قرميد

[ASK2]

السلام عليكم ورحمة الله وبركاته

صار لي كم يوم ادور قرميد اسباني في قطر ممكن تدلوني على محلات يجبون قرميد اسباني

انا كنت طالب من شركه وسحبت فلوسي عقب منهم بسبب التأخير ..!! اذا في حد يعرف محلات عندهم قرميد متوفر في قطر وجودته ممتازه يعطيني ارقامهم او اسامي المحلات ..

لان اللي حصلته في الدوحه الاسباني جودته مب لين اهناك مب بجودة اللي كنت طالبه او اللي ركبتهم قبل ...

والله يعطيكم العافيه جميع

[Chambray]

اعتقد بتحصل عند نابينا

[ASK2]

اخبر نابينا مريت عليه من كم سنه كان اللي عنده صراحه اي كلام جوده تعبانه جداً

بس بنمر وبنشوف ممكن عنده جديد

عموماً الله يعطيك العافيه

[نوت]

العمودي ,تيما ,رافكوا

[king999]

يالربع القرميد الازرق اللي في فندق اسباير حد يعرف عنة شي؟ نوعه او اسمه ؟

مع الاعتذار لصاحب الموضوع

[ASK2]

العمودي ,تيما ,رافكوا

الله يعطيك العافيه

بس الظاهر كل على الطلب

اما الموجود في السوق حالياً جوده تعبانه

الا الون الاصلي متوفر اما الملون النوعيه الجيده على الطلب ..

[ASK2]

يالربع القرميد الازرق اللي في فندق اسباير حد يعرف عنة شي؟ نوعه او اسمه ؟

مع الاعتذار لصاحب الموضوع

خــــــــــذ راحتك :)

[أسير الاسهم]

اذا مافي إسباني .. خذ سعودي .. انا جاني واحد قبل كم يوم يبي يركب قرميد وللحين ما اتفقت معاه .. قال السعودي كل الناس تركبه هو الأكثر طلب ... مادري صادق والا لا ؟

[Miss Merna]

رافكو والعمودي بس ماادري اذا عندهم ازرق

[A.L.I]

اعتقد بتحصل عند نابينا










:nice::nice::nice::nice::nice::nice:

[نوت]

يالربع القرميد الازرق اللي في فندق اسباير حد يعرف عنة شي؟ نوعه او اسمه ؟

مع الاعتذار لصاحب الموضوع

شفته عند العمودي

[ASK2]

اذا مافي إسباني .. خذ سعودي .. انا جاني واحد قبل كم يوم يبي يركب قرميد وللحين ما اتفقت معاه .. قال السعودي كل الناس تركبه هو الأكثر طلب ... مادري صادق والا لا ؟

السعودي جودته ضعيفه والمتر تقريباً 45 في ذي الحدود ومايجي ملون يجي الون العادي لون الطين

نابينا عنده ماليزي وبرتغالي ملون والاسباني لون الطين والملون عندهم لونين مادري ثلاث وجودتهم مب لين اهناك وسعرهم في حدود 130 ولون الطين تقريباً 70 الاسباني

رافكو والعمودي ايطالي واسعارهم حول الـ 180 جودته ممتازه بس الالوان مب كلها متوفره
متوفر الون العادي الطين طبعاً السعر حول 70

الاسباني ماراح تحصل ملون اذا تبي على الطلب او بتحصل جوداتهم ضعيفه

احسن شركه للقرميد الاسباني متوفر يجبونه الدوحه على الطلب هي la escandella

هذي الشركه جودته ممتازه جداً واشكاله احلى بوجهة نظري من اشكال الايطالي ..

اما السعودي جودته ضعيفه جداً وممكن تحصل ارخص من السعر اللي ذكرته وطبعاً وقت الشرى غير بس ترا العمودي حاول ترصه اشوي لان يضرب في الاسعار خصوصاً اذا كان الشاري قطري ..

[معماري قطري]

يالربع القرميد الازرق اللي في فندق اسباير حد يعرف عنة شي؟ نوعه او اسمه ؟

مع الاعتذار لصاحب الموضوع

هذا يجي ناعم ولماع انا خذت منه برتقالي قبل وطلع حلو .. إيطالي وكان عند العمودي بس الكلام من سبع سنين وللمشاريع الكبيرة يجيبون طلبيات خاصة أكيد وتكلف وايد .. انا يعجبني الملون ولا الفُخاري أتوقع يصلح لغبرة الدوحة لأن اللماع يمسك الغبار ويبين مب حلو الا إذا طق مطر يبين منور ويلمع .. ولا يحتاج تنظيف من وقت لوقت

والله يعينك على التركيب أغلب الموجودين صعبين وما يفهمون .. ولو عندك سطح مايل ملتقي مع جدار رأسي وبتحط عليه قرميد متموج خلهم يقصون الحافة اللي مع الحايط بزاوية حتى تركب سيده، والتركيب خله على خشب وشوف المورد خله يشرح طريقة التركيب للفورمان وبالتوفيق.

[اخصائي]

الازرق عند شركة النجمه وهذا رقمهم ٤٤٣٢٦٣٦٠