هل تركيا تصلح للاطفال

[بونواف2011]

السلام عليكم ورحمة الله وبركاته
ناوي اروح تركيا في اجازة العيد ومتردد لان معاي 4 اطفال اعمارهم 9 و7و5و1
وحاب اعرف هل في مدن ملاهي وحديقه حيوان واماكن تصلح للاطفال كما ماليزيا وتايلاند ودبي

[محمد الجفيري]

up up up

بالتوفيق يا رب

[Dana’1]

بنتي استانست فيها مع ان مو كل يوم العاب:)
...فيها ملاهي بحديقة خارجية كبيرة بس في مدينة بورصة اسمها لونا بارك
وفي فرع لها باسطنبول لكن كأنها اصغر بكثير من الي ببورصة،،،وكانت مغلقة ما اعرف اذا فتحوها او لا
وفيها ملاهي داخلية بمجمع جواهر
وفيها بعض... الحدايق العامة... مثل هالحديقة
http://www.e-mailaat.com/news.php?action=show&id=5447
رحلات البسفور البحرية
فية حديقة مائية بس تبعد عن استنبول حول ٣٥ كم تقريبا يمدحونها بالنت بس ما شفتها بصراحة
اما حديقة حيوان ما عندي فكرة

عموما تركيا بلاد اثار ومتاحف واسواق من الطراز الاول ومتاحفها فيها حدايق منتشرة فيها الجلسات والمقاهي وبعض الحدايق الي جانب اللقصور الاثرية فيهاحناتير يستانسون عليها الاطفال:)

بس بصراحة ماهي مثل ماليزيا ،،، عائلة اكثر وحدايقها اكثر بصراحة

وومكن باقي الاعضاء يفيدونك

[abdo222]

مم واحد من الربع اخذوا وياهم بنتهم (سنتين) واستانست ويا الطيور في منطقه تقسيم , والمدينه المائيه بس,,

بس باقي الاماكن (البسفور - و بورصه - وشارع الاستقلال - و الاماكن الاثريه) تعتبر اهي مركز اسطنبول,,

يمكن حد من الاعضاء يفيدونك اكثر,, بالتوفيق

[NINA RICCI]

مانصح ان اصغر طفل يروح وياكم ..

لاني اخر مره وديت ولدي معانا عمره سنه ونص بسسس تعبنا وايد وياه خاااصه في تنقلات الجاري وشيل وحط وغييير اكله الله يحفظه كنا نحاتيه بس عشان نلقى له شي مهروس يقدر ياكله وكل ساعتين طبعا تبديل :(
حلاتها تروحون خفاف بتسهل عليكم تنقلاتكم والشوبينغ بيكون احلى ..
هاي نصيحتتتتتي

[ضوى]

الياهل بالسفر متعب بس طفل واحد مع وجود اخوان كبار والام والاب ماهي مشكلة ابدا ، فديت بنتي وديتها دبي وعمرها سبع شهور صج ونستنا فديتها ، كنت اسوي اكلها بالفندق واحطه في الحرارة ونطلع من الظهر ولا نرد الا بالليل متاخر وكانت تنام وتقعد وتاكل وتشرب وترد تنام بعربتها ولا حسينا فيها :)

[doha2012]

,






توكل على الله وودهم كلهم , تركيا حلوه وجوها حلو وبيستانسون معكم ان شاء الله

ماشاء الله كلهم اكبار ماعدا الصغير مامنه تعب ,









الله يحفظهم ,








بالتوفيق ان شاء الله ,









,

[Qatarina]

بما ان البلاد فيها حدائق اكيد تصلح

الاهم ((( الترتيب والتنظيييييييييم و وضع جدول لهم ))) وبتستانسون ان شاء الله

[رجوان]

لا ماتصلح للياهال كللللللللللللللللللللللللش

[intesar]

تصلح لليهال.. ليش ما تصلح.. فيها كل شيء.. وحلوة..
وفي أمر آخر.. يعني الطفل حتى لو عمره شهور.. حرام ينترك..

أنقهر لما أشوف ناس تسافر وتترك عيالها بالدوحة لصغر سنهم.. خلهم يستانسون..

[ماجد البدر]

تبي ملاهي و العاب على مستوى عالي ووناسه للاطفال في انطاليا ولكن الاجواء حاره الى معتدله ممكن في الليل الجو فيه بروده وقد لايكون

المدن الشماليه العاب بسيطه ولكن براد وجو روعه

مدينة سامسون حدائق رائعه وكورنيش قمة في الروعه والعاب الحدائق مجانيه الدوارف و الزحلاقيات و اتل فريك يوصلك للمطاعم بليرة و نصف الليره جيد للي اول مره يروح
لانها ساحليه ماتضمن الاجواء قد تميل للحرارة في النهار
بورصة يمدحونها و يمدخون جوها الاالعاب الي فيها وحديقة الحيوان بس ماشفت منها شي
اسطنبول فيها مني تورك حديقة مصغرة لتركيا
حوض الاسماك في اسطنبول اكواريوم روعه لم اشاهده ولكن قراءت عنه كثيرا وضعته في مخطط رحلتي القادمة ان شاء الله

[مهرة]

تركيا بلد جميلة وتنفع حق الرحلات العائلية وان شاءالله تروحون وتستانسوون وبتتذكرووون كل الذكريات الحلوة بتركيا ..

نصيحة البيبي بو سنه الله يحفظة يفضل مايروح وياكم وااااايد بتتعبووون .. الله يخليلكم عيالكم ويحفظهم يارب

انا بنوتي انطر عليها اتكمل 4 سنين عشان اوديها ديزني اذا الله كتب من هالعمر ورايح ممكن يسافرووون ..