمه اولريدي...


وسمعوني اقوى صفقه للتخطيط الفنان :nice:


ههههه
لا تنسى المليون مطبه الموجوده علشان تكمل الزحمه

[همر]

ههههه
لا تنسى المليون مطبه الموجوده علشان تكمل الزحمه


هذا الله يسلمك لاننا نؤمن بان مشوار الالف ميل يبدأ بـ... مطبه !