و بالوالدين احساانا ... انتبهوا ...

[mariamaziz]

اخواني و خواتي ...

ندااء عاجل لكل انسان شغلته حياته و أفكاره و بيته و عياله و أعماله و تجارته و سفراته عن أمه و أبوه ...

ياما فالبيوت أمهات كبار جالسين بروحهم لا ونيس و لا ولد و لا بنت حولهم

و ياما شياب كبار محرومين من شوفة عيالهم ..

اتقوا الله في والديكم .. اجعلوا لهم جزء و لو بسيط من برنامجكم اليومي .. على الأقل ساعة من 24 ساعة .. و اذا ما قدرنا نشوفهم على الأقل تلفون نتصل فيهم و نكلمهم بشكل يومي ..

لا تقاطعونهم ...

أستغرب و الله العظيم من زوجات يحرمون أزواجهم من بر الوالدين و طاعتهم
و أستغرب من أزواج يحرمون حريمهم من زوارة أهاليهم ..

الله و أكبر الانسان يدور الخير و صلة الرحم ..و خصوصا الوالدين

و لا تنسون ان عقوق الوالدين رب العالمين جعل العقاب فيه فالدنيا و الاخرة .

و بر الوالدين دين مردود .. دين مردود .. دين مردود فالدنيا و الآخرة

و اللي تسويه في أبوك و أمك بكره عيالك بيسوونه فيك .. هذا غير عقاب الله فالاخرة ..

اللي يبي السعادة و الفرح و الرزق و راحة البال عليه ببر والدينه ... والله العظيم اني مجربة هالشي .. و الحمدلله ربي موفقني دايما ..

أتمنى حد يقرا كلامي و يستفيد منه و يغير نفسه ..

الله يوفقكم جميعا ..


اختكم مريم

[أخت الكل]

الله يجزيك كل الخير على الكلام الطيب والتذكير

[بوحمد111]

جزاك الله خير اختي مريم والله يكثر من امثالك

[مستر راشد]

الله يكثر من امثالك

[فارس بلا جواد]

السلام عليكم وصبحكم الله بالخير

الله يا محلا بر الوالدين

لما تراضيهم وما تخلي شي في خاطرهم

تتعب على راحتهم

وتصبر عليهم

انا اعرف شباب هدانا الله واياهم .... يبر والديه وكل حاجه في السليم

بس ما يستمع لهم وماله اي بارض انه يسمعهم ويسولف معاهم

ويطيب بخاطرهم ويقضي حاجتهم

انت كل املهم في الدنيا فا لا تخذلهم بالتأفف منهم

بر الوالدين مش فلوس تعطيهم وتمشي وتسئل عن احوالهم كل شوي

لا اذا ما تخاوي والديك وتخليهم مثل اصدقائك وتصبر عليهم ولا راحت عليك

موضوع وايد حلو

كثر الله من امثالج اختي ونفع بك الله الاسلام والمسلمين .