استسفار بخصوص فيزا سويسرا والشنغن ذات الأحرف!

[IPOD]

السلام عليكم ورحمة الله

ما اطيل عليكم انا اعلم ان زيارة سويسرا ممكن ان تتم عبر فيزة الشنغن ولكن الي اعرفة ان فيزة الشنغن تنكتب شنغن عليها ولكن هالمرة جاتني بحروف الدول الاوروبية وهي كالتي
(fr-it-lu-es-be-at-de-ch-nl-gr)

هل هاذي الفيزا تخولني لدخول سويسرا ؟!

[bo_besht]

لو اتصور فيزتك وغط اسمك وحطها احسن

[فـــــواز]

اذا خليجي مايحتاج فيزا لسويسرا
واذا عربي تأكد من انك تفيز جوازك في اقرب سفاره سويسري هـ

[eXpert*]

السلام عليكم ورحمة الله

ما اطيل عليكم انا اعلم ان زيارة سويسرا ممكن ان تتم عبر فيزة الشنغن ولكن الي اعرفة ان فيزة الشنغن تنكتب شنغن عليها ولكن هالمرة جاتني بحروف الدول الاوروبية وهي كالتي
(fr-it-lu-es-be-at-de-ch-nl-gr)

هل هاذي الفيزا تخولني لدخول سويسرا ؟!

إذا ماخاب ظنيّ هذا رمز سويسرا.

[بن غيث]

إذا ماخاب ظنيّ هذا رمز سويسرا.
صحيح :nice:
http://www.eda.admin.ch/eda/en/home/doc/publi/ptrali.html

[قطريه ماركه]

ان شاء الله الاخوان يفيدونك ...

[دي دي]

ممكن اعرف معنى الرمز في الشنغن-sw في اعلى الصفحة ..
ولكم جزيل الشكر

[طير شلوى]

لقطري ماعليه فيزا لسويسرا. صج ؟؟؟؟؟؟؟

[حالي الذوق]

ياريت حد يأكد لنا المعلومه بخصوص الفيزا لسويسرا

[Gentleman]

ما أدري الأخ اللي يقول الخليجي ما يحتاج فيزا من وين جايب الكلام. أنا تأكدت من هالكلام قبل السفر وطلع غلط.

أنا قطري ورحت سويسرا شهر 7
قبل السفر اتصلت بالسفارة السويسرية في الكويت وقالوا لي لازم فيزا شينقين وإذا أول دولة تنزل فيها هي سويسرا أحسن إذا الفيزا تكون من السفارة السويسرية. فطرشت الجوازات للسفارة السويسرية في الكويت بالدي إتش إل ورجعت بعد حوالي 10 أيام.

إذا طلّعت الفيزا من أي سفارة ثانية يمكن يمشي الحال بس يمكن الشخص ينسئل في سويسرا ليش ماخذ من سفارة ثانية وجاي سويسرا (على حسب كلام السفارة السويسرية في الكويت) ويمكن ما ينسئل وأموره تمشي. يعني اللي يحب يكون في السيف سايد ياخذ فيزا شينقين من السفارة السويسرية إذا وجهته الأولى هي سويسرا.

على فكرة سويسرا ليست من دول الاتحاد الأوروبي ولكنها تقبل بدأت تقبل الشينقين فيزا مؤخراً.

نعم ch هي رمز سويسرا.

بالتوفيق إن شاء الله.

[Gentleman]

للتأكد، أرقام السفارة السويسرية في الكويت:

0096525340172
0096525340173
0096525340174
0096525340175

الموقع الرسمي:

http://www.eda.admin.ch/kuwait

[halcrow]

اخوي جنتل مان ليش هالتعقيد والدي اتش والكويت. من الي نصحك هالنصيحه ......... الله يهديك انا خليت مندوب سفريات يخلصني وبس قلت له رايح اوربا وخليته ع كيفه يختار السفاره الاسرع وهو خلصها في السفاره الالمانيه وبالكثير اربع ايام والجوازات خالصه ووجهتي اصلا كانت سويسرا .... سافرت ورجعت ولاحد قالي سين ولاجيم

[Gentleman]

اخوي جنتل مان ليش هالتعقيد والدي اتش والكويت. من الي نصحك هالنصيحه ......... الله يهديك انا خليت مندوب سفريات يخلصني وبس قلت له رايح اوربا وخليته ع كيفه يختار السفاره الاسرع وهو خلصها في السفاره الالمانيه وبالكثير اربع ايام والجوازات خالصه ووجهتي اصلا كانت سويسرا .... سافرت ورجعت ولاحد قالي سين ولاجيم

الشيخ اتصل في السفارة السويسرية وهم بيقولون لك إنه في احتمال للمسائلة في المطار عن سبب استخراج الفيزا من دولة أخرى، وفي نظري إذا فيه احتمال حتى لو واحد في المليون أحسن إذا تتعب شوي وتلغي هالاحتمال. ما يسوى على الواحد يتبهدل مع زوجته وعياله الصغار في المطار.
وعلى فكرة السفارات الأوروبية بدأت تاخذ بصمة من 1 أكتوبر يعني سالفة المندوب انساها. عندنا في الشغل واحد جزائري ولده رجعوه من مطار باريس لأنه مطلع فيزا شينغين (لكل الدول) من ألمانيا. كلامك صح بس لو انطبق عليك الاحتمال الصغير راح تاكلها خصوصاً لو معاك الأهل. وبعدين أخوي ممكن تتصل في السفارة السويسرية بنفسك وتتأكد (الدقيقة بريال). لا تنصح الناس نصائح خاطئة يمكن يتبهدلون من وراها.

[Chambray]

اكثر من 9 مرات انزل مطار جنيف بفيزتي الفرنسية . والامور عاديه وطبيعيه جداً ..

[ذايق الويل]

مافي مشاكل دام الشنقن موجوده تدخل اي دوله عادي واذا اتصلت السفاره شي طبيعي بيقولن هالكلام ان لازم تدخل الدوله الي اصدرت منها الفيزا

بس عادي انا خذت الفيزا من السفاره الالمانيه ورحت زيورخ ولا حد كلمني