التعتيم التلقائي للسيارة !؟ حد جربه ؟ مابي مخالفة المرور

[==النور==]

السلام عليكم
الأخوة الاعزاء من جرررب التعتيم التلقائي
ناوي اركب على سيارتي // لكن متخوف من نقطتين
اولها : اخاف يكون بالليل الرؤية غير واضحة بالتالي خطر .
ثانيها : المرور داايم حظي يوقفوني وهل يعتبر مخالفة اذا كان الزجاج الأمامي بعزل 30 ٪ - مب عارف المسموح والممنوع
ابي عزل الحرارة اهم شي والاهم الروية واضحة مسااء

وجزيتتم خيرا

[الخفي]

بصراحه هالايام الواحد ماعاد يدري المسموح والغير مسموح والنسبه كم

قمت اشوف سيارات ضاربه مخفي كامل وبشكل ملفت

لكن انصحك تبي الراحه والسلامه من وجع الراس ركب ورا خلف الدريول

اي نسبه ان شاء الله 100% بس قدام لاتتجاوز ال 20% علشان

اولا الرؤيه تكون واضحه خاصه في الليل

وثانيا عشان الشرطه ووجع الراس والمخالفات

وبالنسبه للتعتيم التلقائي ماعندي علم عنه

بالتوفيق والله يعينا على حراره الشمس والصيف

[الزعفراني]

بالنسبة للعازل أصلا اللي بيركبه لسيارتك ما راح يسمح لك بأكثر من 20% لأن عندهم تعليمات من إدارة المرور وفي واحد من المحلات تسكر ودفعوه غرامه لأنه خالف هالشروط .

بالنسبة للمخفي مسموح للجامات اللي ورا اهم شي عندك تصريح في الاستمارة وعادي حتى لو 100 %

أنصحك تركب 20% للعازل لجامة السايق والعبري و 10% للجامه اللي قدام والجامه اللي ورا .

وفي شي لازم تنتبه له .. النسب ذي تختلف حسب نوع العازل ( فيه 3 أنواع العادي والسيراميك والجلاكسي )

وأيضا النسبة تختلف من محل إلى آخر .

يعني ممكن تلقى اللي نسبته 20% عند تاتينيوم = 10 % عند النهدي مثلاً .

بس عموما اللي بتركب عنده المفترض ينصحك ويعطيك الشي الصح اللي ما يتسبب لك في مخالفة وحسب نوع سيارتك .

وبالتوفيق ان شاء الله .

[MAZEN37]

كلامك صح يا زعفراني
المفروض ادارة المرور تقطع الشك باليقين بدال كل واحد قاعد يفتي من عنده

[بوجاسم566]

ياريـال

انا مركب على مواتري ورى ١٠٠ وقدام ٥٠

وبعض المواتر صار لهم ٣ سنين ولا حد وقفهم

بس سمعت ان المواتر الى عليها مخفي غامج ماتمشي في الفحص الفني

[MAZEN37]

ياريـال

انا مركب على مواتري ورى 100 وقدام 50

وبعض المواتر صار لهم 3 سنين ولا حد وقفهم

بس سمعت ان المواتر الى عليها مخفي غامج ماتمشي في الفحص الفني
عاد تصدق اخوي حاط مخفي من سنه ولا احد وقفه صار ابيض من العتمه

[هجمة مرتدة]

انا مركب عازل ومخفي 30% من 3 سنين ونص . .

ولا مره خالفوني مع أني شبه كل يومين أو ثلاث أيام امر على ثبوت . .

ركب وتوكل على الله الصيف جاي . .