ابي سياره لمدة شهر

[المحاميه]

السلام عليكم

بغيت سياره أأجرها لمدة شهر بس تكون حلوه (موديل 2010) وأبيها صالون.. لمدة شهر .. وابي اعرف السعر

ولحد يقولي شوفي المحلات لان شفت وماعندهم سياير <<< لاتعليق يعني :secret:

وشكرا

[رذاذ]

المحلات يطلبون يا بطاقة فيزا يا شيك .

وتامين اكثر السيارات ضد الغير.

امممممممم

[المحاميه]

انا بعطي عربون كاش للضمان .. شدعوه مب بايقه السياره ولا المبلغ ترا ..

[alwahesh]

نصيحه لوجه الله

لا تأجرين اي سياره من شخص غير معروف

يشهد علي الله اني شريت سياره من شخص والسياره كانت لمكتب تأجير سيارات فخمه او غاليه

وبعد كم يوم الى الاخوان كل يوم موقفيني وما يعرفون الا تعال معانا وهناك بتعرف كل شي

وبعد شهر من العذاب اكتشفت ان اخر واحد استأجر السياره وكان مركب وحده في السياره وسرق مجموعة جوالات بحجة انه براويهم لزوجته الي جالسه في السياره

وحاسبي بعد من المخالفات وخاصه من قطع الاشاره 6000 ريال و 7 نقاط

انصح بالتعامل مع الشركات المعروفه مثل المفتاح - بدجت - هيرتز - سترونج - والفردان واي شركة كبيره

اللهم بلغت .؟.....

[jassas]

ادخلي موقع قطر سيل قسم التاجير ودوري السيارة اللي بخاطرج والسعر اللي يناسبج

وشركة فكتوريا موقعهم في المطار خلف المول اسعارهم معقولة نوعا ما وسيارات حديثه

بالتوفيق

[الحـ(درب)ـب]

انا بعطي عربون كاش للضمان .. شدعوه مب بايقه السياره ولا المبلغ ترا ..

انا كان عندي مكتب تأجير سيارات ( قبل 5 اسنين )

بصراحة تعبت من المحل

مدخولة حلو بس بنفس الوقت تكره نفسك مع القضايا والمحاكم
هذاك داعم وهو سكران
والثاني صايدة رادار اشارة
والثالث مطلوب للتحريات

وهلم جرة

بصراحة المكتب يحتار مع مين يتعامل او من زبائن
ونقول يارب تجي شركة وتأجر فترات طويله وعلى مسؤوليتها

ولكن الحل بضمان شيك مفتوح او مبلغ كاش ولا تلمون اصحاب اجار السيارات

انا كنت ازعل واعصب لما اأجر موتر بس عقب عرفت انهم معذورين

سوري داش عرض

[المبرمج صلاح]

http://islam.makcdn.com/image3033_500_361/500X361.jpg
بالتوفيق ان شاء الله

[بوحسن 779]

أنا عندي محل تأجير للسيارات من ١٨ سنة وصدق في مشاكل ولكن صار لي زبائن ومب كل الناس نفس الشي ونصيحه لكل الاخوان لا تظلم نفسك بالحكم على الاخرين من تجربة وحده

[سفير الدوحة]

في فموقع قطر سيل قسم تاجير السيارات بالصور و الموديلات