الشكوى لغير الله مذله

[فارس بلا جواد]

السلام عليكم ورحمة الله تعالى وبركاته

اخواني واخواتي الاعزاء

اسعد الله صباحكم بكل خير وبركه

الحقيقه عنوان الموضوع غريب نوعا ما

كنت مع احد الموظفين الي توهم متخرجين من ثالث ثانوي وماله نيه يكمل تعليمه

رغم الخير الي عايش فيه وما عليه قاصر .... لما تعرفت عليه عن كثب وتعمقت

في حياته الخاصه ... حصلته يشتكي من سؤ الوضع المالي الي عايشه رغم انه كل سنتين

ثلاث سياره فوريل كروزر وسفره كل سنه ... قلت له من وين لك هلفلوس ؟

وليش دايمن تشتكي ؟

يقول الله يسلم البنوك لو مب هي كان ما تسلفنا وعشنا حياتنا

سبحان الله

الحين الي متخرج من الثانويه العامه وشاب في مقتبل العمر وماعليه ديون

ايش الي يخليه ويجبره انه يروح البنك وياخذ سلفه ؟

الموقف صار امامي كان يكلم البنك ويسئلهم هل السلفه انزلت في حسابه ولا لا ؟

سئلته ليش تاخذ سلفه ثانيه ؟

قال ياخي فكرت اتزوج خبرك العرس مصاريف و و الخ الخ

بعدها بكم شهر اتصل فيني وقال تامرني على حاجه انا مسافر مع الربع !!

قلت له زين والعرس شسويت فيه ؟

قال ياريال مافي نصيب

المهم مرات الايام والشهور

رجع يشتكي لي مره ثانيه من سؤ الوضع المادي وانه الدوله مقصره معاه

ومسؤله في الشغل ما يعطيه تقييم زين

الولد عنده طموح

وبنفس الوقت احصله مش متواجد في مكتبه

تسييب

قلت له انتبه على نفسك وخل عنك السلف وابدا حياتك من جديد انت توك صغير

والعمر قدامك

انتو شرايكم في الي صار يا جماعة الخير ؟

وما هي الحلول لمثل هذه المشاكل ؟

دعوه للمشاركه

وتقبلوا خالص تحياتي العطرة

اخوكم الصغير

فارس بلا جواد

[ريتويت]

لا تعليق...

الله يهديه ويهدي الي نفس حالته

[فارس بلا جواد]

اللهم امين !!

[يوسف الحمادي]

اشكرك اخي الكريم على الموضوع

واين الجديد ؟ غالبية الشباب في قطر هذا تفكيرهم ومن وجهة نظري الدولة تتحمل جزء كبير من المسؤولية لعدة اسباب على سبيل المثال لا الحصر
1-عدم وجود اماكن كافية لإحتواء الشباب من الفراغ
2- عدم تشجيع المواطنين على الدراسة بل لايكتفون بوضع العقبات تلو العقبات لعرقلة التطوير التعليمي وانشغالهم ب مشاريع تعليمية ليس لها صلة بارض الواقع وفي ظل مستوى الطلاب التي يتم تخريجهم من المدارس إلا في (الديكور والدعاية العالمية )
3-انعدام الإحساس بالمسؤولية من قبل شبابنا
4-اهتمام جميع الشباب بالمظهر بشكل جنوني وغير مبرر


تقبل تحياتي

[طلعة الروح]

العيب منا وفينا لما تكون الديون عشوائية وغير مدروسة وبعدين يقعد الواحد يشتكي ويلوم ويقط
ديونه يا على عائلته يا على الدولة
مع احترامي لرفيجك مافي مشكلة عشان تكون في حلول
محد اضربه على يده عشان يستلف ويسافر ويستانس وعقب بكل وقاحه يقول عندي مشكله..

[الخزرجي قطر]

الله يهديه ويفكر بعقل خاصة انه في مقتبل العمر
لايتعود على سلف البنوك سهل الحصول عليها صعب سدادها

[intesar]

هذا تفكير أغلب أهل قطر.. سواء شباب ولا شيبان.. يعني عزوبية ولا عوائل..
اللي ما عنده سيارة كروزر.. موقطري
اللي مو بيدها ساعة رولكس.. موقطرية
كماليات.. تلفت عقول مواطنينا.. من البذخ والرفاهية اللي عايشينها بالأخص على السنوات الأخيرة الماضية..
أتسلف ولا أبيع اللي حليتي من الذهب حتى أستمتع لي يومين.. بوفلان مو أحسن مني.. وفلانة المنتفة تسافر وأنا لا..

النظر لما في يد الغير.. هي السبب الأول..
عدم شكر الله والقناعة بما في اليد..
عدم تقبل النفس والقناعات الشخصية..

يا أخوان ويا أخوات عيشوا حياتكم وارسموها.. بالطريقة اللي توافق مستواكم.. مو مستوى الناس..

أما عن الأخ اللي عايش بلا طموح.. اللي عايش على المثل الفاشل.. (اصرف ما في الجيب يأتيك ما في الغيب).. ما أدري إذا المثل صحيح ولا لا.. فلا تعليق.. لان حالته ميؤوس منها.. يبغيله علاج طويل.. أو يطيح بمطب كبير حتى يصحى..

يا أخي عن ايش ولا ايش بنتكلم.. هذا الموضوع يبغيله توعية.. ياريت لو صحفنا تخصص لها ملحق عن السفر والصيف.. وتبين المشاكل.. يمكن ناس توعى وتتدارك الأخطاء..

ودمتم بحفظ الرحمن..

[بوحمد111]

الله يهديه ويهدي الشباب الي في نفس حالته وامنيتي له ان يبدأ حياته من جديد ويخطط لخمس سنين ويجدد المخطط كل سنه ان الله اعطاه عمر

والله قادر على كل شي

[فارس بلا جواد]

طيب يا اخواني ويا اخواتي الاعزاء

هل للأسرة دور في توعية أبنائها بمخاطر السلف والبذخ والترف الي ماله داعي ؟

ام نكتفي بالاعلام ؟

الي كل يوم والثاني ينزل اعلانات اغرائيه تخلي الي ما يشتري يتفرج

[الصغيره]

اغلبيه الموظفين عندهم سلف

الله يرزقهم الرزق الحلال

بس ليه الموظفين ما يعطون فرصه من اداراتهم ووزاراتهم يكملون تعليمهم وتتحسن احوالهم الماليه

[فارس بلا جواد]

مساء الخير بتوقيتنا

والله يبعد الحزن عنكم يارب

انا موضوعي واضح

انا اتكلم عن الفئة الشبابيه الي بدو حياتهم غلط

احنا نبحث عن الاسباب والحلول

مش بس مجرد موضوع نكتبه في المنتديات وخلاص

اما بالنسبة للإدارات وليش انهم ما يعطونهم منح دراسيه وتطوير الخ الخ

فهذا موضوع اخر

سنتطرق اليه فيما بعد

وفقكم الله لما يحبه ويرضاه

[النهار]

توجد نماذج كثيره من نفس النوعيه
اعرف واحد خلص الثانويه واشتغل من سلف الي سلف يشتري سياره بالاقساط ويحررها في المرور ويبعها بخساره بس يبغي يمسك كاش في يده ابوه زوجه علشان يعقل عنده الحين 3 اولاد وزجته طالبه الخلع وابوه وعمه تبرؤ منه اطلعت ارض حكوميه باعها عن طريق المحامي كل اسبوع سفره ويأخذ حاشيه معاه على حسابه حاولت انصحه مافي فايده يقول ان شاءالله ويقعد يصيح ويرد على الوضع القديم ماخلى حد ماتسلف منه شكاوي في الشرطه شيكات بدون رصيد هو الحين ممنوع من السفر ديوانه الحين حوالي 4 ملاين ريال والبنوك ماترحم المعاش بالكامل رايح لسداد ديونه حسب كلامه يقول جدولت ديوني 25 سنه سألته انت كم 25 سنه في عمرك يقعد يصيح ابوي مانصحني اشلون ابوك مانصحك مره جاي يقول لي تصدق اني طلعت 6 سيارات من الوكاله خلال سنه ماحد سواها قبلي قلت وينهم اشوف عندك الحين سيارة اجار ومو قادر تدفع قيمة الاجار للمكتب

[أخت الكل]

هذا حال غالبية شبابنا الله يهديهم ما همهم الا المظاهر وما يعرفون يخططون

وله اسباب كثيرة أهمها التربية وقلة الوعي وسطحية التفكير

اعرف عايلة اول ما يتوظف ولدهم يدبسونه بقرض شراء أرض

[فارس بلا جواد]

والله حرام الي قاعد يصير يا جماعة الخير

اربي ولدي واخليه يتعلم ويدرس

واول ما يشتغل استغله ؟

ايش هذي القلوب ؟

اعوذ بالله

اخوي نهار النصح والارشاد

والتربيه من الصغر كالنقش على الحجر

احنا ما نعطي عيالنا مع الاسف الثقه في النفس

احنا عندنا كله ما يعرف شي توه صغير

والله ياخوي اعرف ريال ربى عياله احسن تربيه بالمشاركه مع زوجته الي

هي ام عياله ..... مره سئلتهم الوالده ليش ما تخلين ولدج يتزوج بعد ما

وصل للمستوى التعليمي والوظيفي الي تبغينه ؟

تدري ايش ردت ؟

قالت انا ابي يعتمد على نفسه وانه النعمه الي هو فيها زواله

بكره لا قدر الله اذا صار شي ولا شي من الي بينفعه ؟

او كما قال الصاحبي الجليل عمر بن الخطاب رضي الله عنه وارضاه

اخشوشنو فإن النعم لا تدوم

الخشونه مطلوبه لمواجهة الحياة الصعبة

وفقكم الله لما فيه الخير

[النهار]

هذا حال غالبية شبابنا الله يهديهم ما همهم الا المظاهر وما يعرفون يخططون

وله اسباب كثيرة أهمها التربية وقلة الوعي وسطحية التفكير

اعرف عايلة اول ما يتوظف ولدهم يدبسونه بقرض شراء أرض

ياريت كل العوائل مثل هذه العائله بدل مايشتري حديد ويضيع فلوسه في السفرات
الارض والعقار احسن استثمار

[بوالبيض]

الدوله صح ما تقصر ابد في كل شي بس في شي اسمه
ابتعاث دوره خارجيه دوره محليه دوره انجليزي للخارج
لزم لابد من قوانين صارمه علي البنوك من ناحيه الاقتراض الشخصي
في اشياء وايد لابد من الدوله تحرص عليها ولا مشكله شاب توه شغال
ومعاش فوق 20 الف اكيد يبي يشتري ويلعب وياخذ سلف ويركب احسن
السيارات ويكشخ وهي بعد اذ ما في رقابه من البيت داهيه كبيره ولا احد ينصحه من الربع
الله يحفظ الجميع يارب